FOLITIQOYO

Bu zabno du gayso du rejim d’Suriya kısoyım şuşote hathe hedor İdlıb, thımla Darımsuq a marhıbone bnayqyomo d’Turkiya bu dyoşo du qyomo di şalyuthzayno bu qlimo.  U rejim mawdacle da marhıbonani, dışlın 19 naqlat u qyomano di şalyuthzayno b’İdlıb. Athmıl casriye sımle u gayso du rejim d’Suriya şuşote hathe hedor…

U camo d’Qufrus da Yawnoye dıkhoyın b’Australia, mhayadlın u qolathe camu talab dhawilın a Armınoye, Suryoye-Othuroye wa Yawnoye dkıtne bu athro bi sbutho di socurutho du rişqutno d’Turkiya l’Australia.  Bi qroyto dsımlın a 3 camani dmafiti bu Sayfo dan 1915, tlıblın mi şultonutho d’Australia d’rıfıdo udlo maqıblo u renyo di…

U mgabyo di qritho d’Arkah u hatho, hawi Afrem Dik bıthır mıd i şultonutho mıdwola i mgabyutho du mgabyo di qritho Josef Yar.  Bu normal hiwowa i wolitho d’Sabri Altay, elo bıthır mıd mahısle dkito ışmo jğuşyo bi sbuthathe, şafico i wolitho l’Josef Yar. İ sbuthathe athyo lu hwoyo bıthır…

U Mawtbo du camo Suryoyo frısle tebo bi sbutho da hsayo du camaydan Mor Ğriğoriyos Yuhanun Abrohom u Mor Bulus al Yazıji dıhtifiwo bi şato da 2013.  Bu tebano dıfris bıthır bi dafo Almanoyto, mahke calu froshezwo d’Suroyo TV ucala buhone dsımle u Mawtbo du camo Suryoyo bi sbuthathe da…

U tukoso Qatholiqoyo d’Citotho b’Ulsono mawdacle, dımşarela tahrazto rwıhto du bnoyo udu hethotho d’bote u citotho bi mdito d’Batnaya bi daşto d’Ninve.  U mşalo dcala tarmiyotho dıkmaşe u tukosano Abuna Andrej Halemba mırle; İ mditho Mşihoyto d’Batnaya dmahrıwowa kamiloyith ma marhıbone d’Dacış, kmisım ucdo u hethothayda. Mabde tarmitho rwıhto du…

Lfuth u taşroro d’Emwotho Mhaydotho dıfris cali dişutho dıkmisomo cala neşe, kımahwe dıklozım u yawmo du mrodo d’8 Odor dmitacle zıttır me kull zabno.  Bu taşrorano, i hzayto d’ba mo u 90 ma gabre dıbritho kıtlın hzayto fawdo mqabıl da neşe, ube bzabno 28 ba mo mani khozın du gabro…

Lfuth a tebe dıkothe bıhaq di Scudiye kmahwe naqqa hreto hawi şğuşyo bi mdabronutho du athro dkıtyo bi rişonutho du amiro Muhamad bin Salman.  Lfuth hın ma tebe kıtwo tahrazto dmisim darbe, elo lfuth atebe dkothe msik 2 ma mşale di mdabronutho awste di iqartho du malko Selman Abdulaziz.  U…

İ siyase da galwoye dı Turkiya abico saymola cama athrawotho d’Urifi kamhwe lı rakiwo xıd mıftakarla Turkiya.  Metul bi sbuthathe kothe maqırhonwotho mşahılfe me Urifi dı Turkiya tıryo ma teştecınye dıksaymo bi sbutho da galwoye dkıtne bgawe da thumeyda. Mu zabno dı qtili a folhe Turkoye b’İdlib, mşarela Ankara dfutho…

U qoyumo du cameydan bu parlemento du athro d’Turkiya mu gabo demoqratoyo da came Tuma Çelik nqile u qatro da yolufe mşihoye ba madraşyotho d’Turkiya lu parlamento.  Bu mamlo dsımle bu parlemento mırle: a yolufe mşihoye d’latne majbur dcıbri la herge di maşılmonutho, kcayşi casqutho rabtho bi sbuthathe u hın…

A hayle kaboşe d’Turkiya wa marhıbonathe, sımlın hjome hathe cala qıryawotho d’Tel Temır, Şera, al Şahba u Şerawa dkıtne bu garbay madınho d’Suriya.  Bu zabno da hjomani dsımlın afolhe Turkoye wa marhıbone, huwlın husrono rabo la xtute du kahrobo d’Tel Temır. Athmıl ba şoce d’casriye, sımlın naqla hreto a hayle…

Bi rişitho “u yawmo du derqublo da neşe 8 Odor howe brixo”, u Huyodo da Neşe d’Bethnahrin frısle buyono u mathkarle u yawmo Tibeloyo da neşe dıkmisım kul şato 8 bu yarho d’Odor.  Bu buyonano difrısla i Sictho Mdabronitho d’HNB bi ohnutho du yawmano mırla; belhude bu ağuno mshawtıfo di…

I karxutho d’İtalyo Fosalto hula barmothoyutho lu rişono di PKK Abdullah Öcalan dkıtyo bu hbuşyo b’Turkiya. Bıthır mu tehwiyo di barmothoyuthathe Turkiya mahwele hfuxyo qaşyo mqabıl d’İtalya.  Bıthır me fulhono d’4 ışne dsimi bi karxutho d’Fosalato d’İtalya u mawtbo di karxutho fsıqlın dobın barmothoyutho mşawtafto lu rişono di PKK Abdullah…

U waziro di baroyutho d’Holanda Stev Block, mawdacle du athrayde kımayıd u renyo dmişatıs fnitho dıkmımnıc eba u fyoro bi hiğmonutho d’İdlıb bu garbay macırbo d’Suriya.  Block bi maqırhonutho dhule mawdacle dıgdorış i sbuthathe adyawma bu knuşyo da wazire di baroyutho du Huyodo d’Urifi bi erişkoyto d’Zağrıb.  U waziro di…

U mşalo  di siyase da  esore baroye u di mşaynutho  d’Urifi Josep Borell bi maqırhonutho dhule mırle lıgmanhıtina katfo la hiyal dkıbco saymo Turkiya bi sbutho da galwoye.  Elo be bzabno Turkiya kımnasyo kulmede dkıtla laşan dımzawro u huyodo d’urifi dhowe sanodo bi sbutho da galwoye dkıtne b’Turkiya. Bıthır mu…

Bi harayto Erdoğan u Putin laqın hıdode b’Mosko d’Rusya u drışlın a taxtuşe dıkmdawmi beyn da hayle d’Turkiya, du İran, d’Rusya, d’Suriya wa ğrube marhıbone.  Lfuth a tebe dıfrisi cala droşani, a tre rişone markaxlın i hawa dkito wa ytawyotho kımdawmi beyn da taşdaryotho da tre athrawotho.  İtawto dmıntorowa me…

