MARDUTHO

MOSKO – Yawme d’Huşabo dşaficina ubu syomido di qadişutho du fatıryarxo Mor Awa Tlithoyo Rowel, u şamoşo ewengeloyo Yaqo Artur Avdişev masrıh kohno hatho mcadrono li cito d’Madınho d’Othuroye d’Yudlath Aloho dkıtyo bi erişkoyto d’Rusya bı Mosko.  I masırhonutho du kohno hatho athyo luhwoyo bi methcadronutho du hasyo di marcitho d’Suriya…

VIYENA — Yawme d’Huşabo dşafıcina dkıtwe u cedo du Fanti Qusti, mtayıb yawmo dilonoyo bi cito d’Madınho d’Othuroye dkıtyo b’Viyena d’Austoria. Bu Qurobo Alohoyo dsim bi cito, hadır’wo ucamu kohno di cito Abuna qaşişo Nison, u hasyo di marcitho d’London di cito d’Madınho d’Othuroye-i mcalyutho d’Mor Awraham Yuxanis. Bıthır mu Qurobo…

MIDYAD, TURCABDIN, Turkiya — Lfuth u tebo dmatilan me Turabdin, ftih ucdo dawra ruşmoyto du tewlifo du leşono Suryoyo b’Midyad People’s Education Center-awkith u Qentrun Yulfonoyo da Came b’Mıdyad. Malfono Adem Coşkun mqadamwole ba 2024 taşroro d’28 fothotho li wazirutho du yulfono, bnişo dmitacbır u leşono Suryoyo’ste bi tahrazto. Meqım…

GÖPPİNGEN, Almanya – Adşato’ste u Huyodo da Neşe d’Bethnahrin u fırco d’Göppingen d’Almanya, hadır i hfitutho şatonoyto dıkmitaybo hani 350 eşne bi mdito. Göppingen kobo yuqro li hfituthathe dımşarewola yawme d’Cruto u dgımıhthomo yawme d’Tre, bi mıştawtıfonutho dhol 250 şutose frişe. Bi hfituthathe’ste, kmıştawtıfi a yolufe da madırşotho. Adyawma’ste mtaybo i…

STOCKHOLM – U şukonano d’Kavian ma 2012 kmitahwe kull şato l’farsufe u şutose dıkfulhi dlo enonoyutho leşan dmıxlıq britho tawto. A farsufe dıkmidaşni u şukonano, kıfulhi lu şlomo, lu şbuqyo, lu snodo du camo faqiro, lu şuşoto di mardutho, lu hefodo du mahduro uğer. Adşato’ste, mdaşın u şukonano lha Suryoyo bu…

GIESSEN, Almanya – Adşato’ste maczamle u Hudro Almanoyo d’Alanya da Raqode d’Orient u Huyodo da Neşe d’Bethnahrin u fırco d’Giessen bu lalyo dımtayable bi karxutho d’Polheim. HNB dkull naqla kmitaczım la hfitwotho, idico’yo bi karxutho ba fulhone  dıksoyım.   Wu nişo du Huyodo’ste, dmazıd u dmaqwe a esorayde cama hudre u comure…

POHLHEIM-GİESSEN, Almanya – U Hudro d’FC Turabdin-Babylon b’Polheim d’Giessen d’Almanya, kobe ulsoyutho la droşe ula muroye da gudayde kulle, bnişo dmişawşıti u dmitaqwın zıttır u dmotın l’darğe celoye. Bu dumyano kibe u Hudro mawdıc ruhe la gude hrene d’Almanya, dgorış u zuhoro calu camaydan u dmaşmıci qole wu dmıftıh gade lu…

SODERTALJE, Swed – U leşono Suryoyo dkıtyo b’qento rabo dmıtce, hiw ucdo yuqro lu tecişayde ulu şuşotayde bu Swed. Lfuth u federasyon Suryoyo, kito ucdo lhiqutho beyn du camo-dilonoyith beyn di claymutho, leşan u yulfono du leşono Suryoyo emhoyo. Ubebzabno, ğalabe citotho’ste bıdelın dobın yuqro lu tewlifo du leşono. Meqım…

SWED – U kathowo du camaydan Besim Aydin, kthuwle kthowe xıd teşcıyotho bu zabno du Sayfo, kthowe da muklone marduthoye du camaydan u kthowe hrene’ste leşan a tloye. Ucdo’ste kathowo Aydin tbıcle ucdo kthowo hreno dkıtyo teşcitho la tloye. Kull warqo du kthowano kibe ışmo kthawto bu leşono Suryoyo ubu Swedoyo…

SWED – U istatıstik-u Enket dımtayable Geshro dışme; ‘Turabdin och framtiden’ kmisım ucdo belhude lu camaydan dıkhoye bu Swed u bıthır’ste, gıdmisım bğer athrawotho d’Urifi. Bu buhonano kmıgrış bu şuroyo u zuhoro cali rehımtho-intresse dzayido beyn du camaydan ba eşne haroyani l’Turabdin u dftıhla u darbo da socurwotho dıkmisomi kull şato…

ZÜRİCH, Swisra – Kull şato, kıhodır came frişe d’Swisra lu yawmano da falohe dbrıtho Ha Iyor dıkmitathkır b’tagliyotho u hfitwotho mşahılfotho. Adşato’ste xıda eşne d’meqım, mıştawtafle şutose frişe du camaydan d’Swisra; beynothaye u Huyodo di Claymutho Suryoyto, u Huyodo da Neşe d’Bethnahrin-HNB wu Huyodo Suroyo d’Urifi-ESU lu ştand d’Zürich. A…

