SURIYA

A Haylawotho d’Suriya Demoqratoyto Qasad wu koalisyon Emwothoyo maqşelın a cuqobathe cala ğrobe marhıbone d’Dacış bu qlimo d’Deyr Ezzor qariwo la thume du Iraq.  Bebzabno a hayle d’QASAD frıslın maqırhonutho u bı qaşyutho krıhlın a cuqobe dıksaymi a hayle kaboşe d’Turkiya b’Suriya u bu garbyo du Iraq. U qentrun du…

İ hamle da cuqobe dıksaymi a Haylawotho d’Suriya Demoqratoyto bu snodo da hayle du koalisyon Emwothoyo cala marhıbone d’Dacış kımdawmi bu garbyo ubu madınho d’Suriya.  Elo a cuqobani, kımdawmi’ste cala marhıbone b’dukotho frişe du Cıraq u msik athmıl 24 marhıbone hrene b’Anbar u b’Fallujah. Dafo Amerikoyto, frısla tebo calu mrodo…

 U mawtbo d’Suriya demoqratoyto d’MSD, sımle qroyto lu Huyodo Caraboyo dşofıc b’surhobo li harake, bnişo dmınfıq mqabıl di tahrazto bceldboboyto dı Turkiya i kabışto.  MSD bu buyono dıfrısle, tlıbleste dmisım şuhlofe ba tarte taşdaryotho da bazare dcal Suriya, bnişo dmımte lu şroyo du kriz folitiqoyo du athro. İ mathlonutho du…

U İran mşadarle grub mzayno hatho li mditho d’Albukamal dıknıflo bu madınho d’Suriya qariwo ma thume dcamu Iraq. Mxasra hreto, Rusya kmarwıho ucdo i nuqaztayda d’Hmemim bu macırbo d’Suriya, bnişo dımşahılfola l’nuqazto folhoyto stratijikoyto laşana bu qlimo du madınho mescoyo kule ubu garbiyo d’Afriqya.  İmşatasto da zedqe noşoye d’Suriya, mawdacla…

 A Haylawotho d’Suriya Demoqratoyto, hani 2 yawme kısaymi cuqobe casye cala ğrobe marhıbone d’Dacış bi Hasake ubu qlimo d’Deyr Ezzor. Bi maqırhonutho dıfriso cala cuqobani makıd, dımsıklın hol 30 marhıbone u mahıt ido cala zaynathe u mahrıwi a nuqazyothathe. A Haylawotho d’Suriya Demoqratoyto, frıslın maqırhonutho cala cuqobe dmabdelın ba 2…

A mawtbe du kanton d’Qamışli du qlimo di Gozarto d’Bethnahrin d’Suriya, mawdaclın da bcelıdbobe di Mdabronutho yothoyto kımnasın bu darbo da swikaste dmohın darbo li tarmitho demoqratoyto da came.  Ba buyone dıfrıslın a mawtbe du kanton d’Qamışli, b’qaşyutho krıhlın u swikast du rişono zawgoyo du mawtbo gawoyo d’Albasira b’Deyr Ezzor…

Mşalo mu Gabo du Huyodo Suryoyo d’Suriya d’GHS, mawdacle du rejim dı Turkiya dkımrayşanle Erdoğan, kmıhşu u mawthrono rabo dkulle mi tahrazto bceldboboyto dkıtla Darmsuq ba tarte mdinotho di Hasake u d’Qamışli.  U hadomo di sictho mdabronitho d’GHS Robel Bahho, bi maqırhonutho dhule lu tboco froso, thımle atre rejime d’Suriya…

İ mdabronutho hathto d’Amerika mawdacla dgıdfılho m’hatho, laşan dmiqafe şroyo folitiqoyo lu kriz d’Suriya.  Bebzabno, i mdabronutho d’Joe Biden mawdacla dgımdawmo u hboso momunoyo calu rejim d’Suriya hul dmıştawtıf b’şıkıl jıddi la bazare du şroyo folitiqoyo dkıtne mbayne lfuth a’fusqone d’Emwotho Mhaydotho.  U malolo di wazirutho di baroyutho d’Amerika Nid…

İ wazirutho di baroyutho d’Amerika, bı qaşyutho krıhla ahjome dsimi bu garbay madınho d’Suriya. Ba hjomani dsimi b’Cızaz, al Bab u b’Afrin mawdıc dqtılwo hol 20 farsufe; beynothaye tloye.  Bi maqırhonuthathe Amerika mawdacla u ğamayda, cala hjomani dzayidi ba yarhe haroyani bu garbay madınho d’Suriya. Bi mawdconutho dıfrısla athmıl i…

U gabo du huyodo Suryoyo d’Suriya d’GHS, hule funoyo li egartho dımşadarlale i sictho qonunoyto du lqoyo athronoyo demoqratoyo d’Suriya bi sbutho di hzayto dkıtle calu maşıqlo folitiqoyo u demoqratoyo hatho d’Suriya. GHS bi egartho dımşadrole, rızle menyono d’sebwotho dkıtne bi hzaytayde ulsoye laşan u dactid d’Suriya, baynothaye dmitıctarıf bi…

Bu qlimo di Gozarto d’Bethnahrin d’Suriya, simo i camaliye qamayto du şuhlofo da waride du lebo.  İ camaliyaththe simo me grub dilonoyo da osye, bi bethkrihe di cayno udu lebo dsim u futohayda bi mditho d’Qamışli.  İ sictho du hulmono di Mdabronutho yothoyto du garbiyo udu madınho d’Suriya, hani kmo…

A Haylawotho d’Suriya Demoqratoyto, ba cuqobe du duyoqo dsımlın bi qritho d’Almalikiya hedor di qastra d’Cayn Cisa, mqafelın zayne, buğre u şlade da marhıbone d’Turkiya. Me gabo hreno, u rişono du mawtbo di caşırto d’Aljabbur bu qlimo di Gozarto d’Suriya Fawwaz Alzawbac, mawdacle da swikaste dıkmisomi cala rişone da caşıryotho…

Ba mowat d’camo baynothaye haylawotho di mşaynutho gawoyto u şutose mdinoye, kfixi cali cito d’Mor Jırjıs bi mditho dı Derik bu athro d’Suriya, u mqadamlın a’buyoyaththe la haylawotho du sutoro di athto u li iqartho di sohıdto Caştar Alarya Yacqub.  İ cito Kaldoyto d’Mor Jırjıs di mditho dı Derik bu…

Bebzabno u Huyodo da Neşe d’Bethnahrin-HNB frısle buyono bi cohnutho di Sohdtho qamayto du Mawtbo di Athto.  Bu buyonano HNB mahkele calu dawro dhawila i athto bu makthabzabno bu haqlo folhoyo u folitiqoyo i dawse dımhalqo ba 2015 bi mşatsonutho da Haylawotho du Sutoro da Neşe d’Bethnahrin. Bu şuroyo du…

