21/05/2022

U rişizgado d’Turkiya bu Swed-hfuxyo li qoyumto Kurdoyto bu parlamento du Swed Amine Kakabave

U rişizgado d’Turkiya bu Swed Emre Yunt, bi maqırhonutho dhule lu frosqolo du Swed mdagele u tebo druhe, dhuwole lu ajans da tebe du Swed bi sbutho di qoyumto şritho du parlamento du Swed Amina Kakabave. Bi sbutho du cboro du Swed lu NATO, i qoyumto Kurdoyto Kakabave mahıtwola i klaytayda leşan u snodo du ağuno du cameyda.

21/05/2022

STOCKHOLM – Mu zabno du Swed u Finland mawdaclın dımqadamlın muracaca lu NATO turkiya fayito lu zawco u mşarela dı fırso maqırhonwotho mşahılfe dlıg tıryo a athrawothani dcıbri lu NATO.

Batre yawme haroye u rişizgado d’Turkiya dkıtyo bu Swed hule maqırhonutho dıkmahuyo du talab d’Turkiya mınyo mu Swed latyo idico mathlo lu medano bi maqıblonutho dıksoyım u ajans du Swed TT acme komır I qoyumto kurdoyto dkıtyo bu şerşo mu İran Amina Kakabwe klozım mitasılmo l’Turkiya awkith hdo ma farsufe dı Turkiya ktılbi mu Swed dmitasılmi elayo.

Bıthır bı kmo şoco u rişizgado Emre Yunt bi maqırhonutho dhule lu frosqolo du Swed mdagele I mawdconutho dhuwole l’TT u mırle I qoyumto Kakabawe latyo hdo mani dkıtyo bi lista dı Turkiya kımtalbo dmişadri lu Swed. Elo bi maqırhonutho dhuwole lu ajans da tebe mhadadwole hrene ma qoyume du athro du Swed dkıtlın şerşo b’athrawotho dlarwal mu Swed.

Naqqa hreto mahwele I klayto du athro d’Turkiya mqabıl da came mıqqa klayto rahıqtoyo mi noşutho. Bıthır Ma tebeani I qoyumto şritho Amina kakabawe frısle mawdconutho bi dafeyda du nawlo u mırla ono kıtli barmothoyutho du athro du Swed, elo en kino noşo dmihalıq mu Swed u rişizgado Turkoyo dkıtyo bu Swedyo.

İ qoyumto Amina Kakabawa dkıtyo qoyumto şritho bu parlemento du Swed hawyo i qoyumto dtrela i rişathwazire Magadalena Andersson dımşaklo şıltonutho du Swed meqım kmo yarhe awkith bu qoleyda I şıltonutho mşaklowa b’175 qole mqabıl d’174  qole da saqıbloye. I qoyumto bu şart dmahatwolea qmi şıltonutho dıklozım obawa snodo qawyo li Mdabronutho Yothoyto du Garbyo u Madınho d’Suriyawe.

Ucdo I qoyumto mawdacle dhaw ksındi I şıltonutho dkıtyo mu gabo da sosyaldemoqratoye metul dıkmanıhtıo katfo l’Turkiya bi sbutho du NATO.

Mawxa en howe qwolo bu parelemnto du athro du Swed I şıltonutho kiba xusro u tuxlono dfayşo şıltonutho du athro du Swed. İ qotyumtathe mathloyo dbu darğo qamoyo kıbco I tawutho du cameyda cam gabe dıksaymo I qoyumutho du athro du Swed.