LEBNON

BAYRUT – Mabuco İsarloyo di mşaynutho bi maqırhonutho dhule adyawma lu froshezwo d’Alcarabiya, mawdacle d’Hizballa kımnase dmadcır u haylo dkıtwole meqım b’Lebnon, u mırle “Hizballa kımnase dmahzım u zayno bu darbo du bethtawso, du lmino uda thume. Elo i aykanoyuthayde ucdo mhıltır b’ğalabe yo mqabıl du mede dkıtwole meqım mu qrobo…

BEIRUT – U rişqutno d’Lebnon Josef Coun wu baramnayde d’Fleşt Mahmud Cabbas, bıthır mi ytawto dhawilın camıhdode bi erişkoyto d’Bayrut, frıslın buyono mşawtfo lu tboco froso. Bu buyonaththe, a’tre gabe mawdaclın dmatın l’awyutho dımşatsi sictho mşawtafto Lebnonoyto Fleştoyto, laşan dmitahqıbo i aykanoyutho da maşıryotho da Fleştoye b’Lebnon, udmıflıh laşan dmişawşıti a’şartat…

ISROYEL / LEBNON – U gayso d’İsroyel sımle athmıl blalyo, hçome cal nuqazyotho du benyono tahtoyo b’gawıd d’şutoso stratijikoyo du snoco udu teltimo da zayne di milişya İranoyto d’Hizballa bi fnitho d’Albiqac bu athro d’Lebnon.  Lfuth u buyono du gayso İsarloyo, a’haylawotho İsarloye bi netiçe du duyoqo dıksaymi, maglelın liholo…

BCABDA, Lebnon — U mawtbo celoyo du sutoro layım adyawma bu qusro dı Bcabda bi rişonutho d’Josef Coun dkıtyo u knuşyo qamoyo dıksamle camu mawtbo mu zabno dmıdle i wolithayde xıd rişqutno d’Lebnon. Mbayn da sebwotho dıdrişi bu knuşyano kito i aykanoyutho du taymno d’Lebnon, u qyomo di şalyuthzayno cam İsroyel,…

CATSHANE, Lebnon – Yawme d’Arbıco dşaficina ba şoce dsafrayto, i qadişutho du fatıryarxo d’Antiyuxiya udkule madınho Mor İğnatiyos Afrem Trayono, sımle ruşmoyith u futoho di sunados mqadaşto gawonoyto di cito Suryoyto Ortodoksoyto bu qentrun fatıryarxoyo dkıtyo bi fnitho di Catşane b’Lebnon.  La ytawyotho di sunados kmıştawtıf i tubthonutho du mafıryono…

CATSHANE, Lebanon – B’zawho ruhonoyo makthabzabnoyo rabo, i cito Suryoyto Ortodoksoyto d’Antiyuxiya masrahla i tubthonutho d’Mor Basilyos Josef mafıryono hatho lu Hınd, bu syomido di qadişutho du fatıryarxo Mor İğnatiyos Afrem Trayono ubi methcadronutho da hsayo mcalayo a’hadome di Sunados Mqadaşto di cito. Bu zawhano dımtayıb bi cito d’Yuldath Aloho…

ISROYEL/LEBNON – Mabuco deblomasi İsarloyo makadle du gayso d’İsroyel lığıdmığrış ma hammış nuqazyotho dmarkawle ruhe ebaye bu taymno d’Lebnon. U gayso d’İsroyel mawdacle ste dgıdgorış a’haylawothayde mu taymno d’Lebnon, bu zabno dmi’akıd du gayso Lebnonoye kibe dsoyım u duyoqo da thumayde dcam İsroyel 100%. Cayni mabuco makadle ste du fyoşo…

BAYRUT – İ fatıryarxutho d’Antiyuxiya udkule madınho di cito Suryoyto Qatholiqoyto, bu manşur dıfrısla mawdacla du rişhsayo dmeqım di marcitho d’Boğdod Mor Athanasyos Matti Mattuka nqil ma hayani mşane mi celtho du kewo.  Lfuth u manşur fatıryarxoyo, hasyo Matti Mattuka nqil ma hayani adyawma ba şoce dfothıdsafrayto bi erişkoyto d’Lebnon…

