U polis d’Mısır qtile 21 marhıbone b’Sinai

U polis d’Mısır, qtile 21 marhıbone d’Dacış bu garbyo du qlimo d’Sinai.

 Bu mamlo dsımla i wazirutho di gawoyutho d’Mısır makadla, da marhıbonani qtili ba cuqobe dsımlın cala marhıbone dımhaydıriwo ruhaye dsaymi hjome bu Ramadan.

Lfuth i maqırhonutho dfrısla i wazirutho di gawoyutho d’Mısır, qtil b’zabno d’24 şoce, 21 farsufe dıkmıthomi bi marhıbonutho bu zabno du polis sımle cuqobe cal 2 dukotho ğnize da marhıbone bu garbyo d’Sinai.

U polis Mısroyo mawdacle, da marhıbonani mhaydriwo ruhaye dsaymi hjome calu camo bu cedathe du Fıtr. U tbocofroso Mısroyo, frısle surotho da şlade da marhıbone u kıtohım Qatar u Turkiya bu snodo da marhıbonani b’Sinai.

A ğrobe marhıbone d’Dacış kısaymi ğalabe hjome cala hayle di mşaynutho u cala citotho da Mşihoye d’Mısır uba 2017’ste qtiwolın 300 Maşılmone dımsalanwo bıgawe d’masığdo bu garbyo d’Sinai.