U Huyodo d’Urifi naqlahreto maqrahle usnodeyde lu Yawnan

U Huyodo d’Urifi bu knuşyo dsımle naqla hreto maqrahle i klaytayde du snodo udi awyutho camu athro du Yawnan u cami gozarto d’Qufrus, bi sbutho di mwatyutho dkito cam Turkiya.

 Me gabo hreno u rişqutno d’Fransa Emmanuel Macron ba esore dhawile camu rişono d’Amerika Donald Trump, drışle i mwatyuthathe dkito bi sbutho du yamo Mescoyo.

Bu knuşyo da wazire di baroyutho dan athrawotho hadome du Huyodo d’Urifi dhawi bi rişonutho du mşalo da esore baroye du Huyodo Josep Borel bu darbo du nawlo, drışlın imwatyutho dkito bu Madınho Mescoyo, i sbutho d’Lebnon wa qetre dkito b’Belarus.

Bi maqırhonutho dıfriso bıthır mu knuşyano, a wazire di baroyutho mahwelın i klayto qrıhto dkıtte bi sbutho du snodo u di awyutho camu Yawnan wi gozarto d’Qufrus da Yawnoye. Bi maqırhonuthathe da wazire mırlın; U zawco dıksaymo Turkiya bu yamo Mescoyo, kxolıq lo thınihutho u mharhzonutho bu qlimo.

A wazire sımlın qroyto l’Ankara, dmakılyo a zawcani u dımnasyo dı şuryo u şuwolano bu darbo du dialog. Bebzabno mawdaclın bi harayto du yarhano d’Ob, u Huyodo d’Urifi gıdorış i mwatyuthathe dkito b’rwihutho.

Me gabo hreno u rişqutno d’Fransa Emmanuel Macron bu mamlo dhawile camu rişono d’Amerika Donald Trump mhanele i mescoyutho dsimo bu qyomo dhawi beyn İsroyel u da İmarat Caraboye Mhayde. Drışleste acme isbutho du rmoşo d’Turkiya bu yamo Mescoyo u dmanhatla i sfitayda du kroxo du nafto u du gas la maye dlatla Ankara zedqo dsaymo kroxo ebeye.

Bu droşo dhawi beyn da 2 bnayamne, makadlınste d’Turkiya klozım bu darbo du dialog dımnasyo dı şuryo u qetrano u lo bu şıkıl dıksaymo ucdo mqabıl du Yawnan u Qufrus.