BEYRUT – Bu taşroro dfrısle athmıl u Bank d’Britho maglele, leşan u bnoyo u hethotho d’Lebnon bıthır mu husrono dhzele u athro mcal fothe du qrobo dımdawamle 14 yarhe beyn Hizballah u İsroyel, gıdmkalıf 11 milyare dolare. Bu taşrorano mawdıc dhol 4 alfo Lebnonoye’ste qtiliwo bu qrobano uba mo alfayo…

BUDAPEST, Hungaria – Bi maqırhonutho dfrısle u qoyumo du camaydan bu parlamento du Swed mu gabo da Mşihoye Demoqratoye mawdacle, dhadır ba yawmotho dşafıcina u lumodo Emwothoyo dımtayıb bi rişitho; U Dactith d’Lebnon-b’hzayto Mşihoyto, dsim bi arişkoyto d’Hungaria-Budapest. U lumodano mdabır mu notarozo Andrej Azbej dıkhoyır cali aykanoyutho da Mşihoye…

LEBNON – Bi cohnutho du cedo du şfico di cito Suryoyto Marunoyto qadişo Mor Maron, u fatıryarxo Mor Bşara Bıtrıs Alraci mrayşanle u qurobo alohoyo d’yawme d’Huşabo bi cito d’Mor Jırjıs bi mditho d’Bayrut, bi mıştawtfonutho du rişqutno d’Lebnon rabhaylawotho Josef Caun wi bethzawgayde Nicmat Caun, u rişono du parlamento…

TUR LEVNON/METN, Libnon – Mşaqlo şultonutho hathto lashan u athro di Libnon. I şultonuthathe gduwyo bi rişonutho du rişwazire Nawal Salam dkıtwe meqım rişono du bethdino Emwothoyo di Kinutho. İ şultonuthathe dımşaklo bıthır eşne d’xalyutho, krize u hbose Emwothoye, gıdmidabro me 24 wazire. Elo u mede dıkgorış u zuhoro, walaw…

BEYRUT – Athmıl ruşmoyith mawdıc dımşaklo i şultonutho hathto d’Lebnon-dheş ma 2022 dlo şultonutho’yo mcal fothe da krize folitiqoye u momunoye du athro. Elo athmıl, mıstaqbele u rişqutno Joseph Aoun i isticfa di şultonutho zabnoyto d’Miqati u maqbele ruşmoyith i şultonutho hathto d’Nawaf Salam dıkmişaklo me 24 wazire-dkıtne fliğe b’şawyutho…

BAYRUT  – U Gbino Mşihoyo d’Lebnon bu knuşyo cyodoyo dsımle bi mditho d’Bayrut, mawdacle dıklozım dmitafıt la haye u fusqono d’Emwotho Mhaydotho da na’1701 bu formayde kule, dilonoyith u fusqono da na’1559 dkıtyo masro camu groşo du zayno di milişya İranoyto d’Hizballa. U Gbino Mşihoyo matcanle ste u gabo d’Hizballa…

U fatıryarxo di cito Suryoyto Marunoyto, bi koruzuthayde bu Qurobo Alohoyo dsim, grışle u zuhoro cali socurutho dsımwole camu fatıryarxo di cito Suryoyto Qatholiqoyto Mor İğnatiyos Yusuf III Yunan li mdito d’Sur bu taymno d’Lebnon. Bi socuruthathe, laqiwo i qadişuthayde rişone ruhonoye wu rişono gawonoyo da hayle Emwothoye d’Unifel wu…

BEYRUT – İ notarrozutho du tboco froso du gabo du Huyodo Suryoyo Tibeloyo d’USUP, bu  buyono dıfrısla mawdacla du gabo gdımdawım u ağunayde bnişo dmitarku b’Lebnon athro di kinutho udu qonuno udi hirutho la Lebnonoye kulle, athro dıkmisım u sutorayde mu gayso Lebnonoyo uma haylawotho di mşaynutho ruşmoye, athro dkibe…

The American Syriac Union-u Huyodo Suryoyo b’Amerika-ASU frısle egartho u krıhle u qedomo lo kino dhawi mqabıl du rişono d’USUP İbrahim Murad. Bu şuroyo di egarthathe, mahke cali aykanoyutho dkıtyo ebe ucdo Lebnon wa qetre u casqotho dıkşufco ebeye bu haqlo folitiqoyo, momunoyo u noşoyo. U Huyodo mahkele d’Lebnon kısuhdo…

