Turkiya lıknıfqo moro la catiqotho u benyone maktabzabnoye dkıtla bu athro

Bu athro d’Turkiya a catiqotho wa bınyone maktabzabnoyo, latlın iqoro u lıkmınfaqlın moro.

 Bu gabo d’Derik b’Mırde, mahırwi arşome dkıtne cayıd du camaydan dıkmote u maktabzabnathe l’1600 eşne. U me gabo hreno, i cito d’Ayasofya dkıtyo b’Bursa shifo cal dılo nfiq ela moro.

Hani hın ma tebe dıkmıfrosi u dhın mu camo kloqın ba catiqothani u ba bınyone maktabzabnoye d’shifi u nafili u hın menaye mahırwi u hfiri ma karoxe dcala timoyotho maktabzabnoye.

Bi fnitho d’Merde bi qastra di Derıke a karoxe dcala timoyotho hfırlın u mahrawlın i duktho dıkmitawmarla Gola dı macımro mu taraf da Suryoye meqım b’1600 ışne.

A farsufani dı latlın iqoro la catiqotho hfırlın a ruşme da haywotho da bnaynoşo du slibo u ruşme mşahılfe dkıtne simi mu Mosaiq.

I dukthathe dıkfayşo bi şawtho Göktaş mi şato da 2013 a hafore me zabno lı zabno khıfri u kmahırwi a ruşme maktabzabnoye dkito. I dukthathe dkıtyo duktho catıqto dıhdo ma citawotho du camo Suryoyo ucdo dukthe d’citoste lı mahwe star ma ruşmaniste dımşarelın dmitahırwi.

Me gabo hreno i cito dıkmitawmarla Ayasofya i nacımto dkıtyo b’Bursa shifo u nafilo metul dlıgmınfıqla moro.

I citathe i maktabzabnoyto d’Mor Cercis da Rum Ortodoksoye dımşahılfo lı masığdo di tayutho, bgawe du camo kmitawmarla Ayasofya d’Bursa nafilo u shifo metul di şıltonutho lıknıfqola moro. I celtho du nfolo u du shofo di citathe mi şato da 2013 hiwo xıd mulkono lu masığdo di tayuthu minaqayo sxir u tarceyda u hir acla mawxaste ucdo nafilo u shifo.

Ma tebani u ma tebe hrene d’naqat mşahılfe dhulan kmahwe di zıhniye di mdabronutho d’Turkiya latla iqoro la bınyone maktabzabnoye catiqe hani dkıtne catirutho du athro du dıkmamtın momunoste lu athro mu socuro dıksaymo a dukothani socurutho.