U Yawnan sımle sturyo i şultonutho d’Almanya cal dlıkmahto embargo da zayne cal Turkiya

U Yawnan, mawdacle ilo thnihuthayde li şultonutho d’Almanya, cal dıkrufdo dmahto embargo da zayne cal Turkiya.

 U waziro di baroyutho du Yawnan Nikos Dendias sımle Berlin sturyo, cal dlıkmahto embargo da zayne cali şultonutho d’Ankara, dıkmahrıwo i mşaynutho da 2 man athrawotho hadome du Huyodo d’Urifi.

Bi maqırhonutho dhuwle u waziro di baroyutho du Yawnan Nikos Dendias mırle; Almanya kiba dhuwyo mathlo towo, elo lıkfohamno qay lıkubco dmıstacmılo u haylo rabo dkıtla bu haqlo du momuno, leşan dmasro hın athrawotho ba qonune Emwothoye?

Dendias mırleste; Kıfohamno i hzayto momunoyto dkıtla Almanya, elo makdono d’Berlin kıfuhmo ğalabe towo i saqıbloyutho dkito bu zebono da zayne lı athro dkımhadıd u şlomo wi şalyutho b’2 man athrawotho hadome du Huyodo d’Urifi.

Bi maqırhonuthathe dhuwle Dendias, sımle Berlin sturyo cal dıkrufdo dmahto embargo da zayne cal Turkiya u mırle; Lıkfohamno qay u Yawnan mqadamle i sbuthathe l’Berlin, me darbe d’Almanya hiya dfuhmo u medano qum ruha u qedomano latyo lfuth u dawro rabo dkıtla bu Huyodo d’Urifi.

U waziro Yawnoyo mawdacle, en a rişone du Huyodo d’Urifi dsaymi cayni mede xıdu mede dsımwo bu yarho dışafıcina i mıcnayde dılo yalifi hergoyo u hano remzo fawdo dgımitahwe me Urifi lan athrawotho hrene dı brithoyo.

Dendias dmawdacleste u sabro dkıtle la fulhone dıgmaşın camu rişono hatho Joe Biden u camu waziro di baroyutho Anthony Blinken bi sbutho du qetrano beyn du Yawnan u d’Turkiya u mırle; Lfuth u renyaydi, u qlimano kıtle sniqutho li ithutho d’Amerika dilonoyith bu haqlo folhoyo leşan dmımloyo i xalyutho da hayle folhoye d’Urifi bu qlimo.