Tuma Çelik frısle egartho bi munasabe du cedo

U qoyumo du cameydan bu parlemento d’Turkiya Tuma Çelik frısle egartho dkımcayıd u cedo di qyamto dımşiho du cameydan dkımcayadle adyoma.

Ba ışne hulan ağuno laşan dhowina barmothoye bşawyutho, wi tawditheydan bi qamayto wa zedqe wi hirutheydan, elo ğalabe naqqat trena mqabıl di nefre u di fliğutho.

I eagartho du qoyumo kımşaryo ba melani: lfuth I mşihoyutho I qyamto dı mşiho  kıtla rımzo du nuhomo, mawxa kmicayıd u ayawmano kulşato.

U  adyoma a citawotho dıkmıstacmli u surgodo hatho kımcaydi I qyamto dımşiho.

Ba yawmothani i britho mşihayto kımcaydi u cedo du nuhomo, tahtu caymo du kewo di Corona, u  b’turkiya mınyono rabo ma mşihoye kmafiti u cedano ba bethkrihe kobın ağuno mqabıl du kewano di Corona , u hın manesti mfayaclın a hayathe.

Ba ışne hiw ağuno bi coğrafyathe laşan barmothoyutho b’şawyutho. Hulan ağuno laşan dnıfqina moro li tawditheydan u la zedqeydan u li hirutheydan. Elo ğalabe naqqat laqina bi fliğutho u b’qahır u nafre. Kulzabno u zedqo di slutheydan wa zedqe dmılxina mulkone twiri u simi ixlal.

B’sabro di barmothoyutho bşawyutho, kulnoşe dıkmalıl u leşoneyde, u dıgmacış I tawditheyde u hirutho u hulmono tawe dhowe kımcaydina u cedo du nuhomo di qyamto d’moran Yeşuc mşiho.