BRITHO

ÖREBRO, Swed — U Huyodo da Neşe d’Bethnahrin u fırco du Swed sımle adşato’ste maşritho la hadımyothayde ula nacimathe bi mdito d’Örebro. Bu zabno da neşe howanwo ba herge, a nacime kıtwolın tahrazto dilonoyto da teştcınye. İ maşrithathe simowa 16 u 17 bu yarhano d’Ob u hiw eba yulfono la…

KIYEV — U rişqutno d’Ukraina Volodimer Zelenski mqalasle athmıl u fusqono dmıdla Amerika dmitahwe garanti di mşaynutho l’Kiyev, bu taro dkul şıkıl d’qyomo du şlomo dıkmıntır dhowe cam Rusya.  İ maqırhonuthathe d’Zelenski athyo luhwoyo meqım mi lqoyto dhawile adyawma camu rişono d’Amerika Donald Trump bu Qusro Heworo ubi mıştawtfonutho d’rişone…

NORSBORG, Swed — Athmıl falgıdyawmo, mhalıq u rawşo qamoyo awkith mahto i şetısto qadmoyto du benyono hatho di madraşto d’Edessa d’Urhoy bi mditho d’Norsborg bu athro du Swed.  Lu zawhano mıştawtafle i qadişutho du fatıryarxo di cito Suryoyto Ortodoksoyto Mor İğnatiyos Afrem Trayono. Mor Afrem bi slutho dmaqımle mbaraxle i duktho…

JÖNKÖPİNG, Swed — Lfuth i mawdconutho dmatilan, a şutose folitiqoye, marduthoye, di esfirreğlo wa citotho mşahılfotho du camo Suryoyo dkıtne b’Jönşöping du Swed, mtayablın ruhaye l’hfitutho dgımitaybo 24 bu yarhano d’Ob bi şoctho dbeyn da 18.00-19.00 dcasriye. U yawmano friş li sbutho du Sayfo dsımwo calu camaydan bu zabno du qrobo…

SWISRA — Sim maşritho calu makthabzabno du cameydan, u cali sbutho di athto du camaydan u gawonoyith b’britho bu athro d’Swissra. I maşrithathe mşarewola 12 bu yarhano d’Ob u hthimo adyawma 17 bu yarho bıthır mu yulfono dhiw ma hadımyotho u mşalonyotho du Huyodo da Neşe d’Bethnahrin. Lfuth i mawdconutho dmatilan…

ÖREBRO, Swed — U Huyodo da Neşe d’Bethnahrin bu Swed dkıtle fırce b’mdinotho frişe du athro, gıdmtayıb adşato’ste maşritho la hadımyothayde. Leşan a hadımyotho kulle dkıtne emotho dqudri hudri bi maşrithathe, gıdmitayıb’ste plan dilonoyo la nacimathe cam yulfono, teşcıyotho u teştcınye. İ maşrithathe gıdmisomo 16 u 17 bu yarhano d’Ob-awkith yawme…

NEW YORK — Bu buyono dım’ayıd b’ha femo ma 15 athrawotho hadomayde, u Mawtbo di Mşaynutho d’Emwotho Mhaydotho b’qaşyutho krıhle a’dyoşe dsimi bhaq da comure di hiğmonutho d’Sweda d’Suriya, baynothaye a’gunhe du qatlo mkanşo udi golutho gawoyto d’192 alfo farsufe.  U buyono emwothoyo makadle ste dıklozım dmitahwe mkono l’Emwotho Mhaydotho ula…

BRUKSEL — 9 qoyume du parlamento d’Urifi me gabe frişe dan athrawotho d’Almanya, Beljika, İrlanda, Yawnan, Fransa u İtalya mşadarlın egartho mşawtafto li rişonitho du Komisyon du Huyodo d’Urifi-Ursula von der Leyen, li mşalonitho da esore baroye du Huyodo d’Urifi-Kaja Kallas, calu cnufyo sistematik dıkmisım b’Sweda ubı ğer dukotho du taymno…

BOTKYRKA, Swed — U duxrono mşarele bu mamlo dsımla i mqadmonitho du aywmo Nahrin u tlıbla ma hadire dkolın qatinto d’şetqo cali ruho da sohde du cameydan kule. Bıthır cal ışme di awyutho da gabe u mathlono da esore gawoye du Huyodo Suroyo d’Urifi ESU Jacob Mirza mqadmle mamlo dkali bu zoyudo…

BOTKYRKA, Swed — Lu duxronano da sohde du cameydan dıkmisım kull şato 7 bu yarhano d’Ob, a gabe mtaybone cam hın hudre maczamlın a şutose du cameydan u ksaymi qrayto lu camo dhodır bu duxronano dgımşare bıthır mi şoctho da 12 dfalge d’yawmo. Bu duxrono şatonoyo da Sohde d’Simele, cal…

BRITHO — Athmıl casriye m’akıd, di ytawto dgıdhuwyo beyn du rişono Amerikoyo Trump udu bar’amnayde d’Rusya Putin, gıdmisomo 15 bu yarhano bi marcitho d’Alaska. İ mawdconuthathe’ste m’akdole Trump bi dafayde di sosyalmedia ubebzabno mawdacle, dımqarawla i harayto du qrobano beyn Mosko u Kiev. U rişono Amerikoyo lo huwle fuşoqo rwiho bi…

BOTKYRKA, Swed — Athmıl bu tebo dfrıswolan mi maqırhonutho dkthuwole u folitiqoro du camaydan Aday Bethkınne calu fusqono dmıdle, dtore mu gabayde da Mşihoye Demoqratoye di karxutho d’Botşyrka du Swed, mawdacwole i klayto wi hzayto dkıtwole calu gabayde drahıq ma timoyotho d’Mşihoyutho. İ klaytathe du Aday, xlıqla zmomo rabo bu tbocofroso…

WASHINGTON/MOSKO — U rişqutno d’Ukraina Volodimer Zelenski sımle qroyto dmitayıb lqoyto bayne ubayn du rişqutno d’Rusya Valdimer Putin, bnişo dmitahıt huthomo lu qrobo admonoyo dkımdawım b’Ukraina.  Zelenski bi maqırhonutho dıfrısle ba dafe kenşoye du nawlo mırle “ahna b’Ukraina ğalabe naqla mırlan u ğalabe naqlat mawdaclan da şroye şarire kibe dhowın…

WASHINGTON — Bi maqırhonutho dhula athmıl la gelyunore b’Waşington, i malılto di wazirutho di baroyutho d’Amerika Tami Brus mawdacla d’Amerika kımdawmo d’sındo u diyalog bayn di şultonutho d’Suriya wa haylawotho d’Suriya demoqratoyto, bnişo dhowe mlahmonutho bayn d’QASAD wu gayso d’Suriya.  Brus m’ayadla ste a’knuşye msimone kulle dhawın bayn d’QASAD wu…

WASHINGTON/MOSKO — Lfuth u rişizgado d’Amerika bu NATO Matthew Whitaker, u siqumo haroyo dmahıtwole u rişono Amerikoyo qum du bar’amnayde d’Rusya Vlademir Putin leşan dmitakle u qrobo b’Ukraina, gıdtoyım yawme d’Cruto dothe. En Putin dlo makle u qrobano, kınotarle tedbire hathe u qaşye. Whitaker mırle; Elo casqo’yo noşo dodıc mın kıfoyıt…

WASHINGTON — Kanada mçazyo b’madatho-gumruk d’35 ba mo-heş meqım d’toyım u siqumo dmahıtwla Amerika. Wu fusqonano du rişono Donald Trump’ste, mafıt adyawma la haye cali şultonutho d’Ottawa elo star me mınyono celoyo d’mluwe dkıtne bu taro du qyomo dkito beyn Kanada, Amerika u Meksiko. Trump mdele athmıl amro hatho-lhın athrawotho mbayın…

MOSKO — I dayira du tboco froso di wazirutho di baroyutho d’Suriya bu buyono dıfrısla, mawdacla du rişqutno Putin bi ytawto dhawile athmıl camu waziro Alşebani bı Mosko, mawdacle d’Rusya krıfdo kulonoyith kul şıkıl d’mudaxala İsarloyto aw nesyune du floğo d’Suriya, u mathkarle ste di şultonutho d’Mosko b’fusqono kamiloyo dsındo a’fulhone…

WASHINGTON — Pentagon frısla maqırhonutho u mşalatla bahro cala ğrobe mşahlıfe d’Suriya dıktucni zayno u dlıkmıştawtıfi la hayle ruşmoye du athro-awkith, dlatne bu kontroll da hayle ruşmoye di şultonutho hathto d’Suriya. Calathe Pentagon mırla; İ qudra, u haylo dkıtla Darımsuq bu duyoqo da ğrobani-sbutho dıkxulqo ğamo rabo’yo l’Amerika. Hano kımahwe…

CANBERRA — 28 bu yarho d’Teşrin u haroyo da 2024, maqbewola Australia rmoyto dıkmınco a nacime wi claymutho dkıtyo holu cumro dan 16 eşne, dmıstacmıli a dafe frişe di sosyalmedia. Bu dumyano hawyo’wa Australia awıl athro b’britho, dımbayanwole qonuno dıkmahıt thumo du cumro, leşan u isticmal da dafe di sosyal media.…

BRITHO — U tbocofroso Emwothoyo adyawma bşıkıl hayo, frısle hezwone ma sforyame d’athrawotho frişe, bıthır mu zuhoro dhiw la bnaynoşo kulle dımalhıqi ruhaye l’dukotho celoye mu qento du tsunami dkibe dmohe a dukothani. U zuhorano hiw cali zalzale qwitho dhawyo athmıl ba şoce du lalyo bi gzırto d’Kamtjatka b’Rusya. İ zalzalathe…

ZAPORITZA, Ukraina — Lfuth mşalo bi rişqutnutho d’Ukraina Andriy Yermak, bu hçomo dsımla athmıl Rusya calu hbuşyo dkıtyo bu tayman madınho du athro, qtil 17 hbişoye uhol 80 hrene mçarhi. U ajans da tebe d’AFP mahıtle u mınyono da qtiloye 20 farsufe. U hbuşyo wa bote dkıtwın qariwe lu bınyonano’ste hzelın…

NEW YORK — U mathlono d’Emwotho Mhaydotho b’Suriya Gier Piedersen bu mamlayde bu Mawtbo di Mşaynutho d’Emwotho Mhaydotho b’New York mawdacle, du cnufyo haroyo dhawi beyn da hayle frişe b’Sweda u acmaye a hçome dmaqşela İsroyel cali fnitho, mhelın dharbo la fulhone dıkmisomi leşan u şuhlofo b’Suriya. Pedersen mırle; U cnufyo…

BERLIN — U huyodo Almanoyo du yulfono udi tarbitho VBE sımle qroyto dmibayın herge du tewlifo di tawditho Maşılmonitho ba madraşyotho d’Almanya kulle. U rişono du huyodo Gerhard Brand bi maqırhonutho dhule li şabake du tboco froso Almanoyo mırle “klozım dmitahwe mkono la mhaymne kulle dıdırşi a’tawdiyothaththe b’gawıd di madraşto, udmitahwelın…

TEL AVIV — U waziro du sutoro d’İsroyel Yasrail Kats, mawdacle adyawma dı Tel Aviv kımtaybo ruha dsaymo u İran şok naqla hreto bu dactid.  Kats bu mamlo dsımle bi cohnutho du hethotho da benyone dıshifi bi netiçe du qrobo ahroyo dcamu İran mırle “klozım a’rişone du İran dmaklın u tehdidaydan”.…

LAUSSANNE, Swisra — Bu duxronano da 102 eşne du qyomo d’Lozan-dımdewo 24 bu yarho d’Tamuz dan 1923, dhawiwo celtho dmitankır u camaydan wa came hrene b’Bethnahrin, mtayıb athmıl taglitho b’Lozan u griş u zuhoro du kenşo Emwothoyo, da camani lo tacın u qyomano dmahramlelın ma zedqathe a umthoye u tawdithoye b’Lozan.…