JINNET/HAZAKH, Tur Abdin – U cedano di Qyamto d’Moran Yeşuc Mşiho mcayadwo adşato ma comure di qritho d’Jınnet dıkhoyın hani 40 eşne ban athrawotho d’Almanya u Beljika. Bıthır mu cedo dsim bi cito d’Yuldath Aloho b’Hazax, a comure di qritho d’Jınnet mtayablın ruhaye dımcaydi’ste u cedo du qadişathe Mor Gewargis.…

U Hudro da Neşe Suryoye b’Turabdin mtayable hfitutho du cedo bu bınyono du Federasyon da Hudre Suryoye dkıtyo bi mdito d’Mıdyad. Bu zabnano dımqarawle u cedo di Qyamto du camaydan, sımle u Hudro da Neşe Suryoye qroyto la nacime di mdito uda qıryawotho dhedora, dabici dmıştawtıfi cama emothathe li hfituthathe.…

BOGDOD – İ sictho di claymutho Qatholiqoyto di cito Kaldoyto du Ciraq, mtayabla i turnuwa rbicoyto du papa Mor Fransis di esfireğlo da citotho d’Boğdod. A’muroye di turnuwathe simi bu wahdo di cito da tre Şlihe dkıtyo bi fnitho d’Aldora bı Boğdod, bi mıştawtfonutho d’13 gude ma citotho Kaldoye mşahılfe…

CIRAQ – U rişqutno du Cıraq dr Abdullatif Jamal Raşid wu rişwazire du Cıraq al Sudani bi egartho dfrısle mırle; Bu zabno dıkmcaydina i şato hathto Bıbloyto d’Akitu, kımqadmina a tahınyothaydan u kıtulbina lu camaydan kule-dilonoyith lan ahunone u ahwothaydan an Othuroye Kaldoye Suryoye dıkmcadi u yawmano u catiqo dıkmasır…

U rişwazire d’Armenia Nikol Paşinyan, frısle egartho bi dafayde d’X u mqadamle a tahınyothayde lu camaydan u Othuroyo dıkhoye b’britho u dilonoyith dıkhoye b’Armenia bu cedo d’Ha Nison. Bi egarthayde Paşinyan mırle; Me lebi kule kımhaneno an Othuroye kulle bi cohnutho di şato hathto d’Ha Nison. Kıtlan sabro du bıtlono…

MUNCHEN, Almanya – Lfuth i mawdconutho dmatilan mu şutoso da Mşihoye du Madınho b’Almanya-ZOCD, mtayabwo ba yawmotho dşafıcina hfitutho du iftar me Project Peacemaker-awkith mu şutoso d’Tarmitho du Syomo du Şlomo bi mdito d’München. Simon Jacob mqadamle i tahrasto du ramshano ax mathlono da şutose “Project Peacemaker” u ZOCD. Li hfituthathe…

U Mawtbo Umthoyo d’Bethnahrin bu buyono dıfrısle adyawma mawdacle du ağuno di hirutho dıkmitahwe bi rişonutho d’MUB, kmısnıd lu maktabzabno di şato da 6775 du cedo d’Ha Nison Akitu, u mathkarle ste d’Akitu xıd ha ma cede qamoye di noşutho, sbartho di cyeşe hathto u du mathyo du rbico’yo. A’mdinotho,…

CATSHANE, Lebanon – B’zawho ruhonoyo makthabzabnoyo rabo, i cito Suryoyto Ortodoksoyto d’Antiyuxiya masrahla i tubthonutho d’Mor Basilyos Josef mafıryono hatho lu Hınd, bu syomido di qadişutho du fatıryarxo Mor İğnatiyos Afrem Trayono ubi methcadronutho da hsayo mcalayo a’hadome di Sunados Mqadaşto di cito. Bu zawhano dımtayıb bi cito d’Yuldath Aloho…

NEMRUD, Ciraq – U malko di mamlaxtho dan Othuroye Ashurnasirpal, sımwole i mditathe d’Nemrud zabno arişkoyto u kıducro l’1250 uhol 610 meqım me Mşiho u kınuflo bu garbyo du Cıraq-awkith 360 kilometre mu garbyo d’Boğdod u belhude 32 kilometre mi mdito d’Mawsal bi hiğmonutho d’Ninve. Bu zabno da ğrobe marhıbone…

MAINZ, Almanya – U salon di cito d’Madınho d’Othuroye di mditho d’Mainz bu athro d’Almanya, sımle baytoyutho l’turgomo mşawtfo du nuhoro dımtayable u Huyodo da Neşe d’Bethnahrin d’HNB cami sictho da neşe di cito d’Madınho d’Othuroye.  U turgomano dhadırle 25 neşe mu camaydan di dmitho d’Maynz ud’ğer mdinotho Almanoyo, sim…

BREMEN, Almanya – İ rişonitho zawgoyto du Huyodo Suroyo d’Urifi-ESU Manuela Demir wi mathlonitho du Huyodo da Neşe d’Bethnahrin-HNB Rafqa Gabriel maczımi xıd dayfe la hfitwotho dsimi ma şutose da Kurdoye d’Bremen d’Almanya leşan u cedo du Newroz. Camgabe da mathlone d’ESU u HNB, dhadır’ste bi qamayto lu resepsyon dsim…