Me gabo hreno, bu zabno da ğrobe marhıbone d’Dacış maqşelın ahjomathe cali mditho d’Raqqa, a hayle kaboşe d’Turkiya wa marhıbonathe kımdawmi a cuqobathe cal Cayn Cisa.  Bebzabno i Mşatasto da zedqe noşoye d’Suriya mawdacla, da marhıbone d’Dacış qtilın hamşo folhe du rejim u tlotho ma hayle dıksundile, bu hjomo dsim…

İ mşatasto d’Suriya da zedqe noşoye, mıthabatla hul 100 dyoşe bhaq da hfite uda gelyunore, u zıd m’15 nesyune u hjome du qatlo dhawın ba fenyotho d’Suriya i şato da 2020.  Lfuth i mşatasto d’Suriya, a gunhe du qatlo wa dyoşani bu zyudo dkulle simi ba fenyotho dkıtne bi morutho…

Bi mditho d’Qamışli bu athro d’Suriya nafıq taxtuşe bayn da haylawotho da Asayış wa grube mzayne du rejim d’Suriya. Ba taxtuşani dhani kımo yawme kımdawmi, atre gabe msıklın menyono ma folhe dıhdode xıd yasire. Latyo i naqla qamayto dkowe taxtuşe bayn da grube d’Aldifac Alwatani du rejim wa haylawotho di…

İ Mdabronutho yothoyto du garbyo u du madınho d’Suriya, mawraxla u zabno du karanten l’19 bu yarhano u sımla qroyto la bnaymothoye kulle, dmaydi a tedbirathe mqabıl du kewo di Corona.  U karantenano dkıtyo belhude cal dukotho mbayne, gıdmdawım 15 yawme-awkith me athmıl dkıtwe 5 bu yarhano uhol 19 bu…

U rişono di sictho di rişonutho du mawtbo d’Suriya demoqratoyto d’MSD Bassam Sacid İshaq, mawdacle dlıkmıtyaqın da haylawotho Amerikoye dmıgroşi mu garbay madınho d’Suriya, hul dlımımte lışroyo kamilo bi sbutho du kriz folitiqoyo d’Suriya. Camgabıdathe, İshaq dmawdacle du camaydan dqayıthle yuthrone bu taro di mdabronutho yothoyto, mathkarleste da Suryoye-Othuroye hıneste…

Ba taxtuşe haroye dhawın b’Cayn Cisa bu garbiyo d’Suriya, arbıco Mharbone ma Haylawotho d’Suriya Demoqratoyto matın lu darğo di sohdutho, u qtil ışto marıhbone ma grube dıkmısnodi me Turkiya.  Camgabıdathe, a hayle di mşaynutho d’QASAD msıklın bi qastra d’Cayn Cisa krılto da istixbarat dsaymowa ğoşuşutho leşan Turkiya.  Athmıl ba şoce…

Umşalo dıkhoyır cali mcadronutho noşoyto d’Emwotho Mhaydotho, dıqle naqla hreto u zago du qento dcali aykanoyutho mahişonitho dkito b’Suriya dilonoyith bu zabnano du sathwo.  Bebzabno u mathlono dilonoyo d’Emwotho Mhaydotho b’Suriya Geir Pedersen huwle mawdconutho la hadome du Mawtbo di Mşaynutho d’Emwotho Mhaydotho cali netije du knuşyo haroyo dsımwo b’Geneve…

U malolo ruşmoyo du Mawtbo Umthoyo d’Bethnahrin-MUB Hanibal Yacqub, krıhle i maqırhonutho du rejim d’Suriya u du wazirayde da waqfat, cal dıkmathlo hjomo qriho calu camo Suryoyo şerşoyo u cali hiyoyuthayde i umthoyto wa zedqe ruşmoye dkıtle b’Suriya. Yacqub bi maqırhonutho dhule l’Suroyo TV sımle qroyto lan abne du camaydan…

Me gabo hreno u Huyodo Suroyo d’Urifi-ESU’ste, frısle buyono cali maqırhonutho dhuwole meqım zabno u rişathro d’Suriya Başar al Asad.  Bu buyonano dıfrısle ESU, krıhle u mamlo du rişathro u mırle; İ maqırhonuthathe d’Al Asad kımadilo bşıkıl qriho, cali klayto u calu qedomo dkıtle u rejim d’Darımsuq mqabıl da zedqe…

İ mcadronitho du rişono du Komisyon Amerikoyo di Hirutho Emwothoyto da Tawdiyotho Nadine Maenza, frısla egartho bi dafayda du Twitter calu qedomo du rejim d’Suriya mqabıl da Mşihoye du athro.  Maenza kalyo cala hawbe dsimi cala qalilotho tawdithoye u du rişathro Başar al Asad lıksonıd u terkiwo di hirutho tawdithoyto…

İ fatıryarxutho d’Antiyuxiya u dkule madınho di cito Suryoyto Ortodoksoyto, mawdacla du fağro du mnohnafşo tlithoy tube hasyo Mor Selwanos Bıtrıs Alnıcme, mawbıl athmıl li cito d’Yuldath Aloho d’Im Alzınnar bi mditho d’Hımıs, laşan dqathlın an’abne di marcitho i boruktho harayto mene.  Bebzabno, i fatıryarxutho dı Darımsuq mawdacla du fağro…

U gayso kaboşo dı Turkiya bnele nuqazto folhoyto bu garbiyo di qastra d’Cayn Cisa bu athro d’Suriya.  İ nuqaztathe kmitıstacımlo ba hçome dıkmisomi ba soruhe u foqucwotho cala mdinoye u qıryawotho dkıtne hedor di qastra stratijikoyto d’Cayn Cisa.  Ba vidyowiye dıfrisi bu tboco froso, kmahwiyo nuqazto folhoyto du gayso kaboşo…

İ mcadronitho du rişono du komisyon Amerikoyo di hirutho emwothoyto da tawdiyotho bı britho Nadin Maenza, mwasafla ahomuse di gaborutho du ağuno dkobele u Mawtbo Folhoyo Suryoyo d’MFS bi qastra dı Tel Tamır bu garbay madınho d’Suriya.  Mayenza bi mıştawtfonuthayda athmıl li tahrazto d’şabtho kamılto b’Suroyo TV, naqla hreto sımla…

A Haylawotho d’Suriya Demoqratoyto, rfıdlın a tebe dıfrisi dıkmidace ebeye dmatilın tayosyotho dılo pilote ma hayle du koalisyon Emwothoyo dkıtyo bi rişonutho d’Amerika.  U malolo d’QASAD-Kino Gabriel mırle li dafo d’Rudaw; A idicat dıfrisi bu tboco froso kenşoyo, rahuqe mi şroruthone wu rabhaylawotho du Mawtbo Folhoyo d’Deyr Ezzor’ste kırofadlın. İ…

