U Huyodo di Claymutho d’ESU mtayable taklitho qum du bınyono di izgadutho d’Turkiya

U Huyodo di Claymutho d’ESU, mtayable athmıl taklitho qum du bınyono di izgadutho d’Turkiya dkıtyo b’Zürich d’Swisra.

Bi taklithathe u Huyodo di Claymutho b’qaşyutho krihle u hkomo du dayroyo Aho Sefer Bilecen l’2 eşne u yarho hbuşyo. Bi taklithathe sim mamle u mfarıq buyone d’ESU lu camo dkıtwe şafoco.

Sim taklitho yawme d´şaptho 17.04.2021 mu şutoso di claymutho ,,Clayme Suryoye, bi mditho Zürich/Swisra qum du bınyono rişizgadutho d´Türkiya.

I taklithathe mtaybo leşan i claymutho dmahwıyo u hfuxyayda mqabıl du fusqono lo şariro dhuwle u bethdino Turkoyo mqabıl du rişdayro Aho Bilecen. I claymutho layimo lfuth a tedbire di Corona, calathe lo macle u mınyono da mıştawtıfone li taklithathe.

Bi taklithathe cal ışme du Huyodo Suroyo d’Urifi ESU Hanna Qaddoro sımle mamlo u krıhle i şultonutho d’Turkiya u mırle;

Simona Qaddoro’ste mqadamla mamle cal ışme d’Clayme Suroyoye u krıhla u fusqono dmıdle u bethdino Turkoyo mqabıl du dayoryo Aho u mırla;

Mu Zabno du Sayfo hul adayma, komisim hgomo u ktulcamo alu Cameydan mu athro Türkiya.  Lo kotohina min komisim ba anarhodeydan, komituqudi. Lo mithe i zbutho di Dayro d´Mor Gabriel. Ahna xud Clayme Suroye komahtina Kleyto lu Hkomo du Dayroyedan u Clayme Suryoye bhase du Dayroyo yo. Zidke di Noshutho au Demokratoyo, nuxroye ne li daula d´Türkiya. Ahna kimna STOP lu medano.

Bu zabno di taklithathe mhalaqla slogane; Terrorist Turkiya, Erdoğan qatolo uğer slogane xıdani. Bebzabno i claymutho mfaraqla a buyone dfrısle ESU mqabıl du fusqonano du bethdino d’Turkiya.