BOSTON, Amerika – U turgomano mtayıb cali zminutho dımqadmo mu ferco da leşone uda mdinoywotho du madınho tahtoyo di bethsawbo d’Harvard d’Amerika, xıd dawse dıkımgaşmo i yasifutho tibeloyto dıkmitahwiyo li yortutho marduthoyto du camaydan bu Ciraq.  Bu turgomano dhew mu mdabrono gawonoyo di mardutho udi amnorutho Suryoyto bu qlimo d’Kurdistan…

BOGHDOD – Bu taro du yuqro dhuwla i şultonutho Cıraqoyto bnişo dmitadcıri naqla hreto an athare catiqe bu athro, hiw athmıl maqırhonutho mi Sictho da Athare udi Yortutho dkıtyo bi şultonutho du Cıraq. Bi maqırhonuthathe magle, bi netiçe da fulhone uda esore dsimi leşan dmihafdo i yorutho catıqto du athro,…

GOPPINGEN, almanya – Lfuth i mawdconutho dmatilan mi mdito d’Göppingen, a hadımyotho du Mawtbo du Huyodo da Neşe d’Bethnahrin cama noqufe hrene da şutose du Mawtbo Umthoyo d’Bethnahrin; beynothaye ESU Youth, hadiri a hfitwotho dsimi bu wahdo du qentrun di mdito. A hfitwothani dıkmisomi kull şato b’Göppingen-hawın xıd mardutho beyn…

B’Barcelona d’Spania, layım athmıl ba mo alfayo dıbnaynoşo u mathkarlın u yawmo Tibeloyo da Neşe Falıhyotho d’Britho. İ taglithathe simo, bu zabno da qoyume kıdorşi u qonuno du cnufyo ğensoyo b’Spania. Ba tagliyotho dsimi b’ mdinotho frişe d’Spania, a claymotho yolıfyothoste tcınlın lohyotho dkıtwo kthiwo aclaye; İ mıcne du feminizm…

TICINO, DELMENHORST, HAMBURG – Athmıl dkıtwe u yawmo da Neşe Falıhyotho d’Britho, mtayıb hago mşawtıfo ma hadımyotho d’.HNB b’Ticino camu Hudro Suryoyo du kanton. U hagano dhani zabno yarixo sımwo i hedriyayde, sim u futohayde me Martha Hobel u Aynur Butros, dsımlın’ste a mamle dcali mınce du lalyo bu leşono…

U Mawtbo du Huyodo da Neşe d’Bethnahrin dfrısle adyawma buyono, mathkarle u yawmo d’8 Odor u mahkele cali lo kinutho dımşarela bu xloqo da sedre beyn du ğenso, wi athto aydarbo mıştacmıro bkull haqlo. Bıthır mıd mahto bu darğo da tre, camu şuşoto da sistame dkıtwın rakiwe cali hakimutho du…

BRITHO – U buyonano du Mawtbo Umthoyo d’Bethnahrin kımşare ba mele; U ağono di athto, u garanti d’kenşo demoqratiqoyo’yo, frışle duktho rwıhto calu yawmo Emwothoyo da Neşe u komır; U Yawmano d’8 Odor, b’britho kmicayıd bhaqle u b’hfitwotho mşahılfotho. Bu yawmano u makthabzabnoyo dkıtle asirutho bi noşutho, bşıkıl hfito kmınqoli…

NEW YORK – U taşroro dıfrısla adyawma Emwotho Mhaydotho kımşalıt bahro cala zedqe da neşe ucali şawyutho bayn da tre ğense, ukmawdıc d’ha ma n’arbıco sahme da şultınwotho dıbritho mhalaqlın dawsat laxalf bi sbutho da zedqe da neşe bi şato dşaficina da 2024.  Cıl mdımhalıq dawsat msimone bi sbutho du…

ZEIST, Hollanda – I qadişutho du fatıryarxo di cito d’Madınho d’Othuroye bu Ciraq ubıbritho Mor Awa Tlithoyo Roel, mrayşanle yawme d’Huşabo dşaficina u zawho du futoho ruşmoyo udu qudoşo du madhıbho di cito hathto d’Mor Bınyamen Şamcun bi mditho d’Zayst bu athro d’Hollanda. I citathe d’Mor Bınyamen kmıhşowo i cito…

BRITHO – Frısle u Mawtbo Umthoyo d’Bethnahrin buyono bi cohnutho du yawmo du leşono Emhoyo. Bi rishitho “U Leşono emhoyaydan ı ıthuthaydanyo” i Sictho di Rişonutho d’MUB kımmo: ——— Buyono Mawtbo Umthoyo d’Bethnahrin ——— U LEŞONO EMHOYAYDAN İ İTHUTHAYDANYO U leşono emhoyo Suryoyo du camaydan, ha ma leşone qamoye di…

LONDON – Sim ba yawmotho dşafıcina u futoho ruşmoyo di cito d’Yuldath Aloho dkıtyo bi şawtho d’St James Avenue b’London d’Britania. İ ctathe dfayşo’wa sxırto 8 eşne, zwino’wa mu camaydan di cito d’Madınho d’Othuroye u mhathıtho mi çamaca di cito. Wu meqım 2 yawme sim u qudoşayda u ftihi a…

