U Huyodo di Claymutho d’ESU gdımtayıb turgomo bi arişkoyto d’Beljika b’Bruksel

U Huyodo di Claymutho d’ESU  gdımtayıb 26 bu yarhano d’İlül turgomo bi arişkoyto d’Beljika, Bruksel.

Bu turgomano dgımtaybo ESU-Youth, friş lu tewdico da kthobe du yulfono du leşono Suryoyo ba madraşyotho du garbyo udu madınho d’Suriya.

Leşan u nfoqo du moro lu leşono Suryoyo wu tewlifayde wolitho asasi du camaydan kule’yo, dilonoyith bu maşıqlano u casq dıkşofıc ebe u camaydan b’Suriya. Calathe i Claymutho du Huyodo Suroyo d’Urifi-ESU, gıdmtaybo turgomo leşan u tewdico da kthobe du yulfono du leşono Suryoyo bi Gozarto d’Bethnahrin d’Suriya.

Bu turgomano gıdowe u mşalo du ferco du yulfono d’Olaf Taw Jelinos İsa bu turgomano bu darbo du nawlo, bnişo dmitahwe mawdconutho cala madraşyotho ucala şwole dnafiqi mqabıl du şutoso d’Olaf Taw. Gıdhowın a kthobe du yulfono du leşono Suryoyo bu turgomo leşan a hadire dqudri hayri aclaye.

U şutoso d’Olaf Taw, gıdobe mawdconutho cala madraşyotho ucali ulsoyutho da şbile doronoye, dmitaqwe u leşono Suryoyo xıd leşono asasi ba madraşyotho, u dhowe ruşmoyo b’Suriya. Camathe’ste mşale di methtaksonutho du garbay madınho d’Suriya’ste, gıdobın mawdconutho rwıhto cala şuşote ucali aykanoyutho harayto di Gozarto d’Bethnahrin.

ESU-Youth, kımaczım u camaydan d’Beljika kule dmıştawtıf lu turgomano dgımisım yawme d’Huşabo 26 bu yarhano d’İlül, bi şoctho da 14.00 bu bınyono d’ESU b’Bruksel d’Beljika.