U hayklo d’Yuldath Aloho d’Batnaya dmahrawo mhathıth

U hayklo d’Yuldath Aloho di qastra d’Batnaya dmahrawo ma grube marıhbone d’Dacış, ucdo kamıl u hethothayde bu athro d’İtalya.

U hayklano dgımitakrıx ramhıl bi mditho d’Joşano d’İtalya, kmıntır d’menyono ma kohne du camaydan du Iraq’ste dmahkın calu haşo rabo dcayışwo u camaydan bu zabno da hçome dsımwole Dacış cali daşto d’Ninwe.

 Bu taro du insiyativ di mcadronutho du Tukoso d’Citotho b’Ulsono, u hayklo d’Yuldath Aloho di qastra d’Batnaya di daşto d’Ninwe, meqım kımo şabe mşadarwo l’İtalya, leşan dmihathıth bıthır hzewole husrono rabo ma grube marhubone d’Dacış bu zabno dıkbışwolın i daşto d’Ninwe ba 2014. U hayklano d’Yuldath Aloho dkıtyo ucdo b’İtalya, mşadarwo li mdito d’Joşano bu garbiyo du athro, u maslamwo lu amnoro Franko Elli dımkamele ucdo u hethothayde.

Elo u nhiro wu femo du hayklo labıc dımhathathlın, leşan dmadili calu lkoho dsim ma marhıbone. Ramhıl’ste gıdmitakrıx u hayklo d’Yuldath Aloho d’Batnaya cala hammış citotho di marcitho d’qadişo Mor Bulıs b’Joşano wu hatheste kmıhşowo xıd nuqazto qamayto mi şişaltho da socurwotho dgımisomi la marciyotho du athro.

Ba socurwothani dgımdawmi hulu şuroyo du yarho d’İlul dıbqamuthayna, kmıntırste d’mıştawtaflın menyono ma kohne du camaydan du Iraq dıkhoyın b’İtalya, bnişo dhowın sohude u dmahkın cala hawbe ucalu haşo dcayış u camaydan di daşto ma hçome da marıhbone ba 2014.

Bebzabno, a kohne gıdkolın cala hfuxye dmahwın ma citotho Iraqoye u Emwothoye, u gıdgurşi u zuhoro cali aykanoyutho du Iraq ucdo wi hzayto dkıtlın lafu dactid. U Tukoso d’Citotho b’Ulsono, mawdacle du insiyativano gıdmaqwe a esore beyn da marciyotho Qatholiqoye d’İtalya u du Iraq, ukul naqla gıdmamtiyo l’bole dkulle, u cuhdono du haşo dcayış u camaydan di daşto d’Ninwe.