U platform d’Turcabdin frısle Buyono mqabıl di şultonutho d’Turkiya

Latna saydo dkul ma dkobıc a melani du buyono dıfrısle u Platform Turcabdin dkıtyo dafo dhın ma nahire u yaducthone du camo Suryoyo.

U buyonano u plaform frısle bhaq di sbutho di iqartho d’Be Diril dhawilin mwayce me 11 bu yarho d’konun u haroyo di şatathe.

Bu buyono kmitawmır kmıhze zoyudo du cameydan dıkhoye ba arcotheyde me zabno yarixo, mathlo lu medano kmahwe mu zabno du Sayfo di şato da 1915 a sayode lımanhatlın a zaynathe dımqabıl du cameydan me idothaye.

U platform Turcabdin bu buyoneyde komır: bıthır mi qrayto di şıltonutho i iqartho Diril daciro li qrithyda u cayişo tamo, elo naqqa hreto hawın saydo.

Atre farsufani didan manyo bıthre du htofathe wu qatlo di mnohto Şmuni Diril latyo idico elo i zihniye dkıtyo mlitho kin hakımtoyo b’Turkiya.

Bu buyono u platform ksoyım sturyo a mşale di şıltonutho dlımıdlın i sbuthathe jıddi u lı sımlın buhono acla, u lo kroxo karixi cali iqartho mu yawmo dımwayco.

Bu huthomo u buyono komır ahna u platform Turcabdin gıdhowina a mcaqbone di sbuthathe u knıtrina mawdconutho mi şıltonutho bhaq di sbuthathe.