WASHINGTON — İ dafo d’Rudaw frışla adyawma duktho ba tebayda, calu duxrono qamoyo dıkmisım la Sohde du qtolcamo d’Simele bi kongre d’Amerika. U duxronano’ste sim bu zabno dımqarawle u yawmo şatonoyo du qtolcamano dsımwole u rejim catiqo du Cıraq ban 1933 cala qıryawotho du camaydan u Othuroyo bi fnitho d’Simele.…

WASHINGTON/DOHA — U mathlono d’Amerika bu madınho mescoyo Stev Witkof bu buyono dıfrısle ba dafe kenşoye du nawlo mırle “fsıqlan dmadcırina u grubaydan mi mditho dı Dawha b’Qatar laşan dhowelan mşawronutho camıhdode bıthır mu funoyo haroyo dhule u zawco Hamas, udıkmahwe bıqrihutho dlatle mabco dmımte l’şalyuthzayno bu qlimo d’Ğaza”. Witkof mırle…

BERLIN — Athmıl mtayabwo bi mdito d’Berlin d’Almanya ytawto dilonoyto leşan dmıgrış u zuhoro calu qtolcamo, cala taxtuşe ucala gunhe haroye dhawın cala qalilotho frişe b’Sweda u gawonoyith bu athro d’Suriya. Li ytawtathe hadır mathlone u mşale d’şutose frişe da Druz, da Callawiye, da Caraboye, da Kurdoye, da Ezidoye u xıd…

BRITHO / SURIYA — U waziro di baroyutho dı Britania Deved Lami bu mamlo dsımle bu parlamento, makadle di şalyutho d’Suriya hawyo sniqutho rabtho bu maşıqlano ducdo dilonoyith bi sbutho du nfoqo mqabıl di marıhbonutho, udmisım u garanti di şalyutho di fnitho.  Lami dım’akadle dıklozım dmitakle u cnıfyo dkito b’Sweda mırle…

BRITHO — Trump bi maqırhonutho dıfrısle bi dafo dı Truth Soşial hawxa kthule “u waziro di baroyutho Cabbas Caraqçi kımbahıs cala şutose du nukler du İran. A’husrone ğalabe rabe ne. shifi. Men kulfrus u medanoyo dmırli… u gıdımkararnole in dlozım”.  Trump mawdacle di tahrazto İranoyto du nukler hzela husrono rabo, u…

WASHINGHTON —U waziro di baroyutho d’Amerika Marco Rubio tlıble mi şultonutho d’Suriya dmınco u cboro da marıhbone jihadist la fenyotho du taymno du athro, bıthır ma gedşe du cnufo umu qtolcamo dhawi bhaq da Druz d’Sweda bi şabtho dşaficina.  Rubio bu buyono dıfrısle bi dafayde d’X mırle “ida di şultonutho…

ÖREBRO, Swed — Athmıl yawme d’huşabo bi şoctho ba tarte dfalgıdyawmo, a’şutose tawdithoye u marduthoye du camaydan sımlın taklitho bi mditho d’Örobro bu Swed dı grışlın eba u zuhoro calu qatlo dhawi bi cito d’Mor Alyas dkıtyo b’Darmsuq d’Suriya.   İ takitho mşarela b’Qatinto d’şetqo cali ruho da Sohde, u bıthır…

PARIS — Hani zabno a gabe, tukose u şutose folitiqoye, marduthoye u tawdithoye du camaydan bu athro ubi golutho, mabdelın hamle d’ytawyotho leşan dımqarwi a renyathe u d’motın l’şıkıl d’awyutho, bnişo dnufqi moro li sbutho du camaydan. Bi ariskoyto d’Fransa Paris, layimi athmıl naqla hreto a citotho wa şutose frişe…

ÖREBRO, Swed — A citotho d’Yoldath Aloho Maryam u Mor Aho u da Rum Ortoduksoyto uda Qubtoye uda Habaşoye wu hudre Suryoye u Othuroye mtayablın i taklithathe leşan dı gurşi u zuhoro d’Urifoye cala qatle dkowın cala mşihoye bu madınho mıscoyo, u dilonoyith cala mşihoye d’Suriya dıkfayti me maşıqlo casqo.…

WASHINGTON — Bu knuşyo dsımla athmıl la gelyunore b’Waşington, i malılto di wazirutho di baroyutho d’Amerika Tammy Bruce mırla; “u dactid d’Suriya bidothıd du camaydayo wi qadmoyutho ucdo lu terkiwo di şalyuthoyo. Ahna latna saqıbloye li federaliye aw lu şultono yothoyo, elo u fusqono la Suriye yo”.  Bebzabno, Brus mawdacla…

GAZA, BRITHO — I fatıryarxutho d’Urışlem da Rum Ortodoksoye bu buyono dıfrısla, b’qaşyutho krıhla u hçomo dsim cali cito di İqartho Mqadaşto da Latinoye bi mditho d’Ğaza, udhawi celtho lu qatlo d’tlotho farsufe Mşihoye u menyono d’mçarhe u husrono rabo dhew lu benyono di marcitho.  I fatıryarxutho bu buyonayda mırla…

SÖDERTÄLJE, Swed — U hudro d’LEBI Skol İF b’Södertälje du Swed mşatıs me Petra Jacob dkıtyo mu camo Suryoyo. U hudrano, bşıkıl magon kımtayıb yulfono, fulhone uğer hfitwotho mşahılfotho da droşe guşmonoye la nacime b’5 dukotho frişe di karxutho bıthır ma şoce di madraşto. Kull şabtho, kıloyım hol 400 nacime…

BARCELONA — Ucdo hawi ruşmoyo, d’Roony Bardghji, gıdmıştace bi gudo idıcto d’Barcelona. U Roony dkıtyo mu camaydan, kthuwle kontrakt cami gudo di esfirreğlo d’Barcelona holu yarho d’Hziron da 2029. U hudro d’Spania komır; Cımre belhude 19 eşne’yo, u mıştacyonano idico’yo bi kaşiruthayde, dkıtyo xayifo u mohabtho du syomo da fuhome. Hani…

BRUKSEL — Bı qroyto msarhabto, u Huyodo Suroyo d’Urifi ESU mşadarle adyawma egartho ruşmoyto lu parlamento d’Urifi cala hawbe dıkmaşın a hayle d’Hayıt Tahrir al Şam uğer ğrobe hrene msalhe b’Suriya. Bu şuroyo di egarthathe ESU mawdacle u ğamayde u mşalatle bahro calu cnufyo barbroyo dıkmdawım dqoşe cala came etnikoye…

BRUKSEL /EINSIEDELN, Swisra — 22 bu yarho dı Hzirın bu hjomo marhıbono dsımwo cali cito d’Mor Elias b’Darımsuq d’Suriya zıd me 25 farsufe mvayacwolın a hayaththe, wu medano maglele u haşo, i tahluka dkito cala came Mşihoye du qlimo du Madınho Mıscoyo. Calathe a şutose tukose du camaydan ba mdinotho mşahılfe…

WASHINGTON — Bu funoyo dhule calu şuwolo dmın klayto kıtla Amerika mi qroyto dsımle Tomas Barrak bi sbutho dmıgrış u zayno ma haylawotho d’QASAD udhowın falqo ma şutose dı Darımsuq, u mşawrono dmeqım du rişono d’Amerika Walid Fares mırle; “kmıtyaqanno di sagiyutho Amerikoyto b’şıkıl basit u qriho krıfdo dmıgrış u…

STRASBOURG, Fransa — U parlamento d’Urifi m’ayadle ruşmoyith i rmoyto dıkkırho b’qaşyutho a’hçome dıkmisomi cala qalilwotho tawdithoye ucala dukotho di cabade b’Suriya. Bu quwolo dsim athmıl, mbayn da 720 qoyume 625 m’ayadlın u mırlın E li rmoytathe.   Lfuth i rmoyto dmaqbılo, a’qoyume Urifoye mahwelın ilothnihutho rabtho dkıtlın mqabıl di şalqa du…

BERLIN — Taşdarto dıkmişaklo mi mşalonitho da Esore Baroye du Huyodo da Neşe d’Bethnahrin  Tibelya Ahrun umu mşalo da esore Baroye du Huyodo Suroyo d’Urifi ESU Metin Rhawi hawilın lqoyto camu tahlufo du rişono du parlamento d’Almanya wu malolo du gabo Semoloyo de Linke Bodo Ramelow, u cami qoyumtho mu gabo…

BRITHO — U Lumodo di athto Suroyto 12 bu yarho d’Tamuz Yawmıd d’Şabtho gıdothe lu hwoyo bcayni zabno;  b’Almanya bi Mditho d’Pohlheim  b’Bürgerhaus Hausen, b’Suriya mditho di Qamışlo bu Restorant d’Zuhuriya, bu Iraq bi mditho d’Ankawa bu şquqo d’Majdal i şuctho ba 10:00 d’Urifi uba 11 du athro. U lumodano dsim…

STRASBOURG, Fransa — U rişono du bethdino da zedqe noşoye d’Urifi dkıtyo u qentrunayde bi mditho dı Strasborg dayono Franşoyo Matyas Ğoyomar, mawdacle du bethdino khoze Rusya morıd hawboyo cal dsımla mdinoye u folhe Ukrainoye icdame, udsımla ste teşniqe u trela a’mdinoye dlo celtho dımgalwın ma dukothaththe, ucal dıshıfla, dmanhabla…

BRITHO — İ qroyto d’Amnesti athyo luhwoyo meqım mdımqadmo i sictho dkımcaqbo i şrorutho dımşatsowa 9 bu yarho d’Odor dşaficina, i netiçe da buqore dsımla bi sbutho da gunhe du qatlo da mdinoye dhawınwo bu sforyamo du garbay macırbo d’Suriya.  İ tahlufto di mdabronitho qlimoyto du madınho mescoyo udu garbiyo…

STRASBOURG, Fransa — U Bethdino Urifoyo da Zedqe Noşoye mawdacle, Turkiya kdayşo i hirutho du renyo d’Selahattin Demirtaş, bu troyayde bu hbuşyo kıtla nişo dsaymo hboso cali sagiyonutho u dmahto thume quma nuqoşe folitiqoye. Demirtaş mu yarho d’Teşrin u Haroyo da 2016 kmımsık yasiro bu hbuşyo. Bi dacwa dhızyo ba 2024…

GÖPPİNGEN. Almanya — Bi mditho d’Göppingen bu athro d’Almanya a şutose du camaydan u Huyodo Suryo d’Urifi ESU, i cito d’Mor Yahkub, i cito d’Mor Afrem, u Huyodo da Neşe d’Bethnahrin HNB, Kano Suryoyo, SSV Göppingen, u Hudro d’Mor Yahkub, athmıl sımlın taglitho mıştawtafto, leşan dmahwın u hfuxyaththe calu hjomo…

WİESBADEN — A Mşihoye di golutho wu camaydan, kımdawmi dmahwın i awyuthathe cama dıbhe du furqoco qtolnafşoyo dsımwo 22 bu yarho dşafıcina bi cito d’Mor Elias bi şawtho di Dwelca b’Darımsuq d’Suriya. Athmıl’ste yawme d’Shabtho bi şoctho da 18.00, layimi hadome d’citotho uda gabe u şutose frişe du camaydan bu qentrun…

WASINGHTON — Bıthır mu droşo umu quwolo dsim cali paketathe di buçe d’Trump, mawdıc b’fırşono ğalabe nacimo ubı hfuxyo ma hadome di kongre, fayito athmıl bi harayto  i paketathe ba qole d’218 E, u 214 Lo. Bu dumyano, maqbılo i butçe du rişono Amerikoyo bu yawmo dabıc-athmıl 4 bu yarhano…

