Qoyumo Paylan mqadamle rmoyto cali haqara dsımle Erdoğan dmırwole Gawur

U qoyumo du gabo Demoqratoyo da Came-HDP Garo Paylan mqadamle rmoyto cali haqara dsimle u rişqutno d’Turkiya Recep Tayyıb Erdoğan dmırwole; A Gawur.

Paylan bi rmoyto dımqadmle lu mcadrono du rişqunto Fuat Oktay kımşayele; Qay lo kudcat du xabro d’Gawur-haqara u sucro’yo la bnaymothoye du athro?.

U qoyumo Armınoyo Garo Paylan, mahwele hfuxyo cali meltho du Gawur dmıstacmele u rişqutno Erdoğan,dkıtyo haqara u sucre. Calathe Paylan mqadamle rmoyto lu tahlufo du rişqutno Turkoyo Fuat Oktay.

Paylan bi rmoytayde komır; Laybi dımaqbalno du rişqutno aw ğer farsufe hrene dmıstacmıl i meltho d’Gawur dkıtyo meltho di haqara u sucro u loste dmitamır l’noşo dlo tawditho’yo, inaqla dlowe Maşılmono.

U qoyumo Paylan kımşayıl lu tahlufo Oktay u komır; Qay lo kudcat di meltho d’Gawur me dore idicoyo dkıtyo sucro. Qay lo kudcıt di meltho d’Gawur kxulqo ruğzo u nefre?, u rişqutno kudcıt inaqla dıkmıstacmıl a mele du ruğzo, kmahrıw i mşaybutho du athro. Bu hutomo u qoyumo kımşayıl lu rişqutno-hal gıdmadıcrıt i meltho d’Gawur u gıdtulbıt şubqono.

U qoyumo Garo Baylan mqadamle i rmoytathe leşan dgorış u zuhoro calu leşono bişo dıkmıstacmıl u rişqutno Turkoyo Erdoğan.