U gayso du athro du Ciraq markawle 10 qentrune b’Şigor
U bnoyo du şuro kımdawım calu thumo dbeyn Şigor bu garbyo du Cıraq udu garbay madınho d’Suriya. Elo camgabe du bnoyo du şurano’ste, markawle u gayso Cıraqoyo 10 nuqazyotho folhoye calu thumano.
Bnişo dmitakle u mazlo u mathyo da marhıbone d’Dacış beyn d’Suriya u Cıraq, mabdewola meqım kmo şabe i şultonutho d’Boğdod bu bnoyo d’şuro cala thumayda du garbyo du athro-awkith cala thume dbeyn Şigor (Sinjar) wi Gozarto d’Bethnahrin.
Ucdo’ste u gayso Cıraqoyo leşan dhowele duyoqo kamilo cala thumani, bnele 10 nuqazyotho folhoye qariwo lu şurano. U bnoyo du şurano’ste xlıqle hfuxye u kmitawdıc, du nişo dmıkbış Şigor’yo. Meqım yarho, markawole u gayso Teel hedor Şigor-dilonoyith calu thumo dcami Gozarto.
Lfuth i tahrazto dkito, u Teelano gıdmşare mi qritho d’Medban uholi qritho Bir Kassem b’Snouni. B’tebo hreno dfris mu Cıraq, griş u zuhoro cala galwoye dnafiqi bu sebyonathe ma maşıryotho d’Hassan Şam u Khazer du qlimo d’Kurdistan u d’daciri la dukothathe bi daşto d’Ninve.
A 162 galwoyani’ste dkıtne me 34 yaqrotho, latne mu camaydan elo Sunna Caraboye u Ezidoye’ne. İ wazirutho di galwoyutho du qlimo d’Kurdistan mawdacla, bu yarho d’Konun u qamoyo kıtwo 26 alfo galwoye b’16 maşıryotho di hiğmonutho d’Nuhadra-i sagiyoyuthathe me Ninve u Şigor’wın.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