Amerika mawdacla dlatyo thnihoyto me Turkiya bi sbutho du şqolo du sistem da soruhe Rusoye S-400.  Camgabıdathe, Amerika mawdacla dkıbco dımqadmo mcadronutho noşoyto l’Turkiya bi sbutho d’İdlib.  U mathlono dilonoyo d’Amerika bu athro d’Suriya James Jeffrey, mawdacle du şqolo dı Turkiya lu sistem da soruhe di mudafaca Rusoyto S-400, kımmathıl…

İnaqa du rişqutno  dsoyım haqara cal ha ma rişone d’Gabo kyonoyo, elo inaqa dha qoyumo dı gabo domır cayni mele du rişwaziro dmirile kowın haqara u klozım meftıh bethdino b’haq dide.  Athmıl u medano trele aqoyume du gabo d’AKP u di CHP dcıbri bıhddde ba dkume ba şaqmat u ba…

U Huyodo Suroyo d’Urifi-ESU wu mawtbo da Ezidoye d’Şigor bi golutho frıslın buyono mşawtıfo dıkurhi ebe u tecmiro di maşritho la marhıbone bi daşto d’Ninwe.  Bu buyono atre gabe sımlın qrayto la şutose dıbritho uli şultonutho du Iraq dkolın mqabıl du tecmiro di maşrithathe, dgıdobo husrono la came dıkhoyın bi…

Lfuth u taşroro dıfrısle u şutoso du bayto di hirutho u athro d’Turkiya ba 10 ışne haroyani u athro haroyo datreyo dkımwaxır ebe a zedqe di hirutho u du maftah femo.  Me gabo hreno bi maqırhonutho dhule Ali Babacan dkobıc mşatıs gabo hatho mırle bmeho dıha gabro laybe midabır athro…

İ mcadronitho di rişonutho du mawtbo mşablono di mdabronutho yothoyto du garbiyo udu madınho d’Suriya Elizabet Gawriye, mawdacla da tarmiyotho kaboşe dı Turkiya kmacişi ahayle marıhbone, ubu darğo qadmoyo kmaydi i athto nişo laşaneye.  Gawriye, bu mamlo dsımla adyawma bu futoho du lqoyo du mawtbo di athto d’Suriya, sımla qroyto…

Bu zabno d’kothe tebe du qatlo da folhe d’Turkiya fris maqırhonutho mu athro d’Rusya b’haq di sbutho d’İdlib dıkmitawmır d’Turkiya lıkmamtiyo i wolitheyda d’İdlıb li duktho.  Meqım mi itawto du rişqutno d’Turkiya camu rişono d’Rusya Vilademir Putin Rusya mawdacla du ağuno dımqabıl da marıhbone bi fnitho d’İdlib gımdawım hull u…

Amerika ksındo u athro du Yawnan bu nfoqo mqabıl du kriz da galwoye dıxlıqla Turkiya ba yawme haroyani. Camgabıdathe, i şultonutho d’Athina mawdacla dımnıcla zıd m’24 alfo farsufe dşıfci manarcotho dı Turkiya lu athro du Yawnan. U rişono d’Amerika Donald Trump mawdacle du athrayde ksonıd u Yawnan bi sbutho du…

Agalwoye dıkfixi mu athro dı Turkiya calu Yawnan, mawqadlın u mahrawlın cito bi gozarto d’Lisbos. Calu hjomano, ha ma hsayo di cito da Rum Ortodoksoye mawdacle d’Erdoğan bu şedorayde amarıhbone kımdawım i siyasayde i bcelıdbobeyto mqabıl du Yawnan. U rişono du rejim dı Turkiya Erdoğan bıthır mdıftıhle atarce da thumayde…

İ şultonutho d’Hungarya mawdacla dıbnela hul ucdo zıd m’30 citotho dıshifi bu athro d’Lebnon, u alfo bote shife du camaydan bi daşto d’Ninwe bu garbiyo du Iraq. Hungarya dıgrışla u zuhoro calu kenşo Mşihoyo macırboyo dıkminakıf dımşalıt bahro cala Mşihoye dıkmırdofi bı britho, mawdacleste di mardutho Mşihoyto gawonoyith kmisım acla…

U sayfo du camo Othuroyo-Suryoyoyo mawde ebe bi hiğmonutho d’Arizona d’Amerika.  Bi mawdconuthathe dhawyo bi hiğmonutho d’Arizona mawde bu Sayfo di şato da 1915 u be bzabno u senato maqbele du yawmo d’7 Ob dkıtyo u yawmo du duxrono dmitamte u sayfo lu bolo. Bi rmoyto dımqadmo lu senato di…

U mawtbo du kanton di Qamışlo du qlimo di Gozarto d’Bethnahrin d’Suriya, mşarele dmoyıd tedbire meqım mu hsodo da narcotho di zaricutho. Atedbirani mbayni bnişo dmisım u sutoro danarcotho ma yuqdone dhawınwo bu qayto dşaficina udhawınwo celtho l’husrone momunoye rabe bu qlimo di Gozarto. U rişono zawgoyo du mawtbo du…

U athro d’İsroyel bzabno karyo, hani 3 naqlat sımle guboye gawonoye, metul da gabe du athro lo qadiri dımşatsi şultonutho.  Ba guboye dhawın athmıl lfuth u kunoşo dheş latyo ruşmoyo, u gabo d’Likud du rişwazire Benyament Netanyahu nafıq u qamoyo. U parlamento d’İsroyel dkıtla 120 kursawotho fliğe cala gabe du…

İ wazirutho du sutoro d’Amerika-Pentagon mawdacla, d’Waşington lıgımqadmo mcadronutho oyaroyto l’Turkiya bu taro da taxtuşe dqaşın bu qlimo d’İdlıb bu garbay macırbo d’Suriya.  Camgabıdathe, Pentagon mawdacla dhuwla bahro yaroqo leşan dmişare bu groşo da hayle Amerikoye mu athro d’Afğanistan. U waziro du sutoro d’Amerika du Pentagon Mark Esper, mawdacle du…

Turkiya marhaqla u mgabyo di qritho d’Arkah Josef Yar mi wolithayde.  Lfuth u tebo dmıdlan me Turabdin athmıl u qaymaqam d’Nsibin qrele lu mgabyo u mawdaclele, dıklozım dmaslım a tabce-awkith a muhrat di mgabyutho, metul dmid fusqono dmitakle mi wolithayde mgabyutho.  Bi sbuthathe i mawdconutho dmıdlan athmıl yawme dıtre marhıq…

Muhammad Allawi dhuwo ele wolitho dımşatıs i şıltonutho du Iraq  lı qadır dımşatasle u bi harayto maslamle i mşalutho dkıtwole dlo şutoso di şıltonutho.  Bu şıkılano u qatro du şekolo di şıltonutho du Iraq kımdawmo bıthır mıd mşarewola bi şato d’şaficina cama hfuxye da mtagılyone. Bi şabtho dı şaficina a…

