U şutoso di claymutho Bätre Ungdom, malımle zuze la dıbhe da zulzole

SÖDERTÄLJE – U rişono du şutoso Bättre Ungdom Henrike Hortlub hawxa mfanele cala şwole d’Suroyo TV; Ahna u şutoso d’Bättre Ungdom ksaymina hfitwotho leşan u teltimo d’mcadronwotho mşahılfe, u mawxa elayna kyonoyoyo dmalimina mcadronutho l’Suriya u Turkiya.  

Bebzabno kıtlan hadome bi sictheydan dkıtne ma dukothani dhawın a zalzalat ebeye u calathe, i hfituthathe hawyo qarıwtır lu lebo. Mawxa ğalabe ulsoyowe dsaymina mede, u ulsoyoweste dsaymina hawxa hfitutho cam ğer qnume.   

Li hfituthathe mıştawtaflın farsufe mşahılfe u mqadamlın snodo li hfituthathe, lo kobacno domarno ışmone harke, leşan dlo toceno hın menaye.   

Calu şuwolo dmın sımxun bu kesfo dmalımxun Henrike mfanele; ahna bıthır mıd malımlan u snodano, maslamlan lu Slibo Suryoyo ulu şutoso dı Şlomo dkıtne hfite bu nqolo da mcadronwotho da dukothe da gunhe u bıthır hınne, kımqadmilan mawdconutho layko masılmo i mcadronuthathe dmalimolan.