Washington mıstacmela i meltho du qtolğenso

Bu Qusro Heworo, mıstacımlo athmıl i meltho du qtolğenso bu zabno dıgriş u zuhoro cala gunhe du qatlo dan Armınoye, bi şato dan 1915 bu zabno di şultonutho da Cuthmanoye.

 Hathe i naqla qadmoytoyo dıkmitıstacımlo i meltho du qtolğenso dan Armınoye mu zabno dıhkımwole u rişono catiqo d’Amerika Ronald Reagen uholucdo.

İ notarathrozo du tbocofroso du rişono d’Amerika Keyli Mekinani, bu knuşyo dsımla bu Qusro Heworo, grışla u zuhoro cala gunhe du qatlo dsimi calan Armınoye bi şato dan 1915 b’Anatolya bu tayman madınho d’Turkiya, u mıstacmela i meltho d’qtolğenso dan Armınoye.

Mekinani mıstacmela i meltho d’qtolğenso bu zabno dmahkela calu hjomo dsim cali qoyumtho du Sayfo dan Armınoye bi mditho d’Denver b’Amerika, bu zabno dsimi a tagılyotho du protesto mqabıl du calu qatlo du Amerikoyo komo George Floyd.

Mekinani bi maqırhonuthayda mırla; Xıd kmahwe kito bsirutho du fhomo udi idactho makthabzabnoyto, i naqla dıkmitahırwo i qoyumtho du qtolğenso dan Armınoye u dıkmathkıro a debhe da gunhe kulle dkıtne mqabıl di noşutho.

Hathe i naqla qamaytoyo dıkmitıstacımlo i meltho du qtolğenso dan Armınoye, mi xasra di mdabronutho du rişono d’Amerika Donald Trump, u mxasra hreto mu zabno dıhkımwole u rişono catiqo Ronald Reagen. Bi harayto di şato da 2019, kongre d’Amerika ruşmoyith mıctarafwola bu qtolğenso dan 1915 dhawi calan Armınoye, cala Suryoye-Othuroye ucala Yawnoye Pontusoye.