Turkiya qento zıttır mu İran’yo lı britho

U şutoso da istixbarat d’İsroyel Mossad  komır Turkiya qentoyo zıttır mu İran.

Lfuth u tebo dıfrısla The Times u bu buhono dsımla kmahwuyo du athro d’Turkiya qentoyo zıtır mu İran lu şıuşoto dıbritho.

Bu tebano dıfrısla The Times u gelyunoro Roger Boys kmahke cala esore bayn İsroyel u Turkiya dkıtne mwatye hani zabno u bebzabno a fulhone da istixbarat dkowın ba darbone du madınho mıscoyo kmahwın d’Turkiya mıqa dkothe kuyo qento zıtır lıbritho.

Lfuth u tebano u rişono da istixbarat d’Mosad Yossi Cohen hawile itawto camu Mısır cami Scudiye cama İmarat Caraboye mhayde u mahkelelın mıqa i şıltonutho d’Erdoğan qentoyo lu qlimo du madınho mıscoyo.

Boys bu tebeyde komır i celtho dımşarelın a esore bayn l’İsroyel u la Amirat Caraboye mhayde dıkhozın Turkiya dıksaymo tahdid u qlimoyo, u haylo du İran twiroyo u latyo qawyo xıd meqım.

The Times bu tebeyda kmahkiyo cala knuşye frişe dsımle u rişono d’Mossad cama athrawotho Caraboye laşan dhowe awyutho tawto bayn İsroyel u athrawotho caraboye, metul bu zabno haroyo a esore d’Turkiya u İsroyel mıqqa dkothe kmiwatın, dilonoyith bıthır mi sbutho di Sfitho d’Turkiya dımşadrowa li mcadronutho da Fleştoyo u dkıtwe mnico dızayo.

İ sbuthathe dhawyo wa bi şato da 2010 İsrayel maklewole isfithathe dlatwele fsoso dcıbro la maye d’İsroyel u qtılwo 10 farsufe eba.

Mu zabnawo İsroyel mşarele dı mahıt klayto mqabıl d’Turkiya cıl mıd  i tagorutho du zayno dkımdawım baynothaye.