Turkiya mşadarla athmıl blalyo radoyotho folhoye lu garbay madınho d’Suriya, bu zabno dqaşın a’taxtuşe bayn da haylawotho Turkoye wa grube marıhbone dıksındolın m’xasra, wa haylawotho du gayso d’Suriya wa grube dıksındilın mexasra hreto bi fnitho d’İdlıb.  Megabo hreno, Rusya adyawma makadla dlıgmıştawtıfo lı qrobo mqabıl d’ayna gabo dhowe b’Suriya. A’taxtuşe…

İ maşritho d’Alcumla dgıdsaymowa baytoyutho l’casrowat olufe d’marıhbone dı Dacış sxiro. İ maşrithathe dıkmişatsowa qariwo mi fnutho d’Şigur bu garbiyo du Iraq sxiro bi netiçe da fulhone udu protesto dsımlın a’comure d’Şigur cama hfite u hın qoyume mi hiğmonutho d’Ninwe. İ rişathkarxutho di qastra d’Xansor dkıtyo bi fnitho d’Şigur bu…

A’clayme mtagılyone du wahdo d’Altahrir bı Boğdod mtayablın janaze remzonoyto u mawtbo d’buyoye cali ruho du claymo Suryoyo dıqtılwo 24 bu yarho d’Şbot dşaficina bu buğro dmarıswo cal rişe m’zayno du saydo, bu zabno dıkmıştawtafwo la tagılyotho du protesto dımtaybiwo bu wahdo d’Alxıllani bı Boğdod. Lu mawtbo da buyoye mıştawtafleste…

A hayle Amerikoye wa hayle du NATO, mbayanlın u zabno du groşathe mu athro d’Afğanistan. Mawdıc du groşo da haylani me Afğanistan, kibe dothe dhowe bı zabno d’14 yarhe.  Bebzabno Woşington wu zawco da Talibanoye, mdelın athmıl calu ittifaq di şalyuthzayno, bıthır 18 eşne dı qrobo mqabıl dhıdode. Hem i…

U Huyodo Caraboyo, grışle u zuhoro calu qento di mudaxala da hayle qlimoye uda hayle Emwothoye lu qrobo gawoyo d’Suriya.  ​​​​​​​Bu knuşyo dsımle u Huyodo Caraboyo m’akadle, di mudaxala baroyto lu krizano d’Suriya, belhude zıttır kmaqşe i aykanoyutho d’Suriya u lıkobe aftho dmiqafe şroyo mşayno lu krizano. U notarozo gawonoyo…

Bu zabno da maqırhonwotho dhawi ittifaq bayn Rusya u Turkiya, kımdawmi a gzome bayn latre gabe anaqa calu darbo du tboco froso.  Athmıl gurub d’tuxmonoye Turkoye sımlın hjome ba zacqat tuxmonoye cala cawode du ajans d’Sputnik dkıtyo ajans Rusoyo. Ba maqırhonwotho dıfrisi b’Turkiya u Rusya mawdacwo, matın l’awyutho dmanıhti i…

U mınyono da folhe Turkoye dıqtili mıqayo heş latyo idico metul dkito tebe mşahılfe bi sbuthathe u hathe mahwela bu mamlo dsımle urişqutno Erdoğan  naqa mırle 36 qtili u bıthır mırle 34 qtili.  Lfuth a tebe dfrisi ba nawle knuşyoye kmahwe da qtiloye d’Turkiya zıttır me 100 farsufene wa mjarheste…

Bıthır mu qatlo da folhe Turkoye b’İdlib mşarelın a esore bayn Turkiya u la mşale da athrawotho dkıtne mdaxle bi sbuthathe d’Soçi.  Me gabo Turkiya kımstacmılo a galwoye, me gabo hreno a athrawotho rabe xıd Amerika Rusya kımnasın dımzabni a zayne dkıtlın l’Turkiya, u me gabo hreno u İranste mamtele…

U rişono Amerikoyo Donald Trump wu baramnayde u Turkoyo Recep Tayyip Erdoğan, kıdorşi u talab dkıtla Ankara me Woşington-bnişo dmitahwelın sistem d’Patriot leşan dmarkıwile cala thumathe dcam Suriya.  Bezabno u rişqutno Turkoyo mawdeleste bu mamlayde dcam Trump, dkubci kıbşi dukotho d’Suriya u dlatte ucdo niye dnufqi mu athro. U şuşotano…

U qaymaqam di qastra d’Sinune Xudeda Coke rfıdle u tecmiro di maşritho da marıhbone dkıbco i şıltonutho du Iraq dı macımrola bi hiğmonutho d’Ninwe.  Coke bi maqırhonutho dhule sımle qrayto li şıltonutho d’Boğdod u du qlimo d’Kurdistan du Iraq dmarfın femo ma siyasat dıkmıstacmıli a Ezidoye lı manfaca druhaye.  İ…

‘A hayle Iraqoye dıkmısnodi mu İran, kımahrıwi u kısaymi a haye da Mşihoye du Iraq, samo’ a melani di mimartho difriso bi mğaltho d’Amerikan magasin’ne.  U kathowo di mimarthathe, grışle u zuhoro cala hjome dıksaymi a hayle Şica du Iraq dıkmısnodi mu İran calu camaydan dıkhoye bi daşto d’Ninve. I…

U gabo demoqratoyo da came HDP dkıtyo bu parlamento d’Turkiya, maqrahla qay lo mdele u buyono dfrıswolın a gabe hrene bhaq du qatlo da folhe Turkoye, dı zayıd u mınyonathe l’36 farsufe.  Bi maqırhonuthathe HDP kommır; Qhiroyena cal claymo dıknofıl b’İdlib ktulbina buyoe la yaqrothathe, elo lo kubcina dmodina maqırhonutho…

Bıthır mu qatlo da 36 folhe d’Turkiya bu qlimo d’İdlıb d’Suriya, mşarewolın a mamle wa maqırhonwotho d’Turkiya mqabıl d’Rusya. Be bzabno bhın ma tebe fris mawdıc du gayso d’Rusya’yo dımhele soruhe ba folhe Turkoye.  Bıthır ma droşe qaşyani mawdıc, da taşdaryotho da tre athrawotho mıttafaqlın dmanhıti i harara du qrobo.…

İ sbutho di mşatsonutho di şıltonutho du Iraq mwaxro l’ramhıl yawme dı şabtho metul dlı qadiri yawme d’hamşo dsaymi u quwolo bu parlemento.  Bıthır mıd huwo wolitho l’Muhammad Tevfik Alawi dımşatıs şultonutho lu athro du Iraq mbayanwo yawme d’hamşo 27 bu yarhano elo ucdo mwaxır.  Bıthır ma tagılyotho dhawınwo bu…

İsroyel naqa hreto mhela dukotho mşahılfe bgawe da thume d’Suriya laşan dı mandıfo amarıhbone dkıtne mqabıl d’İsroyel.  Lfuth a tebe dıfrisi bi sbutho du mhoyano a tayısyotho du gayso d’İsroyel  qtilin 3 farsufe bu mhoyo dımhelın Knuytra dkıtyo bu taymno d’Darmsuq. İsroyel mawdacla dımhela dukotho frişe b’Suriya metul dkito mşale…