BEYRUT – Cali zminutho dımşadro mu gabo du Huyodo Suryoyo Tibeloyo umu Gbino Mşihoyo d’Lebnon, mtayıb athmıl knuşyo lu tbocofroso xıd snodo la klayotho dıkmahwele u rişono İbrahim Murad dıkmibıc dmitaşe qole cal dıkmtalıb ba zedqe da Mşihoye u b’athro Lebnon şaryo u hiro. Lu knuşyano mıştawtafle mşale u mathlone…

BEYRUT – A tre qoyume Lebnonoye-Melhem Xalaf u Najat Saliba dkıtne mu bloc du şuhlofo bu parlamento du athro, mabdewolın yawme d’Hamşo dşafıcina taklitho u mawdacwolın, dlıgmaklın u protestano hol du rişono du parlamento Nabih Berri dmabde knuşyo dıklozım dmidawım hol dminaqe rişqutno u mdabronutho lu athro. A mşale Lebnonoye…

U malolo di wazirutho di baroyutho d’Amerika Ned Price huwle athmıl maqırhonutho cala guboye du parlamento d’Lebnon dsimiwo 15 bu yarhano. Price mawdacle d’Amerika fsiho la guboyani dsimi bu zabnathe, li netiçathe d’xasır Hizballah wa noqufayde a guboyani, u dlo nafıq ebeye qetre di mşaynutho. Price mırle; Kımqadmina a tahınyothaydan…

U athro d’Lebnon hani zabno yarixo kfoyıt me maşıqlo ğalabe casqo momunoyith, folitiqoyith, u ma rışwat dıkmaydi a mşale wa mathlone di şultonutho bu darğo qamoyo wu hın ma maşle da gabe. Bebzabno kito tahdid calu athro mu hayle d’Hızballah du İran dkıtyo haylo folhoyo lo ruşmoyo bu athro. Bu…

BAYRUT – Bu calway “ma turone d’Ararat hula turone d’Bethnahrin wu turo d’Lebnon, Sayfo ha Cuthmanoyo”, u gabo du Huyodo Suryoyo Tibeloyo d’USUP, mtayable turgomo rwiho bu qentrunayde u gawonoyo bi mditho d’Bayrut, bi cohnutho du yawmo şatonoyo du qtolğenso du Sayfo dsımwo bi şato da na’1915 bhaq du camo…

ZAHLE, Lebnon – İ sdirutho d’Zahle du gabo du Huyodo Suryoyo Tibeloyo d’USUP, bi hfitutho dımtaybola mathkarla u duxrono da 100 u şwac ışne du qtolğenso du Sayfo dsımwola i mamlaxtho da Cuthmanoye bhaq du camo Suryoyo u Armınoyo u gawonoyith bhaq da Mşihoye du madınho. Lu turgomo dımtayıb bu…

BEYRUT – Bu ışmo; “Ma turone d’Ararat ud’Bethnahrin hulu turo d’Lebnon Sayfo ha”, u gabo du Huyodo Suryoyo Tibeloyo, gıdmtayıb 2 turgome bi cohnutho da 107 eşne du qtolğenso dsımwola i mamlaxtho da Cuthmanoye calu camaydan calu camo Armınoyo u Pontusoyo. Yawme d’Şabtho 23 bu yarhano d’Nison, ba 19.00 d’casriye,…

U qentrun fatıryarxoyo da Suryoye Marunoye dı Bkırki, mawdacle da gedşe admonoye haroye dhawınwo hedor du bethdino d’Bayrut, lıkkowe dmaklın a’buqore dıkmisomi bi sbutho du furqoco rabo du lmino d’Bayrut. Bebzabno, Bkırki mawdacla du qonuno lalcıl ma Lebnonoye kulleyo, wi kinutho klozım dımdawmo dımhalxo bu darbayda. A buqore dcalu furqoco…

U fatıryarxo di cito Suryoyto Qatholiqoyto Mor İğnatiyos Yusuf III Yunan, dıqle u noquşo du qento du qşoco da Mşihoye d’Lebnon, en dlo misamlın mede ma hayle du macırbo. Ubebzabno, a citotho b’Yurdnon mzaharlın calu qşoco di Mşihoyutho bu athro, bıthır mıd naqıs u menyonathe l’2%. Camgabıdathe, a citotho du…