Zıd me 20 knuşyotho u tukoso da zedqe noşoye d’Suriya, krıhlın a socurwotho dıksaymilın a rişone du koalisyon athronoyo saqıbloyo la fenyotho du garbiyo d’Suriya dkıtne kbişe meTurkiya.  Bu buyono dıfrıslın a tukosani, maglelın cali lqoyto dhawile u koalisyon cam rişone du gayso athronoyo d’Suriya bi mditho d’Iczaz, baynothye u…

İ qadişutho du fatıryarxo di cito Suryoyto Ortodoksoyto Mor İğnatiyos Afrem Trayono, mıstaqbele bu qentrunayde u fatıryarxoyo bi Mcartho d’Saydnaya, u rişızgado d’Pakistan bı Darımsuq rabhaylawotho Sacid Muhammad Xan.  Bi ytawtathe dıdrişo eba i aykanoyutho mahişonitho d’Suriya, grişıste u zuhoro cali methcadronutho dkiba dhuyo bayn di bethsawbo fatıryarxoyto d’Antiyuxiya wi…

İmdabronutho yothoyto demoqratoyto du garbiyo u du madınho d’Suriya, fsıqla dobo şbuqyo gawonoyo la hbişoye dsımlın hawbe meqım mu siqumo d’10 bu yarhano.  Bu fusqono dmıdla i mdabronutho yothoyto, mawdacla du şbuqyano lıkşofıc cala hadome du tukoso marıhbono d’Dacış yaste dkıtne goşuşe u masre cama grube mzayne İranoye u du…

U rejim d’Suriya marfele ba casrowat fqide dıkfılhiwo ba şırkat d’morıd da şuğlone rabe Rami Maxluf dkıtyo u abro du holo du rişqutno Başar Al Asad.  Camgabıd da falohe d’Syriatel u di knuşto noşoyto d’Albustan, marfeste ba casrowat d’rabhaylawotho dkıtwın masre cam Maxluf.  A şutose di mşaynutho du rejim d’Suriya…

Lfuth Amerika, walaw a ğrube marhıbone d’Dacış jbiri dnufqi me Suriya u dı qtil mınyono celoyo ma rişonathe, heş kımdawmi dmarwıhi u dmaqwın ruhaye bı britho.  U mşalo du qentrun Athronoyo dkıtyo mqabıl di marhıbonutho Christopher Miller mawdacle, da marhıbone d’Dacış kımtaybi plan dmawfıqi a marhıbone dkıtne ba hbuşye da…

U mawtbo folhoyo Suryoyo d’MFS hule sohdo hatho xıd qurbono calu mathıbho di hirutho du camaydan, ubu admo şafyo dbızle u sohdano maştele u cafro d’Bethnahrin. B’feshutho ub’şubhoro rabo, i mdabronutho gawonoyto du mawtbo folhoyo Suryoyo d’MFS, bu buyono dıfrısla lu tboco froso mawdacla du mharbono Malke Calaa Cabdılahad qayıthle…

Amerikaste mayadle u taşroro di sictho şritho da buqore d’Emwotho Mhaydotho, u krıhla kul hawbo dıkmisım mayna grub aw haylo zaynoyo dhowe b’gawıd d’Suriya.  Camgabıdathe, u mathlono Amerikoyo dmeqım du koalisyon emwothoyo mqabıl Dacış Britt MacGurk, sımle sturyo qaşyo u rişono d’Amerika Donald Trump cal dıgrışle ahaylawothayde mu garbay madınho…

125 farsufe ma nabne di caşırto d’Alıcgedat dı Der Ezzor, mıştawtaflın la haylawotho d’Suriya demoqratoyto d’QASAD.  Hın ma farsufani ba maqırhonwotho dhulın lu tboco froso, mawdaclın dmıştawtaflın l’QASAD bnişo dmarkıwi i mşaynutho bi fnitho dı Der Ezzor, u dnıfqi mqabıl di fıtne dıkmıbce dmıxloqo bayn di mdabronutho yothoyto wa caşıryotho…

U İran kımdawım dmasrıh olufe d’folhe b’gawıd du athro d’Suriya.  Laşan i masırhonutho dı mharbone hathe, u İran ham kobe zuze u hamste kmıştace bi warqo da reğşe du mathab tawdithoyo. Bcayni şıkıl u bcayni tahrazto, u İran wa grubayde amzayne kımdawmi dmasırhi alfawo d’folhe hathe b’Suriya lfuth i mawdconutho…

Taşdarto Rusoyto rabtho b’darğo celoyo sımla athmıl socurutho li mditho dı Darımsuq, u yatiwo adyawma camu rişathro d’Suriya Başar Al Asad. Lfuth u tboco froso d’Suriya, atre gabe drışlın i şişaltho da qyome dımdanwo baynothaye, elo lfuth mabuce du diplomasi Rusoye, bi ytawtathe drişo i hzayto kamılto dkıtla Rusya lu…

U malolo da Haylawotho d’Suriya Demoqratoyto Mustafa Bali huwle maqırhonutho u mırle; QASAD, lıknotır d’Turkiya dmazido a cuqobayda calu garbay madınho d’Suriya, bıthır ma qyome dımdela Ankara cam Amerika u Rusya.  Bu kboşano dsımla Turkiya calu garbay madınho d’Suriya hani qariwo lı şato, sımla hawbe frişe u qtıcla a maye…

U rişono zawgoyo du gabo du Huyodo Suryoyo d’Suriya Sanharib Barsom, makadle di sbutho du camo Suryoyo-Othuroyo gıdhuwyo falqo ma bazare du şroyo folitiqoyo du kriz d’Suriya b’Çenev.  Me gabo hreno, u rişono zawgoyo du Mawtbo d’Suriya demoqratoyto-MSD Riyad Darrar, mawdacle dlaybe dmiqafe şroyo lu kriz folitiqoyo d’Suriya, dlo mi…

‘A Mşihoye wa Ezidoye kgurşi u zuhoro u kmawdıci, d’Turkiya kmıstacmılo a maye xıd zayno, bu garbay madınho d’Suriya’ a melani di mimartho dıfriso bı dafe frişe d’Amerikayo.  Bi mimarthathe, mathkır u mamlo dsımle Gabriel Shamoun dkıtyo u mşalo du gabo du Huyodo Suryoyo u ferco di Hasake, dmahkele aydarbo…

I sictho mtaybonitho du nomuso esonoyo d’Suriya, ba ytawyotho haroye dımkamlila bi mditho d’Çenev lımhaqaqla ulo dawse du şuşoto. Bebzabno, u mathlono d’Emwotho Mhaydotho b’Suriya Ger Pedersson makadle da mıştawtfone la ytawyotho d’Çenev hzelın nuqze mşawtıfe, u mawdaclın dkıtlın mabco dmıştawtıfi l’knuşyo hatho. U mathlono d’Emwotho Mhaydotho b’Suriya Ger Pedersson…