U qaymaqam di qastra d’Şigur Mhama Xalil Cali Ağa mzharale i şıltonutho du Iraq da marıhbone d’Dacş naqqa hreto mşarelın dhowın qento li fnitho da yezidoye.  Cali Ağa bi mawdconutho dhule komır cayni senaryo dhawi bi şato da 2014 a marıhbone bimomo mdinoyewene u b’lalyo marıhbonewın.  U qaymaqam Cali Ağa…

İ dafo du nawlo d’North Press, frısla taşroro cal tarte mharbınyotho ma haylawotho du sutoro d’neşe d’Bethnahrin d’HSNB dkıtlın i wolitho dsaymi u duyoqo hedor di nuqazto folhoyto dkıtlın bi fnitho du Habur bu garbay madınho d’Suriya.  Ninwe Dilan u Babilonya David mawdaclın du tconaththe du zayno mşahlafle i hzayto…

I claymutho du mawtbo qawmoyo da suryoye mahwela awyutho bi hfitutho dsimo xıd awyutho cama hadome di gudo d’Gurup yorum dkıtne bu sawmo du mawto.  I claymutho du mawtbo camoyo Suryoyo me athrawotho mşahılfe xıd Swed Austurya u ğeyr athrawotho mahwelın awyutho bi hfitutho dımtaybowa b’Ştutgart laşan dmıgrış u zuhoro…

İ wazirutho di baroyutho, wi wazirutho du momuno mıdlın tadbire mqabıl da haylawotho d’Hızbullah dkıtne b’Lebnon u bu Iraq.  Bu fusqono di wazirutho di baroyutho kito dımahıt u notarrozo d’Kataib d’Hızbullah Ahmed Hamidavi bi lista di marıhbonutho baynothewmothoyith.  Bi mawdconutho dıfrısla i wazirutho di baroyutho d’Amerika mawdacla dı mahıtla u…

Claymo Suryoyo mu camaydan bu buğro dmarıs acle m’zayno du saydo, qtil bu zabno dıkmıştawtafwo la tagılyotho du protesto bi mditho d’Boğdod.  Camgabıdathe, claymo hreno mu camaydan qtil bu furqoco dhawi bıhdo foquctho qum di bethsawbo dilonoyto d’Alşam bi mditho dı Darımsuq.  U claymo Suryoyo Rimon Rayyan Salım qtil bu…

U makıthbo du tboco froso du qoyumo catiqo bu parlamento du Iraq Jusef Sliwa, frısle maqırhonutho calu knuşyo dhawile cam menyono ma gabe u tukose folitiqoye du camaydan.  U knuşyano sim bnişo dmıdroşo tahrazto du snodo da tagılyotho du protesto du Iraq dkımtalbi dhowe barmothoyutho kamılto b’gawıd du athro. Hın…

U huyodo da neşe d’Bethnahrin d’Giesin d’Almanya sımlın hfitutho mşawtafto cami cito ewangeloyto di mditho laşan d’gurşi u zuhoro cala gunhe u rdufye dkowın cala neşe bu zabno du qrobano dkımdawım bu athro.  İ hfituthathe dımşarela athmıl ba mamle u teqitho da şamce gımdawmo hul 7 şabe dıgdowe hfitwotho mşahılfe.…

A’haylawotho di şultonutho d’Suriya, ba tlotho yawme dşaficina mahıtlın ido cal 30 qıryawotho u qastrat dkıtne hedor d’İdlıb ud’Hlob. Camgabıdathe, u gayso d’Suriya hjımle cal tarte nuqazyotho Turkoye u madreleste tayisto Turkoyto dlo pilot bi fnitho d’İdlıb. İ mşatasto d’Suriya da zedqe noşoye mawdacla da haylawotho di şultonutho d’Suriya kımdawmi…

U qaymaqam di qastra d’Bağdede di daşto d’Ninwe ardixlo Cisam Bahnam Matti sımle socurutho li qritho d’Alqasır dkıtyo masırto cam Bağdede bi xasra di mdabronutho Bi socuruthayde u qaymaqam Matti kali cali aykanoyutho da zabuqone dıkmisomi asfalt, u şamıcste la talabe dkıtlın a’comure di qritho. Bu taro di tahrazto da…

Adyawma bi mditho d’Cenev bu athro d’Swisra, mtayıb knuşyo rwiho calu nesyuno di mdabronutho yothoyto du garbiyo udu madınho d’Suriya. Bu knuşyano dıdrişıste ebe u mkono dmisım bethdino dı Dacış, mıştawtaflele mşale folhoye u folitiqoye dkımmathli u camaydan u Suryoyo b’gawıd di mdabronutho yothoyto. İ mditho d’Cenev bu athro d’Swisra,…

U menyono da yaqrotho du camaydan dıdaciri li mditho d’Batnaya di daşto d’Ninwe, mati l’32 yaqrotho. Be bzabno, mawdıc dkito casqıwotho qum d’hın yaqrotho du camaydan dkıbci dıdıcri la botaththe bı Batnaya. Hın yaqrotho du camaydan dıdaciri ba zabne haroyani li mditho d’Batnaya di daşto d’Ninwe, mawdaclın du menyono da…

A’haylawotho du madınho d’Libya awkith a’haylawotho noqufe du rişono du gayso athronoyo d’Libya Xalifa Haftar, mawdaclın dıqtilın 16 folhe Turkoye ba qrobe dhawınwo ba kmo şabe dşaficina. Camgabıdathe, u gayso athronoyo d’Libya mawdacle dmahıtle ido cal Zayne u alat folhoye dımşadri m’Turkiya lu athro d’Libya bu darbo du lmino d’Misrata.…

U gabo demoqratoyo da came HDP sımle u lumodeyde u rbicoyo bi erışkoyto d’Turkiya b’Ankara bi mtaybonutho ba alfowat da hadome u sanode dı latimowo me dukotho mşahılfe.  Bu lumodano ba ğuboye dhawın mnaqın a rişone zawgoye dhawın Pervin Buldan naqla hreto u Mithat Sancar.  U gabo d’HDP dkıtyo gabo…

Armoyotho dımqadmi adşato lu parlamento u la wazire d’Turkiya  bi sbutho du leşono emhoyo grışlın u zuhoro du tboco froso.  İ rmoyto dımqadmowole u qoyumo du cameydan lu parlemento lı macıbrole lu sistem med dkıtwa bu Suryoyo, u me gabo hreno u qoyuımo Garo Paylan mqadamle rmoyto dhowe qonuno dkımdafıc…

 Qrayto me 22 leşone, inaqla d’moyıd ha leşono kmoyıth ha camo bi qraytathe dsımle u  nawlo du buqoro da  zedqe da leşone mathkarle u yawmo tibeloyo du leşono emhoyo.  Me gabo hreno u gabo demoqartoyo da came HDP hule maqırhonutho bu parlemento d’Turkiya bu yawmano du leşono emhoyo inaqa da…

