U Huyodo da Neşe d’Bethnahrin gıdmabdıyo hfitutho bu ışmo; ‘İ Athto kıhudno britho’

U Huyodo da Neşe d’Bethnahrin dıkmaşe fulhone bu athro ubi golutho, kıtle’ste esore cama neşe d’athrawotho frişe dbritho. 3 Weltfrauenkonferenz der Basisfrauen-awkith u Konferans 3’yo dbritho da neşe mşatsonyotho, gıdmisım beyn 3 bu yarho d’İlül u hol 10 bu yarho d’İlül da 2022 bu athro d’Tunıs.

U nişo da konferansani dıkmıştawtıfilın neşe me athrawotho frişe dbritho, dqudri dorşi a şwole, a qetre u casqotho dıkloqın xıd ğenso wu gawonoyith xıd camo bıgawe du kenşo’yo. U konferansano dkıtyo da 3 dgımisım, mahıt bu ışmo; ‘İ Athto kıhudno britho’, u HNB mbayanle a 2 hadımyothayde dgımaydi duktho ebe.

Bnişo dmısnıd u konferansano da neşe da 2022, mıdle HNB u şutose hrene frişe da neşe duktho bi sictho mtaybonitho da hfitwotho. Bu tarano u Huyodo da neşe d’Bethnahrin frısle maqırhonutho u kımaczım a neşe du camaydan di mdito u gawonoyith d’Almanya, dmıştawtıfi li hfitutho qamayto dgımisomo 26 bu yarhano d’İyor bi mdito d’Göppingen d’Almanya.