U Huyodo d’Urifi, mawdacle u snodayde lu bethdino Emwothoyo da hawbe dkıtyo b’Den Haag
U Huyodo d’Urifi, mawdacle u snodayde lu bethdino Emwothoyo da hawbe dkıtyo b’Den Haag d’Hollanda, bıthır ma tedbire dmahıtla Amerika cal arbco dayone du bethdino. Bu mamlo dsim ma rişone du Komisyon d’Urifi Ursula von der Leyen umu Mawtbo d’Urifi Antonio Kosta, tlıbbe’ste sutoro, mlahmonutho wu şaryutho kamılto lu bethdino.
BRUKSEL — Yawme d’Hamşo dşafıcina’we, dmahıtwola Amerika tedbire cal 4 dayone du bethdino d’Den Haag; beynothaye dayonto me Slovenia. Ba tedbirani dmahtiwo, maçmıdiwo a zuzathe u mahıt mnoco acle dfulhi b’Amerika. Calathe i rişonitho du Komisyon d’Urifi Ursula von der Leyen wu rişono du Mawtbo d’Urifi Antonio Costa, mahwelın athmıl u hfuxyathe la tedbirani dmahtila Amerika calan 4 dayone du bethdino Emwothoyo da hawbe-İCC.
Ba mamle dsimi b’Bruksel, a rişone Urifoye m’akade u snodathe u kamilo lu bethdino u kalın cali ulsoyutho du sutoro, di hirutho udi şaryutho du bethdinano-dıkhokım a thimoye dsımlın hawbe yaqure b’britho.
Bebzabno von der Leyen u Costa mawdaclın du bethdino d’Den Haag, u qolo da dıbhe’yo u ahna kull naqla gıdmdafcinale leşan i kinutho b’britho ulu iqoro da qonune uda zedqe Emwothoye. İCC lo mqabıl d’athrawotho kıfolıh, elo leşan u hkomo da hayobe.
Bu mamlo dsımwole u waziro di baroyutho d’Amerika bıthır mıd mawdıci a tedbirani mırwole; An 4 farsufani mıştarake bşıkıl hfito, ba fulhone lo qonunoye du bethdino cal thome dlo arcutho. U mamlano d’Marco Rubio sımwo calu amro dhuwole u bethdino leşan u msoko du rişwazire d’İsroyel Benyamen Netanyahu.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
