03/04/2021

Qoyumo Gergerlioğlu msik mu polis u sim cnufyo acle

U polis Turkoyo, sımle cuqobe calu bayto du qyomu du gabo Demoqratoyo da Came Ömer Faruk Gergerlioğlu, u msıkle naqla hreto.

U abro du qoyumo-Salıh Gergerlioğlu b’qaşyutho krıhle u cnufyo dmaşele u polis Turkoyo, dlo trele u babo hatta d’lowış a msonayde.

U gabo d’AKP kımdawım bu dyoşayde dcala zedqe noşoye b’Turkiya. Ömer Faruk Gergerlioğlu, bu hboso ubu cnufyo dmıstacmele athmıl u polis Turkoyo acle, griş mu baytayde u mahıt naqla hreto bu hbuşyo. U msokano athi lu huwyo, bu cuqobo casyo dsımle u polis calu baytayde.

Bi maqırhonutho dhuwle u abro-Salıh Gergerlioğlu m’akadle, du polis lo huwle aftho lu babo hatta d’lowış a msonayde u grışle bi zorriye mu bayto. Ömer Farus Gergerlioğlu dkıtyo u qoyumo d’Kocaeli b’HDP, midowa i hasinuthayde 17 bu yarho d’şafıcina.

A mşale Turkoye mbayanwolın siqumo d’10 yawme, dıklozım u qoyumo dızze lu qentrun da powelıs, elo Gergerlioğlu rfıdwole u fusqonano ubu mamlo dsımwole b’froshezwo mırwole; Gıdothe yawmo, gıdmıhthomi a rdufyani. Kmisım hçome calu sabro dkito lu şlomo u ono kmıhkamno, cal dıkmıjğalno i şrorutho u dıkm’athalno u camo wu neshonayde. Ono gıdmdawamno dobeno ağono mqabıl da dyoşani dkowın.

Check Also

Adam Schiff tlıble me Biden dmawde bu qtolğenso da 1915

B’egartho ftıhto dımşadarle u hadomo di kongre d’Amerika dkıtyo mu gabo da Demoqratoye mi …