Sbutho d’Osman Kavala hawyo qetro beyn Almanya u Turkiya
U qedomo di şultonutho d’Turkiya la farsufe saqıbloye, kımdawmo dgurşo u zuhoro du tbocofroso Emwothoyo. U dilonoyith bi sbutho du hfito Osman Kavala dhkim cımre kule lu hbuşyo me bethdino Turkoyo xlıqle hfuxye, u Almanya qrela lu rişizgado d’Turkiya dkıtyo b’Berlin l’ytawto.
Yawme d’Tre dşafıcina, hkımwole bethdino Turkoyo u hfito Osman Kavala cımre kule lu hbuşyo ma thome du şeçoco da tagliyotho d’Gezi udu tedriyo di şultonutho d’Ankara. İ sbuthathe d’Kavala, xlıqla hfuxye u hem u bethdino da hawbe d’Urifi u hemste a hayle du macırbo kımawdıci, bıthre du fusqonano dmid cal Kavala-kito celotho folitiqoye.
Bıthır mu fusqonano dmid bhaq d’Kavala, qrela Almanya lu rişizgado d’Turkiya l’ytawto u baroyo, sımla Ankara’ste cayni mede u tlıbla ytawto camu rişizgado Almanoyo dkıtyo b’Turkiya leşan dmawdıci ilo thnihuthathe. Lfuth a Turkoye, Almanya ğalabe naqlat bu dacbar dışla cali kinutho u hano latyo qedomo lfuth a qonune Emwothoye.
Turkiya mırla lu rişizgado Almanoyo Jurdgen Schulz, dlo mdaxli ba sebwotho gawoye du athro. Bi harayto di şato d’şafıcina mzaharwole Erdoğan 10 athrawotho; beynothaye Fransa, Amerika u Almanya dmaydi cayni fusqono dmıdwole u bethdino da zedqe noşoye d’Urifi-dtlıbwole dmitarfe Kavala.
Meqım mu fusqonano du bethdino Turkoyo’ste, fayışwo Osman Kavala msiko 4 eşne u falge dlo bethdino. B’Turkiya idico’yo da bethdine kıfulhi bu amro du rişqutno elo Ankara, u ğalabe farsufe, folitiqore u şutose saqıbloye-ya msiki yaste sxiri mi şultonutho d’AKP.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
