U gabo d’HDP hule maqırhonutho dlo mdele u buyono dıfris ma gabe hrene

U gabo demoqratoyo da came HDP dkıtyo bu parlamento d’Turkiya, maqrahla qay lo mdele u buyono dfrıswolın a gabe hrene bhaq du qatlo da folhe Turkoye, dı zayıd u mınyonathe l’36 farsufe.

 Bi maqırhonuthathe HDP kommır; Qhiroyena cal claymo dıknofıl b’İdlib ktulbina buyoe la yaqrothathe, elo lo kubcina dmodina maqırhonutho cam hani, dıktucni i mşalutho di sbuthathe.

 Bi maqırhonuthayda HDP kommır; Ahna lıkmodina i maqırhonutho dıfriso bi sbutho d’idlıb, cam şultonutho dıksaymo harake bu athro xıd lawi mede.

Nuqto da tarte cıl mıd kito haqa talabe du parlemento dlotım, elo layto funoyo. I sbutho d’İdlıb lıkmıdroşo bı zalilutho qum cayne du camo. I şultonutho dlıkobo hşowo mqabıl da qatle dkowın b’İdlib, aydarbo ahna gıdmodina maqırhonutho acma xıd layt mede. I klaytathe di şultonutho rahıqto’yo mi şrorutho umi samimtiye.

Me gabo hreno, yaducthone, nahire, folitiqore, amnore u zamore frıslın maqırhonutho tahte du ışmo: Graşu idayxun me Suriya, a folhe tro ducri la botathe. Bi maqırhonuthathe dıfriso leşan u teltimo da ışmone dık’maydi u medano, mşarelın ğalabe kathowe, yadıcthone, nahire, zamore u amnore dmodın tahta leşan dmahwın hfuxyo mqabıl di siyase dıkmaşe u gabo d’AKP b’Suriya.

Bi maqırhonutho hawxa kmitawmır; Ahna dkıtyo ışmayna kıthiwo bi maqırhonuthathe, kıhozina du athraydan kmigargış l’qrobo. A nacimeydan kmıqtoli bı qrobo d’athro hreno ubu şıkılano, qum caynothe dıbritho u athreydan knofıl nacimo ulı ğer siyasat dlatne trise. Mawxa klozım dmıgroşi a haylaydan me Suriya kula, wa folheydan ducri la bothathe b’şlomo. A yadıthone, a nahire, a folitiqore, zamore u amnore mşarelın dmodın i maqırhonuthathe.