U gabo du Huyodo Suryoyo Tibeloyo, sımle hçomo qaşyo cala gabe Şica d’Hizballa udu Zawco d’Amal, cal dıkmnasın dtufki Lebnon l’qrobo gawoyo hatho. USUP mawdacle’ste dkito ithbate da taxtuşe dhawın athmıl b’Beyrut, masrahto’wın u teştıcın cjiqo’we me Hizballa wa noqufayde. Camgabıdathe, USUP mawdacle du sistem federaloyo u darbo towo dkulle’yo…

I qadişutho du fatıryarxo di cito Suryoyto Qatholiqoyto Mor İğnatiyos Yusuf III Yunan, bu hfuxyo dmahwele cala taxtuşe dhawın athmıl b’Beyrut, sımle qroyto la mşale Lebnonoye kulle dmarmışi u wujdanathe, u dmahti u yuthrono du athro bi qamayto da yuthronathe a farsufoye. Mxasra hreto, i sagiyutho da gabe Mşihoye d’Lebnon…

I sbutho du mbaqrono Tareq Bitar kımdawmo dfayşo bu yawmoyo d’Lebnon, bu zabno dıkmnase u gabo d’Hizballa wu Zawco d’Amal dmıstacımli i sbuthathe, leşan dtufki u athro lıqrobo gawoyo hatho, u dmafiti la haye i tarmitho dkıtle u İran bu qlimo du Madınho Mescoyo. Adyawma a gabe Lebnonoye saqıbloye Mşihoye…

Camgabıdathe, u gabo du Huyodo Suryoyo Tibeloyo d’USUP mahnele u gabo d’GHS bu yawmo şatonoyo di mşatsonuthayde, u mawdacle dkıtle tuxlono u sabro rabo bu ağuno dkobe laşan di sbutho umthoyto du camaydan d’Suriya. Bi cohnutho dşafıc 16 eşne cali nfaqto du gabo du Huyodo Suryoyo d’Suriya, u rişono du…

I Sunados mqadaşto di cito Suryoyto Qatholiqoyto mkamela a’ytawyothayda l’şabtho bu athro d’Lebnon. Ba ytawyothani, a’hsayo di Sunados dıdrışlın i aykanoyutho da marciyothaththe, kalınste bu zyudo dkulle calu kriz d’Lebnon ucalu qento di golutho da Mşihoye mu madınho. Bu siqumo d’12 uhul 18 bu yarhano, i Sunados mqadaşto di cito…

Sim u yubolo da 25 ışne di qadişutho du fatıryarxo di cito Suryoyto Qathuliqoyto Mor İğnatiyos Yusuf tlithoyo Yunan bi dayro d’Yoldathaloho ELnajat b’Şarfe d’Lebnon. Lu yubolano dsim yawme dı cruto mıştawtale u rişono tibeloyo du gabo du huyodo Suryoyıo Tibeloyo Brahim Murad, wi qadişutho du fatırayraxo di cito Suryoyto…

U rişono du gabo du Huyodo Suryoyo Tibeloyo d’USUP İbrahim Murad, sımle socurutho lu qentrun di sdirutho d’Zahle. Bi socuruthayde, Murad laqi menyono d’wazire u qoyume catiqe ma gabe rabe Mşihoye d’Lebnon. U rişono du gabo du Huyodo Suryoyo Tibeloyo d’USUP İbrahim Murad, athmıl sımle socurutho lu qentrun di sdirutho…

U gabo du Huyodo Suryoyo Tibeloyo kımdawım bu feroqo di mcadronutho yarhonoyto lu cameydan d’Lebnon dıkfoyıt me casqutho rabtho. Yawme d’Cruto, u gabo mfaraqle mcadronutho l’300 yaqrotho mdu cameydan d’Sahıl El Matın, tahtu ışmo-Kulan lıhdode. U gabo du Huyodo Suryoyo Tibeloyo bu snodo da şutose du Mawtbo Umthoyo d’Bethnahrin, kull…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, tlıble me Amerika umu kenşo Emwothoyo dsundi Lebnon bu maşıqlo casqano, bnişo dlo mıshıf u haykılo du athro. Fatıryarxo Alraci bi ytawto dhawile cami rişathizgadto d’Amerika b’Lebnon Dorothy Şiya, sımle sturo i mdabronutho d’Waşington cal dlo b’idactho kobo…