I wazirutho du sutoro d’Rusya mawdacla, d’mafır soruho bıhdo ma radoyothathe bu macırbo d’İdlıb d’Suriya. Uhjomano sim, bu zabno da hayle Rusoye u Turkoye saymiwo dawriya bu qlimo. Megabo hreno mawdıc, d’nafıq naqla hreto taxtuşe qaşye beyn da marhıbone noqufe d’Turkiya u da hayle du rejim d’Suriya bu gbino d’Benin…

İmdabronutho yothoyto du garbyo u du madınho d’Suriya, bu buyono dıfrısla athmıl mawdacla du qonuno dmıdwo bhaq da mulkone da morathe dlatne bu athro, makle ucdo hol zabno.  U qonunano dıkmoyıd a mulkone da noşe dılatne bu athro lu garanti  i mdabronutho kıbco dı durşole me qariwo bıthır mıd athiwo…

Amerika mşadarla konvoy folhoyo hatho lu qlimo di Gozarto d’Bethnahrin d’Suriya. U konvoyano dımşadır mu Iraq, kmişakalwo m’radoyotho u kamyone matcıne mcadrınwotho lojestik u mluwe hrene. U gayso Amerikoyo macbarle konvoy folhoyo hatho la narcotho du qlimo di Gozarto d’Bethnahrin d’Suriya bu darbo dıhdo nuqazto du thumo dcamu Iraq. Lfuth…

Mtayıb ytawto beyn dımşale da hayle du koalisyon Emwothoyo, da hayle d’QASAD u du mawtbo da caşıryotho d’Albukamal bu qlimo d’Deyr Ezzor.  Ba droşe dhawın beyn da 3 gabani, tlıblın a rişone da caşıryotho mu koalisyon Emwothoyo, dımcadır a hayle d’QASAD bu darbo da istixbarat u bebzabno, dı sonıd i…

U gayso Amerikoyo mşadarle konvoy folhoyo rabo li nuqaztayde dkıtyo hedor di mditho di Hasake bu garbay madınho d’Suriya.  U konvoyano dıkmişakalwo me hedor d’50 kamyone, şafıc lu qlimo di Gozarto d’Bethnahrin mi nuqazto d’Alwalid du thumo beyn du Iraq u Suriya. U ajans Rusoyo d’Sputnik bu tebo dıfrısle, mawdacle…

A Haylawotho d’Suriya Demoqratoyto wa hayle di mşaynutho gawoyto, mabdelın hamle mşawtafto mqabıl da krılyotho da ğrobe marhıbone d’Dacış hedor u qlimo d’Deyr Ezzor.  Me gabo hreno, a marhıbone mıdlın nişo a rişone da caşıryotho d’Deyr Ezzor bnişo dmahrıwi a esore dkıtte a caşıryotho cama hayle d’QASAD. A Haylawotho d’Suriya…

A tayosyotho du qrobo d’Rusya dkıtne b’Suriya, sımlın cuqobe casye cala dukotho dkıtne bu duyoqo da marhıbone bi mditho di Latqiye.  Bu zabno da cuqobani d’Rusya, a hayle du rejim d’Suriyaste mhelın bıha ma ğrobe di saqıbloyutho d’Jabal al Akrad. Lfuth ajanse frişe da tebe, bu zabno da tayosyotho d’Rusya…

U Mawtbo Folhoyo Suryoyo-MFS, mcayadle a Maşılmone dıbritho u dilonoyith d’Suriya, bu cedathe du Qurbono.  U Mawtbo Folhoyo Suryoyo-MFS, ha ma hayle mşatsone da Haylawotho d’Suriya Demoqratoytoyo u kıtle bebzabno mharbone caraboye ba gbine frişe du qrobo bu garbyo u bu madınho d’Suriya. Bi cohnutho du cedo du qurbono da…

İ Şırke Amerikayto mdela qyomo du nafto cama haylawotho demoqratoye d’Suriya QSD. Umdoyano dsim cami Şırke Amerikoyto bu fsoso du qusro heworo u bi idactho d’James Jeffri dkıtyo u mathlono dilonoyo du rişono d’Amerika bi sbutho d’Suriya. Bi mawdconutho dıfriso mawdıc di şırke Amerikoyto dkıtyo DELTA Crescent Energy LLC mdela…

I cito d’Mor Elijas b’Holob d’Suriya dkıtyo cayıd di cito Suryoyto Marunoyto, ftiho me hatho li slutho bıthır mıd kamıl u hethothayda. U bınyono di cito d’Mor Elijas b’Holob daxiwole dharbo qşitho ma soruhe dımhınwo ebe ba 2012 uba 2016 bu zabno dkımdawım u qrobo gawoyo d’Suriya, kamıl u hethothayde.…

‘Kito tahwiyotho dıqtil hol 14.423 bnaynoşo ba taşniqe dsimi b’Suriya, mu zabno dımşarele u qrobo gawoyo du athro uholucdo’. I mawdconuthathe di Mşatasto da zedqe noşoye d’Suriya’yo.  Bebzabno i Mşatasto m’akadla di sagiyoyutho da farsufani dıqtili, ma taşniqe dsimi ma hayle du rejim du rişathro Başar al Asad. Lfuth i…

Bı hjomo dıha soruho dsim cali şawtho di mhata d’Qamışli nahito cal nuqazto du zebono da radoyotho. Lfuth i mawdconutho dıfriso kmitawmır du hjomano sim mu taraf da haylawotho d’Turkiya. Bu hawan dımhalıq calu bınyono di nuqazto da radoyotho dkıtyo bi şawtho di mhatta bi mdito d’Qamışli di Gozarto d’Bethnahrin,…

Bu zabno di dawriya da folhe d’Rusya udı Turkiya şafici bu garbay macırbo du qlimo d’İdlıb, sim hjomo dfurqoco aclaye. İmşatasto da zedqe noşoye d’Suriya dıfrısla u tebano mawdacla, bu zabno du furqocano dhawi qariwo lu darbo d’M4, mjarıh mınyono ma folhe da tıre haylani.  Lfuth u tebo dfrısla imşatasto…

Farsufo mu camaydan dımsıkwo bi şato da 2016 ma haylawotho du rejim d’Suriya, heş ucdo athi xabro li iqarthayde dmayıth bu zabno da buqore dsimiwo acme.  Samir Kamel Xabbaze dıkmisım taxmin dıqtil bi netije da teşniqe dsimi bhaq dide ba hbuşye du rejim, i şladayde lımasılmo li iqarthayde dıkcayşo bi…

