Tıre tukose emwothoyo mhaydi laşan xulqi platform dhowe u qolo da bnaynoşo

Tıre tukose Emwothoye mhaydi, leşan dı xulqi plattform dıqodır dhowe u qolo da bnaynoşo, dhawın dıbhe ma hjome barbıroye dsımlın a ğrobe marhıbone d’Dacış aclaye bu Iraq ubı Suriya.  A tıre tukosani, kıbci dhowın u qolo da dıbhe u dımhafdi cala zedqathe a qonunoye.

Mi celtho da qrobe dhawın ba eşne haroyani b’Suriya ubu Iraq, ba mo alfayo dıbnaynoşo dilonoyith a qalilotho tawdithoye u etnikoye; beynothaye a Mşihoye wa Ezidoye, hawın dıbhe u sohude li barbıroyutho dsımlın a ğrobe marhıbone d’Dacış aclaye, bnişo dı quşci a camani ma dukothathe a şerşoye.

A camani, mafiti bı cnufyo, rdufye, taşniqe u sohude lu qatlo da hadome da yaqrothathe udu camathe. Calathe u tukoso Fayt for Humaniti, awkith Ağuno laşan i noşutho mşakele camu tukoso Emwothoyo du Hulmono Medico İnternayşınıl platform leşan dhowın u qolo mhaydo da dıbhani dilonoyith ba knuşye uba droşe Emwothoye dıkmisomi, calu hkomo d’10 alfo marhıbone d’Dacış dkıtne hbişoye b’Suriya.

A tıre tukosani m’akadlın, ba droşani dgıdowın cala marhıbone, lıkmıgrış u zuhoro bşıkıl makfiyono cala zedqe da dıbhe wa tazminat dıklozım dmitahwelın. Bi tarmithatheste, gıdhowe maşıqle da ytawyotho cama came etnikoye u tawdithoye bu Iraq ubı Suriya, bnişo dmitarkıw u plattformano bşıkıl qawyo leşan dmitaşmıc qole da camani ba botaydino qlimoye u Emwothoye.

U nişo da tıre tukosani, dobın haylo u tuxlono la camani leşan dıqudri dımdafci a zedqathe u dilonoyith, gıdmitahwe yuqro la neşe dhawın dıbhe la hjomani d’Dacış . Mawdıcste, belhude bı bethdine rwihe u kine, kibe dmitahwe garanti lu terkiwo du şlomo u haye mşayne la came etnikoye dımathri mu cnufyano d’Dacış.