I aykanoyutho d’Lebnon, kul dkothe kıhurwo u dilonoyith u camaydan du athro kışofıc b’maşıqlo ğalabe casqo u sniqoyo’yo lu snodo du camaydan.  Leşanathe, u froshezwathxu Suroyotv, gıdmtayıb tahrazto di mcadronutho lan abne u bnotho du camaydan dıkhoyın b’Lebnon. I tahraztathe dkıtyo hayo, gıdmisomo 29 bu yarhano d’Ob, bi şoctho da…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, krıhle u qedomo da rişone folitiqoye d’Lebnon dıkmahwe dkıtne b’fusqono kamilo dımfarfısi Lebnon xıd athro u xıd egartho di mdinoyutho. Bebzabno, fatıryarxo Alraci dımakadle u snodayde lu qawmo camonoyo d’Lebnon, mawdacleste du camo gdımdawım dmahwe u mrodayde hul…

U rişono du gabo du Huyodo Suryoyo Tibeloyo d’USUP İbrahim Murad, mawdacle du sistem konfedraloyo kımmathıl u şroyo towo dkulle lu kriz qaşyo dıkşofıc ebe Lebnon bu maşıqlano ducdo, dilonoyith bu zabno dkımnase u gabo d’Hizballa dmarku sistem tawdithoyo idyolojik mşawhıroi u masro cami tahrazto dkıtle u athro Maşılmono du…

U rişwazire catiqo d’Lebnon Sacd Alhariri hule funoyo lu gabo d’Hizballa dmawdacwole athmıl di sfitho İranoyto qadmoyto dkıtyo matcanto Mazot mşadro lu athro d’Lebnon. Alhariri mırle “a’sfinotho İranoye du snodo gıdmamtın camruhaye qento u tedbire hathe mqabıl d’Lebnon”. Alhariri mawdacle ste du tehzimo du nafto lu rejim d’Suriya, i celtho…

U mawtbo da citotho du madınho mescoyo, mzaharle mu şğuşyo rabo dkito ucdo b’Lebnon, cal dkibe dhowe şuroyo du maşıqlo haroyo du fırfoso du kenşo udu athro. Bu hfuxyo dmahwele u mawtbo citonoyo calu furqoco d’Cakkar, tlıble ma şutose ruşmoye d’Lebnon dnıfqi moro lu mede dfayış mi şalyutho d’Lebnon. U…

U kriz du momuno d’Lebnon xlıqle şwolo bu nafto, calathe u gayso mdaxele bi sbutho u mahıtle ido cala nuqazyotho du benzin udu mazot.  Cam gabıdathe i bethkrihe Amerikoyto d’Lebnon mawdacla mu şwolo du kahrıbo uda jeneratöre kito risk dcayşi gunho, wa haye da kayiwe bi tahlukane.   U gayso…

İ mamlaxtho Caraboyto di Scudiye, mahıtla şartat laşan dımqadmo mcadronutho momunoyto lu athro d’Lebnon. Mbayın da şartat dımbayni, i Scudiye tlıbla mi şultonutho d’Lebnon ducdo yaste dgıdmişaklo bu dactid, dsaymo şuhlofe çıddi udıkmicoşi b’gawıd du athro.  U athro di Scudiye dımakadle i awyuthayde camo camo d’Lebnon, mawdacle ste di mcadronutho…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, mhanele u gayso d’Lebnon bu yawmo şatonoyo du cedo athronoyo du gayso, u makadle dbalhude u gaysoyo dkıtle i wolitho dımdafıc i morutho d’Lebnon wi şaryuthayde. Camgabıdathe, i qadişuthayde naqla hreto sımle sturyo a’rişone folitiqoye dıkmahti tırpılyotho qum…

Lebnon dıkşufco ucdo b’maşıqlo ğalabe casqo bu haqlo du momuno, mdela qyomo camu Iraq bu haqlo du mazot, leşan dmaxifo ışmo u kriz dkito bu athro. Mqabıl d’milyon tonat d’mazot i şato mu Iraq, gıdobo Lebnon mal u gıdmaşyo ğer fulhone lu Iraq, leşan dmaxifo i bsirutho dkito bu haqlo…

Mcal fothe di xalyutho folitiqoyto u da rişone d’Lebnon, dlıknufqi moro lu athro u camoste hanaqla kmıhrım mu kahroboste. Bıthır mıd a şırak dıknuqli kahrobo l’Lebnon lıkmitahwelın a zuzathe, maklelın a fulhone du nqolo du kahrobo lhın ma fınyotho du athro. I sbutho mahişonitho d’Lebnon kımdawmo hanaqla, du camo lıkqodır…

