U camo Almanoyo adyawma gidmnaqe şultonutho hathto

BERLIN — Bu zabno di rişathwazire Angela Merkel mıstacfewola ba 2021, fayışowa bi wolithayda heş mi şato da 2005 ubu zabnano, qawiwo u momuno d’Almanya. Elo camathe’ste kıtwo casqotho du kriz du euro, da galwoye wu pandemi di Corona u Merkel hawiwola duktho bu masırho folitiqoyo dbritho. Bu zabno d’Merkel’ste, u rişwazire d’ucdo Olaf Scholz-waziro du momuno’we wi şultonutho mişaklo’wa me CDU ume SPD.

Wu ucdo athi naqla hreto u zabno da guboye b’Almanya, u ramhıl gıdmbayın u camo i şultonutho dgımdabrole. Lfuth i hzayto dhawyo cala kampanyat da guboye, kımahwe du gabo da Mşihoye Demoqratoye dkıtyo bi rişonutho d’Friedrich Merz dmoyıd dukthe d’Olaf Scholz dkıtyo mu gabo da Sosyaldemoqratoye.

Elo camathe, heş latyo idico hayna koalisyone kibe dothın dmşakli i şultonutho hathto. Bebzabno mawdıc’ste, bu zabno da gabe rabo xasiri ğalabe qole, u gabo yaminoyo tuhmonoyo d’AfD, mıdle snodo rabo elo a gabani’ste, lo kubci dcawdi cam AfD.

Lfuth u istatıstik dkito ucdo cala gabani; CDU/CSU kıtte 30 ba mo, SPD-15%, a Yaroqe-13%, AfD-20%, FDP-4% u Die Linke-7%. A şwole rişoye dmıdde duktho ba kampanyat da guboyani’ste-u qetro du momuno, a galwoye wi mlahmonuthathe, u şwolo di mşaynutho udu sutoro wu dawro d’Almanya bu NATO’wın.