U Ciraq dacirle athare mu Yaban u Swisra
U Yaban u Swisra, madcarlın falqe d’athare catiqe li bethcatiqotho d’Boğdod du Cıraq. İ mawdconuthathe, mu waziro di baroyutho du Cıraq Fuad Hussein, hiw.
Bu mamlo dsımle bi bethcatiqotho Athronoyto du Cıraq dkıtyo b’Boğdod, u waziro di baroyutho du athro Fuad Hussein maglele, du Yaban u Swisra madcarlın mınyono d’falqe athare; beynothaye hayklo du aloho di şemşo-Maran Şamaş.
U hayklano, kıdocır lu doro da 8 meqım me Mşiho ulu zabno di mdinoyutho di mamlaxtho dan Othuroye. Camgabe du hayklano, kitoste luhyotho d’rşome ma mcare d’al Tar dkıtne b’Kerbala. A luhyothani’ste hiwi’wo b’dayno lu Yaban ba 70’yat.
İ wazirutho di baroyutho du Cıraq mawdacla, dan athrani madcıri la rişizgadwotho du Cıraq dkıtne b’Tokyo u Bern. Bıthır ma qrobe dhawi bu Cıraq, gniw mınyono celoyo d’athare mu athro. Ba eşne haroyani’ste, bıdela Boğdod dobo yuqro dmaltımo naqla hreto an athare makthabzabnoye du athro.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