İ qadişutho du Papa Mor Fransis Qadmoyo, athmıl casriye bi slutho dımrayşanle, hthımle a ytawyotho dhawile cama rişone da citotho du camaydan udan Armınoye d’Lebnon. Bu mamlo dsımle i qadişuthayde, mawdacle da Mşihoye kıtlın methfathonutho la Maşılmone, bnişo dbonın i ahonutho u dmaqwın u şlomo. Bu nişo; Gab Aloho kito…

Bu snodo du Mawtbo Umthoyo d’Bethnahrin-MUB, u gabo du Huyodo Suryoyo Tibeloyo, mfaraqle a mcadrınwotho momunoye dıkmitahwın kull yarho, la yaqrotho sniqoye du camaydan b’Lebnon. Bıthır mıd kamıl u feroqo di mcadronutho, u rişono d’USUP İbrahim Murad bu mamlo dsımle, mawdacle dıklozım a Lebnonoye dmahti ido bido mqabıl du kboşo…

Kmahwe u şroyo arconoyo lımamtele a’firayde, u mawxaste a’rişone da citotho du camaydan u da came hrene Mşihoye d’Lebnon, laqın adyawma bu Vatikan i qadişutho du papa Mor Fransis Qadmoyo. İ qadişuthayde wa fatıryarxe dmaqımlın adyawma teşmışto laşan u nuhomo d’Lebnon, ramhıl ste kmıntır du papa dıdorış cama rişone da…

Mşarela i Sunadus di cito Suryoyto Orthodoksoyto bi fatıryarxutho dkıtyo b’Catşane d’Lebnon. Cali zminutho di qadişutho du fatıryarxo Mor İğnatiyos Afrem II, hadıri adyawma a hsayo mcalayo wa kohne di cito, li Sunadus qadışto. Cali zminutho di qadişutho du fatıryarxo Moran Mor İğnatiyos Afrem II, mşarela adyawma safrayto i Sunadus…

U fağro du mnohnafşoTlithoyo tube hasyo Mor Yacqub Bahnan Hındo d’nqılwo ma hayani bi mdito d’Paris, mcafe athmıl bu athro d’Lebnon. Lu cufoyo du rişhasyo catiqo di marcitho di Hasake u d’Nsiwın di cito Suryoyto Qatholiqoyto, mıştawtafle menyono d’fatıryarxe u hsayo, rişone da citotho mşahılfotho du camaydan b’Lebnon. Athmıl casriye,…

İsdirutho d’Zahle du gabo du Huyodo Suryoyo Tibeloyo d’USUP, mtayabla hfitutho catırto u ruşmoyto bi cohnutho dşafıc 106 ışne calu qtolğenso mariro du Sayfo da na’1915. Li hfituthathe, mıştawtafle wazire, qoyume, rişone citonoye u mşale d’gabe u şutose Suryoye u Armınoye. Bu duxrono da 106 du qtolğenso du Sayfo dsımwola…

U qentrun fatıryarxoyo di cito Suryoyto Marunoyto dı Bkırki, sımle baytoyutho lu knuşyo da fatıryarxe u da rişone da citotho d’Lebnon. U knuşyano mtayıb xıd hıdriye di lqoyto dgıdhowelın a rişone da citotho d’Lebnon cami qadişutho du papa du Vatikan Mor Fransis Qadmoyo, bnişo dmıdroşo i aykanoyutho gawonoyto du athro…

U notarrozo gawonoyo du gabo du Huyodo Suryoyo Tibeloyo d’USUP sniğro Mişel Mallo, bi ytawto dhawile camu gabo Armınoyo d’Alramğafar u ferco d’Zahle, drışle i aykanoyutho harayto bu haqlo folitiqoyo d’Lebnon. U hadomo du makıthbo folitiqoyo du gabo d’Alramğafar d’Lebnon Koko Mağaryan dkıtyo bebzabno u mşalo du ferco d’Zahle ud’Albiqac…

