U waziro du sutoro du Iraq mzaharle cal qrobo gawoyo

U waziro du sutoro du Iraq Jumca Cinad, mzaharle da hjome dıkmisomi cali fnitho yarıqto d’Boğdod, kibın dmawbıli u athro laf qrobo gawoyo.

 Camgabıdathe, u rişwazire Mustafa Alkazimi mawdacle dlıgıdmitahwe fayış fsoso l’noşo d’hotıf u fusqono folitiqoyo athronoyo du Iraq.

 U waziro du sutoro du Iraq Jumca Cinad, mzaharle da hjome dıkmisomi cali fnitho yarıqto u cala şutose du diplomasi bı Boğdod, kibın dıtıfki u athro laf qrobo gawoyo. Cinad mawdacleste dbalhude abnaymothoye du Iraq e dgıdhowın u debho dhawxa qrobo ida dhowe, u makadle da rişone folitiqoye klozım dmahti u yuthrono du Iraq bi qadmoyuthathe.

U waziro du sutoro du Iraq bi maqıblonutho dsımle acme u froshezwo d’Alcarabiya mırle “heş sniqoyena lu koalisyon emwothoyo mqabıl Dacış laşan u snodo du gayso Iraqoyo. Ahna kfılhina ucdo laşan dsaymina u sutoro da şutose diplomasi, u dımcaqbina d’grube dkımhalqi soruhe. Kito man dkobıc dıtofaklan laf qrobo, elo ahna lıgdobina fsoso lu medano”.

Mxasra hreto, u rişwazire du Iraq Mustafa Alkazimi mawdacle du zabno du bulbolo azzeyo, wu Iraq huweyo dgıdhowe morıd du fusqonayde u athronoyo. Alkazimi bu mamlo dsımle adyawma bi cohnutho da 100 ışne di mşatsonutho du gayso du Iraq, mawdacle dkito b’qamuthıd du athrayde casqıwotho ğalabe, u makadle du Iraq mşahlıf l’wahdo d’qrobe qlimoye u tibeloye.

Bebzabno, Alkazimi mawdacle du groşo d’menyono ma haylawotho Amerikoye kımathıl ha ma fire du diyalog stratijikoyo dcam Waşington yo, u mathkarle d’balhude menyono ğalabe nacimo ma haylawotho Amerikoye fayış bu Iraq. Bu huthomo du mamlayde, Alkazimi mırleste “u gayso du Iraq nafıq b’zoxutho mqabıl da tahrazyotho du tworo du haybayde”.