U knuşyo d’Astana dan 16 provokasyon mqabıl du garbyo u du madınho d’Suriya’yo

‘U knuşyo d’Astana dan 16, provokasyon mqabıl du garbyo u du madınho d’Suriya’yo’ a melani du rişono zawgoyo du Mawtbo d’Suriya Demoqratoyto Riyad Darar’ne.

Bi maqırhonutho dhuwle Darar calu huthomo da droşani dhawın beyn Rusya, Turkiya u İran bi mdito d’Astana, mawdacle dlo mşahlıf u qedomo dan tlotho athrawothani mqabıl di Mdabronutho yothoyto.

Bu mamlo dsımle u rişono zawgoyo du Mawtbo d’Suriya Demoqratoyto Riyad Darar cali maqırhonutho du huthomo du knuşyo dan 16 dsımla Rusya, Turkiya u İran b’Astana m’akadle, dkıtyo maqırhonutho mlitho provokasyone dkibın dhowın celtho zıttır dquşyo u dhurwo i aykanoyutho da dukotho frişe du garbyo udu madınho d’Suriya.

Darar mawdacle di maqırhonuthathe da 3 athrawothani dıkdorşi i sbutho d’Suriya b’Astana, latyo frışto mu leşono harufo u bcelıdbobo dıkmdawmi dmıstacmıli mqabıl di Mdabronutho yothoyto. A 3 athrawothani m’akadlın u snodathe u kamilo li morutho d’Suriya-bu zabno dıkmdawmi hani eşne yarixe d’dayşi i morutho du athro-dilonoyith Turkiya.

Riyad Darar m’akadle du nişo di bcelıdbobutho da 3 athrawotho mqabıl da came du garbyo udu madınho d’Suriya udi Mdabronutho yothoyto, u floğo du qlimo udi Mdabronutho yothoyto’yo.Turkiya kbışla hol 12 ba mo dan arcotho d’Suriya, Rusya mdela qyome camu rejim bnişo dhowe u athro bu duyoqayda wu İran’ste kull dkothe kımaqwe u haylayde b’Suriya.

Darar mawdacle’ste u koalisyon d’Suriya wa 3 athrawothani, ftiho kımahwın i awyutho dkito beynothaye leşan u xloqo d’qetre u bulbole bu qlimo. Rusya, Turkiya u İran kımtaybi plane l’zabno yarixo dlo me Amerika u Urifi u hathe gıdmamtıyo cam ruha şwole ğalabe jıddi bu dactith.