U Iraq mahıtle idho cal mluwe dkibın dmifarqıci

Bıthır mu furqoco dhawi bu lmino d’Lebnon a haylawotho du duyoqo da thume dkıtne bayn du Iraq u lu İran mahıtlın ido cam radoyotho rabe dkibin mlue dkibın yuqdi u mi farqıci bsurhubo.

Atarte radayothani dkıtne qento hani 40 yawme kmitaklın calu thumo dkıtyo bayn lu İran u lu Iraq dkıtyo ışme Zerbatya.

A radoyothani dkıtne bu gabo du Iraq calu macıbro dkıtyo bayn lu İran u lu Iraq gorış u zuhoro qay a radoyothani kmitaklın bu macbarano.

Bi mawdconutho dhula i sicto du duyoqo da thume mawdacla da mlue dkıtne ba radoyothani mlue dkibın yuqdi b’surhobone u kibın saymi qento cal dukotho dhedoraye.

U mede dıkgorış u zuhoro a radoyotho dmane, u qay kmitaklın hawxa zabno yarixo calu thumo du İran.

A radoyothani magle aclaye bıthır mıd istixbarate du athro sımwolın buqoro bu macıbro dkıtyo ba thume du İran.

İ sbuthathe magılyo bıthır mıd u rişwazire mawdacwole dıklozım misım duyoqo cala thume wa macıbro dkıtle u athro du İraq.

Bebzabno bu zabno dsımwole socurutho lıha ma macıbre mawdacwole da zuze du camo lıgmitawkıli a cawode elo gıdhowe duyoqo qaşyo cal kul mede da thume.

İ sictho du duyoqo mşawtafto mawdacla dımaqşela u duyoqo cala tarce kule laşan dlowe gnowo du mede du athro.