U polis folhoyo d’Rusya, mhele b’3 hadome da istixbarat oyaroye du rejim d’Suriya.  U mhoyano athi lu huwoyo, cal da folhani du rejim lo kalın qum di nuqazto du duyoqo d’Rusya b’al Mayaden dkıtyo bu qlimo d’Deyr Ezzor. Lfuth u tebo dıfrısla i Mşatasto da zedqe noşoye d’Suriya dkımcaqbo u…

Tayosyotho du qrobo dheş latne idice dhayna athrowın, sımlın cuqobe casye cala gurube dıkmısnodi mu İran bu qlimo d’Deyr Ezzor d’Suriya.  Ba cuqobe oyaroye dsimi qariwo l’Albukamal dkıtyo qarıwto la thume du Iraq, mawdıc dıqtil 35 folhe dıkmısnodi mi şultonutho d’Tehran. Bu qlimo d’Deyr Ezzor d’Suriya dkıtyo bu duyoqo da…

U Mawtbo da Neşe du garbyo udu madınho d’Suriya, krıhle a fusqone dıfrisi bu buyono du huthomo du knuşyo ştithoyo dsim b’Astana beyn Turkiya, Rusya u İran.  Bi maqırhonutho dıfrısle u Mawtbo da Neşe dkıtyo masro bi Mdabronutho yothoyto du garbyo udu madınho d’Suriya mırle; U knuşyo d’Astana, qento baroyoyo…

U huyodo da gabe Kurdoye dkıtne b’Suriya, frıslın buyono u sımlın sturyo u knuşyo ştithoyo dhawi b’Astana beyn da rişone d’Rusya, Turkiya wu İran.  U buyono komır; Anathrawothani dlatimi b’Astana, zıttır mıd dmıftakarlın bu yuthronathe, lo mıftakarlın bı mede hreno. Mawxa a knuşyani latne lu şroyo da qetre uda krize…

U rişwazire du athro d’İsroyel Benyamen Netenyahu mzaharle u rejim du athro d’Suriya bi sbutho da hayle du İran dkıtla b’Suriya.  Me gabo hreno lfuth i sfaryamo Turkoyto u rişathro d’Suriya Başar El Asad azoloyo u mcayır athro ele dıhoye ebe bıthır mi nfalteyde. U rişwazire Benyamen Natanyahu bu zabno…

Bıthır mıd u qonuno d’Sezar dınahıt la haye bu athro d’Suriya mşarela i casqutho du momuno dkito dnıfqo li holo, mawxa u camo mşarele b’dukotho dmahwe u hfuxyathe. Ucdo nafıq li holo di şıltonutho du athro d’Suriya maklela 9 qyome dkıtwole Rami Maxluf bi sbutho di  tagorutho hirto. Lfuth hın…

Bı cuqobe dilonoye dsımlın a Haylawotho di mşaynutho gawoyto du garbay madınho d’Suriya, msıklın krılto d’6 farsufe ma istixbarat du MİT d’Turkiya  Me gabo hreno kmitawdıc, du gayso Turkoyo mşadarle konvoy hreno malyo folhoye u lojistik lu garbyo d’Suriya. U konvoyano cabır l’Suriya mu thumo dkıtyo qariwo li qritho d’Kafr…

U fatıryarxo di cito Suryoyto Orthoduksoyto Mor İğnatiyos Afrem II sımle knuşyo cama hsayo dkıtne b’Suriya, u drışle acmaye i aykanoyutho du cameydan dıkfoyıt me maşıqlo casqo.  Bi netije du knuşyano i fatıryarxutho mawdacla, 5 nuqtotho dmıdlın fusqono aclaye.  Bu knuşyano dathi lu hwoyo cali qrayto dsımle Mor İğnatiyos Afrem…

U qrobo talyo dcali morutho wi qale dkıtyo laltah du telolo, kımdawmo bi hiğmonutho dı Darca beyn da tre grube folhoye rbicoyo u hmişoyo du rejim d’Suriya.  Lfuth i Mşatasto da zeqde noşoye d’Suriya, Rusya dımşatasla u grub folhoyo hmişoyo d’Suriya, tlıbla mu grub folhoyo rbicoyo dkımrayşanle Maher Alasad dmıgroşi…

Bıthır ma droşe uma knuşye dhawın beyn da gabe Kurdoye dkıtne b’Suriya bi mıscoyutho d’Amerika, mıttafaqlın bu cwodo dcam hıdode.  Bıthır mi maqırhonutho dsimo calu ittifaq da Kurdoye, frisi a egrotho da tahınyotho dıkımşarın me Amerika ula hayle hrene.  Hani zabno kowe knuşye u droşe bayn da gabe Kurdoye dkıtne…

U qonuno d’Qaysar dıkmıhşuw ha ma tedbire qaşye dkulle dmahıtla Amerika calu rejim d’Suriya, adyawma mafıt la haye.  Amerika bi maqırhonutho dhula, mawdacla du qonuno d’Qaysar mbayın laşan dmıjbır u rejim d’Suriya wa bnayqyomayde d’yıtwi la bazare folitiqoye bi rocyutho d’Emwotho Mhaydotho. Elo Rusya bi maqırhonuthayda mawdacla da tedbire d’Qaysar…

İ marcitho d’Holob di cito Suryoyto Ortodoksoyto mathkarla a’sohde du qtolğenso mariro du Sayfo. Bi cito d’Mor Jirjis ud’Mor Afrem, mtayıb qerowe alohoye cali ruho da sohde du Sayfo, ube bzabno maqım teşmışyotho dilonoye qum dıhdo surto u hıdo qoyumtho du Sayfo dkıtne b’gawıd da wahde da tarte citotho. Athmıl…

A tagliyotho du protesto mqabıl du timo celoyo du muklo, kımdawmi bi erişkoyto d’Suriya Darmsuq. I celtho dcalu timo da muklone, u kriz dhawi bu haqlo du momuno du athroyo.  Mawdıc du timo da muklone ucdo bu zabno dıkmdawım uqrobo gawoyo d’Suriya, 16 naqlat cleytır me meqım 9 eşne’yo. Bi…

A knuşye di hamle trayonitho beyn da gabe uda hayle Kurdoye b’Suriya, mşarelın adyawma bu benyono du gabo d’PYD.  Bi sbutho da knuşyani, Amerika bu darğo qamoyo dıksındolın u dkowe u mathlonaydeste beynothaye, hadırwoleste William Rubak.  İ hamle qamayto da ytawyotho da Kurdoye dsimiwo bi mtaybonutho d’Amerika u Fransa, ucdo…

