Uqlimo d’Arizona mıctarafle bu Sayfo da 1914

U sayfo du camo Othuroyo-Suryoyoyo mawde ebe bi hiğmonutho d’Arizona d’Amerika.

 Bi mawdconuthathe dhawyo bi hiğmonutho d’Arizona mawde bu Sayfo di şato da 1915 u be bzabno u senato maqbele du yawmo d’7 Ob dkıtyo u yawmo du duxrono dmitamte u sayfo lu bolo.

Bi rmoyto dımqadmo lu senato di hiğmonutho d’Arizona kmitahke calu maktabzabno du cameydan, wu camano dıghoye mbarbızo bı britho u hul 600 alfo mene dıkhoye b’Amerika u b’Arizona.

Bi rmoyto kmitawmır du qtulğensano hawi bayn di şato da 1914 hul l’1923 u qtil zıttır me 300 alfo ruhotho mu camo Othuroyo-Suryoyo, bu zabnano du qtolğenzo dıkmidıc Sayfo ba alfowat mu camano jbir li golutho.

Ba rdufye dımşarewolın mu şuroyo da 1800 wat qtil zıttır me 3 mılyune d’camo ma armınoye Suryoye-Othuroye u wa mşihoye hrene.

Adşato fayıt hani 105 ışne calu qtolcamo dsımla i mamlaxtho da cothmanoye dkıtyo Turkiya u dewameyda, u hul ucdo heş Turkiya lı mawdela bu qtolğensano.

Bi rmoytathe kmitawmır hul d’Turkiya lı mawdiyo bu Sayfo kfoyış tarco ftiho dkibe qulnaqla d’howe qtulcamo hawxa.

Mawxa u senato di hiğmonutho d’Arizona mawdele bu qtolğenso du camo Othuroyo  dhawi bi şato da 1915 dkıtyo be bzano gunho di noşutho.

İ nuqto da tarte dmaqıblo da hadome du senato kımaqbıli u duxrono dba alfowat d’othuroye dımwayaclın a hayathe bu sayfo di şato da 1915, wi nuqto da 3 dmid fusqono acla du yawmo d’ Ob dhowe yawmo du duxrono du sayfano.

Bu şıkılano hiğmonutho hreto du athro d’Amerika mawdela bu sayfo du camo Othuroyo-Suryoyo.

Bi mawdconutho dıfrısle Sayfo Center mırle dhawila tacbo rabo ba fulhone di mawdyonutho du sayfo dhawi bi hiğmonutho d’Arizona.