Bu mamlo dsımle bi bethcatiqotho Athronoyto du Cıraq dkıtyo b’Boğdod, u waziro di baroyutho du athro Fuad Hussein maglele, du Yaban u Swisra madcarlın mınyono d’falqe athare; beynothaye hayklo du aloho di şemşo-Maran Şamaş. U hayklano, kıdocır lu doro da 8 meqım me Mşiho ulu zabno di mdinoyutho di mamlaxtho…

U rişono di marcitho d’Mawsal, d’Kerxıslox udu qlimo d’Kurdistan di cito Suryoyto Ortodoksoyto hasyo Mor Niqodimos Dawud Matti Şaraf, dıqle athmıl u noquşo di cito makthabzabnoyto d’Mor Tuma bıthır mıdkmaili a’fulhone du bnoyo u hethothayda bi mditho d’Mawsal. Bu dyoqo du noquşo di cito d’Mor Tuma, daciri a’haye m’hatho li…

LEBNON – Bi cohnutho du cedo du şfico di cito Suryoyto Marunoyto qadişo Mor Maron, u fatıryarxo Mor Bşara Bıtrıs Alraci mrayşanle u qurobo alohoyo d’yawme d’Huşabo bi cito d’Mor Jırjıs bi mditho d’Bayrut, bi mıştawtfonutho du rişqutno d’Lebnon rabhaylawotho Josef Caun wi bethzawgayde Nicmat Caun, u rişono du parlamento…

BETH NUHADRA, Ciraq – İ şırke Yabanoyto d’Lexus, frıswola methhawyonutho d’model hatho da radoyothayda dqulcowa calu geşro catiqo d’Jerwan b’Nuhadra-dkıtyo 3 alfo eşne catiqo. İ methhawyonuthathe, bıthır frisowa bu tbocofroso kenşoyo. U geşrano bnewo 690 meqım me Mşihoyo bu zabno du malko Othuroyo Sanharib leşan u nqolo da maye ulu…

VAKIFLI, Turkiya – Bıthır mi zalzale dhawyo’wa bu tayman madınho d’Turkiya bu yarho d’Şbot da 2023, hzewole u qlimano u acme’ste dukotho d’Suriya, husrono rabo. Hdo ma dukothani du taymno d’Hatay b’Turkiya, i qritho harayto dkıtte an Armınoye b’Samandağ’yo. Elo, lfuth i dafo di Bianet, i aykanoyutho casqo di qrithathe…

STANBUL – 6 bu yarhano d’Konun u haroyo, masrıh şamoşo Andreas Gürkan lu darğo d’qaşo li cito d’Mor Afrem d’Stanbul. U zawho di masırhonutho du kohno hatho, simo mi mcalyutho du hasyo Mor Filksinos Yusuf Çetin-u hasyo di marcitho d’İstanbul, Ankara u İzmir. Abuna Andreas Gürkan, u kohne qamoyo dıkmitasrıh…

MARBUR, Almanya – Lfuth i mawdconutho dmatilan mu hawraydan Abgar Ay, yawme d’Huşabo dşafıcina sımle u Symfoni Orkestra du Akademi d’Hatay (‘Hatay Akademi Senfoni Orkestrası’) konser rabo bi mdito d’Marburg d’Almanya. U konserano mtayıb bu snodo du şutoso di mcadronutho da dıbhe di zalzale d’Antiyoxiya. Bıthır mu gunhano da 2023,…

LOSSER, Hollanda – Lfuth i mawdconutho dhiwo me myaqro Şemcun Turan dbe Haydo, taşdarto mi iqartho dbe Şamun Hanne Haydo dıkcayşo b’Hollanda, sımla socurutho li hasyutho di cito Suryoyto Orthodoksoyto dkıtyo b’Stanbul u mıstaqbılo mi mcalyutho du hasyo di marcitho d’Stanbul, Ankara u d’İzmir-Mor Feliksinos Yusuf Çetin. Bi socuruthathe dsimo,…

BOGHDOD – I mdabronutho gawonoyto du yulfono Suryoyo du Ciraq, sımla u futoho di methhawyonutho şatonoyto du rşomo, da naqşat udu xtuto Suryoyo. I hfituthathe dımtaybo yawme d’Huşabo dşaficina bu salon di madraşto dilonoyto d’qadişo Mor Tuma du gymnasyet b’Boğdod, mıştawtaflela mşale da ferce du yulfono Suryoyo, u mathlone mi tarbitho…

ALMANYA – U hagano dımtayıb mi sictho d’HNB u ferco d’Gutersloh u Paderborn d’Almanya cama şutose du Mawtbo Umthoyo d’Bethanhrin mşarewole bu falqo marduthoyo dmahwelın a lbuşe maktbzabnoye u marduthoye du cameydan. Bu kle qatinto d’şetqo leşan da mithe du zulzolo.  Bıthır mathe i mşalonitho d’HNB u ferco d’Gutersloh u…

SÖDERTӒLJE, Swed – Bi tahrazto dsimowa athmıl b’Suroyo TV kıtwo dayfe malfono Skandar Demirel Musa Ardiş u malfono Eliyo Seven d’Bethqırmız d’drışlın i aykanoyutho du leşono Suryoyo u bıthır hulın mawdconutho aydarbo kibe mitaqwe u leşono Suryoyo emhoyo bayn du camo bi golutho u bu athro.  Bi tahraztathe dımqadmo mu…