U senato d’Amerika sımle qrayto la hayle dıbritho, dımaydi u fusqono dmıdla Amerika mqabıl d’Suriya bu ışmo d’Zesar.  Bi qrayto dsımle u Senato dmıdle fusqono, dkımayıd u qonuno d’Zesar komır; Kımzahrina a hayle Emwothoye dıklozım qutci a esorathe camu qatolo Al Asad kulonoyith. Amerika maqşela a tadbire dkıtla mqabıl d’Suriya…

U qoyumo du parlamento d’Suriya Comar Ose tlıble mi şıltonutho d’Suriya dmıstahfo u dımşaryo esore cami mdabronutho yothoyto du garbiyo u du madınho d’Suriya. Bi mawdconutho dhule li dafo d’Rudaw mırle bi itawto du parlamento dhawilan dıdrışlan i aykanoyutho haruto du ekonomi, wi lira d’Suriya dkımwayco timo tlıble di şıltonutho…

QSD mdagela a tebe dıfrisiwo mu tarfa d’Turkiya dı folhe di YPG qtili mu taraf du gayso d’Turkiya. Me gabo hreno adyoma a haylawotho d’QSD mabdelın cuqobo qaşyo  u rwiho cala marıhbone d’Dacş bi fnitho d’dayrzor  QASD bi mawdconutho dıfrısla lu tboco froso mawdale da tebe dıfrısle u gayso d’Turkiya…

A comure d’Qamışli  wa haylawotho di itafaye camıhdode matfelın i nuro dımşarewola ba thume d’Turkiya cali mdito d’Nsibın. İ nuratahe dmawqadla 10 dönumat dı score da comre d’Qamışli mabıdyo mu taraf da nature d’Turkiya kımo i dafo du nawlo da tebe d’Hawar News. Bu zabno haroyo  bı dukotho mşahılfe kmaqidi…

U qatro dkito bayn u rişono di şıltonutho d’Suriya wu abro du holo Rami Maxluf kımdawım.  Bu fusqono dmıdla işıltonutho maklele ufsoso di şirke d’Syriatel dkıtyo d’Rami Maxluf Xıd kıtyo idico hani zabno kito mwatyutho u thome bayn lu catiro Rami Maxluf u li şıltonutho du athro d’Suriya. Ucdo işıltonutho…

Bıthır mu kriz dnafıq beyn d’Alasad u Maxluf, a grube mzayne dıkmısnodi mu İran, grışlın u zuhoro calu fasad dkito da mşale da haylawotho du Nimro dıkmrayşanlın rabhaylawotho Suhel Alhasan dkıtyo qariwo l’Rusya.  Bu tebo dıfrıslın a haylawotho du sutoro athronoyo du rejim d’Suriya, mawdaclın dıha ma rişone da haylawotho…

U ahuno du rişathro d’Suriya Maher Alasad dkıtyo bebzabno u rişono du grub rbicoyo du gayso d’Suriya, mşadarle egartho dkiba zuhoro qaşyo lu rişono du gabo d’Hizballa d’Lebnon Hasan Nasralla. Lfuth mabuce du tboco froso d’Lebnon, Maher Alasad tlıble m’Nasralla dmoyıd mhatho u duyoqo da nuqazyotho da thume dbayn Lebnon…

Rusya mşatasla nuqazto folhoyto hathto bi mditho dı Derik dıknıflo cala thume dı Turkiya bu garbay madınho d’Suriya.  Lfuth i mşatasto d’Suriya da zedqe noşoye, a’Rusoye kıbci dmaqwın zıd u haylaththe bu garbay madınho d’Suriya.  İ mşatasto da zedqe noşoye d’Suriya bi mawdconutho dfrısla athmıl cal leşone dhın mabuce, mawdacla…

İ sfaryawmo Amerikoyto The Washington Post, mawdacla du rişathro d’Suriya Başar Alasad, kloqe ucdo i casqutho rabtho dkulle, mu zabno dımşarewole u qrobo b’Suriya bi şato da 2011.  Bu tebo dfrısla Washington Post, grışla u zuhoro cala qetre dnafiqi beyn di iqartho d’Alasad u Maxluf, calu hrowo du momuno du…

U rişono gawonoyo da Haylawotho d’Suriya Demoqratoyto, rabhaylawotho Mazloum Abdi, hawile ytawto camu rişono Amerikoyo dcala cuqobe dilonoye du koalisyon Emwothoyo, rabhaylawotho Erik Hill.  Hıdo ma sebwotho rişoye dıdrişo bi ytawtathe, u teqwiyo di methcadronutho beyn da hayle d’QSD udu koalisyon Emwothoyo bu ağuno mqabıl da ğrobe marhıbone d’Dacış’wa. Lfuth…

Adyawma ftih u darbo d’M4 beyn Tel Tamer u Rişcayno lu mazlo u mathyo da mdinoye. U futohanoste kmisım bu duyoqo du gayso d’Rusya.  U darbano dı sxırwo ba 2019, ftih bu ittifaq dhawi ba yawmotho dşaficina beyn Turkiya u Rusya u bi mtaybonutho du Mawtbo Folhoyo Suryoyo MFS u…

İ knuşto di mcadronutho di cito dkıtyo b’ulsono, mbayanla tahrazto şnizto di mcadronutho d’20 alfo u 550 yaqrotho Mşihoye b’Suriya.  İ mcadronuthathe gıdmitahwiyo la yaqrotho Mşihoye d’Suriya, bnişo dmitahwelın mkono dmaydi tedbire mqabıl du kewo du virus d’Corona.  U rişono di knuşto di mcadronutho di cito dkıtyo b’ulsono Thomas Heine…

U maşıqlo du fırfoso di şabake momunoyto du abro du holo du rişathro d’Suriya Rami Maxluf, kımdawmo.  İ şultonutho d’Darımsuq ba tedbire haroye dmıdla mqabıl d’Maxluf, mahıtla ido cala sahme dkıtle b’12 bankat u şutose momunoye b’Suriya.  İ wazirutho du momuno di şultonutho d’Darımsuq, athmıl mahıtla ido cala sahme dkıtle…

U camaydan dkıtyo bi fnitho du Xabur bu garbay madınho d’Suriya, kıtle zuctho rabtho ma yuqdone du mahsul dıtofın lanarcothathe di zaricutho dkımmathli u asas di ciyeşathe. Bi maqıblonutho dsimo cam farsufo mu camaydan dıkhoye bi qritho dı Tel Tawil, mawdacle d’ğalabe fşitoyo d’yoqıd u mahsulathe, cal dkıtyo qariwo mu…

A haylawotho d’Suriya demoqratoyto  kımdawmi ba cuqobe dıksaymi cala marıhbone d’Dacış bu garbyo u madınho d’Suriya.  QSD cama haylawotho du Kowalisyon athmıl sımlın cuqobo cal krılto da marıhbone bi fnitho d’Dayrzor A haylawotho d’QSD camu kowalisyon emwotho dkıtyo bi rişonutho d’Amerika kımdawmi ba cuqobe dımqabıl da marıhbone d’Dacş bu garbyo…