İ qadişutho du papa du Vatikan Mor Fransis Qadmoyo gıdloqe a’rişone folitiqoye Mşihoye d’Lebnon. Bi lqoytathe dıkmıntır dhuyo bu şuroyo du yarho dı Tamız dıbqamuthayna, gıdmıdroşo i aykanoyutho mahişonitho d’Lebnon dmati l’qum du shofo. İ dafo d’Vatikan News, mawdacla di qadişutho du papa Mor Fransis Qadmoyo gıdqore a’rişone folitiqoye Mşihoye…

U gabo du Huyodo Suryoyo Tibeloyo kımdawım bu snodayde u yarhoyo la yaqrotho dkıtne sniqoye li mcdaronutho. U gabo kull yarho, kımfarıq mcadronutho yarhoyto la yaqrotho sniqoye u athmıl’ste mfaraqle mcadronutho bu qentrunayde dkıtyo b’Sad elbuşriye b’Beyrut.  U gabo du Huyodo Suryoyo Tibeloyo-USUP mu zabno di aykanoyutho d’Lebnon hariwo, kull…

U gabo du Huyodo Suryoyo Tibeloyo wu gabo da Armnoye Elramağfar mathkarlın a sohde da tre came dhawın debho bi şato da 1915 b’klile d’warde dmahatlın cala qoyumyotho du camo Armnoyo u du camo Suryoyo. Ba mamle dsımlın a rişone da tre gabe maqrahlın, dımdawmi ba fulhone mşawtfe hul dmotın…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci mıstaqbele bu qentrunayde d’Bkırki, u rişono du gabo du Huyodo Suryoyo Tibeloyo İbrahim Murad cam taşdarto folitiqoyto du gabo. Murad bi ytawtathe dımayadle a talabe du fatıryarxo Alraci, mawdacle’ste di wolitho di rişqutnutho d’Lebnon htifoyo mu gabo d’Hizballa…

Fransa mzaharla arişone folitiqoye rabe dkule d’Lebnon, du Huyodo d’Urifi gıdsoyım hboso cal kul farsufo aw haylo dkowe tırpılto qum du kriz qaşyo d’Lebnon. U waziro di baroyutho dı Fransa Jan Ev Loderyan, bu buyono dıfrısle mawdacle du Huyodo d’Urifi laybe dfoyış şalyo mqabıl du shofo d’Lebnon. Bu taro du…

A neşe dkıtne more d’yaqrotho b’Lebnon, sımlın taglitho b’Beyrut mqabıl di aykanoyutho harıwto du athro.  Bi taglithathe dsimo athmıl bu yawmo da emotho, a neşe thımlın a mşale du athro u mırlın; Gnıwxun a zuzaydan wu dactith da nacimaydan!!. Athmıl dkıtwe 20 bu yarho wu yawmo da emotho-lfuth an athrawotho…

U gabo du huyodo Suryoyo tibeloyo d’USUP, maslamle i mcadronutho momunoyto yarhonoyto la yaqrotho sniqoye du camaydan bi mditho dı Tarablos bu athro d’Lebnon. U rişono d’USUP İbrahim Murad, bi socurutho dsımle li marcitho Suryoyto dı Tarablos, makadle du gabayde gdımdawım dsonıd u camaydan mqabıl da casquwotho dkito bu maşıqlano…

Ba mowat dımtagliyone, mhalaxlın lqum du parlamento d’Lebnon krıhlın i aykanoyutho harıwto du momuno du athro u tlıbe dmitalız calu şekolo di şultonutho hathto du athro. Bebzabno u parlamento maqbele u fusqono dmimıd 246 milyone dolare mu Bank d’Britho, leşan u snodo dban alfayo yaqrotho Lebnonoye. Bıthır mıd a folitiqore…

Camgabıdathe, Amerikaste mşadarla egartho d’zuhoro la rişone folitiqoye d’Lebnon, bıthır mıd mahwela ilo thınihuthayda calu qedomathe lu kriz du athro. Bebzabno, Amerika mawdacla du İran lıkmanfacle u şuhoro da bazare, cal du medano lıgmaqım a tedbire dmahti acle. I mdabronutho d’Waşington mahwela ilo thnihuthayda cali rafyutho da rişone folitiqoye d’Lebnon…

U gabo du Huyodo Suryoyo Tibeloyo, mahwele hfuxyo qaşyo mqabıl di maqırhonutho du rişqutno d’Lebnon Mişel Caun, dtlıble ma hayle di mşaynutho du athro d’lobın fsoso la mtagılyone d’suxri a darbone. U rişono d’USUP İbrahim Murad, bi maqırhonutho difrısle bi dafayde, mawdacle du fusqono d’Caun qtolcamoyo cal Lebnon hem xıd…