BRITHO – Frısle u Mawtbo Umthoyo d’Bethnahrin buyono bi cohnutho du yawmo du leşono Emhoyo. Bi rishitho “U teqwiyo du leşono emhoyaydan i wolitho umthaytaydanyo” i Sictho di Rişonutho d’MUB kımmo: ——— Buyono Mawtbo Umthoyo d’Bethnahrin ——— U TEQWİYO DU LEŞONO EMHOYAYDAN İ WOLİTHO UMTHAYTAYDANYO U camaydan u Suryoyo-Othuroyo-Kaldoyo-Oromoyo laşan…

U Huyodo da Neşe d’Bethnahrin-HNB xıd hedriye la hfitwotho dgımisomi bu yarho dıbqamuthayna, mcayadle a neşe dbritho u dilonoyith a neşe du camaydan bi cohnutho du yawmo Emwothoyo da Neşe Tacobe dbritho ula neşe dkobın ağono leşan i hirutho di athto. HNB abıc dmamte lu bolo u dawro dhawile u…

Cali zminutho ruşmoyto dımqadmo mi tahbartho da malfone d’Almanya, sımla meqım kmo yawme taşdarto mi Sictho du yulfono umi Sictho du huyodo da malfone di Mdabronutho yothoyto du garbyo udu madınho d’Suriya socurutho l’Almanya. Bu zabno di socuruthathe, i taşdarto di Sictho du yulfono udu huyodo da malfone laqyo şutose…

Ha ma man abne du camaydan dıkthuwle ışme bu makthabzabno du camaydan, Naum Faiq’yo dkıtyo ışme u şroro Naum Elias Yahkub Palakh. Naum Faiq dmawlıd bi mdito d’Omid ban 1868, hawile fulhone b’haqle mşahlıfe u mawfaqle mğale xıd; Kukwo d’Madınho, Huyodo, Shiforo, Bethnharin uğer. Bıthır mi madraşto maqrewole Naum Faiq…

BRUKSEL – U duxronano dımhaydrle u İnstetut bi Bethmardutho du camo d’Bethnahrin dkıtyo b’Bruksel gıdmşare bi şoctho da 15.00 bıthır me falge d’yawmo-ramhıl, yawme d’Huşabo 5 bu yarhano d’Şbot, dkıtyo u duxrono du malfono Naum Fayiq. Bu yawmano camgabe du duxrono du malfono, gıdmisomi’ste a muroye da mimre ud taşcyotho…

BETH ZALIN (Qamışli), Suriya – Tre bu yarho d’Şbot bi şato da 2020, sim u futoho du frosqolo Suryoyo dkıtyo u qamoyo ba fenyotho du garbiyo udu madınho d’Suriya. Suroyo FM dıkforıs tahrazyotho bu leşono Suryoyo u Caraboyo, mhalaqle b’zabno karyo dawsat makışrone bıthır mıdmıdle duktho rabtho b’gawıd du kenşo…

Swed 28 Qonun II (Muroyo di ahunutho) Örebro ÖSK Fotboll 0 Örebro Syrianska 2 Hollanda 29 Qonun II Enschede FC Suryoye 1 BWO 3 Almanya 29 Qonun II (Muroyo di ahunutho) Gütersloh Tur Abdin Gütersloh 1 Suryoye Paderborn 6

U amnoro professor Cıraqoyo Michael Rakowitz dıkhoye b’Amerika kobıc dobe haye hathe la athare dmahrıwi mu tukoso marhıbono d’Dacış bu Cıraq. Elo i diloyto dkıtle u amnoro, da atharayde kmisomi me medone catiqe dıkmalım mi duktho dkothe u athar mene. U amnorano meqım zabno, sımwole u tawro gefonoyo d’Lamasu bu…

İ gelyunorto Tunizoyto Franşoyto Farah Abdessamad frısla i mimarthathe bi dafo d’Middle East Eye u kımmo; An Alıhyotho, a qaşişe, a mlıkyotho-6 neşe d’tcın elo dımşakelın Bethnahrin i catıqto’ne. Bi mimarthathe i yarıxto kmitahke bu şuroyo cali darguşto di mdinoyutho dkıtwa mlitho mardwotho u catirutho u duktho-dkıtwola neşe xıd malıkyotho…

BRUKSEL – U Enstitut d’Bethnahrin dı Bruksel kımtayıb muroye da teşciyotho karye uda mimre bu ışmo d’Naum Faik. U nişo du muroyano dmıfroso i falsafe d’malfono Naum Faik, u bu xtutayde dmişajıc u camaydan dmıstacmıl u leşonayde u emhoyo. A mimre wa taşciyotho karye dlo şıfci a 5 alfo mele…

HENGELO, Hollanda – 6 amnore u rahsome man abne du cameydan dkıtne, Miray Barsouma, Barsoum Barsouma, Habib Gouriya, Jack Eliya, Hamourabi Soumi u George Miro; ftıhlın methhawyonutho da rshome camıhdode. U hudro d’Mor Circis di Hasake dımhadarle i methhawyonuthathe, u benyoneydan d’Suroyo TV dkıtyo bi mditho d’Hengelo sımle baytoyutho ela. Athmıl…

U konferansano dımtakaswole 14 bu yarghano u Huyodo da Neşe d’Bethnahrin-HNB bu hudro da Suryoye b’Contone d’Swisra bi şoctho da 18.00, hadırwole 3 şutose hrene dkıtwın-HNB, u şutoso du integrasyon du kanton d’Ticino, u gabo da semoloye d’Ticino, u şutoso da buhone dcali golutho. U konferansano dmahıt bu ışmo; Leşan…