POHLHEIM-GIESSEN, Almanya — U Huyodo da Neşe d’Bethnahrin frısle egrotho b’leşone frişe, leşan dgorış u zuhoro calu lumodo dgımtayıb bi şabtho dıbqamuthayna. Bi mawdconutho dmatilan, kmitamır, du lumodano di Athto Surayto dgımşare bi şoctho da 10.00 bu siqumo d’12 bu yarhano d’Tamuz b’Bürgerhaus Hausen Parkstrasse 2, b’Polheim-Giessen d’Almanya. Bi egarthathe’ste HNB…

SODERTALJE, Swed — Ba dawsat dımhalaqwole u ağono di hirutho, 5 bu yarho d’Tamuz da 2004 kthuwole makthabzabno hatho, bu futofo du froshezwo qadmoyo du cameydan bu darbo du satelit. Suroyo TV dıbdewole dnofıq u logayde 4 bu yarho d’Tamuz u bıthır yawmo mabdewole bu frosayde du test, du çerobo. U…

KOPENHAGEN — Bu zabno dkito zuctho b’Urifi bu haqlo di mşaynutho, ubu zabno dkımnasın an’athrawotho d’Skandinavia dmizdi u menyono da folhe udmaqwın imkone du sutoraththe, u athro du Danmark ste bıthır mu athro du Swed sımle i mşablonutho di folhutho alisto awkith çbari cala neşe. U fusqonano fayıt ucdo la…

U rişono d’Amerika Trump meqım kmo yawme mawdacwole bıthır ma ytawyotho dhawın, maqbela İsroyel a şartat dlozamwo leşan u terkiwo d’şalyuthzayno l’zabno d’60 yawme camu zawco marhıbono d’Hamas. Ucdo’ste u waziro di baroyutho d’İsroyel Gideon Saar m’akadle, dkıtne jıddi bi sbutho dmımte l’awyutho cal qyomo dmitarfın a yasire kulle u…

TEHRAN — Bıthır mıd İsroyel u Amerika sımwolın cuqobe d’12 yawme cala macımle nukleer du İran, huwolın husrono rabo li tahraztayde du nukleer. Bu qrobano’ste, qtılwo hol 900 bnaynoşo ba mhoyani ubı İsroyel’ste qtılwo 28 farsufe. Bıthır mu qrobano, heş latwa i aykanoyutho da macımlani idicto ubi maqırhonutho dhuwole u waziro…

VATIKAN – I qadişutho du papa du Vatikan Mor Leo da na’14, lfuth u talab dhawiwola i sunados mqadaşto di cito Kaldoyto dıqtirowa bu yarho dı Tamız bi şato da 2024, mbayanle u hasyo Habib Hırmız mathlono şlihoyo hatho la marciyotho di cito Kaldoyto b’Urifi kula mdarbıd du hasyo Sacıd Sirob.…

Göppingen, Almanya — I karxutho di mditho d’Göppingen d’Almanya, mtayabla athmıl hfitutho marduthoyto dkımgaşmo i yortutho da came uda hiyoywotho umthoye mşahılfe dıkhoyın camıhdode bu athro d’Almanya.  I ramşithathe dımşarela bi şuctho da şeth u falge d’casriye, mdawamla huli şuctho di hdo d’fothıdsafro.  Li ramşithathe, mıştawtafle mathlone mu Huyodo da…

SIDNEY — Hew şukono tibeloyo du şlomo lu claymo Othuroyo sniğro Oliver Sliwa dkıtyo mi mditho d’Sidney d’Australia. Sliwa dımmathele i mtakasto emwothoyto d’Shayna Humani tarian, qayıthle u şukonano bu konferans tibeloyo du şlomo dımtayıb bu athro d’Australia. Oliver Sliwa ha mbayn da mıçğılone rişoye we calu qonuno noşoyo emwothoyo…

BREMEN, Almanya – A Mşihoye di golutho, kımdawmi dmahwın i awyuthathe cama dıbhe du furqoco qtolnafşoyo dsımwo bi cito d’Mor Elias b’Darımsuq d’Suriya. Adyawma yawme d’Huşabo, şafıcwo şabtho kamılto calu furqoco marhıbono dsımwo calu camo mhaymno di cito da Rum Malkoye Orthodoksoye dkıtyo bi şawtho di Dwelca. Calathe athmıl sim…

VIYANA — İ tahrazto catırto di Gala da 21 eşne d’Suroyo TV mşarewola athmıl bi şoctho da 20.30 dcasriye b’froso hayo ba nqoşkafe du camo dkıtwe hadiro ubu futoho da 2 mqadmone a hawronaydan Metin Rhawi u Rahel Vergili, bu mamlo du futoho dsımlın. Bıthır a hadire kulle czimi dqayimi l’qatınto…

DARIMSUQ — Najat Rochdi dkıtyo i tahlufto du mathlono dilonoyo du notarozo gawonoyo d’Emwotho Mhaydotho-Antonio Guterres b’Suriya, sımla athmıl mamlo bu yawmo Emwothoyo lu snodo da dıbhe da bnaynoşo dmafiti b’teşniqe barbroye. Bu mamlayda Rochdi tlıbla garantiye qonunoye leşan dmitaqimi a teşniqe b’Suriya. Bebzabno bi qroytathe Najat Rochdi dmahwela awyutho cama…

GUTERSLOH, Almanya  Calu u furqoco qtolnafşoyo dsımwo meqım şabtho bi cito d’Mor Elias da Rom Malkoye Orthodoksoye di şawtho di Dwelca b’Darımsuq, mtayıb adyawma taklitho qum du bınyono di karxutho d’Gütersloh d’Almanya. Li taklithathe’ste, hadiri a şutose tawdithoye u marduthoye du camaydan dıkhoyın bi mdito. Bi taklithathe camgabe dmaqım teşmışto…

WASHINGHTON – U tukoso d’In Defense of Christians-İDC, hfitoyo bu snodo ubu groşo du zuhoro cali aykanoyutho da Mşihoye uda qalilotho tawdithoye hrene bu Madınho Mescoyo ubi maqırhonutho dfrısle u tukosano dkıtyo bi rişonutho d’Richard Ğazal dkıtyo mu camaydan, b’qaşyutho krıhle u hçomo marhıbono dsim cali cito d’Mor Elias dkıtyo…

VIYANA — Eşqad mtaybwo 2 Galat la 20 eşne du froshezwo d’Suroyotv-15 bu yarho d’Ilül, simo’wa i qadmayto b’Midyad wi trayonitho’ste, simowa 5 bu yarho d’Teşrin u qamoyo bi mdito d’Giessen d’Almanya. Wu ucdo’ste mqarawle u lalyo, di Gala da 21 eşne du froshezwo d’Suroyotv dgımisomo ramhıl bu athro d’Austoria.…

WASHINGTON – U tahlufo du rişono du haylo Amerikoyo du yamo Brad Cooper, makadle dı Dacış kımdawım dımşakıl tehdid çıddi u şariro b’Suriya, ubebzabno makadle dıklozım dfoyış haylo folhoyo Amerikoyo walaw ste dhowe mhaddıdo b’gawıd d’Suriya, cal dkıtyo u medano ulsoyo lu dewam da fulhone mqabıl di marıhbonutho.  Cooper dkıtyo mraşho…

BRITHO – ‘A hçome dcala citotho ucalu camaydan, hçome baroye cali hiyoyuthaydan u aclayna’ne. U nişathe, dmisım qtolğenso hrene calu camaydan’ne u ahna, lıgfayşina şalye mqabıl da hçomani’. A melani da şutose u gabe folitiqoye, kenşoye u marduthoye frişe du camaydan’ne. Ba hfuxye dmahwe’ste, krih bkull meltho qşitho u qtolcamo…

ATHENA – Meqım şabtho mtayabwo lumodo Emwothoyo b’Athena du Yawnan cala 110 eşne du qtolğenso mayiro dsımwola i mamlaxtho da Cuthmanoye cala 3 came Mşihoye bu zabno du qrobo qamoyo dbritho. Lu lumodano’ste hadırwo mınyono celoyo d’yadıcthone du makthabzabno uğer yadıcthone dcala qtolğense. Bu lumodano, a hadire sımwolın mamle frişe…

U rişqutno d’Lebnon rabhaylawotho Josef Caun b’qaşyutho krıhle u hçomo marıhbono dsim athmıl casriye cali cito d’Mor Alyas da Rum Ortodoksoye bi şawtho di Dwelca bı Darımsuq. Caun bi maqırhonutho dhule sımle qroyto li şultonutho d’Suriya dmaydo a’tedbire dıklızmi laşan dlımisım tekrar u hçomano, udmisım u sutoro da citotho uda…

ISLAMABAD – Bi egartho dfrısla athmıl i şultonutho d’İslamabad bi dfayda d’X, m’akadla dımraşahla u rişono Amerikoyo lu şukono du şlomo d’Nobel di şato da 2026. Bi egarthathe Pakistan kımawdıco, di mudaxala diplomatiqoyo ubi rişonutho ulsoyto dmahwele u rişono Amerikoyo Donald Trump bu kriz haroyo dhawiwo beyn du Hınd d’Pakistan, kışowe…

TEANECK, Amerika – İ mafqonitho du flim d’Ruhotho Coburyotho Aida Şlefer camu mathlono d’ESU Şlemun Rhawi hadiri u tehwiyo du flim dokumenter dsim calu Sayfo mayiro dan 1915 bi sinema d’Teaneck b’New Jersey. U flimano dıkmahke calu makthabzabno du camaydan wi siyase dsimowa leşan dmitayıb u qtolğensano u mayiro acle, friş’ste…

BETH NAHRIN — Bu buyono dfrısla i Sictho di Rişonutho d’MUB bu yawmo şatonoyo di mşatsonutho du ağono umthoyo mawdacla; U Mawtbo Umthoyo d’Bethnahrin, dftıhle warqo hathto bu makthabzabno du camaydan, mabharle i şrorutho, mıdle asas a nubce du cılım dımramrımi cala mdinoywotho du athraydan, u maglele cala hawbe da zıhniyat…

KIEV – ‘U hçomano d’Rusya, ha ma cçiqe dsımla holucdo’yo. Hani hçome qrihe di marhıbonutho’ne. Ba melani mahwele u rişqutno Zelenskyj u ruğzayde mqabıl da hçome haroye dsımla Rusya cali arişkoyto d’Ukraina Kiev u cal 6 fenyotho hrene. Mawdıc d’Rusya mafırla hol 32 robote u 440 tayosyotho dlo pilote. Bu…

BRITHO – Athmıl dkıtwe 15 bu yarhano d’Hziron, u camaydan dıkhoye b’Sydney d’Australia camgabe dhadır u Qurobo Alohoyo dsim bi cito d’Mor Afrem, mıştawtafle’ste lu duxrono dsim bi durto di cito dkito eba i qoyumtho du Sayfo dsimowa lu cuhdono da Sohde du camaydan dınhiriwo mi mamlaxtho da Cuthmanoye. Bi…

SWED – U efetrufo fatıryarxoyo di marcitho du Swed hasyo Mor Diyosqoros Benyamen Ataş, mrayşanle athmıl u Qurobo Alohoyo dsim bi cito d’Mor Afrem b’Södertelje du Swed u bıthır u hasyo, a kohne wa şamoşe nafiqi li dırto qum di qoyumtho du Sayfo u maqımlın teşmışto cali ruho da Sohde…

HENGELO, GUTERSLOH – Athmıl hawi ltomo bu Beth Suryoyo bi mdito d’Hengelo d’Hollanda u sim taglitho bi mıştawtıfonutho d’kohne, camo u hadome da şutose d’MUB. Bu duxronano maqım taşmışto cali ruho da Sohde u sim mamle calu nişo dkıtwole u qtolğensano, leşan u camaydan dmatrik i tawdithayde, i hiyoyuthayde u…

