U Yawnan wa İmarat Caraboye Mhayde mdelın qyomo di mudafaca mqabıl d’Turkiya

U Yawnan wa İmarat Caraboye Mhayde, mdelın qyomo di mudafaca mşawtafto, bnişo dımcadri hdode bu zabno dhowe hjomo cal ha ma tıre athrawotho.

 Camgabıdathe, u waziro di tagorutho baroyto dı Fransa Frank Ritser tlıble me Turkiya dımyaqro u qonuno emwothoyto wi morutho Urifoyto, umzahroleste dgıdmitahıt klayto harayto mqabıl dida bu knuşyo dgımtayable u Huyodo d’Urifi bu yarho d’Konun u Qadmoyo dıbqamuthayna.

 İ sferyawmo Amerikoyto d’National Herald, mawdacla du athro du Yawnan u da İmarat mdelın lu mıhreno, qyomo di mudafaca mşawtafto bnişo dımcadri hdode bu zabno dhowe hjomo aw tehdid lıha ma tre athrawotho. İ sferyawmo Amerikoyto mawdaclaste du qyomano kımmathıl falqo mu qyomo rwıhtır di şawtofutho stratejikoyto bayn da tre atharwotho u Yawnan wa İmarat. Lfuth National Herald, u rişwazire du Yawnan Kiryakos Mitsotakis kımnase dbone koalisyone emwothoye mqabıl Turkiya, baynothaye Fransa wa İmarat.

İ sferyawmo Yawnoyto Kathimerini, mawdacla du qyomo bayn du Yawnan wa İmarat mıde bnişo dmınfıq mqabıl da fulhone dıksaymolın Turkiya bu madınho du yamo Mescoyo. Elo u Yawnan wa İmarat lıkıbci dımmi u medano.

Camgabıdathe, u waziro di baroyutho du Yawnan Nikos Dendiyas mawdacle dı Turkiya lıkobo mu yarho d’Ob dşaficina u hul ucdo, u lo aftho dmitabde diyalog banoyo, u makadle du qedomano kımharhız i şalyutho bi fnitho du madınho du yamo Mescoyo. Bebzabno, Dendiyas bi maqırhonutho dhule lu tboco froso mawdacle d’Anqara mvayacla i aftho dkıtwola dmadıcro anesorayda camu Huyodo d’Urifi, u mdarbıd du medano mnaqela u darbo dıknofıq mqabıl du qonuno emwothoyo.

Megabo hreno, u waziro di tagorutho baroyto dı Fransa Frank Ritser tlıble me Turkiya dımyaqro u qonuno emwothoyo wi morutho Urifoyto, udmakılyo u qedomayda u bceldboboyo. Ritser bi maqırhonutho dhule lu froshezwo d’Skay News grışle u zuhoro calu Huyodo d’Urifi dgıdmahıt klayto qrıhto bu knuşyo dıbqamuthayna mqabıl di siyase dkımmaşyola Turkiya.