U Bethdino cal qoyumo Çelik mwaxır naqla hreto

Adyawmo u bethdino du qoyumo du cameydan bu parlemento d’Turkiya Tuma Çelik mwaxır naqla hreto l’14 bu yarho d’Nison.

 Adyawma ba şoce d’safrayto, u bethdino b’Ankara dmıdle i ifada da sohude u bıthır mcawıq, cal d’tre ma sohude lo hadiriwo bu bethdino.

U bethdino dftıhwo cal d’hdo athto thımwola u qoyumo du cameydan b’şwolo di ğensoyutho, naqla hreto mşawhır u hano da 2 naqlat’yo dıkmisım.

Bi mawdconutho dmıdlan mu sniğro du qoyumo du cameydan Tuma Çelik Şexmus Aslan mırle; İ ytawto dadyawma tawto fayito elo mwaxro mi celtho dkıtwo 2 sohude dılo hadıriwo bu bethdino. Lfuth i mawdconutho dmatilan, u bethdino kibe dobe l’14 bu yarho d’Nison, dmitahwe u fusqono haroyo bi sbuthathe d’Çelik.

Bu mamlo dhawilan camu qoyumo du cameydan Tuma Çelik mırle; Mu yawmo qamoyo i sbuthathe mahto cal asase xalye u dlatne şroro. Mawxa u bethdinano gıdxolıs bi zoxutheydi u gıdmahwe da thome dsimi kule teştcınyewın.