SÖDERTALJE, Swed — İ sbutho di qoyumtho du Sayfo hani eşne yarixe kmıdroşo bi karxutho d’Södertälje du Swed. Kull zabno mawfıq qetro aydarbo u hayna ışmone gıdmitahıt cali qoyumto u mışıkıl gıdhuyo. Elo ucdo u mede dıkmahwe mte nuqto da gabe kulle mıttafaqe dmitaqimo i qoyumthathe dımbayno la came Mşihoye kulle…

NEW JERSEY / MASSACHUSSETS — U flim dcalu qtolğenso mayiro dsımwo calu camaydan mi mamlaxtho dan Cuthmanoye bu zabno du qrobo qamoyo dbritho- d’Souls in Transit-Ruhotho Coburyotho dıkgorış bebzabno u zuhoro cala qatle barbroye haroye dhawın ba dore haroyani gıdmıfrıs ramhıl b’sinemat d’Amerika. U filmano dkıtyo dokumenter, gıdmıfrıs ramhıl 15…

BRITHO Bi egartho dfrısle bi dafayde du nawlo, u rişono Amerikoyo Donald Trump huwle i hzaytayde cala hçome dsımla athmıl casriye İsroyel calu İran u grışle’ste u zuhoro, da hçome hathe gıdhowın qşeytır ma qamoye. Trump mırle; Hawi qatle ğalabe u hiwo husrono rabo. Elo heş kito zabno dmitaklın a…

WASHINGTON — Bu zabnano dqaşyo i mwatyutho bu Madınho Mescoyo u dilonoyith beyn İsroyel u İran, tlıbwola Amerika athmıl ma bnaymothoyayda dmaydi a tedbirathe u dnufqi mu Cıraq. Bu tarano’ste mabdela İsroyel a cuqobayda calu İran, u Amerika’ste maqşela u hbosayde cala hayle Cıraqoye dıksundi u İran. Athmıl mıdla i wazirutho…

URIFI – U Huyodo Suroyo d’Urifi-ESU wu Huyodo da Neşe d’Bethnahrin-HNB mawdaclın i tahrazto da hfitwotho dgısaymi bi cohnutho da 110 eşne du duxrono şatonoyo du qtolğenso mayiro dsımwola i mamlaxtho da Cuthmanoye cam caşeryotho Kurdoye calu camaydan bu zabno du qrobo qamoyo dbritho. Mawdıc di hfitutho dgımisomo b’Gutersloh d’Almanya 14…

MADRID — U grub nacimo du koalisyon emwothoyo mqabıl Dacış, sımle adyawma knuşyo bi mditho d’Madrid, bi rişonutho du tahlufo gawonoyo di siyase baroyto udi mşaynutho d’Spania Alberto Oslay, ubi mıştawtfonutho du mşalo Amerikoyo dcali sdirutho da sebwotho du nfoqo mqabıl di marıhbonutho Grigori Logervo.  U knuşyano mşarele bu mamlo du…

PADERBORN, Almanya — I hfitutho du yubolo da 25 ışne du Mawtbo Umthoyo d’Bethnahrin d’MUB dımtaybo yawme d’Huşabo dşaficina bi mditho d’Paderborn bu athro d’Almanya, mşarela b’qatinto d’şetqo cali ruho da sohde du camaydan dıdbıhlın ruhaye udbızlın admaye calu madhıbho di hirutho du camaydan ba falqe mşahılfe du athraydan dı Bethnahrin.…

FRAZ, Austoria — Lfuth u tbocofroso d’Austoria, athmıl claymo d’22 eşne cabır li madraştayde i catıqto bi mdito d’Graz u bdele dmarıs buğre bu zaynayde b’2 qeloyotho. Bıthır mu mhoyano ba yolufe da sedre, u farsufo kıqotıl ruhe bhdo ma bethyame di madraşto. Bu hçomano u barbroyo, kmıqtıl 9 farsufe; 7…

WOŞİNGTON – Lfuth i mawdconutho dmatilan me Amerika, taşdarto dimşaqlo mu mathlono du Huyodo Suryoyo b’Amerika Robert Juhanon u mathlono d’şutoso di haymonutho aminoyto-awkith “Enduring Faith”- u rişono du Mawtbo Umthoyo Suryoyo Bassam İshak, cam Martha Hudson mu Tukoso şaryo di Hirutho Emwothoyto da Tawdithoyo, sımla ba yawmotho dşafıcina 22…

KOPENHAGEN — İ şultonutho d’gzırto rabtho d’Grönland huwla maqırhonutho lu tbocofroso u magela, du gayso d’Danmark, gıdmazıd i ithuthayde i folhoyto bi gzırto u cal qariwo gıdmşadır tayosyotho du qrobo leşan dsaymi dawriyat du duyoqo di mşaynutho du macırbo du sforyamo di gzırto. Bu zabno dgımşare u qayto b’Arktis, kibın a…

YABAN — Beyn 77 uhol 199 milyone tonat d’plastik, kmihalıq bu yamo u camathe’ste, hol 11 milyone tonat d’plastik kmihalıq kull şato bu yamo wu mınyono u lıkmahwe du plastikan gıdnoqıs elo kımahwe heş gıdcole. Lfuth Emwotho Mhaydotho, holi şato da 2014, kmıntır du mınyonano dhowe 3 qatat celoyo. Hathe…

 BRUKSEL — Yawme d’Hamşo dşafıcina’we, dmahıtwola Amerika tedbire cal 4 dayone du bethdino d’Den Haag; beynothaye dayonto me Slovenia. Ba tedbirani dmahtiwo, maçmıdiwo a zuzathe u mahıt mnoco acle dfulhi b’Amerika.   Calathe i rişonitho du Komisyon d’Urifi Ursula von der Leyen wu rişono du Mawtbo d’Urifi Antonio Costa, mahwelın athmıl u…

BEIJING – Ba zabne haroyani, mahwe hfuxye me mşale d’gabe u şutose-hem du camaydan, u garbay madınho d’Suriya u hem’ste mşale hrene, cali sbutho da hayle da Uğur dkıtne b’Suriya u dıkmibıc dmitacbıri lu gayso d’Suriya. Bi sbuthathe’ste u rişizgado du Sin bu Mawtbo di Mşaynutho d’Emwotho Mhaydotho Geng Shuang mawdacle…

BETH NAHRIN — U Mawtbo Umthoyo d’Bethnahrin-MUB hawile 25 eşne dımşatıs leşan dobe funoyo li sniqutho du camaydan ba falqe du athrayde kulle uban athrawotho di golutho. Bu zabno da 25 eşnani’ste, huwle MUB yuqro li methtaksonutho du camaydan wu xlıqle masirutho u reğşe hathe lu athro. Bu tarano’ste MUB lo…

VIYANA – İmşalonitho da esore baroye du Mawtbo Umthoyo d’Bethnahrin Ayfar Gabriel u mathlonitho du Huyodo Suroyo d’Urifi b’Austoria Leyla Bahdi, sımlın athmıl yawme d’Hamşo, socurutho lu parlamento d’Austoria. Bu parlamento’ste mıstaqbılo i taşdarto me dr Gudrun Kugler dkıtyo qoyumto bu parlamento ubebzabno, wolitho bu haqlo du sutoro da zedqe…

WASHINGTON — Yawme d’Tre dıbqamuthayna, gıdmşare u fusqono hatho dımdele acle u rişono Amerikoyo Donald Trump, leşan dmımnoci a socurwotho wu cboro da came dan athrawotho d’Afğanistan, Myanmar, Tchad, i qutnutho d’Kongo, Guinea, Eritrea, Haiti, İran, Libya, Somalia, Sudan u Yemen. Camani’ste mahıt tedbire cala bnaymothoye d’7 athrawotho hrene dkıtne; Burundi, Kuba,…

SÖDERTÄLJE, Sweden — U turgomano dısnid mu taraf di marcitho du Swed udı’skandinavia di cito Suryoyto, mqadım bu salon di cito d’Mor Yahkub da Nsibin d’Södertelje. Bu turgomano dsim bı mtargmonutho mu Turkoyo lu Suryoyo me myaqro Fahmi Barkarmo, u mtargımono Muharam Erbay bi qamayto tlıble şubqono xıd farsufo kurdoyo, metul…

GIESSEN, Almanya – İsa Varli ftıhwole caynothe li brithathe 20 bu yarho d’Teşrin u qamoyo dan 1954 bi mdito mbaraxto d’Mıdyad, me abohe mhaymne Shabo u Niçme Varli. U mhasyo, kıtwole’ste ahunone u ahwotho; Albert, Ferid, Robel, Zaho u Suheyla. U ahuno du mhasyo İsa-u Robel, ha ma mşatsone qamoye…

BETH NAHRIN – U Mawtbo Umthoyo d’Bethnahrin-MUB d’zrici a şerşayde bu falqo d’Turabdin  d’Bethnahrin, frisi ba falqe du athro kule uban athrawotho di golutho. MUB dımşarewole ba slogane dcoro lu athro! Hubo, hdoyutho, haylo u hirutho mtakasle ruhe beyn du cameydan wi dawse qamayto du dcoro dlu athro mhalqowa xıd…

WASHINGTON – Bu fuşuqayde li maqırhonutho dhule u mathlono dilonoyo d’Amerika b’Suriya Tomas Barak bi sbutho di şawtofutho d’alfowat d’mharbone nuxroye lu gayso d’Suriya, u hadomo du mawtbo gawonoyo du mawtbo d’Suriya demoqratoyto d’MSD bi mathlonutho d’Waşington Bassam Sacid İshaq mırle “ahna fgicina mi maqırhonutho dhule u mathlono d’Amerika, cal…

FRANKFURT, Almanya – A guboye gawonoye du Cıraq kmıntır dmisomi adşato 11 bu yarho d’Teşrin u haroyo bnişo dmibayini a 329 hadome du parlamento. A qoyumani’ste bıthır gıdmnaqın u rişqutno hatho du athro u gıdm’aydi u neqoyo d’rişwazire hatho. Hani zabno’ste u komisyon celoyo u şaryo da guboye, mabdele u maşıqlo…

BETH NAHRIN – U Mawtbo Umthoyo d’Bethnahrin ba melani kımşare lu buyono du huthomo du konferans dsımle “bi rişonutho d’Sohıthto Hwartho İzla dkıtyo u remzo du mrodo du ağunaydan, uda sohdaydan du ağuno kulle, ubu darbo dıkmabhırile sımle u konferansayde u şatonoyo.” Lu konferansano dsim 1 bu yarho d’Hzirın mıştawtafle 120…

VATIKAN – İ qadişutho du papa Mor Liyon da na’14 mıstaqbele athmıl bu qusro şlihoyo bu Vatikan, i qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan dkıtyo i lqoyto qamoyto dıkmisomo baynothaye mu zabno dımnaqe Liyon da na’14 papa hatho lu Vatikan. Bi ytawtathe, fatıryarxo Yunan mqadamle…

SWED – U sniğro u kothubo Turkoyo Muharrem Erbay dkıtyo morıd du kthowo dışme “i qalco trayonitho di htitho, Orom u Layla”, gıddobe tre turgome bu Swed calu qtolğenso du Sayfo da na’1915 dsımwo calu camaydan ma haylawotho Cuthmanoye uma caşıryotho Kurdoye bu zabno du qrobo qadmoyo dıbritho.  U turgomo qadmoyo…