Rusya thımla Turkiya dlımafıtla la haye a’qyome dkito bi sbutho d’İdlıb, u mawdaclaste di aykanoyutho di fnithathe layba dmitadcıro li aykanoyuthayda dmeqım.  M’gabo hreno, Turkiya gzımla dgıdsaymo hjomo folhoyo hatho b’İdlıb, ida dlımgroşi a’haylawotho du rejim d’Suriya mhın fenyotho dmahıtla ido aclaye b’İdlıb.  U waziro di baroyutho d’Rusya Sergey Lavrov,…

A qoyume Iraqoye, rfıdlın dmınqoli a yaqrotho da marhıbone bnaymothoye mi maşritho d’al Hol d’Suriya, lu athro. Calathe mabde kampanya da imdat beyn da qoyume du Iraq mqabıl du tedciro da yaqrotho da marhıbone.  12 bu yarhano mawdacwo, di şultonutho d’Boğdod kıtla tahrazto dnuqlo hol 15 alfo ma yaqrotho da…

U rişono du qlimo d’Kurdistan du Iraq Nejirvan Barzani bi itawto dhawiwole camu mathlono du rişono d’Amerika Jems Jaffry drışle a şuşote du Iraq u d’Suriya u kalın cali mhaydonutho da Kurdoye d’Suriya.  Bi mawdconutho d’hule Barzani bıthır mi itawto mırle gıdmahıtno u hayleydi laşan dımhayadno a gabe da kurdoye…

U qoyumo du cameydan bu parlemento d’Turkiya Tuma Celik bi maqırhonutho dhule lu tboco froso grışle u zuhoro cala mamle tuhmonoye u di bcelıdbobutho dıkmisomi me mşale u kmıfrosi bu tboco froso.  Amamlanine dkowın celtho lu qatlo da mşihoye, u dıgcubri da mşihoye dsaymi a slawothathe tahte di noturutho da…

İ cito Rusoyto Ortodoksoyto wu Vatikan, makadlın du mede dkowe cala Mşihoye bu qlimo du madınho mescoyo qtolcamoyo.  Bebzabno, atre gabe makadlın dıklozım dımhaydi afulhonaththe bnişo dmınfıq moro li ithutho da Mşihoye bu madınho mescoyo. Mşalo citonoyo Rusoyo b’darğo celoyo mırle “i cito Ortodoksoyto d’Rusya kfılğo camu papa du Vatikan…

U hadomo di sicto mşawronitho du rişono d’Amerika Donald Trump Gabriel Soma dkıtyo ma abne du cameydan mawdacle d’Amerika, Urifi wu Iraq kdırşi u groşo da haylawotho d’Amerika mu Iraq.  Soma mırle: u droşo dkowe dmıgroşi a haylawotho d’Amerika u b’dukthaye dmitahıt a haylawotho du NATO dsaymi u duyoqo da…

Hiw turgomo calu maktbazabno du Mawtbo Umthoyo d’Bethnahrin bu daşto d’Ninwe du Iraq.  Bu turgomano dımqadım mu hadomo di sicto mdabronitho d’MUB Bobel Gewargis wi mşalonitho du huyodo da neşe d’Bethnahrin Şmuni Arsan mahke cala fulhone dsımle u mawtbo dmarxaşle sabro hatho bu cameydan dıbritho.  U turgomano dhiw la hadome…

Mtayıb turgomo cali aykanoyutho du camaydan d’Suriya bı Ebrechsdorf d’Austuria.  U turgomo hiw me gelyunoro Yawsef Beth Turo, kıle cala şuşote haroye dkowın bu qlimo di Gozarto d’Bethnahrin. 15 bu yarho bi şoctho da 18.00 d’casriye, mhaydır turgomo b’Ebrechsdorf Austuria cali sbutho d’Suriya. A hadire, mıdwolın a dukothathe leşan dşımci…

İ qadişutho du fatıryarxo di cito Suryoyto Ortodoksoyto Mor Afrem trayono, laqi u waziro du şbuqyo du athro da İmarat Araboye Mhayde Şeh Nehyan bın Barakat  al Nehyan.  Bi lqaytathe a tre gabe drışlın sebwotho dkıtlın asirutho bi tawditho, bi mardutho  ubu maktabzabno di cito wa esoreyda cama athrawotho Araboye.…

Kito ucdo renyo qawyo dıkmıdrış, cal aydarbo gıdmıhkomi a hadome wa noqufe da ghrobe marhıbone d’Dacış b’Suriya.  Bu renyano kmıdrış, aydarbo gıdmitarhıqi a tloye mi tuxmonoyutho wa neşeste dmitawfıqi lqum du bethdino. U renyano mqadım lu droşo bi ytawto dhawyo beyn da mşale Swedoye udi taşdarto di Mdabronutho yothoyto u…

U qoyumo du cameydan bu parlemento d’Turkiya Tuma Çelik mqadamle rmoyto lu waziro di gawoyutho d’Turkiya dıkgorış u zuhoro cala hjome tuxmonoye dkowın cala bethqbure mşihoye dkıtne b’Trabzon.  Bi rmoyto u qoyumo kımşayıl en i wazirutho mıdla tadbire aw ftıhla bethdino bhaq da hcome dkowın cala citawotho wa bethqbure da…

A’haylawotho du gayso kaboşo dı Turkiya, l’celotho dheş latne mbayne grişi ma qıryawotho dıkbışiwolın hedor di mditho dı Tel Tamır bu garbay madınho d’Suriya.  Be bzabno, u froshezwo mşamho d’Alhadath mawdacle du mawtbo folhoyo Suryoyo d’MFS mahıtle ido cal radoyotho folhoye bıthır mıdnafıq mqabıl da hçome dsımlın a’grube marıhbone dı…

An’athrawotho d’Rusya ud’Suriya, mawdaclın du hurhoşo dkımdawım mi xasra da çatawiye dı Turkiya, hawi celtho dmıhçım cala nuqazyothaththe bi fnitho d’İdlıb.  Be bzabno, Mosko u Darımsuq bu buyono mşawtfo dıfrıslın makadlın d’zıd m’150 mdinoye qtili bi netiçe da hçome dsımlın a’çatawiye dı Turkiya cala dukotho dkibın mdinoye ba fenyotho d’fayiti…

I şultonutho du rişwazire Hassan Diab, qmırla u tuxlono du parlamento du athro, walaw a mtagliyone sımlın protesto u rfıdlın i mdabronutho hathto.  Bu quwolo dsim athmıl bu parlamento, maqbılo hem i şultonutho hathto u hemste u plan du texliso du athro mi aykanoyutho umu kriz dıkşofıc ebe. Bıthır me…