CNN Travel dkıtyo dafo leşan a socure-a turist, frısla mimartho cali mdito catıqto d’Mırde b’Turabdin. Bi mimarthathe kmitahke calu şufrayda, cala bote, dayre citotho mşahılfotho, masığde, cala came cala haye fşite dıkhoyın bi mditathe dkıtla makthabzabno catiqo dban alfayo d’eşne. Bebzabno friş duktho la kefe da şurone hewore u mzayne…

Neşe hadımyotho u emotho du camaydan dıkhoye b’Swisra, mtayablın athmıl yawmo dilonoyo lu iqoro da emotho-bi cohnutho du yawmo da emotho dıkmisım kull şato 9 bu yarhano d’İyor b’athrawotho frişe d’Urifi. Li hfituthathe dsimo bu matcımo d’Josef Mixo dkıtyo dha man abne du camaydan d’Swisra, hadır ba casrowat d’neşe u…

BRUKSEL – I Kulonoyto awkith u İnstitut d’Bethnahrin d’Bruksel, gıdmabde bu yarho d’Tamuz u d’Ob dıbqamutheyna dawro yulfonoyo du qayto. Bi mşablonutho d’malfone u malfonyotho bethsawboye dkıtne Nurgül Çelebi, Adem Coşkun, Gamze Özdemir u Miklosh Kerekes gıdmitahwın a droşani. Beyn da droşani kito, leşono Suryoyo kthobonoyo, leşono Cıbroyo, a tawdyotho…

YEREVAN — U qentrun di Amnorutho yulfonoyto b’Yerevan, gıdsoyım baytoyutho li methhawyonutho dgımtayıb u Waqıf d’Hrant Dink calu mşalo u rişkothubo di sfaryarmo Armınoyto d’Agos bi cohnutho da 15 eşne du qatlayde b’Stanbul qum du bınyono di sfaryawmo 19 bu yarho d’Konun u haroyo da 2007. U frosano gıdhowe dilonoyith cala…

B’Eden Venues b’Bonnyrigg dkıtyo b’Sidney d’Australia, sim zawho rabo lu futoho di Betharke dftiho bi fnitho. Lu zawhano du futoho hadırle hol 300 czime; beynothaye claymutho mu camaydan dmawdacla i fsihuthayda lu futoho di Betharkathe. Ba mamle dsimi bu futoho di Betharke, mawdaclın’ste u sabro dkıtte du camaydan dqodır dımhafıd…

TURCABDIN – Bu athro da abohotho bi Gozarto d’Bethnahrin, u cameydan bıthır me 2 eşne di Coroan, sımle socurwotho la bethqbure u acme bece, kliça u şakar leşan dmifalği lu camo dıkhodır ba bethqbure la slawotho dıkmisomi ma kohne cala canide. Bıthır mi slutho dıkmisomo, u camo kızze la qabre…

ANTAKIA, Turkiya – Bi şabthathe dkıtyo i şabtho du haşo lfuth u tekso da citotho Orthoduksoyutho, a Mşihoye dkıtne b’Antakia sımlın zuyohe da yawmothani-da uşacne holu cedo di qyamto dkıtyo ramhıl yawme d’Huşabo. Ba citotho di fnitho d’Antakia dıkmote u mınyonathe l’şwac çamacat, yawme d’Huşabo abohe u emotho cama nacimathe…

MIDIN/BSORINO/MARBOBO, Turcabdin – Adyoma ba şoce d’falge d’yawmo hın ma citawotho du cameydan d’Tucabdin mşarewolın bu tekso du zuyoho du Slibo u bıthır mkamelın lafa şoce dcasriye i qwarto d’Mşiho dkul şato kmisomo. Be bzabno bu yawmanoyo da citawotho kımqadşi a maye bu dımyo du zabno di sqifutho dımşiho u…

TELLESKOF/CAYNKAWA, Ciraq – Yawme d’Tlotho dşaficina, sim u futoho du cadcido rbicoyo d’Mor Gorgis bi qastra do Tellısqof di daşto d’Ninwe. U cadcidano dsim u futohayde bi cito d’ Mor Gorgis, mşarelın a’hfitwothayde bu mamlo dsımle qaşişo Karam Nejib Qaşa u mamlo hreno dsımle u hasyo Mor Bulıs Tahbıt. Lu…

NUHADRA (DOHUK), CIRAQ – Man mıtyaqannwo, dheş kito Nimre bu Cıraq ubu qlimo d’Kurdistan? Ba yawme haroye di şato d’şafıcina, msıkwo Nimro-ğenso d’athto d’cımro d’3 eşne bu faho b’Nuhadra me ha akoro Kurdoyo, cal d’qtılwo 30 ma ceze uma farayde. U akoro lodacwo bi qamayto mın şıkıl d’hayan qtiwole a…

HALLONBERG, Swed – Athmıl dkıtwe u yawmo di Sqifutho di cito lfuth a citotheydan a Qatholiqoye, i cito Suryoyto Orthoduksoyto d’Hallonberg mhayarla konser lu cedo di qyamto d’Moran Yeşuc Mşiho, dgımicayıd yawme d’Huşabo 24 bu yarhano d’Nison lfuth u tekso di cito Suryoyto Orthoduksoyto. Bu konserano dımlewole i cito mu…

