U bethdino hkımle u Polis dıqtiwole Gerorge Floyd

U bethdino d’Minnea d’Amerika, hkımle u polis catiqo Derek Şawin lımore d’hawbo, calu qatlo du claymo komo George Floyd.

 U rişono Joe Biden’ste bi maqırhonutho dhuwle bi sbuthathe mırle; U hkomano du polis catiqo, dawse d’şuşoto lqudmoyo bu haqlo di kinutho b’Amerika.

Mid fusqonano dıkmifaşıq xıd şuhlofo makthabzabnoyo b’Amerika. Athmıl u

dayono du bethdino d’Minneapolis mawdacle u fusqono haroyo dmıdle mqabıl du polis catiqo Derek Chauvin bi sbutho du qatlo d’George Floyd dkıtwe 46 eşne inaqla dqtılwo bu yarho d’İyor da 2020.

U polis catiqo hze more d’hawbo ba 3 dacwat dımqadmi mqabıl dide, elo u msombrişo-u çaza dgımıhkım ebe, gıdmitawdıc bıthır 8 şabe elo kito ihtimal dmiçaze 40 eşne hbuşyo. Cal du polis catiqo hkim ba 3 nuqze dftihi mqabıl dide, kmifaşıq u fusqonano ğalabe dilonoyo. Mawdıc d’ğalabe noqusoyo’ste, d’polis Amerikoyo dıkmıhkım cal hawbo dsımle bu zabno dkıtwe bi wolitho.

U polis mahıtwole barke b’qdole d’Floyıd l’zabno d’9 qatinotho u 29 rfofe umi celthathe, mvayacwole Floyd a hayayde. U rişono Amerikoyo Joe Biden bıthır mu mamlo dhawile cami iqartho d’Floyd mırle; U hkomo du polis catiqo calu qatlo d’George Floyd, kibe dhowe dawse rabtho laf qıdam bu fulhone leşan i kinutho b’Amerika. Elo lıkowe dfayşina belhude bu şwolano u klozım dmıkle qum du fawdo, hayko dhowe tro dowe.

Lfuth Woşington Post, mu şuroyo di şatathe uholucdo qtil 274 farsufe mu cnufyo dsımlın a powelıs mqabıl dıthe b’Amerika. Calathe’ste hani zabno yarixo kmisım tagliyotho mqabıl du cnufyo, di frişutho udi tuhmonoyutho dkito b’Amerika.