Turkiya manqasla a maye du nahro du Xabur
Turkiya dıkmdawmo dmanqıso a maye du nahro du Xabur bi Gozarto d’Bethnahrin d’Suriya, xlıqla qento rabo la comure dıkcayşi calu saydo da nune. A sayode da nune dmahwelın u hfuxyathe bi sbutho du tenqiso da maye du masxoro d’Albasel bu taymno di Hasake mawdaclın, da maye kmisamımi wa nune kımaythi.
Turkiya u İran dkıtte ğalabe masxore cala nahre dıkmdawmi l’Suriya ulu Cıraq, kımanqısi u xyoro da maye da nahre leşan dmıstafdi mu kahrobo umu energi. Elo i bsiruthathe da maye dkowe ban athrawotho şbobe’ste, kıxulqo qetro rabo ba haye da comure. Ha man nahrani dıkmi’athır mi bsirutho da maye-u nahro du Xabur’yo.
Hedor u nahrano, kito mınyono celoyo d’qıryawotho du camaydan wu tathir du qtocano da maye dıkm’athır calu masxoro d’Albasel dkıtyo bu taymno di Hasake, hawi celtho lu mawto da nune dıkmisamımi ma maye cçiqe dkowe. Ma 640 milyone kibukmetre d’maye dkıtwo bu masxorano, naqısi l’120 milyone.
Dilonoyith a akore dıkmaşın an arcothathe wa sayode da nune du Xabur dıkmacişi ruhaye calu saydo da nune, mawdaclın u ğamathe calu semomo da maye du masxoro d’Albasel u sımlın Turkiya sturyo calu qtocano da maye du nahro dkowe celtho, d’ğalabe ma şıkılat da nune du nahrano dmıqşoci kulonoyith.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