HALLUNDA, Swed – U Huyodo Othuroyo da Neşe mşataswo ba ışne qamoyo di golutho du cameydan lu athro du Swed laşan i şawyutho du kenşo u dmisim fulhone mşahılfe calu darbo du ğınzo da neşe. Athmıl yawme d’şabtho mhagele u yawmo da arbci ışne di mşatsonutheyde bhago catiro dsim ebe…

CAYNKAWA, Ciraq – Bi cohnutho di rişıdşato umthoyto Suryoyto Bıbloyto Othuroyto d’Akitu, i mdabronutho gawonoyto di mardutho udi amnorutho Suryoyto du Ciraq, mtayabla bi qastra d’Caynkawa bi hiğmonutho d’Arbil, u cadcido trayono di yortutho Suryoyto dımdawamle tlotho yawme. U cadcidano dımşarele bu qyoso du şorito du futho, mıştawtaflele i qadişutho…

Habses qrithaydi Ba notfe didactho d fothe masheghle e hubaydhe elakh Ma zalge di shemsho, mbalbesiwa caynothe, mu hyoro bu shubhaydhakh Maclu turo du Qroho [1], d madeqwa cal Medyad, notarwo a karme u a warzaydhakh Fothe, l Mor Shamoun Zaite ubowo, msalewo la bnothe u abnaydhakh Manwe hawo, Kudhcat?…

Bi cito d’Yoldath Aloho d’Tensta d’Stockholm du Swed bi rişonutho d’Mor Diyosqoros Benyamen Ataş, u efterufo fatıryarxoyo di marcitho du Swed, masrıh ba casrowat da Şamoşe u şamışyotho lı darğe frişe d’zamore u qoruye. I fsihutho rabthowa bayn da hadome di cito d’Yoladath Aloho Meryem d’Tensta dkıtyo bi rişonutho du…

U yawmano d’Akitu dkıtyo yawmo maktabazabnoyo du cameydan mcayıd b’ğalabe dukotho dıkhoye u cameydan bınne. Bu athro d’Hollanda a şutose du mawtbo umthoyo d’Bethnahrin   mcayadlın u cedano drişe di şato hathto du cameydan bu qentrun dkıtlın bi mdito Hengelo. U yawmano mşarewole mu mamlo du mşalo d’Suroyo tv u ferco d’Hollanad…

U şutoso dıkqore ruhe “i claymutho du lqoyo da n’abne du şlomo” mtayabla bu şuroyo du tahrahno, hfitutho ruhonoyto udi feshutho la n’abne di marcitho d’Mawsal ud’hedora di cito Suryoyto Ortodoksoyto. İ hfituthathe dımtaybo bi dayro d’Mor Yuhanna Aldulaymi dkıtyo i dayro da Suryoye bi mditho d’Bağdede, mşarela b’qurobo alohoyo…

Kul dkothe i zuctho dıkcayşole i cito ba n’arcotho mqadşe kzaydo, mi celtho dnaqıs u menyono da Mşihoye d’Urışlem l’1% bıthır mıdkıtwe u menyonaththe 25% bi şato da na’1922. U menyono da Mşihoye b’duktho mhaddıde naqıs ba n’arcotho mqadşe, xdu qlimo di Diffa Macırboyto, u qlimo d’Ğazza wi mditho madınhoyto…

ENSCHEDE, Hollanda – Jolanda Bahini, dkıtyo claymtho mu cameydan mnaqyo i şafırto di fnitho d’Overijssel d’Hollanda. İ hwarthaydan Teres Mutlu be Şabo Bahdo laqyo i Jolanda u sımla maqıblonutho acma, u mşaylola u mhanyola calu darğano d’matyo. “Ono cımri 22 ışne no u kyıtwono b’Eneşchede b’Hollanda, u kothyono me Suriya…

U kothubo u mbahnono idico du leşono Suryoyo Yusuf İshaq Matti, nqil ma hayani b’cımro d’90 eşne bu athro du Swed. U mhasyo kothubo Yusuf Matti dkıtyo bu şerşayde mi daşto d’Ninwe, myatarle i betharke mothonoyto du camaydan b’casrowat d’kthowe u buhone dsımle calu leşono ucali sefroyutho Suryoyto.  U kothubo…

İ mdabronutho gawonoyto du yulfono Suryoyo du Iraq, mtayabla muroye di sefroyutho uda mimre Suryoye. A muroyani dhani i naqla qamayto’yo dıkmisomi bu darbo du nawlo, mıştawtaflelın a madraşyotho da ferce du yulfono Suryoyo dkıtne b’Boğdod, b’Mawsal, b’Kerxeslox u b’Basra. Bi rocyutho du waziro di tarbitho du Iraq Cali Mıxlıf,…

Bu insyatif du şutoso d’Barcebroyo dkıtyo bu Swed, mtayıb tarmitho di zmarto Suryoyto di şato dıgmıfroso b’Suroyo tv lafi harayto di şatathe. U nişo di tarmithathe dminaqyo i zmarto Suryoyto di şato’yo wu zamoro camu kathowo u mnahlono di zmarto qamayto dmnaqyo gıdmitahwelın camhıdode 10 alfo euwro yaste 100 krone…

Bi mdito Suryoyto d’Bağdede di daşto d’Ninwe, mtayıb methhawyonutho du rşomo udu nhoto dcala kefe. Bi methhawyonuthathe fris syome du nhoto tawdithoye, makthabzabnoye u yortuthonoye du camaydan du Iraq. Bu nişo “bi yohbonutho a’hayaydan kowın şafırtır”, sim yawme dı tre dşaficina u futoho di methhawyonutho trayonitho du rşomo udu nhoto…