Hfite, qoyume u folitiqoye Iraqoye mzaharlın mi tahrazto di şultonutho d’Boğdod dkıbco dnıqlo zıd m’30 alfo marıhbone dı Dacış cama yaqrothaththe l’maşirtho dkıtyo qaruto li fnitho d’Şigur.  Callathe, a’mşale da Yezidoye mahwelın hfuxyo u mawdaclın dkıtlın zuctho dmisım şuhlofo demoğrafoyo bi fnihaththe d’Şigur.  İ rişathkarxutho di qastra d’Xansur bi fnitho…

U NATO maglele calu plan dkıtle, dımşadır mşawrone lu Iraq leşan dmitahwe yulfono la hayle folhoye du athro.  U notarozo gawonoyo du NATO Jens Stoltenberg mırle; gıdfayşina belhude bu Iraq, calu talab di şultonutho. U zayno towo dkıtlan mqabıl di marhıbonutho, u droşo folhoyo da hayle du Iraq’yo. An athrawotho…

U gabo d’Hizballa d’Lebnon, bıthır mu qatlo d’Qasem Sulaymani mıdle cal ruhe i mdabronutho da grube mzayne da Şica awkith d’Algaşd Alşacbi bu Iraq.  Lfuth mabuce Iraqoye, u gabo d’Hizballa mbayanle u mathlonayde bu Iraq şex Muhammad Alkawtharani laşan dmole i xalyutho dıtıryole Sulaymani.  Bıthır me zabno karyo mu qatlo…

Bu zabno da qoyume layimi bu parlamento d’Lebnon leşan u guboyo dcalu rişwazire, ucali şultonutho hathto du athro, a mtagliyone kfixi naqla hreto la zabuqone u rfıdlın i şultonutho hathto d’Beyrut.  Calathe bu zabno da mtagliyone sımlın protesto u quwolano du parlamento, nafıq taxtuşe beyn du camo da hayle di…

İ wazirutho du sutoro d’Amerika rfıdla i mawdconutho dfriso bu tbocofroso Iraqoyo, dıkmawdıco d’Amerika mşarela dgırşo a haylawothayda me 15 nuqazyotho folhoye bu Iraq.  Camgabıdathe, u tbocofroso Caraboyo m’akadle d’grube Amerikoye di ardixlutho mşadri li nuqazto d’Cayn Alasad b’Al Anbar, bnişo dmitaqwiyo i hasinuthayda ma hçome dkibe dmisomi acla.  U…

U rişono d’Amerika Donald Trump, mawdacle u renyo leşan i lohitho di butja athronoyto hathto di şato da 2021. Li butjathe dımbayno li şato dıbqamuthayna, friş 4.8 milyare dolare.  U rişono Amerikoyo kobıc bi butjathe, dmanqıs i mcadronutho dkobe lğer athrawotho u dmaqwe u haylo nukleer d’Amerika. U Qusro Heworo…

Bi mdito d’Frense bu athro d’İtalya, mtayıb lumodo leşan u snodo di Mdabronutho yothoyto du garbiyo udu madınho d’Suriya.  Bu lumodano, a mıştawtfone mawdaclın di Mdabronutho yothoyto mathlo di hirutho du kenşo d’Urifi’yo, ube bzabno sımlın qroyto li şultonutho d’İtalya dmakılyo a qyome folhoye udi tagorutho dkıtla cami şultonutho d’Turkiya.…

Turkiya, Rusya, Amerika u NATO kobın maqırhonwotho mşahılfe bi sbutho d’İdlib u kulle’ste, kibci şalyuthzayno. Elo camathe’ste fris tebe calu qatlo da folhe Turkoye.  Rusya bi maqırhonutho dhuwla bıthır mu qatlo da folhe Turkoye mırla; Turkiya klozım dmakılyo a hçome da grube marhıbone lfuth u qyomo dsımwolan b’Sochi.  Bıthır mu…

U qoyumo du cameydan bu parlemento d’Turkiya Tuma Çelik, mqadamle rmoyto lu parlemento leşan dı gorış u zuhoro cali iqartho mvayacto du cameydan, dhawila 32 yawme dkıtyo msakarto.  U qoyumo bi rmoytathe dımşadrole li wazirutho di gawoytuho’ste grışle u zuhoro, cala farsufe du cameydan dı qtili ba şawciyat uba tmoniyat,…

Mabuco mi cito Suryoyto Qatholiqoyto d’Mawsal, mawdacle da fulhone du bnoyo u hethotho di cito d’Altahira kibe dmişawhıri. Lfuth u kohno di cito Suryoyto d’Mawsal, i celtho du şuhorano cal du bethdino Iraqoyo lımıdle fusqono dıkmawdıc du tehriwo di cito d’Altahira athi luhwoyo bi netiçe da hçome dsımle u tukoso…

U bethdino d’Ninwe du Iraq tlıble m’farsufo mu camaydan dhowe Maşılmono bıthır mıd i bethzawgayde mawdela bi tawditho Maşılmonitho. U fusqonano du bethdino xlıqle şğuşyo rabo bayn du camaydan di daşto d’Ninwe, dilonoyith cal dlatyo u fusqonano mbayno b’gawıd du qonuno dilonoyo di aykanoyutho farsufoyto da Mşihoye bu Iraq. U…

Bahçeli tuxmonoyo mwaxro u faşizanyo komır u rişqutno di Gozarto d’Qufrus i garbyoyto dkıtyo du falqo d’Turkiya Mustafa Akıncı. Bıthır mi maqırhonutho dhuwole Akıncı li sfaryawmo The Gardiyan dmırwole gıdhowe gunho rabo dmitasrina b’Turkiya i mwatyutho bayn l’Qufrus u l’Turkiya matyo dmıqtoco. Bıthır mu qrobo dı hawiwo bi şato da…

Bu zabno dkımdawmi a taxtuşe bayn li şıltonutho d’Suriya u la gurube saqıbloye baynothaye marıhbone bi fnitho d’İdlib Turkiya mşarela drıthho. Turkiya me gabo ksaymo itawyotho cam Rusya u me gabo hreno kımdawmo bu nqolo da zayne u da folhe la thume dkıtla cam Suriya bi fnitho d’İdlib. İ sbutho…

Taşdarto bi rişonutho du qoyumo du cameydan bu parlemento d’Turkiya Tuma Çelik sımla socurutho l’Abun dayroyo Aho Bilecan dımsıkwo me Turkiya u marfewo bu hboso dhawiwo cal Turkiya. Bi itawto dhawi camu dayroyo mqadamle tawdiyotho lkul man dhawi mcdarono bu terfiyeyde elo heş u bethdino gımdawım. Abuna dayroyo Aho dımsıkwo…

U İran gıdmaslıq satelit hreno lu Athir. U nişo du satelitano, dsoyım buhone yulfonoye bu Athir’yo.  Elo Amerika, mawdacla ilo thnihuthayda calu şedorano du satelit du İran. U waziro du mtoyo bi şultonutho du İran adyawma mawdacle, dgımafiri u satelit hatho d’Zafar-awkith Zoxutho lu Athir, leşan dsoyım buhone yulfonoye. Holuzabno…

