U şutoso d’İCO İnsiyatif Christicher Orient sımle u knuşyayde u şatonoyo dımdawamle 2 yawme

Şutoso du İnsiyatif la Mşihoye du Madınho dkıtyo b’Austoria, bu knuşyayde u şatonoyo mşalatle bahro cala hayle mzayne du camaydan dkıtne b’Suriya MFS u HSNB.

Cal ışme du Huyodo Suroyo d’Urifi-ESU Leyla Bahdi, hadiro bu knuşyano u sımla mamlo.

U şutoso d’İCO İnsiyatif Christicher Orient sımle u knuşyayde u şatonoyo dımdawamle 2 yawme. Adşato’ste naqla hreto mşalatle bahro cala Mşihoye du Madınho Mıscoyo. U mede dıgrışle u zuhoro, mahke u mahwe hezwone calu Mawtbo Folhoyo Suryoyo-MFS u cala Haylawotho du Sutoro da Neşe d’Bethnahrin-HSNB dkıtne abne u bnotho du camaydan dmıdlın zayno b’Suriya.

Leyla Bahdi hadiro bu knuşyano xıd mathlonitho du Huyodo Suroyo d’Urifi-ESU, mqadamla mamlo ubu mamlayda mahkela cala galwoye dımgalwelın l’Austoria ma 1975, aydarbo markawe ruhaye bu athro wa casqotho dhzelın. Bcayni zabno Bahdi mıjğela cala fulhone dıkmaşe u camo Suryoyo bu athro ubi golutho.

U şutoso d’İCO dkıtyo maqbılo mi cito Qatholiqoyto d’Austoria, kıtle esore cama citotho frişe du Madınho Mıscoyo. U şutosano sımle tarmiyotho camu camaydan dıkhoye b’Turabdin, b’Suriya ubu Iraq.