Taxtuşe beyn İsroyel u Fleştoye
U gayso İsarloyo mawdacle, mu Xtuto d’Ğazza mafır athmıl b’lalyo ışto soruhe ban arcotho d’İsroyel. Heş holucdo, noşo’ste lo mıdle i mşalutho du hçomano dcal İsroyel, cal ruhe. U hçomano sim cal İsroyel, bıthır mıd a folhayda sımwolın cuqobe b’Dıffa i Macırboyto yawme d’Arbco dşafıcina. Bu zabno da cuqobani’ste nafıq taxtuşe beyn da İsarloye uda Fleştoye.
Lfuth u ajans da tebe d’AFP, qtil 11 Fleştoye uhol 400 hrene mçarhi, bıthır ma taxtuşe dhawın athmıl beyn da folhe İsarloye uda Fleştoye. Mawdıc da qtiloye’ste bu cımro dbeyn 23-72 eşne’ne. 3 ma qtiloye u hın ma mçarhe’ste hadome d’ğrobe da Fleştoye’wın wa taxtuşani, kmifaşqi a qaşye dhawın b’zabno d’şato.
A taxtuşani athın lu huwoyo bıthır mıd ğrob lo idico mafırle 6 soruhe ban arcotho d’İsroyel. 5 ma soruhani madrın ma hayle oyaroye wu haroyo’ste nafıl b’mazracto. Bu hçomano u oyaroyo cal İsroyel, noşo lo mçarıh u xıd funoyo lu mhoyano, u gayso İsarloyo’ste sımle adyawma cuqobe cal dukotho mbayne du Xtuto d’Ğazza.
U gayso İsarloyo me zabno l’zabno kısoyım cuqobe b’Dıffa i Macırbo cala ğrobe da Fleştoye wi sagiyoyutho da cuqobani’ste kmisomi ba şoce du lalyo, calu dıknoqıs u qento du qatlo da mdinoye. Ubu normal u gayso İsarloyo lo kımawde u loste kımankır dsımle cuqobe.
Elo ucdo u gayso m’akadle da haylawothayde sımlın razzia bi mdito. Bu cnufyano dıkmdawım beyn da Fleştoye uda hayle İsarloye, mawdıc dqtil adşato hol 55 Fleştoye b’Dıffa i Macırboyto ubu madınho d’Urışlem uba 2022 qtılwo 150 Fleştoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