Bıthır me zabno dı sxiriwo a citawotho la slawotho bu athro u ba athrawotho di golutho hedi hedi mşarelın dmıftoho elo bmınyono dı camo ışmo. Bi gozarto d’Bethnahrin adyoma a citawotho hdınlın a kohne wa şamoşe bıthır me zabno dkıtweyne sxire la slawotho. İ sbutho du kewo di corona hawiwo…

İsroyel kımdawmo dmaydo a haylawotho İranoye nişo la hjome dıksaymolın cal Suriya. Bi şişaltho da hjome İsarloye cal Suriya, adyawma sim hjomo hatho cala nuqazyotho da grube mzayne İranoye dkıtne hedor di mditho d’Hlob bu garbiyo d’Suriya. Hın ma hfite mdinoye d’Suriya, bi maqırhonutho dhulın adyawma la şutose du tboco…

Camgabıd du tenhibo, du kboşo udu tehriwo, a grube çatawiye Suriye dıkmıstacımlolın Turkiya fayış kmawqıdi u mahsul di zaricutho da fenyotho kbişe du garbay madınho d’Suriya.  Lfuth a’tebe dıfrisi bu tboco froso, a grube çatawiye dı Turkiya mawqadlın adyawma u mahsul da hete uda score ba qıryawotho dıkbışilın hedor di…

A rişone da caşıryotho di fnitho dı Tel Tamır bu garbay madınho d’Suriya cam mathlone mu camaydan uda Kurdoye, bu knuşyo dımtayablın sımle qroyto dmitabde diyalog du droşo bayn di mdabronutho yothoyto wi şultonutho d’Suriya. Be bzabno, amıştawtifone lu knuşyano bu buyono dıfrıslın lu tboco froso makadlın du şroyo du…

U İran mşarele dmanqıs u menyono da haylawothayde udımaxle hın ma nuqazyothayde a’folhoye b’Suriya. Hathe i naqla qamaytoyo dkımhalıq u İran i dawsathe mu zabno dımşarewole u qawmo b’Suriya i şato da 2011 uhul ucdo. Mabuco folhoyo İsarloyo mawdacle du İran i naqla qamaytoyo mi şato da 2011 kımşare dmanqıs…

İ mdabronutho yothoyto du garbiyo udu madınho d’Suriya matcanla Rusya u Amerika, i mşalutho da dıyoşe dıksaymolın Turkiya cala fusqone d’Emwotho Mhaydotho dmawdacwola dıklozım ucdo dmitaklın a’qrobe u taxtuşe laşan dmınfıq mqabıl du kewo du virus d’Corona. Be bzabno, i mdabronutho yothoyto tlıbla mu kenşo emwothoyo dmoyıd i mşalutho dkito…

Fayıt 7 ışne calu htofo datre hsayo d’Holob, u heş layto tebe şarire cala hayathe u aykone. Bi tahrazto dsimo b’Suroyo TV athmıl Xuroyo Samuel Gumuş dmıştawtafle cal ışme di sicto di fatıryarxutho sımle sturyo i şıltonutho d’Suriya u mırle hul d’Suriya lı mawdıco mede inaqayo kobe rımzo dkıtne sida.…

U gayso Amerikoyo mşadarle konvoy hreno lu garbay madınho d’Suriya.  Bu konvoyano d’Amerika dcabır mu garbyo du Iraq li Gozarto d’Bethnahrin, kıtwo ba casrowat d’radoyotho folhoye la Haylawotho d’Suriya Demoqratoyto. Bi şabtho haraytathe, mşadarle u gayso Amerikoyo kımo hamlat d’taqwiya u lojistik folhoyo lu garbay madınho d’Suriya. A konvoyani mşadri,…

Rusya kmazido a haylawotheyda bi gozarto d’Bethnahrin u dilonoyith b’Qamişli. Lfuth u tboco froso athmıl 50 radoyotho folhoye cabiri l’qamişli u maftelın fothaye lu bethtawso di mditho. Bıthır mıd a rusoye mşataswolın ruhaye bi gozarto d’Bethnahrin u dımşarewolın dsaymi dawriyat mşahılfe, kulnoşe kmıftakarwo mışkıl gıdhowe bı duktho d’masahe nacımto a…

Lfuth aluhe catiqe dımqafın, u qlimo d’İdllıb b’Suriya dkımdawım hani ışne u qrobo ebe, duktho maktabzabnoyto catıqtoyo u hıdo ma dukotho dımşatso eba imdinoyuthoyo.  Ba luhani dıqrın dıkmote u zabnathe l’2500 eşne meqım me Mşiho, kımahkın cali mdinoyutho d’Ebla.  İnaqla dıha kıhofır tahte da bınyone u tıllat dkıtne b’Suriya, gıdnofıq…

Amharbone du mawtbo folhoyo Suryoyo d’MFS, ba gbine mşahılfe du qrobo kımdawmi dobın ağuno mqabıl du gayso kaboşo dı Turkiya wa grube marıhbone dıksındile. Hawar Mur dkıtyo mharbono b’MFS, bi maqıblonutho dsimo acme mawdacle du camaydan u Suryoyo ida dhowewole haylo zaynoyo lıgıdmıqtalwo ba mowat olufe mene bu qtolğenso du…

U qrobo gawoyo d’Suriya kımdawım hani 9 eşne, bu zabnano du gayso du rejim du rişathro Başar al Asad, kımdawım a cuqobayde calu qlimo d’İdlıb, bnişo dmandafle ma hayle di saqıbloyutho uma ğrobe marhıbone.  Bu zabno da 9 eşnani dı şafici bu qrobano, dhawi celtho lu qatlo dba mo alfayo…

İ sictho Mşihoyto dkımmathlo u mawtbo da citotho uhın ma gabe u şutose du qlimo di Gozarto d’Suriya, yatiwo cami mdabronutho yothoyto demoqratoyto. Bi ytawtathe, drişi a’qetre dkito bu qlimo di Gozarto d’Bethnahrin u aydarbo kibe dmisım fulhone mşawtfe bnişo dmınfuq mqabıl da qetre uda casqwothani. Taşdarto mi sictho Mşihoyto…

U koalisyon emwothoyo dkımrayşınole Amerika mqabıl du tukoso marıhbono dı Dacış, sımle cuqobe oyaroye cal qentrune da grube mzayne d’Alhaşd Alşacbi dıkmısnodi mu İran. Ba cuqobani dsimi bi mditho d’Albu Kamal dıknıflo calu thumo bayn d’Suriya wu Iraq, qtil 26 farsufe ma grube d’Alhaşd Alşacbi u zıd m’10 hrene mjarhi.…

