Qoyumo Çelik mofaqle kıthowo hatho

U qoyumo şaryo du cameydan bu parlamento d’Turkiya Tuma Çelik frısle kthowo hatho dıkmahke ebe calu rkowo du cameydan ba qıryawotho d’Turabdin u hedora wu mın yortutho trelın bıthraye u aydarbo maxlın ma dukothathe.

U Kthowano dmahıt ışme i Mşatsonutho da Suryoye b’Turabdin, fris lu zebono.

U kthowano dkıtyo 184 dafe khobış bgawe u mınyono du camo Suryoyo wi mşatsonutho du cameydan ba qıryawotho d’Turcabdin u hedora u be bzabno u qoyumo kmahke ayadrbo a qıryawothani rakiwi u mane dı rakiwi bınne u bıthır aydarbo maxlın me hın ma comurathe, u ucdo mın fayış ma athare da suryoye bınne.

U qoyumo bu kthowano kmahke ste mın athi brşe da Suryoye dkıtwene ba qıryawotho u mdinotho xıd mathlo hasno d’Kifo Karcoz Merde u xeyr. U kthowo dı mahtale ışme i mşatsonutho da Suryoye b’Turcabdin kmahke calu rkowo da Suryoye u aydarbo u qlimo xali ma Suryoye u mın trelın bıthraye xıd mathlo citawotho dayre u bınyono maktbzabnoye.