Zıd me 500 mşihoye qtili b’Etiyupya

Zıd me 500 Mşihoye bu athro d’Etiyupya qtili b’şıkıl barbroyo bu qlimo d’Oromya.

 Ahjomani dsimi ma Maşılmone tuxmonoye du grub d’Oromo, athın luhwoyo xıd tloyo du hayf du suikast du qatlo du zamoro mşamho Haşalo Hondisa dkıtyo mu grub di caşırto etnikoyto rabtho d’Oromo.

 29 bu yarho dı Hzirın dşaficina, u qatlo du zamoro mşamho wu hfito folitiqoyo Haşalo Hondisa trewole şğuşyo u bulbolo rabo bu athro d’Etiyupya, cal du zamorano kımtalabwo ba zmirothayde dmitahwın a zedqe di caşırto etnikoyto rabtho dkulle b’ Etiyupya dıkmidoco bu ışmo d’Oromo. İ caşırtathe 70% mu camayda Maşılmonene u 20% Mşihoyene.

U şutoso Mşihoyo d’Barnaba di mcadronutho noşoyto, bu taşroro dıfrısle mawdacle da Maşılmone tuxmonoye d’Oromo mu yarho d’Hzirın u hul ucdo qtilın zıd me 500 Mşihoye mi caşırto d’Oromo xıd tloyo du hayf du qatlo du zamoro Hondisa. Lfuth u şutoso d’Barnaba, a’Maşılmone qaşye b’şıkıl barbroyo hjımlın ba zayne, ba sayfe u ba rumhe cala bote da Mşihoye dkıtne bu qlimo d’Oromya u nhırlın zıd m’500 farsufe.

A gurube Maşılmone tuxmonoye kıtwolın lohiyotho ba nışmone da Mşihoye u qtilın kul farsufo dkıtwe hfito b’gawıd di cito bu qlimo d’Oromya. Bebzabno, adukane di tagorutho da Mşihoye mawqıdi, manhıbi u shifi. Wa sohude di cayno bi mawdconutho dhulın lu şutoso d’Barnaba mathkarlın da pwelıs gawoye fayişi mfarjone cala gunhe du qatlo da Mşihoye.