GÖPPİNGEN, Almanya – Adşato’ste u Huyodo da Neşe d’Bethnahrin u fırco d’Göppingen d’Almanya, hadır i hfitutho şatonoyto dıkmitaybo hani 350 eşne bi mdito. Göppingen kobo yuqro li hfituthathe dımşarewola yawme d’Cruto u dgımıhthomo yawme d’Tre, bi mıştawtıfonutho dhol 250 şutose frişe. Bi hfituthathe’ste, kmıştawtıfi a yolufe da madırşotho. Adyawma’ste mtaybo i…

NİGERİA – U camo faqiro d’Nigeria dkıtyo bi qıtca d’Afriqya, me yawme d’Arbco dşafıcina kımdawmi a mattre dnuhti dlo kıloyo bu athro u hawi arğalyotho dınqilın kull mede dathi bu darbathe cam ruhaye. Bu gunhano du kyono, mvayaclın 151 bnaynoşo a hayathe. U mınyonano’ste kito zuctho heş dımdawım dcole. Camani u…

BERLIN / MOSKO – I wazirutho du sutoro d’Almanya mawdacla d’Ukraina gıdhowela calqariwo mkono dmıstacımlo inaqla qamayto zayne d’masafe rahıqto, wa zaynani gıdmısnoci b’şıkıl mşawtfo cam Almanya.  Bebzabno, u rişwazire d’Almanya Friedrich Merz bu qubolo dsımle lu rişqutno d’Ukraina Volodemir Zelenski bı Berlin mırle “gıdhowelan methcadronutho bu haqlo du snoco…

AXEN, Almanya – I rişonitho du komisyon d’Urifi Ursola Von Der Leyen bu mamlo dsımla athmıl bi mditho d’Axen b’Almanya, sımla qroyto dmişatıs şıkıl hatho du şlomo Urifoyo bu doro da 21, şıkıl dkımbaynole udıkmadrole Urifi b’qarcıd d’ruha.  Von Der Leyen mırla ste “sistem tibeloyo hatho gıdnofıq li holo b‘gawıd…

MOSKO – Mabuco Rusoyo b’darğo celoyo bi maqırhonutho dhule l’Reuters, mawdacle du rişqutno Valdimer Putin hadiroyo lu şlomo, elo mqabıl d’şartat u tamal mbayno.  Reuters mawdacla d’Putin kobıc ma hayle rabe du Macırbo şudoyo b’kthawto, dmaklın u terwiho du Nato bi xasra du madınho d’Urifi, awkith dlımitıftakır mucdo wazolo d’athrawotho xıd…

VATIKAN / BRITHO – İ qadişutho du Papa Mor Leo XIV sımle athmıl u mamlo di şabtho, lu camo dhadır bu wahdo d’Mor Fetrus bu Vatikan. U mamlano frışle u Papa cali aykanoyutho mahişonitho dıkmdawmo d’Ukraina wu qrobo b’Ğaza beyn İsroyel udu zawco d’Hamas, dımkalaflın a haye dba casro alfayo…

SÖDERTALJE – A hawbe dıkmisomi bu haqlo du momuno kmidoci bu Swedoyo-ekobrott, u kohbış bi melthathe’ste a hawbe dıkmisomi bu vergi uba hşowe dıkmisım ba şuğlone wu teşiğo da zuze hewore. Bu haqlano, ucdo 5 comure d’Södertelje du Swed kmıthomi b’hilat rabe u ftih dacwa mqabıl dıthe. Beyn da 5 thimoyani’ste,…

SWED / ALMANYA – Osama Krayem dkıtyo ucdo 32 eşne mawladwo ban 1992 b’Malmö du Swed me emo u babo dımgalwewolın me Suriya. U farsufano, b’cımro d’22 eşne nahıt l’Suriya u mıştawtafwole ba 2014 lu tukoso marhıbono d’Dacış u kmidıc, u marhıbono rabo du Swed. 4 bu yarho d’Hziron’ste gıdmşaryo i…

ISROYEL / GAZA – Mşalo Fleştoyo dkıtyo qariwo mu zawco d’Hamas, bi maqırhonutho dhule athmıl l’Reuters mawdacle du zawco maqbele u renyo dhule u mathlono dilonoyo d’Amerika Stev Witkov bi sbutho du tekliyo du qrobo b’Ğaza. U mabuco Fleştoyo mawdacle ste da n’athrawotho mescoye mqadamlın ba kmo yawme haroyani renyo…

STOCKHOLM – U şukonano d’Kavian ma 2012 kmitahwe kull şato l’farsufe u şutose dıkfulhi dlo enonoyutho leşan dmıxlıq britho tawto. A farsufe dıkmidaşni u şukonano, kıfulhi lu şlomo, lu şbuqyo, lu snodo du camo faqiro, lu şuşoto di mardutho, lu hefodo du mahduro uğer. Adşato’ste, mdaşın u şukonano lha Suryoyo bu…

JONKOPING / NEW YORK – Dr Miden Malle Hannah dkıtyo cımra 46 eşne, qayimo b’Jönköping du Swed wi bartho di kathıwto Anna Malle’yo. Miden Malle, ositho du urologi’yo awkith da kewe qaşye-xıdu kanser dkowe ba kıllaw, bu kiso ubi borriye di mazraqto’yo. İ Miden kıtla sebyono qawyo ubu şuğlo dıkmaşyo, frışla’ste…

PARIS – U waziro di gawoyutho dı Fransa Bruno Ritayo, athmıl bi maqırhonutho dhule mawdacle du athrayde klozım dımqadım lu grub da n’Ahunone Maşılmone xdu mede dıkmiqadım mqabıl di marıhbonutho udi tagorutho da gelone mtanwone, u mırle “b’qamuthıd du Fransa kito tre eltarnative: ya dlımibahıs mede mi zuctho dmitawmır aclayna İslamofobia,…

WASHINGTON / BRUKSEL – U rişono d’Amerika Donald Trump mawdacle dgıdmawrıx i muhle di madatho du gımrık dmahtole calu Huyodo d’Urifi, bu zabno dgıdımdawmi a’bazare dcali tagorutho bayn da tre gabe.  Trump bu mamlo dsımle athmıl la gelyunore mırle “ba n’esore dhawili cami rişonitho du komisyon d’Urifi Ursola Von Der…

SWED / IRAN – U ajans da Tebe da Neşe-Nujinha dımşatıs bu Swed, kımnase dmalım tahwiyotho cali aykanoyutho da neşe bu İran. Bu taşrorano’ste kmıgrış u zuhoro cali casqutho dkito dmitaltım mawdconwotho bi sbuthathe mcal fothe du mnoco folitiqoyo u marduthoyo dkito bu athro calu cnufyo dıkmisım cala neşe. Nujinha maglele…

GIESSEN, Almanya – Adşato’ste maczamle u Hudro Almanoyo d’Alanya da Raqode d’Orient u Huyodo da Neşe d’Bethnahrin u fırco d’Giessen bu lalyo dımtayable bi karxutho d’Polheim. HNB dkull naqla kmitaczım la hfitwotho, idico’yo bi karxutho ba fulhone  dıksoyım.   Wu nişo du Huyodo’ste, dmazıd u dmaqwe a esorayde cama hudre u comure…

ATINA – Bu buyono du huthomo du lumodo dsımle u Mawtbo da Citotho d’Britho, awıl naqla grışle bi maqırhonuthayde u zuhoro calu qtolğenso dsımwola i mamlaxtho da Cuthmanoye calu camo Helen-Pontusoye. Bi maqırhonuthathe du Mawtbo da Citotho d’Britho-WCC, bha qolo mhaydo maslelın a hadire kulle u kboşo d’Turkiya cali gzırto d’Qufrus.…

STOCKHOLM – İ bethcatiqotho Athronoyto du Swed dkıtyo b’Stockholm frısla u falqo di luho catıqto u makthabzabnoyo dıkducro l’meqım 3 alfo eşne umu zabno di mamlaxtho dan Othuroye. U atharano, hawiwole eşne yarixe bu cambar di bethcatiqotho cal dkıtwo zuctho dhoze husrono bu gloho. Elo bıthır fsıqwola i bethcatiqotho dfırso u…

WASHINGTON – Mu zabno d’dacır Donald Trump li rişonutho d’Amerika, xlıqle hfuxye mşahlıfe ubi haraytathe’ste, fsıqwole dmacle u timo du gumruk du mal dıkcobır l’Amerika me athrawotho frişe dbritho-dilonoyith mu Sin. İ paketathe du gumruk d’Trump, mfaşqo i qşitho dkulle bu zabno modern dıkcayşina.  Ucdo’ste gzımle Trump dkobıc dmacle u…

GIESSEN, Almanya – Lfuth i mawdconutho dmatilan me Giessen, yawme d’Şabtho dşafıcina, athto mu camaydan dkıtyo morto d’dukano du hahwo bi şuqo d’Giessen, azza xıd kull yawmo bi şoctho da 09.00 lu şuğlo leşan dfutho i dukano. Bu zabno du ftoho kıcobır 4 farsufe cal rişa u kıtufkila u kımakiwila yaquro.…

SODERTALJE, Swed – U leşono Suryoyo dkıtyo b’qento rabo dmıtce, hiw ucdo yuqro lu tecişayde ulu şuşotayde bu Swed. Lfuth u federasyon Suryoyo, kito ucdo lhiqutho beyn du camo-dilonoyith beyn di claymutho, leşan u yulfono du leşono Suryoyo emhoyo. Ubebzabno, ğalabe citotho’ste bıdelın dobın yuqro lu tewlifo du leşono. Meqım…

WASHINGTON – Bu taro di socurutho ruşmoyto dıksamla ucdo lu athro d’Amerika, u rişwazire du qlimo d’Kurdistan du Ciraq Masrur Barzani laqi b’waşington u rişono du şutoso da Kaldoye d’Amerika Marten Manna.  I lqoytathe athyo luhwoyo bu taro du zawho du mdoyo dı tre qyome bayn di şultonutho du qlimo u…

RUSSIA / UKRAINA – U Kremlen mawdacle du rişqutno Vladimer Putin mabdele adyawma socurutho lu qlimo d’Korsk dıknofıl bu macırbo d’Rusya, wi socuruthathe i qamaytoyo dıksamla Putin li fnithathe mu zabno dmahıt ido acla mu gayso Rusoyo.  Lfuth u Kremlen, Putin bi socuruthayde hawile lqoyotho cam mathlone dı tuksoe magon, uknuşyo…

TEHRAN – U mşawrono celoyo di qutnutho Maşılmonoyto du İran Cali Xamınyi, bu mamlo dsımle athmıl bu froshezwo mırle “a’bazare lo baroye dcam Amerika kmisomiwo heş mu zabno du rişqutno dmeqım İbrahim Rayisi xdu mede dıkmisomi ucdo, u men kulfrus dlo netiçe. Lıkmıtyaqnina ste da bazare dıkmisomi ucdo dmamtım camruhaye netiçe.…

WASHINGTON – Athmıl nafıq u waziro di baroyutho d’Amerika Marco Rubio, qum di Sictho da esore baroye du Senato leşan dımfane a şwole da senatore. Bu buqorano’ste friş duktho cali aykanoyutho harayto d’Suriya u lfuth i hzayto d’Rubio, kito ihtimal rabo-d’Suriya dhuwyo belhude kmo şabe rahıqto mu cboro d’qrobo hreno bıgawe…

BRITHO – U buyono mşawtfo da tlotho athrawotho dıfrısla i şultonutho dı Britania, mathkarle du qedomo di şultonutho d’İsroyel dıkmınco dmitacbıri a’mcadrınwotho noşoye asasi la comure mdinoye d’Ğaza sbutho dlıkmitaqıbloyo, ukdayşo u qonuno noşoyo emwothoyo.  U buyono da tlotho rişone dı Britania, dı Fransa ud’Kanada, mawdacle ste dkıtyo mqabıl dkul…

