Nejirvan Barzani hawile l’qoyto cam James Jeffrey

U rişono du qlimo d’Kurdistan du Iraq Nejirvan Barzani bi itawto dhawiwole camu mathlono du rişono d’Amerika Jems Jaffry drışle a şuşote du Iraq u d’Suriya u kalın cali mhaydonutho da Kurdoye d’Suriya.

 Bi mawdconutho d’hule Barzani bıthır mi itawto mırle gıdmahıtno u hayleydi laşan dımhayadno a gabe da kurdoye d’Suriya camhdode.

Athmıl u mathlono d’Amerika James  Jaffry wu rişono du qlimo d’Kurdistan du İraq Nejirvan Barzani laqın bıhdode b’Erbil u drışlın a qatre dkito bu Iraq u b’Suriya. Bi itawtatathe atre gabe drışlın a şuşote haroye d’Suriya, wu qedomo da hayle emwothoye lu şroyo du qatro d’Suriya.

Bu mamlo dsımle Barzani mırle gımdawamno bu fulhono dmamteno a tarafe da kurdoye dkıtne b’Suriya lıhdode, wu ono gıdsonadno kul dawse dkomcawno i hdoyutho da kurdoye laşan dmotın lı darğo celoyo u dhowelın ctidutho tawto b’Suriya.

Bi sbuthathe kmahwe umathlono d’Amerika tlıble me Barzani dhowe sanodo bi hdoyutho da kurdoye, hathe krımzo d’Amerika kıtla tahrazto mşahlafto cal Suriya dkıbco howela hayla qawyo b’Suriya. Dakbar Amerika kıbco fnitho hreto dkıtyo şritho xdu qlimo d’Kurdistan du Iraq b’Suriya.