U gayso Athronoyo d’Suriya dıkmısnıd me Turkiya msıkle bu yarho d’İlul d’şafıcina hol 52 farsufe

U tukoso da zedqe noşoye leşan i şrorutho wi kinutho da Suriye, frısle taşroro calu mınyono da bnaynoşo dımsiki ma marhıbone dıkmısnodi ma hayle kaboşe d’Turkiya, bu garbay madınho d’Suriya.

U tukoso mawdacle, du gayso Athronoyo d’Suriya dıkmısnıd me Turkiya, msıkle bu yarho d’İlül d’şafıcina hol 52 farsufe me Afrin, Rişcayno u Tel Abyad. U mani, marfe holucdo belhude şawco farsufe.

The human rights organization Syrians for Truth and Justice (STJ)-awkith u tukoso da zedqe noşoye leşan i şrorutho wi kinutho da Suriye, frısle athmıl taşroro calu mınyono da farsufe dımsiki ma hayle marhıbone dıkmısnodi mu gayso kaboşo d’Turkiya bu garbay madınho d’Suriya.

Lfuth u tukosano, kito sidaye mqaydo dmarfe belhude 7 farsufe wa 45 hrene; beynothaye 5 neşe u 5 tloye dkıtne heş msike ba hbuşyathe. A 52 farsufani’ste msikiwo bu yarho d’şafıcina ba mdinotho d’Afrin, Rişcayno u d’Tel Abyad.

STJ mawdacle b’Rişcayno msıkwo 8 farsufe, ha qtil ba teşniqe, marfe 2 wa 5 hrene heş msike’ne. B’Tel Abyad msıkwo 13 beynothaye 3 neşe u 3 tloye wa farsufani kulle heş msike’ne. B’Afrin msıkwo 31; beynothaye 2 neşe u 6 tloye. Belhude 5 marfın wa 62 hrene noşo lıkodıc hayko’ne.

A hayle kaboşe d’Turkiya wa ğrobe marhıbonathe mafıtwolın Afrin lu duyoqathe bu yarho d’Odor da 2018, bıthır mıd u gayso Turkoyo mabdewole cuqobe cala hayle di YPG-dsaymiwo u duyoqo di mdito ma 2012. Ba 2019, a marhıbone d’Turkiya kbışwolın Rişcayno u Tel Abyad-dkıtwın bu duyoqo da hayle d’QASAD.