U Huyodo d’Urifi mbayanle 750 milyare euro la fulhone di Corona

U Komisyon d’Urifi maglele, dımbayanle 750 milyare euro xıd paketa di mcadronutho leşan u snodo du Huyodo d’Urifi, dıqodır dnofıq mu pandemi du virus d’Corona.

 Mawdıcste leşan i tahraztathe dışufco kamiloyith la haye, klozım a 27 athrawotho hadome du Huyodo dımcadri ba fulhonani.

 Bi maqırhonutho dhuwla athmıl i rişonitho du Komisyon d’Urifi Ursula Von Der Leyen mawdacla, dımbayanlın 750 milyare euro xıd paketa di mcadronutho leşan u snodo du momuno du Huyodo d’Urifi, dı qodır dşofıc u virus d’Corona dhawi hol ocdo celtho lu mawto d’350 alfo bnaynoşo bı britho kula.

 I paketathe dmahıt ışma; U generasyon hatho du Huyodo d’Urifi, leşan u snodo du momuno du Huyodo’yo cal dıhzele husrono rabo mu virusano. Bebzabno bi paketathe gıdmitaqwıyo i butja du Huyodo leşan i şato 2021 uhol 2027 u hathe gıdobo haylo hatho l’butja dgımıtyo l’1.85 milyare euro.

 Bu mamlayda Von Der Leyen mırla; İ tahraztathe du hethotho du momuno, gıdmşahlıfo u qetro dgıloqina l’mkono hatho, lo belhude bu snodo du momuno elo bu şuşoto du dactithaydan bu haqlo da şuğlone, bu şuşoto, bu hulmono, bu mahduro, bu teknoloji uğer. Hanoyo u fulhono d’Urifi u hadirena la qetre dgınufqi bıqamuthayna.

 I rişonitho du Komisyon d’Urifi makadlaste, laşan i tahraztathe dı şufco kamiloyith la haye, klozım a 27 athrawotho hadome du Huyodo dımcadri ba fulhonani u dımtabqi u planano; dımbayın bu zabno dan athrawotho hadome kıloqın qetre rabe bu haqlo du momuno cal dmıstacmelın a zuzathe lu snodo du system du hulmono, da şırak uda fulhone. U Huyodo d’Urifi gıdmoyıd 750 milyare dayno leşan dı qodır dmaqwe i butjayde du dactith.