Sim u zawho du cufoyo du qoyumo d’DEM Parti Sırrı Süreyya Önder-dmahıt ışme; U Sohdo du Şlomo udi Demoqratoyutho

STANBUL – Me 15 bu yarho dşafıcina uholucdo, huwle u qoyumo d’DEM Sırri Süreyya Önder ağuno dmaxlıs a hayayde bi bethkrihe d’Stanbul bıthır mi jalta dqayıthwole. Elo athmıl fris u tebo mahişono, d’Önder hthımle u mrodayde bi harayto. U şunoyayde, xlıqle zmomo rabo wa mşadır mınyono celoyo d’egrotho da buyoye me kull duktho.

Bu şuroyo simo adyawma i slutho du cufoyayde bu masığdo d’Barbaros ulu zawho dımtayıb bıthır bu Qentrun Marduthoyo d’Atatürk dkıtyo b’Stanbul kfix kle qatınto d’şetqo u mahwe flim cala hayayde. U camo’ste hawile mkono dtolıb xatır haroyo mene. Camgabe di bartho Seran Önder Kandemir, hadome u qoyume du gabayde d’DEM u rişono du parlamento d’Turkiya  sımlın bu zawhano.

Camathe’ste sim mamle frişe cal Önder ucala renye dkıtwole ucalu fulhone dsımle. Bıthır mu zawhano, nqil u dahşo du mhasyo Önder la bethqbure di d’Zinçırliköy u mcafe. Ramhıl yawme d’Tre, gıdmıstaqbıl u gabo d’DEM a buyoe du camo bu salon d’Jemal Reşit Rey b’Stanbul ubğer duktho du athro.