Romania maklela sfitho d’gelone mtanwone dathyo me Suriya

Romania maklela sfitho, dcabiro mi Latqiye d’Suriya lu lminayda d’Konstanta.

 Bu cuqobo dsim cali sfitatheste, mqafe eba ton u falge d’gelone mtanwone dıkmote u timathe bi şuqo lhol 80 milyone euro.

A pwelıs du lmino d’Constanta b’Romania, mahıtlın meqım 2 yawme ido cal kmoyutho rabtho d’captagon dkıtyo şıkıl d’amphetamin dıkmıstacmıli a marhıbone wa farsufe dkıtne masre ba gelone mtanwone. A samonani, mqafın bı sfitho dcabiro lu lmino d’Romania mi Latqiye d’Suriya.

Apwelıs d’Romania mawdaclın, dmahıtlın ido cal 751 kilowiye aw 4 milyone d’happotho d’captagon, dmahtiwo bı duktho ğnızto bıgawe di sfitathe dı qayimo mi Latqiye, me tamo l’Turkiya u bi harayto l’Romania. Bi sfitatheste mqafe 1.5 tonat d’haşiş, dkıtyo u timayde bi şuqo 80 milyone euro.

U cuqobo dsımle u polis du lmino d’Romania, mtayıb bi methcadronutho da hayle Amerikoye dcala gelone mtanwone. A cuqobani d’Romania simi yarho, bıthır mıd u polis d’İtalya mahıtwole ido cal 14 tonat d’captagon b’Salerno dkıtwe u timayde milyon euro. A gelone mtanwone kmınqoli l’Urifi leşan dmizabni beyn camo.