U Hudro da Neşe d’Turabdin-SURKADİM wu Huyodo da Neşe d’Bethnahrin, mtayablın hfitutho la tloye du camaydan du qlimo d’Turabdin leşan u Cedo di Qyamto. U Hudro da Neşe d’Turabdin wu Huyodo da Neşe d’Bethnahrin-HNB, mtayablın hfitutho la tloye leşan i hedriye du Cedo di Qyamto d’Moran. U Hudro da Neşe…

A comure di qritho d’Arkah b’Turcabdin mcayadlın u yawmo di Hano qritho bu syomo da mulkone u ba raqde u bi zmarto di Hano Hano qritho bartho d’Qaşo mitho. Lu zuyohano di hano qritho a comure mzamnwolın u hudro da Neşe d’Turcabdin Surqadim dhudri acmaye. Athmıl dkıtwe yawme dhuşabo d’Qutne…

17 bu yarhano d’Odor, gıdmitayıb bu darbo du nawlo lumodo tibeloyo cali musiqi Suryoyto wu tathir dhawila cala marduwotho ucala cyode da came hrene. Lu lumodano dgımdawım hamşo yawme, gıdmıştawtafle yadıcthone bu haqlo di musiqi udi yortutho Suryoyto me athrawotho mşahılfe dıbritho.  Bu siqumo d’17 uhul 21 bu yarhano d’Othır,…

İ wazirutho di baroyutho d’Amerika mawdacla, dımdelın qyomo cam Turkiya leşan u hefodo da dukotho marduthoye catiqe.  Mawdıc du rişizgado d’Amerika b’Turkiya wu waziro di mardutho udu turizm d’Turkiya, mıttafqi dmisım u sutoro di yortutho bnişo dmitaklıyo i tagorutho lo qounoyto da dukotho catiqotho d’Turkiya. Bi maqırhonutho dfrısla i wazirutho…

Sim muroyo da korale da citotho bi marcitho d’Hollanda. U muroyano dımtayıb mu huyodo di claymutho di cito Suryoyto Orthodoksoyto, mıştarıkalle a korale da citotho cam menyono rabo dcamo dmahwewole calaqa rabtho.  İ gudo du koral d’Mor Fetrus u Mor Fawlus d’Enschede, mnaqyo i qameyto bu muroyano.  U huyodo di…

U hudro othuroyo marduthoyo d’Aşanfabrug d’Almanya mıştawtafle lu karnawal dhawi bi mditathe dmıştawtaflele ba mowat şutose more d’Şuğlone xıd dkıtyo cyodo. U hudro othuroyo mıştawtafle laşan dı forıs i mardutho du cameydan, u be bzabno i gudo da boduqe maşmacla falqe di musiqi la hadire. Ba mdinotho d’Almanya kmisim karnewal…

İ mtakasto da neşe d’Bethnahrin mtayabwola maşritho li claymutho u la yolufe di dawra du rşomo dkıtwolın li dayro d’Mor Behnam u saro hotho bi rişonutho di rişonitho di mtakasto Hanan Matte Tuma.  Bi maşrithathe i claymutho karixo i dayro u medlın mawdconutho acla u bıthır yatiwi camu rişdayro u…

Atre şutose di claymutho da tarte marcyotho du Swed di cito Suryoyto ortodoksoyto mtayabwolın knuşyo dı turgome bi fnitho d’Norrköping.  Bıthır mu turgomano i claymutho sımla socurutho li dayro du slibo dkıtyo bu Swed u mıstaqbelın a tre dayroye hathe dıgdowın mşale di dayro hathto dızwino bu Swed. SOKU  u…

I mcadronitho du rişono du gabo du Huyodo Suryoyo Tibeloyo d’USUP mgabyonitho Layla Latte, mawdacla du leczo Lebnonoyo kımmathıl ha ma lecze camonoye du leşono Suryoyo kıthobonoyo. Latte bi maqıblonutho dsimo acma bu froshezwo d’Lebnon, sımla qroyto li şultonutho ulu camo Lebnonoyo dımbayni u Suryoyo xıd leşono athronoyo cal d’kımgaşım…

U qurobano kmahwe du cameydan du daşto d’Ninwe makdoyo dkobıc coyış bu athreyde d’Bethnahrin.  U Qurobano dımtayıb bi rişonutho du hasyo di cito Suryoyto Qatholiqoyto Mor Yuhanna Petrus Muşe, hadırle ba mowat dıbnaynoşo cam kohne u dayroyotho. U Qurobano dsim larwal ba bethqbure d’Bağdede dıkmitamırla a Bethqbure di Qyamto, kımahwe…

Cal rişıd du turo d’Şarobim bi mditho d’Saydnaya b’Suriya, mahıt haykılo du bronz d’Yeşuc Mşiho dıksohıd di Mşihoyutho dgımdawmo bu athrano dımfarfasle u qrobo.  U haykılano d’Yeşuc Mşiho kmıhşu u haykılo trayono rabo dkulle bı britho.  Bu nişo “athino laşan dmaxlasno i noşutho”, i şultonutho d’Suriya maqımla haykılo du bronz…

Ba hfitwotho mardutho dıkmisomi, kmitacişi a tloye i marduthahthe.