VATIKAN – Lfuth i mawdconutho dmatilan, u efetrufo fatıryarxoyo di marcitho du Swed hasyo Mor Diyosqoros Benyamen Ataş u Mor Diyonosios Cisa Gurbuz-u efetrufo fatıryarxoyo di marcitho d’Swisra u Austoria di cito Suryoyto Orthodoksoyto, sımlın socurutho li cito Qatholiqoyto bu Vatikan. A 2 hsayo mşadri xıd mathlone di cito Suryoyto Orthodoksoyto…

WIESBADEN / KAFRO – U duxrono du Sohdo Skandar Alptekin-Matay Rabo kull şato kmisım u kmıfrıs maqırhonwotho cali sohdutheyde. Adşato’ste a şutose d’MUB dkıtne b’Turkiya sımlın duxronayde calu qawreyde dkıtyo bi qritho d’Kafro i tahtayto b’Turabdin. Bıthır mi slutho dsimo bi cito, mqadım’ste fako d’ramhe cali ruhayde. Bi cito d’Mor Eşacyo…

BETHNAHRIN – Bu şuroyo du buyonano dfrısla i Sictho di Rişonutho d’MUB mahkela cala çurhe dtrelın a qtolğense dsimi cala Suryoye, Armınoye u Helen-Pontusoye dkıtne a came şerşoye d’Bethnahrin u d’Anatolya, dımdawım dxoyır admo menaye. Elo a şultonwotho di Qutnutho d’Turkiya, kubci dmatcın u hawbo noşoyano ba dugle, u ba siyasat…

KENTUCKY, Amerika – Hani kmo yawme, d’duktho frişe du taymno d’Amerika m’athri yaquro ma gunhe du kyono u lfuth i sfaryawmo d’New York Times, mvayaclın 25 farsufe a hayathe bu zabno da tornados-da calcole şafici a marcıyotho d’Missouri u Kentucky, gıdmdawmi’ste li marcitho d’İllinois. Bğer dafe’ste kmitawdıc, dhol 27 farsufe…

VATIKAN – Hol 250 alfo bnaynoşo layimi adyawma bu wahdo d’Mor Fetrus u Fawlus bu Vatikan leşan dhozın u Papa hathto dmakrıx beyn du camo bi radoytayde i dilonoyto. Bu zawhano u camo dlayim tcınle b’idothe i otho d’Peru u d’Amerika cal du Papa dkıtyo Amerikoyo elo dmafıtle eşne yarixe b’Peru. Bıthır…

BRUKSEL— ‘Kımathkırina b’iqoro rabo, u mşatsono rişono du Huyodo Suroyo d’Urifi-ESU hawro İskender Alptekin-Matay rabo, dhawiwo bu siqumano meqım 15 eşne Sohdo. U ağono myaqro dhuwlox, kımdawım adyawma bcayni ruho ubı fusqono kamilo. Gıdmacişina i warathe dtrelox wu gıdmdawmina dımhalxina bu darbo du mrodaydox. Kıtulbina nyoho aminoyo’. Hani a mele…

STANBUL – I taşdarto d’Rusya mrayşınole u mşawrono du rişqutno Vladimer Medenski wi taşdarto d’Ukraina mrayşınole u waziro du sutoro Rusyom Omirov bı mıştawtfonutho d’mşale Amerikoye bi qadmoyuthaththe u waziro di baroyutho Marco Rubio.  Ba droşani dlıhadırlın u rişqutno d’Rusya Vladimer Putin, kle bu zyudo dkulle cali sbutho dmitabde şalyuthzayno l’zabno…

BARQO-LUNA (BARCELONA) – Mınyono dıbnaynoşo mçarhi athmıl bıthır mıd radoyto qlıcla calu camo dkıtwe larwal du wahdo rabo d’Olympia b’Barcelona d’Katalonia. İ qalıcto dkıtwa athto qlıcla i radoytayda calu camo meqım dımşare u muroyano di esfirreğlo d’La Liga beyn da 2 gude d’Espanyol u d’FC Barcelona. U mınyono da mçarhe…

WASBi maqırhonutho dhule li mğaltho Amerikoyto d’The Atlantic, u mathlono dilonoyo d’Amerika bu madınho mescoyo Stev Witkov mawdacle du dewam di şkihutho zaynoyto d’Hamas bu qlimo d’Ğaza mede dlıkmitaqbılyo, u makadle dıklozım dmimıd u zayno d’Hamas kule xıd falqo asasi mayna qyomo aminoyo du şlomo.  Camgabıdathe, Witkov bi maqırhonuthayde grışle…

KIEV – U rişqutno d’Ukraina Volodemir Zelenski, athmıl bu mamlayde u yawmonoyo meqım mdımşarın adyawma a’bazare du şlomo bi mditho d’Satmbul mırle “Ukraina hadırtoyo Layna şıkıl ma şıklat da bazare. U ahna latna zayoce ma knuşye dı Turkiya”.  Zelenski mırle ste “gıdnotarno laşan dhozeno manyo dgıddothe m’Rusya, ubıthır mathe gdımbayano…

BRUKSEL – U buyonano d’ESU ba melani kımşare; Bu siqumano d’15 İyor, kımcayıd u Huyodo Suroyo d’Urifi ESU u yawmo di mşatsonuthayde dsımwo bi arişkoyto d’Urifi-Bruksel, bi mıştawtıfonutho dımşadre me athrawotho frişe. Ba 20 eşne dfulhono leşan u camaydan u Kaldoyo Suryoyo Othuroyo, hawi ESU ha ma stunat qawye da tukose…

SWED / QUFRUS – I şultonutho du Swed mawdacla athmıl, dhula 9 malyune u 200 alfo Euro li mtakasto di galwoyutho d’Emwotho Mhaydotho, laşan dmitadcıri a’galwoye mu Swed umu Huyodo d’Urifi, udmitanqıs u menyono da galwoye lo ruşmoye dkothın ma n’athrawotho du Ciraq, u Somal, Ozapakistan u Tunıs.  Lfuth u…

BRITHO – U tahlufo du malolo di wazirutho di baroyutho d’Amerika Tomy Begit bi maqırhonutho dhule li şabake d’Rodaw, mawdacle d’Amerika kım’aydo u fusqono dmıdle u gabo di PKK bi sbutho du mabcayde dşore ruhe udımhalıq u zayno.  Begit mawdacle ste du fusqono dmıdle u gabo di PKK zoxutho li…

VATIKAN – U rişono ruhonoyo du cılmo Qatholiqoyo i qadişutho du Papa Mor Leo da XIV sımle mamlo bu Vatikan cali aykanoyutho da Mşihoye u kali dilonoyith cala Mşihoye du Madınho Mescoyo u tlıble menaye, dfayşi ban athrawothathe dnufqilın moro udlo mgalwın-walaw u qlimano kıcoyış qrobe, cnufyo u kmihadıd. U…

Rişono, hfito, mşalo dıkmahwe u darbo u rişono du gerilla d’Uruguay dbıthır mnaqewo’ste rişqutno du athro-José Mujica-Pepe, kthuwle ışme bu makthabzabno xıd ma rişone faqire dbritho. Bu zabno dkıtwe Pepe rişqutno, rfıdwole d’yotıw bu qusro di rişqutnutho u coyaşwo b’bayto b’qritho qarıwto li arişkoyto. U rişqutno Pepe, qolacwo radoyto nacımto…

BETHNAHRIN – U Mawtbo Umthoyo d’Bethnahrin (MUB) bu buyono dfrisle calu fusqono di PKK dılğela ruha, komir da şuşote haroye dıkmicoşi, wi dawse maktabzabnoyto dmaqımla a tırpılyotho d’qamuthe du şeryono demoqratikoyo, MUB kohozelın dawsat msimono mi xasra du ağuno du camaydan. MUB mırle; Calathe, bıthır mu fusqono di PKK dılğela…

U malolo du notarrozo gawonoyo d’Ewmotho Mhaydotho Stefan Dojarik, m’ayadle u şudoco dsımle u gabo di PKK dmawdacle dışrele ruhe udımhalaqle u zaynayde, u mahwele ste sabro dhowe u fsuqonano şuroyo du maşıqlo du şroyo kamilo li sbutho Kurdoyto b’Turkiya.  Bebzabno, Dojarik bi maqırhonutho dhule li şabake d’Rodaw mawdacle du…

Ba droşe dhawın athmıl beyn da taşdaryotho d’Amerika udu Sin bi mdito d’Geneve d’Swisra, matın a 2 gabe l’awyutho dmanqısi hol zabno mbayno, u timo celoyo du gumruk dmahıtwolın a 2 athrawotho calu mal dıkmişadır lhıdode bu haqlo di tagorutho. Bebzabno Amerika u Sin mawdace bu knuşyo dsim lu tbocofroso,…

SODERTALJE, Swed – Hdo ma celotho dlıkqodır u polis Swedoyo dmakle u cnufyo da şabakat hayobe du athro, i mtaksutho da fulhone lo qonunoye dıkmaşın a ğrobani bğer athrawotho’yo. Vanja Mijliç ha ma mşale da şabakat hayobe du Swed, dıkmdabarwo a fulhone lo qonunoye da gelone mtanwone bu athro d’Serbia’yo.…

BERLIN – İ sferyawmo Almanoyto d’Bild maglela athmıl, calu menyono da galwoye dımnaselın b’şıkıl lo qonunoyo dşıfci lu athro d’Almanya yawme d’Hamşo u yawme d’Cruto dşaficina.  Lfuth a’statistike dıfrisi, 365 farsufe mnaselın ba tre yawmani dşıfci lu athro d’Almanya dlo tahwiyotho ruşmoye. Baynothaye 286 farsufe madcıri ma thume, u 19 hrene…

VATIKAN – Qum d’kunoşo rabo dlayım bi mditho d’Roma, u papa hatho du Vatikan Mor Liyon da na’14 bu mamlo dsımle athmıl safrayto, sımle qroyto dmıflıh hul dmımte l’şroyo şariro, kino u aminoyo b’Ukraina, ubebzabno sımle qroyto dmitarfın a’hbişoye kulle, udmitadcıri a’nacime la yaqrothaththe.  U papa du Vatikan sımle ste qroyto…

SURIYA – İ mtakasto da zedqe noşoye d’Emwotho Mhaydotho Humen Rights Woch, bu taşroro dıfrısla adyawma mawdacla di şultonutho zabnoyto dı Darımsuq kımtarqılo a’fulhone da mtakısyotho di mcadronutho noşoyto cal dıkmasrolın b’tedbire qaşye biroqratoye dıkmaciqi u funoyo dıkmitahwe li sniqutho noşoyto b’gawıd d’Suriya.  Humen Rights Woch mawdacla ste dı Darımsuq cıl…

U rişono d’Amerika Trump mawdacle bi dafayde, d’Amerika mabdela a droşe leşan i şalyuthzayno beyn du Hınd u d’Pakistan u mırle; Bıthır lalyo yarixo d’droşe dsimi bi mdabronutho d’Amerika, fsihoyo’no dmawdacno dhawi ittifaq baroyo dmisım şalyuthzayno beyn du Hınd u Pakistan. Kıtulbina kuşore la 2 athrawotho dmahwelın caqıl u yasifutho…

GIESSEN, ALMANYA – Athmıl bi tahrazto dilonoyto dımtaybowa harke bu froshezwaydan, klewo cali aykanoyutho da Mşihoye bu Madınho Mescoyo ubebzabno, frışwo duktho’ste bi tahrazto cali sniqutho dheş kıtte a dıbhe di cito da Rom Orthoksoye dım’athriwo mi zalzale dhawyo b’Turkiya 6 bu yarho d’Şbot da 2023.  Calathe’ste 7 şutose frişe du…

WASHINGTON – U rişono Amerikoyo Donald Trump athmıl mawdacle, dmawraxle i aykanoyutho şnızto cal Suriya şato hreto cal dheş i şultonutho d’Darımsuq kımşaklo qento. Bi mawdconutho dhuwle Trump li kongre m’akadle, di aykanoyutho şnızto dmahtowa cal Suriya ba 2004 mu rişono catiqo George W. Bush, gıdmdawmo me ramhıl wazolo. Bi…

