U İran kımtayıb dqotıl i rişathizgadtho d’Amerika dkıtyo b’Afrika i Tayımnayto

U athro du İran mtayable tahrazto du qatlo di rişathizgadtho d’Amerika dkıtyo b’Afrika i Tayımnayto komır u tbcoco froso.

 Lfuth a istixbarat d’Amerika u İran laşan mıthnaqım tole u hayf du qatlo d’Kasım Suleymani mtayabla tahrazto dı qutlo i rişathizgadto d’Amerika.

Lfuth i sfaryawmo Politiko u athro du İran kımhaydır plan laşan dı qotıl i rişathizgadto d’Amerika Lana Mark  dkıtyo b’Afrika i tayımnoyto, xıd nqamtho awkith tloyo dhayf du qatlo du rişono da haylawotho d’Kudus Kasım Suleymani dı qtılwo mu taraf d’Amerika.

İ sfaryawmo dkobo xıd mabuco du tebano a istixbarat Amerikoye dımcaqbiwo u planano du İran.

Lfuth u tebano dıfrısla i sfaryawmo Politiko komır a istixbarat du athro d’Amerika kıtwolın tebo u mcaqbiwo u planano du İran dobacwo qotıl i izgadto d’Amerika dkıtyo b’Afriqa i tayımnoyto Lanan Mark.

Bu dumyano Amerika maglela cal tahrazto hreto du İran dımhadarwola qatlo dı mşalo Amerikoyo.