İ mcadronitho di rişonutho du mawtbo mşablono di mdabronutho yothoyto du garbiyo udu madınho d’Suriya Elizabet Gawriye, mawdacla da tarmiyotho kaboşe dı Turkiya kmacişi ahayle marıhbone, ubu darğo qadmoyo kmaydi i athto nişo laşaneye.  Gawriye, bu mamlo dsımla adyawma bu futoho du lqoyo du mawtbo di athto d’Suriya, sımla qroyto…

U mawtbo du kanton di Qamışlo du qlimo di Gozarto d’Bethnahrin d’Suriya, mşarele dmoyıd tedbire meqım mu hsodo da narcotho di zaricutho. Atedbirani mbayni bnişo dmisım u sutoro danarcotho ma yuqdone dhawınwo bu qayto dşaficina udhawınwo celtho l’husrone momunoye rabe bu qlimo di Gozarto. U rişono zawgoyo du mawtbo du…

Turkiya mşadarla athmıl blalyo radoyotho folhoye lu garbay madınho d’Suriya, bu zabno dqaşın a’taxtuşe bayn da haylawotho Turkoye wa grube marıhbone dıksındolın m’xasra, wa haylawotho du gayso d’Suriya wa grube dıksındilın mexasra hreto bi fnitho d’İdlıb.  Megabo hreno, Rusya adyawma makadla dlıgmıştawtıfo lı qrobo mqabıl d’ayna gabo dhowe b’Suriya. A’taxtuşe…

U thumo rişoyo beyn du garbyo d’Suriya udu qlimo d’Kurdistan-Semalka, gıdmıftıh kull yawme d’Tlotho leşan a sniqwotho asasi.  Bi maqırhonutho dhuwla athmıl i Mdabronutho Yothoyto du garbyo udu madınho d’Suriya mawdacwola, dıfsıqlın dı suxri u thumano mu qento du virus d’Corona hol zabno lo mbayno. U thumo d’Semalka dkıtyo beyn…

İsroyel naqa hreto mhela dukotho mşahılfe bgawe da thume d’Suriya laşan dı mandıfo amarıhbone dkıtne mqabıl d’İsroyel.  Lfuth a tebe dıfrisi bi sbutho du mhoyano a tayısyotho du gayso d’İsroyel  qtilin 3 farsufe bu mhoyo dımhelın Knuytra dkıtyo bu taymno d’Darmsuq. İsroyel mawdacla dımhela dukotho frişe b’Suriya metul dkito mşale…

İ dafo du nawlo d’North Press, frısla taşroro cal tarte mharbınyotho ma haylawotho du sutoro d’neşe d’Bethnahrin d’HSNB dkıtlın i wolitho dsaymi u duyoqo hedor di nuqazto folhoyto dkıtlın bi fnitho du Habur bu garbay madınho d’Suriya.  Ninwe Dilan u Babilonya David mawdaclın du tconaththe du zayno mşahlafle i hzayto…

A’haylawotho di şultonutho d’Suriya, ba tlotho yawme dşaficina mahıtlın ido cal 30 qıryawotho u qastrat dkıtne hedor d’İdlıb ud’Hlob. Camgabıdathe, u gayso d’Suriya hjımle cal tarte nuqazyotho Turkoye u madreleste tayisto Turkoyto dlo pilot bi fnitho d’İdlıb. İ mşatasto d’Suriya da zedqe noşoye mawdacla da haylawotho di şultonutho d’Suriya kımdawmi…

Cal rişıd du turo d’Şarobim bi mditho d’Saydnaya b’Suriya, mahıt haykılo du bronz d’Yeşuc Mşiho dıksohıd di Mşihoyutho dgımdawmo bu athrano dımfarfasle u qrobo.  U haykılano d’Yeşuc Mşiho kmıhşu u haykılo trayono rabo dkulle bı britho.  Bu nişo “athino laşan dmaxlasno i noşutho”, i şultonutho d’Suriya maqımla haykılo du bronz…

A’haylawotho du gayso kaboşo dı Turkiya, l’celotho dheş latne mbayne grişi ma qıryawotho dıkbışiwolın hedor di mditho dı Tel Tamır bu garbay madınho d’Suriya.  Be bzabno, u froshezwo mşamho d’Alhadath mawdacle du mawtbo folhoyo Suryoyo d’MFS mahıtle ido cal radoyotho folhoye bıthır mıdnafıq mqabıl da hçome dsımlın a’grube marıhbone dı…

Bu zabno dkımdawmi a taxtuşe bayn li şıltonutho d’Suriya u la gurube saqıbloye baynothaye marıhbone bi fnitho d’İdlib Turkiya mşarela drıthho. Turkiya me gabo ksaymo itawyotho cam Rusya u me gabo hreno kımdawmo bu nqolo da zayne u da folhe la thume dkıtla cam Suriya bi fnitho d’İdlib. İ sbutho…

İ dafo Franşoyto-France 24, frısla tahrazto cali aykanoyutho du camaydan bu garbay madınho d’Suriya u mawdacla, da Mşihoyani kıcayşi bi zuctho bu zabno dkıtne a hayle Turkoye wa ğrobe marhıbone d’Dacış heş hfite bu qlimo.  Bi tahraztathe dfriso bu leşono Caraboyo u Englişoyo, bşıkıl rwiho mahke cala qetre ucala casqotho…

U tukoso Emwothoyo dıkmcaqıb i aykanoyutho da tloye bı britho, grışle u zuhoro cali aykanoyutho mahişonitho da tloye b’Suriya.  U tukoso Mhafedo a Tloye m’akadle, da tloye’ne dıkmiathri bu zyodo mu cnufyo qaşyo dkito b’Suriya. U tukoso Emwothoyo d’Save the Children-Mhafedo a Tloye, mawdacle dhol 400 alfo bnaynoşo mgalwelın ma…

U rabhaylawotho gawonoyo da Haylawotho d’Suriya Demoqratoyto Mazloum Abdi frısle mawdconutho bi dafayde du twitter, cala hawbe noşoye dıksaymi a hayle kaboşe Turkiya wa marhıbonayda cala kom du garbyo udu madınho d’Suri. Bi egarthathe, Abdi mawdacle da hayle Turkoye sımlın athmıl qtolcamo cal iqartho bi qritho d’Qırınfıl u sımle qroyto…

Bi mawdconutho dhuwle u malolo d’Emwotho Mhaydotho Stephane Dujarric mawdacle, u ğamo dıktucno Emwotho Mhaydotho cali aykanoyutho noşoyto mahişonitho da galwoye d’Suriya-dhol 11 milyone dıbnaynoşo uhol 6 milyone galwoye, kıtte sniqutho l’mcadronutho noşoyto. Bu mamlo dsımle Dujarric la gelyunore b’New York mırle; Kıtucnina ğamo, dilonoyith cali mşaynutho ucalu sutoro dhol…