Bi sbutho du qrobo d’Libya dıkmdawım, a sicotho folhoye dkıtne ma tre grube mharbone d’Libya methawelın dımdawmi bi şalyutho zayno dkito.  I fusqonano mid bu athro d’Swizra b’Cenev bu knuşyo dımşarewole 3 bu yarho d’Şbot bayn da sicotho dkıtne me kul gabo 5 farsufe dkıtne matre gurube mharbone d’Libya.  Bıthır…

U Iraq kıbone maşritho dilonoyto bu qlimo d’Ninve, leşan dmitahti eba a yaqrotho da marhıbone d’Dacış, bıthır mıd nqili mi maşritho d’Al Hol bu garbay madınho d’Suriya.  İ mawdconuthathe, hiwo mu qoyumo d’Ninve bu parlamento du Iraq Şervan al Dobardany lu tbocofroso du athro. İ daşto d’Ninve bu garbyo du…

U Mawtbo du camo Suryoyo u ferco d’Austuria, mıştawtafle lı hfitutho dsimo leşan dmitahwe awyutho camu hadomo di gudo di musiqi Grup Yorum, dhawile 230 yawme bi taglitho du sawmo du mawto.  U Mawtbo du camo Suryoyo frısle buyono, dıkorıh ebe a siyasat dıkmaşyo Turkiya cal Grup Yorum, leşan dmakılyo…

‘Ya awyutho bzabno karyo yaste fliğutho kamılto bnaqla hdo’, a melani du rişqutno d’Qufrus i garbyoyto Mustafa Akıncı’ne.  Bi maqıblonutho dsimo acme mi sfaryawmo The Gardian Akıncı komır; I masirutho dhuwyo b’Turkiya, maziconitho’yo. Mustafa Akıncı dhawile 2 naqlat dıkminaqe rişqutno li Gozarto d’Qufrus d’Turkiya u hawile ytawyotho mşahılfotho camu rişqutno…

U tukoso da Zedqe Noşoye, bı qaşyutho krıhle u teqimo sistematik da mşale du gabo Demoqratoyo da Came-HDP mi wolithathe me celotho dlatne qrihe u trise.  U tukoso Emwothoyo m’akadle du camlano di şultonutho d’Ankara, dyoşo da zedqe du qolo du camo dıkmıştawtıf la guboye’yo. U tukoso Emwothoyo-Human Rights Watch,…

U gabo Demoqratoyo da came-HDP grışle u zuhoro naqla hreto cali iqartho du cameydan dkıtyo me 10 bu yarho d’Konun u haroyo u holucdo msakarto.  U malolo du gabo d’HDP Gunay Kubilay mawdacle bi dafeyde du nawlo; İ fnitho dımvayco i iqartho d’Be Diril simo duktho folhoyto u mahıt ğnizutho…

A fatıryarxe da citotho ahwotho du Madınho Mescoyo, drışlın i aykanoyutho da qalilotho Mşihoye camu Papa du Vatikan, Mor Fransis qadmoyo.  A fatıryarxe da citotho d’Lebnon, d’Suriya, d’Mısır udu Iraq, laqın Mor Fransis, leşan dgurşi u zuhoro cali golutho, cala qetre u casqotho dıkloqın a Mşihoye bu qlimo. I dafo…

İ dafo Franşoyto-France 24, frısla tahrazto cali aykanoyutho du camaydan bu garbay madınho d’Suriya u mawdacla, da Mşihoyani kıcayşi bi zuctho bu zabno dkıtne a hayle Turkoye wa ğrobe marhıbone d’Dacış heş hfite bu qlimo.  Bi tahraztathe dfriso bu leşono Caraboyo u Englişoyo, bşıkıl rwiho mahke cala qetre ucala casqotho…

U rişono d’Amerika Donald Trump, mbare ma tre thome dımqadmiwo mqabıl dide bu bethdino dilonoyo dsımwo ele bu Senato du athro. Bu quwolo dsim bu Senato, 52 snıdde u fusqono u 47 rfıdlın dmibare Trump ma thomani. İ netiçe du quwolano’ste dmıntoro’wa, gıdhuwyo ucdo mawthronitho l’Trump bi kampanya da guboye…

U rişono d’Amerika Donald Trump, m’akadle u qatlo du rişono du tukoso marhıbono d’al Qacida Qasım al-Rimi.  Al-Rimi dkıtwe u mşalo d’al Qacida dcalan athrawotho Caraboye, qtil bı cuqobo oyaroye dsımla Amerika bu athro d’Yemen. Bu mamlo dsımle u rişono d’Amerika mu Qusro Heworo mawdacle, bu amro dhuwole la hayle…

U waziro di baroyutho d’Rusya Sergej Lavrov mırle; Bıthır mi ytawto dhawyo beyn du rişono Putin udu rişqutno d’Turkiya Erdoğan, kımnasın a folhaydan dı şorın a qetre dkowe bi naşfe b’Suriya.  Elo u waziro Rusoyo Lavrov mawdacle’ste d’Turkiya’yo, dıktucno i mşalutho dkıtne a marhıbone qawye bu qlimo d’İdlıb d’Suriya. Bi…

A noqufe wa hayle folhoye du rişono Şica du Iraq Muqtada al Sadır, bı qaşyutho hçımlın cala mtagliyone ba mdinotho d’Najaf u Karbala. Ba hçomani dsimi, qtil 11 farsufe.  Calathe i wazirutho di gawoyutho du Iraq huwla amro dmitabde buhone bi sbuthathe, u mşale d’athrawotho frişe dbritho krıhlın a hçomani…

A comure wa galwoye da qalilotho frişe di daşto d’Ninve bu garbyo du Cıraq, sımlın protesto i ithutho da hayle Şica d’Haşd al Şacbi ban arcothathe.  Mawdıc dba mowat dıbnaynoşo, layimi calu darbo beyn Mawsal u Nuhadra u sımlın protesto i ithutho da hayle Şica ba dukothathe a şerşoye. Athmıl…

İ şultonutho d’Hungaria sımla sturyo qaşyo Emwotho Mahydotho wu Huyodo d’Urifi cal dlıkmafiti li tahrazto da fulhonathe, i sbutho da Mşihoye dıkmırdofi bı britho.  Bebzabno, Hungaria thımla an athrawotho Mşihoye dıkımnasın dşulhi i hiyoyuthathe i Mşihoyto, cal dlıksaymi mede lan ahunonathe a Mşihoye dıkmırdofi bı athrawotho mşahılfe dbritho.  U waziro…

Amerika maklela u snodo folhoyo ğnizo dkobo’wa hani eşne l’Turkiya, leşan dsaymo cuqobe calu gerilla di PKK. U fusqono du tekliyo du snodano d’Amerika l’Ankara mid, cal d’Turkiya kbışla dukotho frişe du garbyo udu madınho d’Suriya’yo.  I mawdconuthathe hiw me arbco mşale Amerikoye lu ajans da tebe d’Reuters.  I m’watyutho…

