U waziro di baroyutho d’Fransa hule şudoyo dgımqadmi mcadronutho la madraşyotho d’Lebnon

U waziro di baroyutho d’Fransa Şon Yv Lö Drian dsımle athmıl socurutho l’Lebnon, grışwole u zuhoro di şultonutho d’Beyrut u mırwole; Klozım dsaymıt reforme, dloste lıgmitahwelın mcadronutho!

 Elo Fransa leşan u snodo du şuşoto da madraşyotho b’Lebnon, huwla şudoyo dımqadmo 17 milyone dolare.

U kriz momunoyo d’Lebnon dıtrele u athro falj, hawi celtho du camo d’qoyım li rağlo u dtolıb mi şultonutho ya gdımcadlo i aykanoyuthathe yaste gıdmıstacfo mi wolithayda. Uhbosano da mtagliyone cali şultonutho du rişwazire Hassan Diab m’akdoste me Fransa dıktulbo me Beyrut dmafito a reformayda la haye.

I egarthathe d’Fransa hiwo athmıl mu waziro di baroyutho d’Fransa Jean Yves Le Drian dıgrışle u zuhoro di şultonutho, dıklozım dımtabqo a reformayda, dloste Paris lıkmcadro Lebnon bu haqlo du momuno.

Elo bebzabno Le Drian mawdacle, dkıtne hadire dısundi a madraşyotho du athro. A 17 milyonaniste, gıdmitahwın la 50 madraşyotho Lebnonoye dkıtne masre b’Fransa. U waziro Franşoyo huwle şudoyo, dgıdobın 17 milyone dolare xıd mcadronutho la madraşyotho b’Lebnon dkobın bu zabno du krizano du momuno ağuno rabo.

Le Drian mırle; Fransa lıkturyo i claymutho Lebnonoyto cal idotha u fotha bu krizano. Mcal fothe di aykanoyuthathe du momuno, a madraşyotho b’Lebnon, jbiri dmawfıqi hın ma malfone uma falohe wi emo u babo da yolufeste, dobın u timo du yulfonano.