SWED – U istatıstik-u Enket dımtayable Geshro dışme; ‘Turabdin och framtiden’ kmisım ucdo belhude lu camaydan dıkhoye bu Swed u bıthır’ste, gıdmisım bğer athrawotho d’Urifi. Bu buhonano kmıgrış bu şuroyo u zuhoro cali rehımtho-intresse dzayido beyn du camaydan ba eşne haroyani l’Turabdin u dftıhla u darbo da socurwotho dıkmisomi kull şato…

MOSKO – U rişqutno d’Rusya Vladimer Putin bu mamlo dsımle adyawma bi cohnutho du yawmo di zoxutho mqabıl d’Almanya i tuhmonoyto, mqalasle i caşinutho dıkmahwe u gayso wa folhe Rusoye bu qrobo dmeqım kmo ışne. Putin mamtele ste lu bolo i mcadronutho da bnayqyome bu şuroro di zoxutho bu zabno du…

WASHINGTON – Athmıl bıthır mu mamlo dhawile bu talafon camu rişqutno d’Ukraina Volodimer Zelenski, u rişono d’Amerika Donald Trump bi maqırhonutho dıfrısle bi dafayde du nawlo, mawdacle da droşe bayn d’Rusya u Ukraina kımdawmi u mırle “Amerika ksaymo qroyto dmitabde şalyuthzayno udlo şartat l’zabno d’30 yawme”.  M’gabo hreno, Zelenski mawdacle…

RYDE, SYDNEY, Awstraliya – İ karxutho d’Ryade bi mdito d’Sydney d’Australia, mhalaqla dawse dkıtyo ulsoyto lu camaydan, lan Armınoye u Yawnoye-u gawonoyith li kinutho ulu nfoqo du moro la dıbhe da qtolğense dhawın bu makthabzabno-u dilonoyith’ste la Sohde da 3 came Mşihoye dıkhoyın adyawma b’Australia. U Mawtbo di karxutho d’Ryde…

BRUKSEL – U taşroro şatonoyo du komisyon d’Urifi bhaq dı Turkiya di şato da 2023 u 2024, kım’akıd da bazare di hadomutho dı Turkiya lu Huyodo d’Urifi heş magıldene, ubebzabno mawdacle di hadomutho d’Anqara lu Huyodo lıffayişo mede kyonoyo realistic bu taro da şuşote folitiqoye udu huquq dkito adyawma b’Turkiya. …

ALMANYA / URIFI – Bıthır mu quwolo haroyo dsim bu parlamento d’Almanya u dmıdle Friedrich Merz qole makfıyone leşan dmoyıd dukthe xıd rişwazire du athro, mabdele ucdo socurwotho l’Fransa u Polonia. Hathe’ste kımadilo, d’Almanya gıdmazido u zawco d’Almanya ba şwole baroye udu Huyodo d’Urifi. Xıd remzo du medano, Merz şafıc…

ANKARA – U mşatsono di şırke rabtho d’Colony Capital Thomas Joseph Barrack nahıt b’Ankara leşan dımşare bi wolithayde i hathto xıd rişizgado d’Amerika b’Turkiya. U rişono Amerikoyo, mraşahwole Barrack li wolithathe ba 2024 wu athmıl’ste u senato du athro maqbele u renyo d’Trump b’60 qole d’E, mqabıl d’36 Lo. İ…

BERLIN – Friedrich Merz wu gabayde d’CDU dqmırwolın a guboye gawonoye d’Almanya bu yarho d’Şbot dşafıcina b’28.5 ba mo da qole. Adyawma’ste sımle u parlamento knuşyo leşan dmoyıd fusqono du tuxlono calu rişwazire hatho. Bu quwolo qamoyo dsim, mıdle Merz 310 qole, ma 630 dkito bu parlamento. Merz lozamwole bu noquso…

STOCKHOLM – U rişwazire du Swed Olf Kristersen mawdacle dkıtlın tahrazto dmazidi i mcadronutho momunoyto dıkqathleyo u galwoyo dkobıc dıdocır bu sebyonayde lu athrayde.  Meqım mathe, kul galwoyo dıktorewo u Swed bu sebyonayde kıqathwole 9 alfo Euro xıd mcadronutho momunoyto, elo u rişwazire du Swed mawdacle dkıbci dmazidi i mcadronuthathe l’32…

NORRKOPING, Swed – Bu siqumo d’2 bu yarhano, mtayıb bi mditho d’Nörköping bu Swed, u zawho du futoho ruşmoyo di cito d’Mort Şmuni uda çawco abnayda dkıtyo masırto cami marcitho di cito d’Madınho d’Othuroye.  U zawho du futoho mrayşın mu hasyo di marcitho du Swed, d’Skandinavia ud’Almanya Mor Codişo Oraham,…

ZÜRİCH, Swisra – Kull şato, kıhodır came frişe d’Swisra lu yawmano da falohe dbrıtho Ha Iyor dıkmitathkır b’tagliyotho u hfitwotho mşahılfotho. Adşato’ste xıda eşne d’meqım, mıştawtafle şutose frişe du camaydan d’Swisra; beynothaye u Huyodo di Claymutho Suryoyto, u Huyodo da Neşe d’Bethnahrin-HNB wu Huyodo Suroyo d’Urifi-ESU lu ştand d’Zürich. A…

I mtakasto d’Matibone Dlo Thume bu taşroro tibeloyo dıfrısla adyawma mırla “i aykanoyutho tibeloyto di hirutho di gelyenorutho bi şato da 2025 nafilo lu darğo bişo dkulle dhul ucdo. Zıd m’falgıd du menyono da comure dıbritho kcayşi adyawma b’athrawotho di aykanoyutho ebaye kımmathlo qento rabo cali gelyenorutho. I gelyenorutho şritho…

BRITHO — U tukoso Emwothoyo di Galwoyutho, frısle i netiçe da buhone dsımle calu mınyono da galwoye dımvayaclın a hayathe bu zabno dımnaselın dızzın lğer athrawotho leşan dım’amni a hayathe uda yaqrothathe. U tukoso Emwothoyo kımawdıc, ma 2014 uholucdo mvayaclın 52 alfo bnaynoşo a hayathe; acmaye’ste farsufe dımvayci. Ba 2024 lhude,…

BRITHO — Ha İyor tethkar qawyo du şuşoto dsımwole u zawco da falohe wu ağono dhiw leşan i şawyutho, li kinutho u leşan şartat towo du fulhono. U yawmano dıkmivayıd b’britho kula, kımalım u camo l’tagliyotho mşawtıfe u l’hfitwotho leşan u teqwiyo di awyutho beyn da falohe dbritho. U yawmano’ste kıducri…

WASHINGTON/KIEV – U waziro di xazine d’Amerika Scott Pisent bi egartho dıfrısle bu darbo du vidio, mırle “fsihoyono dmawdacnolxu adyawma dımdelan qyomo di şawtofutho momunoyto makthabzabnoyto cam Ukraina”.  Mxasra hreto, i wazirto du momuno d’Ukraina Yulia Sviridinko dımdela calu qyomano b’Waşington, mawdacla bi methcadronutho d’Amerika kfılhin ucdo dımşatsina sanduqo momunoyo…

SÖDERTALJE, Swed – Kmo şoce meqım mu hçomo dsim calu matcımo d’Barolo dkıtyo b’Maren bu qentrun di karxutho d’Södertalje, frıswo egartho d’gzomo bi sosyal media mqabıl du moro du matcımo. Bıthır ba şoce du lalyo, mhe 3 buğre ba şaboke du resturang. Ba şoce du lalyo azze u polis azzewo…

LAS VEGAS / GIESSEN – Josef Tok u Benjamin Budak, cami gudathe dıkmişaklo me 8 farsufe dkıtne bi sagiyoyutho Almanoye mi mdito d´Giessen, mathelın adşato’ste u athro d’Almanya ba muroye du Dart d’ışmaye; Disiplin Cricket Darts. İ gudathe d’Josef Tok u Benjamin Budak, mishtawtaflae, me 10 uhol 16 du yarho…

AMERIKA – Leşan dmathkıri u milyon u falge d’Armınoye dqtiliwo dlo rahme mi mamlaxtho da Cuthmanoye bu zabno du qrobo qamoyo dbritho, mıştawtaflın 1.400 yolufe d’8 madırşotho d’Kalifornia d’Amerika li hfituthathe dhadırla’ste a mşale wa malfone u malfınyotho da madırşothani leşan dmıtlıb mawdyonutho Emwothoyto kamılto u kinutho la dıbhe du…

A’kardinale di cito Qatholiqoyto kfixi adyawma cali mditho d’Roma ma n’athrawotho mşahıfi dıbritho, laşan dıdırşi dminaqe papa hatho lu Vatikan. U knuşyano da kardinale kmıhşu da hamşo mu zabno du şunoyo du papa Mor Fransis yawme dı Tre dşaficina b’cımro d’88 ışne.  Bebzabno, u knuşyano kmıhşu xıd knuşyo da hıdriyat…

ÖREBRO, Swed – Athmıl mtayable u hudro Suryoyo di mdito d’Örebro du Swed, turgomo leşan dmathkır u qtolğenso mayiro dsımwola i mamlaxtho da Cuthmanoye calu camaydan, calan Armınoye u Pontusoye bu zabno du qrobo qamoyo dbritho. U xıd mathlono d’ESU, hadır Şabo dbe Gigo lu turgomano dcalu Sayfo. Lu turgomano dsim…

U wahdo rabo d’Mor Fetrus b’Roma d’İtalya bu yawmoyo du tbocofroso Emwothoyo’we. Bu wahdano, sim adyawma meqım me falge d’yawmo u zawho ruşmoyo du cufoyo du rişono di cito Qatholiqoyto-Papa Mor Fransis Qadmoyo dqayıthwole 21 bu yarhano strok u bıthır dkali lebe bu baytayde bu Vatikan. Mor Fransis dkıtwe cımre…

YEREVAN – U rişqutno d’Armenia Vahagn Xaşaturyan wu rişwazire Nikol Paşinyan, u rişono du parlamento Alen Simonyan cam ğer mşale frişe du athro, sımlın socurutho li qoyumtho du qtolğenso u mahıtte klile d’warde u mathkarlın a Sohde Armınoye u bıthır mdawamlın li bethcatiqotho du qtolğenso. U fatıryarxo Karakin II’ste sımle socurutho…

I qadişutho du fatıryarxo di cito d’Madınho d’Othuroye bu Ciraq ubıbritho Mor Awa Tlithoyo Roel, mıstaqbele bu qentrunayde u fatıryarxoyo bi hiğmonutho d’Arbil, u qoyumo Australoyo folitiqoro Enver Erdoğan dkıtyo waziro bi şultonutho di marcitho d’Victoria.  Bi ytawtathe, driş u renyo di tarmitho dmişatso i madraşto Othuroyto d’Mor Yusıf du…

STOCKHOLM – U folitiqoro Suryoyo Yusuf Aydin dkıtyo qoyumo bu parlamento du Swed mu gabo da Mşihoye Demoqratoye mkararle i qroytayde li şultonutho du athro dmawdıyo bu qtolğenso dsımwola i mamlaxtho da Cuthmanoye calu camaydan, calan Armınoye u Pontusoye bi şato dan 1915. Bi egartho dfrısle Aydin mırle; Xıd adyawma meqım…

MELBOURNE, Awtraliya – U gabo; Bi Qamayto i İqartho, mawdele ruşmoyith bu qtolğenso dsim calan Armınoye, calu camaydan ucala Pontus Yawnoye bu zabno du qrobo qamoyo dbritho. Bıthır mi mawdyonuthathe, u gabo sımle’ste qroyto li şultonutho d’Australia dmawdıyo bu qtolğensano dsımwola i mamlaxtho da Cuthmanoye cala 3 came Mşihoye. U gabo;…

Ba mele ‘U Cedo du Nuhomo d’Mşiho, cama Mşihoye dbritho kula b’fsihutho u bu sabro du şlomo, kmıstaqbılinale, dfrışle u Mawtbo Umthoyo d’Bethnahrin u buyonayde bu yawmo du cedano di Qyamto. MUB mırle; Adşato an Orthodoksoye, Qatholikoye u Protestanoye wa Mşihoyo kulle, cal dkımcaydi u cedo du Nuhomo d’Mşiho bcayni…

Bu şuroyo di şabthathe, mawdewola hdo ma karxwotho d’Sidney bu qtolğenso dan 1915. Athmıl’ste, frısle u federasyon da Pontusoye b’Australia maqırhonutho u mawdacle i fsihuthayde lu fusqono dmıdlın 3 qoyume du parlamento di marcitho d’Victoria dmawdın ruşmoyith bu qtolğenso mayiro dsımwo calan Armınoye, Suryoye (Oromoye-Kaldoye-Othuroye) u Yawnoye bu zabno di…

BERLIN – Taşdarto mu Huyodo Suroyo d’Urifi-ESU dımrayşıno mu rişono zawgoyo Fehmi Vergili umu mşalo da esore baroye d’ESU Methin Rhawi u Mescut be Malke, hawilın ytawyotho cam gabe frişe bi arişkoyto d’Almanya Berlin, cali aykanoyutho du camaydan. Leşan mawdconutho rwıhto bi sbuthathe, mıdlan telefon me Metin Rhawi.