An athrawotho d’Beljika, İtalya u Slovakia mqadamlın mcadronutho lu tukoso d’UNMAS, leşan dmitandıf u Iraq ma foqucotho talye dkito bu athro.  A şultonwotho da tlotho athrawothani, mqadamlın camhıdode 2.4 milyone dollare, leşan dmitahrıwi a foqucotho dmahtiwolın a ğrobe marhıbone d’Dacış bu Iraq. U tukoso-The United Nations Mine Action Service (UNMAS)-awkith…

Ba taxtuşe dıkmdawmi bu qlimo d’İdlib, kmitahwe tebe mşahılfe calu mınyono da qtiloye u dilonoyith ba taxtuşe dhawın beyn da hayle du rejim d’Suriya u da hayle d’Turkiya.  Elo bi mawdconutho dhuwla i wazirutho di baroyutho d’Rusya mawdacla, dı qtil mınyono rabo ma rabayhaylawotho d’Turkiya u d’Rusya, ba taxtuşe dhawın…

U gabo du Huyodo d’Bethnahrin Athroyo du Iraq mıstaqbele bu qentrunayde d’Ankawa, u qoyumo bu parlamento du Iraq Şerwan Aldobırdani cam taşdarto mu gabo Demoqratoyo d’Kurdistan.  Bi ytawtathe, drişo i aykanoyutho di daşto d’Ninwe bu maşıqlano wu dactid di ciyeşe mşayanto bayn da came mşahılfe di daşto.  U qoyumo bu…

U menyono da çatawiye dkımşadrolın Turkiya lu athro d’Libya mati l’4700 farsufe.  Callathe, Rusya mawdacla du Turkiya kımşadro a’marıhbone du gbino d’Alnusra mi fnitho d’İdlıb lu athro d’Libya.  İ mşatasto d’Suriya da zedqe noşoye dkıtyo u qentrunayda b’London, mawdacla du menyono da çatawiye dkımşadrolın Turkiya li erişkoyto d’Libya Tarablos yasıq…

U rişono d’Rusya Vlademir Putin wu baramnayde dı Turkiya Receb Tayib Erdoğan matın l’awyutho dıbaroyo maydi tedbire, bnişo dmişawşıto i sdirutho folhoyto bayn da tre athrawotho b’Suriya.  M’gabo hreno, Amerika mawdacla dıksındo Turkiya bi sbutho da hçome dsimi cala nuqazyothayda du duyoqo bi hiğmonutho d’İdlıb.  U Kremlen mawdacle du rişono…

U Huyodo d’Urifi, rfıdle u plan dımbayanle u rişono Amerikoyo Donald Trump leşan u şlomo du Madınho Mescoyo.  Bi maqırhonutho dhuwle u mşalo da esore baroye du Huyodo d’Urifi Josep Borell mawdacle u ğamo dıktucni calu plan du kboşo d’İsroyel calan arcotho da Fleştoye u m’akadle, du huyodo masroyo bi…

U rişono d’Amerika Donald Trump, sımle mamlo li umtho mi kongre du athro.  U mede dgrışle u zuhoro du tbocofroso Emwothoyo, latwe u mamlo dsımle Trump, elo i m’watyutho ftıhto dhawyo beyn Trump wi rişonitho du Mawtbo tahtoyo Nansi Pelosy’wa. Bu zabno dı salıq u rişono Amerikoyo Donald Trump lu…

U qoyumo du gabo da Mşihoye Demoqratoye bu Swed Lars Adaktusson, mfanele u şeh Kaşif Virk, d’thımle u qoyumo bu şejoco di fliğutho beyn da Mşihoye uda Maşılmone.  Bu funoyo dkobe Adaktusson lu şeh mırle; En ha dobıc dhowe falqo du şroyo du qetro mqabıl da rdufye dkowe cala Mşihoye,…

Tashdarto mi mdabronutho yothoyto du garbiyo udu madınho d’Suriya, sımla socurutho lu gabo du Huyodo d’Bethnahrin Athroyo du Iraq HBA.  Bi socuruthathe driş u nesyuno di mdabronutho yothoyto wa dawsat makşırone dımhalqila bu haqlo di demoqratoyutho udi ciyeşe mşawtafto bayn da came.  Taşdarto mi mdabronutho yothoyto du garbiyo udu madınho…

U msoko wu veyoco da Suryoye d’Turabdin, grışle u zuhoro du tbocofroso d’Urifi mawxa i sfaryawmo d’Almanya Deutsche Welle sımla maqıblonwotho cama mşale du cameydan u hulın a hzayothathe cali aykanoyutho harayto du cameydan.  Bi sagiyutho da mamle, mahwelın di şultonutho d’Turkiya abico dmazico caynothe du cameydan mawxa hawın a…

İ rişonitho zawgoyto du mawtbo di Gozarto d’Bethnahrin Nazira Gawriye laqyo ba mothonoye d’Vienna d’Austuria.  Bu zabno di rişonitho dkıtwo b’Austuria, i sfaryawmo rabtho du athro sımla maqıblonutho acma leşan dmahkiyo cala talabe du cameydan du athro dan abohotho.  İ rişonitho zawgoyto du Mawtbo di Gozarto d’Bethnahrin Nazira Gawriye dsımwola…

Mawdıc d’Callawi gıdsoyım i rişwazirutho du Cıraq, hol dmisım guboye hathe. Bebzabno hiw zabno d’yarho lu rişwazire hatho, dımbayın i şultonuthayde. Lfuth u froshezwo ruşmoyo du Cıraq, u rişqutno Barham Salıh mbayanle athmıl Mohammed Tawfiq Callawi xıd rişwazire hatho lu athro. Callawi gıdsoyım i rişwazirutho du Cıraq, hol dmisım guboye…

U rabhaylawotho gawonoyo da Haylawotho d’Suriya Demoqratoyto Mazloum Abdi frısle mawdconutho bi dafayde du twitter, cala hawbe noşoye dıksaymi a hayle kaboşe Turkiya wa marhıbonayda cala kom du garbyo udu madınho d’Suri. Bi egarthathe, Abdi mawdacle da hayle Turkoye sımlın athmıl qtolcamo cal iqartho bi qritho d’Qırınfıl u sımle qroyto…

Bi mawdconutho dhuwle u malolo d’Emwotho Mhaydotho Stephane Dujarric mawdacle, u ğamo dıktucno Emwotho Mhaydotho cali aykanoyutho noşoyto mahişonitho da galwoye d’Suriya-dhol 11 milyone dıbnaynoşo uhol 6 milyone galwoye, kıtte sniqutho l’mcadronutho noşoyto. Bu mamlo dsımle Dujarric la gelyunore b’New York mırle; Kıtucnina ğamo, dilonoyith cali mşaynutho ucalu sutoro dhol…

U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu sutoro da Mşihoye du Madınho Mescoyo, bi methcadronutho di cito Orthodoksoyto d’Rusya wa citotho gawoye du madınho. Putin mırle; Ahna sniqoyena ucdo l’fulhono mhaydo, leşan dsaymina u sutoro da yuthrone da Mşihoye. Kull fawdo dmisım gıdmamte…