U Cıraq hawi u athro trayono dkıtle hawa cjıqto

SWİSRA – I şırke d’Swisra dıkfulho calu teknoloji di kvalita di hawau hani 5 eşne bıthre dıgdode, kfurso i netiçe da istatıstike dıksaymi cali hawa dkito b’athrawotho frişe dı britho. Lfuth u taşroro dıfrısla i şırkathe cali şato dşafıcina cal 131 athrawotho, mahıt u Cıraq bu darğo da 2 di lohithayda, dkıtyo i hawayde i cçıqto dıbritho.  

Awkith u Cıraq, kothe bıthır mu athro d’Chad beyn dan athrawotho rişoye dıbritho, dkıtyo i hawayde cçıqto. Chad dkıtyo bi qıtca d’Afriqya athyo bi qamayto, bıthır mıd mıdla dukthe d’Bangladeş. U istatıstikano di şırke kmisım, lfuth i kmoyutho du mluwo du samo d’PM2.5 dıkmıxlıq bu guşmo du barnoşo mi hawa cçıqto dkito bu athro.  

Lfuth u Tukoso Emwothoyo du Hulmono-WHO, bu guşmo lıkowe dhowe zıttır me 5 microgram du mluwano kul kubic metre. Elo b’Chad kito 89.7 microgram ubu Cıraq kito 80.1 microgram awkith 16 naqlat zıttır mi sniqutho dkito lfuth a hşowe du tukoso Emwothoyo. Elo i hawa nadıfto, kmiqafyo b’Guam, b’Canberra d’Australia.