U Huyodo d’Urifi mahwele ithnihutheyde calu tedciro d’5 folhe lı Armenya

U Huyodo d’Urifi mahwele i thnihuthayde calu tedciro d’hamşo folhe yasire d’Armenia mu athro d’Azerbaijan. Bebzabno Urifi, tlıblaste dmitadcıri a 57 Armınoye hrene dkıtne ba hbuşye d’Azerbaijan.

 Me gabo hreno, da fulhone du kroxo dcala şlade dan Armınoye dıqtiliwo bu qrobo d’Qarabax, kımdawım. Athmıl mqafe 15 şlade hrene wu lfuth tukoso da zedqe noşoye d’Qarabax, u mınyono da qtiloye, cleytır mu mede dmidacwo

U malolo du komisyon da esore baroye bu Huyodo d’Urifi Peter Stano, mawdacle du huyodo b’fsihutho mıstaqbele u tebo du tedciro da 5 folhe Armınoye me Azerbaijan u sımle’ste qroyto dmitalız calu tedcıro da 57 hrene dkıtne ba hbuşye di şultonutho d’Baku.

Stano mawdacle, du şuhlofano da yasire kbone tuxlono beyn da 2 athrawotho u hano mede ğalabe ulsoyo’yo leşan u terkiwo du qlimo bu qlimo. camathe’ste mawdıc, da hayle Armınoye kımdawmi bu kroxo dcala şlade da folhe uda mdinoyathe b’Qarabax uba cuqobe haroye dsimi athmıl, mqafe 15 şlade.

A 15 şladaniste mqafın b’dukotho frişe ubu şıkılano, u mınyono da folhe uda mdinoye dqtili bu qrobo d’Qarabax, mati l’1344 farsufe. U makthbo da zedqe noşoye b’Qarabax sımle adyawma şuhlofo bu taşroro du mınyono da farsufe dqtili bu qrobo dbeyn Armenia u Azerbaijan bıthır ma mawdconwotho hathe dmatile.

Mawdıc me 27 bu yarho d’İlül uhol 28 bu yarho d’Konun u qamoyo, qtılwo 72 mdinoye ma hayle d’Azerbaijan. U mınyonano meqım 41 farsufe’we wu 31 hrene qtiliwo ba hbuşye. 163 mdinoye mçarhiwo ba cuqobe oyaroye wu mınyonano’ste cleytır mu mede dmawdacwo meqımyo.