PARRAMATTA, Australia – Bu quwolo dsim bu Mawtbo di karxutho d’Parramatta b’Sidney d’Australia yawme d’Tre dşafıcina, mawdelın a hadome kulle bha qolo bu qtolğenso mayiro dsımwo calan Armınoye, Othuroye u Yawnoye bu zabno du qrobo qamoyo dbritho. İ rmoytathe mqadmowa mi hadımto du Mawtbo mu gabo da Liberaloye-Tanya Raffoul dkıtyo…

SÖDERTALJE, Swed – Beyn da 55 yolufe dkızzın ba madırşotho du gymnasium du Swed kule, dmatın lu final da buhone dsımlın b’fırce frişe, kıtwo’ste 3 clayme u 3 claymotho mu camaydan dıkqorın b’Telje gymnasiyet u dımqadamlın 2 projat. U finalano’ste du muroyo-Clayme yadıcthone, simi cali netiçe da buhone dımqadamlın bu…

WASHINGTON – Meqım şabtho, mawdacwole u rişono Amerikoyo Trump i paketa du gumruk dmahıtle calu mal dhol 60 athrawotho frişe dbritho, wu adyawma safrayto’ste, mafito i paketathe la haye u kmifaşqo-xıd hdo ma qaşye rabe dhawyo bu zabno modern di noşutho. Ba hfuxye dmahwelın an athrawothani’ste mawdace, dıkmtaybi ruhaye dmahti…

MELBOURNE, Australia – İ hasyutho di cito Angelikoyto d’Melbourne d’Australia fsıqwola bu yarho d’Odor dşafıcina dsaymo adşato baytonutho lu duxrono şatonoyo da 110 eşne du qtolğenso mayiro dsımwola i mamlaxtho da Cuthmanoye calu camo Armınoyo, Yawnoyo u Suryoyo Othuroyo u mtayıb slutho mşawtafto cali ruho da dıbhe da 3 camani.…

U rişono d’Amerika Trump, mıstaqbele athmıl u rişwazire d’İsroyel Netanyahu bu Qusro Heworo. Netanyahu, hawi u rişono qamoyo dıksoyım socurutho l’Trump bıthır mıd athi naqla hreto li rişonutho. Bu yawmoyo di ytawtathe beyn Trump u Netanyahu kıtwo i sbutho du gumruk dmahıtla Trump cal İsroyel, i sbutho da İsarloye dkıtne…

BRUKSEL – U qoyumo Hollandoyo Sander Smit mu gabo d’Boer Burger Beweging-BBB dkıtyo bu gbino d’EPP du Huyodo d’Urifi, sımle mamlo bu parlamento Urifoyo calu qtolğenso dan 1915 wa hawbe dıkmdawmi hol adyawma cala qalilotho bu Madınho Mescoyo. U qoyumo mathkarle u duxrono şatonoyo da 110 eşne du qtolğenso dsımwo…

VICTORIA, Awstraliya – Lfuth u tebo dfris athmıl mi dafo marcitho d’Victoria b’Australia, 3 qoyume du parlamento di marcitho dkıtne bi Sictho da Hawrone d’Armenia, maslaqlın awıl naqla bıthır 18 eşne i sbutho du qtolğenso dsımwo calu camaydan, calan Armınoye u Yawonoye lu parlamento d’Victoria. İ maqırhonuthathe da 3 qoyume…

I mtakasto emwothoyto du şbuqyo Amnesty, bu taşroro dıfrısla athmıl mawdacla da milişyat dkıtne noqufe di şultonutho d’Suriya qtilın zıd m’100 farsufe bi mditho d’Banias bu sforyamo bu siqumo d’8 u 9 bu yarho d’Odor dşaficina.  Lfuth i mawdconutho dmatilayo Amnesty, kito 32 gedşe d’qatlo dım’akıd dsimi bidactho dilonoyith bhaq…

SWED – U waziro di baroyutho du Swed Pol (Pål) Jonson mırle; İ wolitho da folhe uda tayosyothani du Swed, latyo fşıtto u kiba qento. Elo ono m’akdono, da folhaydan hadire’ne lhawxa wolitho. Bu dumyano, kiban dobina signale qrihe l’Rusya dkıtna hadire dımdafcina a thumaydan u dlobena aftho u dmazıcina…

WASHINGTON –  Athmıl b’lalyo mawdıci a paketat du gumruk dımbayanwole u rişono d’Amerika cal hol 60 athrawotho frişe dbritho dkıtyo u asasayda gumruk d’10 ba mo. Elo u gumruk dmahıt calu mal du Huyodo d’Urifi 20 ba mo’yo wu gumruk dmazıd 34 ba mo calu Sin gıdmote ucdo l’54 ba…

MUNCHEN, Almanya – Lfuth i mawdconutho dmatilan mu şutoso da Mşihoye du Madınho b’Almanya-ZOCD, mtayabwo ba yawmotho dşafıcina hfitutho du iftar me Project Peacemaker-awkith mu şutoso d’Tarmitho du Syomo du Şlomo bi mdito d’München. Simon Jacob mqadamle i tahrasto du ramshano ax mathlono da şutose “Project Peacemaker” u ZOCD. Li hfituthathe…

U malolo du gayso d’İsroyel Avixay Adırci bi maqırhonutho dıfrısle adyawma bi dafo d’X mırle “ktılbina ma comure du qlimo d’Ğaza dkıtne ba fenyotho d’Rafa(h), ba qastrat d’Alnasır, Alşawka, uba fenyotho qlimoye madınhoye u macırboye udkıtne ba şawthawotho d’Alsalam, Almanara u Qizan Alnajjar dmaxlın a’dukothaththe b’şıkıl kulonoyo”. Adırci bi maqırhonuthayde…

MELBOURNE, Awstralya – İ hasyutho di cito Angelikoyto d’Melbourne d’Australia fsıqla dsaymo adşato baytonutho lu duxrono şatonoyo da 110 eşne du qtolğenso mayiro dsımwola i mamlaxtho da Cuthmanoye calu camo Armınoyo, Yawnoyo u Suryoyo (Othuroyo-Oromoyo-Kaldoyo). U duxronano dgımisım yawme d’Huşabo 6 bu yarho d’Nison bi cito d’Mor Fetrus b’Melbourne, gıdmşare…

MYANMAR/THAILAND – Lfuth u tbocofroso d’Myanmar, b’2 zalzalat qawye dhawın athmıl bıthır me falge d’yawmo bu athro, mvayaclın hol alfo bnaynoşo a hayathe u 2300 hrene mçarhi-u hani belhude bi marcitho d’Mandalay d’Myanmar. A zalzalatani hawın bu tayman madınho d’Asia hızlın Thailand u 5 falohe du bnoyo da bote mcayaclın…

ĞAZA – Bu Xtuto d’Ğaza, latyo kyonoyo-normal dmisım tagliyotho mqabıl d’Hamas, cal du zawco baroyo hoçamwo cala mtagliyone uba protestowiye dsimiwo ba 2018, thımwole HRW u zawco d’Hamas bu msoko ubu teşniqo da mtagliyone. Elo u sabro da Fleştoye dhani eşne cayişo yawmoyith u qrobano beyn İsroyel u Hamas, tayım u…

NEW YORK – U qrobo dımdawamle eşne yarixe b’Suriya u acme’ste a tedbire dmahti mu macırbo calu athro mcal fothe du qedomo qaşyo du rejim catiqo d’al Asad, huwlın husrone rabe bu standard da haye yawmoye du camo d’Suriya. İ sbuthathe’ste, grışle Hanny Megallay dilonoyith u zuhoro acla. Megallay dkıtyo…

STOCKHOLM – Athmıl sımwole ABF-Arbetarnas Bildningsförbund, Olof Palme Center wu gabo da Sosyaldemoqratoye du Swed, panel b’Stockholm leşan dmıdroşo i aykanoyutho d’Suriya, bıthır mu nfolo du rejim catiqo d’Başar al Asad. Beyn da hadire, kıtwo mşale u mathlone d’gabe frişe; xıdu koalisyon Athronoyo d’Suriya, u gabo da Came Demoqroye b’Suriya,…

STOCKHOLM – U şutoso mqabıl di tuhmonoyutho-Antirasistiska stiftelsen Expo, frısle u taşrorayde di şato u kımawdıc, kull dkothe kmişawşıt u ideoloji tuhmonoyo, kızaydi a ğrobe tuhmonoye u kıkoqşın a hçome wa hfitwothathe bu Swed. Bıthır mıd a ğrobani mvayaclın eşne yarixo haylo, xliq ucdo zabno hatho du şuşoto da ğrobani.…

ĞAZA – A Fleştoye fayış kımahwın u hfuxyathe mqabıl du zawco d’Hamas wu hani 2 yawme, kımdawmi a tagliyothathe bu garbyo d’Ğaza mqabıl du qrobo dıkmdawım. Ba protestowiyani a Fleştoye dcayifi mi aykanoyutho mahişonitho du Xtuto kımazcıqi u kımmi-Leşan Aloho, nfaq Hamas! Basyo lu qrobano! Ha ma mtagliyone mırle; U…

NEW JERSEY, Amerika – Trump bi maqırhonutho dıfrısle bi dafayde dı Truth Sosial mırle “i sniğarto Alina Habba dımathılali b’dacwat rişoye meqım mi zoxuthaydi ba guboye di rişonutho d’Amerika bi şato da 2024, gıdmaydo i wolithayda i hathto xıd mqimathdino gawonoyto zabnoyto lu qlimo d’Newjersi”.  Lfuth u ajans dı Blomberg,…

BRUKSEL – U ğrob rabo bu parlamento du Huyodo d’Urifi-dkıtyo u gabo Mnatrono da Mşihoye Demoqratoye-EPP dkıtyo bi rişonutho d’Manfred Weber, latyo thnihuthoyo mu qedomo d’Turkiya la folitiqore saqıbloye ula mtagliyone. Dilonoyith bi sbutho du msoko du rişono di karxutho d’Stanbul-Ekrem İmamoğlu dkıtyo u saqıbloyo rişoyo du rişqutno d’Turkiya Recep…