U gabo du Huyodo Suryoyo Tibeloyo-USUP kımdawım dmahwe u hfuxyayde mqabıl di şultonutho, du fasad udi aykanoyutho harıwto du momuno d’Lebnon.  U notarrozo gawonoyo du gabo d’USUP b’Zahle Mişel Mallo, mawdacle du qawmo Lebnono’yo qawmo mqabıl d’zayno lo ruşmoyo’yo dmawbele Lebnon l’aykanoyutho momunoyto mahişonitho.  A mtagılyone Lebnonoye bi mditho d’Zahle,…

U gabo du huyodo Suryoyo tibeloyo d’USUP, mfaraqle athmıl imcadronutho momunoyto dıkmiqadmo kul yarho la yaqrotho sniqoye du camaydan b’Lebnon.  İ mcadronuthathe dımfarqole USUP cal 150 yaqrotho dkıtne mqayde bi hiğmonutho dı Tur Lebnon, kmiqadmo bu snodo du mawtbo umthoyo d’Bethnahrin d’MUB d’Urifi. Athmıl mtayıb lqoyto bu qentrun du gabo…

U gabo du Huyodo Suryoyo Tibeloyo-USUP, mzaharle cali aykanoyutho d’Lebnon dıkmathılo ucdo i halıqto mhilto dkulle, me bayn di şişaltho da şuhlofe dgıdhowın bu Madınho Mescoyo.  U rişono d’USUP İbrahim Murad bi maqırhonutho dhule lu tboco froso, mawdacle da gabe folitiqoye dkıtne mqabıl di tarmitho İranoyto bu Madınho Mescoyo, lo…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, mawdacle dlatne hadire dıtorın u athraththe d’Lebnon dmıdre qum d’cyanothaye udmaşlım ruheye la tarmyotho baroye. Mawxaste, fatıryarxo Alraci naqla hreto grışle u zuhoro calu lumodo emwothoyo dilonoyo d’Lebnon, dkıtyo u foruqo du athro mkul haylo baroyo dkobıc dkobış…

U gabo du Huyodo Suryoyo Tibeloyo kımdawım i kampanyayde di mcadronutho dlu camaydan dkıtyo sniqoyo bu athro d’Lebnon.  USUP mfaraqle athmıl alfo kise d’lahmo cala bote du camaydan dıkhoyın bhın fenyotho bi mdito d’Beyrut ub’Zahle, wi mcadronuthathe gıdmdawmo l’zabno d’şawco yawme.  Bi cohnutho du cedo du qadişo Mor Maron, u…

A hayle di mşaynutho d’Lebnon, mqafelen i şlado du gelyunoro u mbahnono Luqman Salim bi radoytayde. U gelyunoro Salim, saqıbloyo du tukoso d’Hizballahwe. Athmıl b’safrayto mvayacwo u gelyunoro u mbahnono Luqman Salim, bu zabno di socurutho dıgsamwo lu hawrayde bu taymno d’Lebnon. Bıthır mıd i iqarthayde mnasela dmıtyole u dılo…

U gayso d’Lebnon frısle a haylayde bi qastra d’Altufayl dıknuflo calu thumo d’Suriya.  U gayso Lebnonoyo mşatasleste nuqazto bıgawe di qastrathe, xıd funoyo lu talab da comure dcayşi casqutho di mşaynutho ba tarte şabe haroye dşaficina.  İ sfaryawmo d’Alşarq Alawsat, bu tebo dıfrısla mawdacwola, dhawiwo şğuşyo di mşaynutho bi qastra…

İ şultonutho d’Lebnon fsıqla dmahto u athro baykanoyutho şnızto, bnişo dmaklıyo u virus di Corona dmibarbız zıttır bu athro.  Mxasra hreto, i nuqazto du hulmono d’Yuldath Aloho b’Beyrut kımdawmo dımcadro a faqire wa sniqoye dhzelın husrono mu kriz momunoyo d’Lebnon, u mcal fothe du furqoco rabo dhawiwo b’Beyrut bu yraho…

U mawtbo celoyo di mudafaca d’Lebnon, bu knuşyo şnizo dsımle adyawma, drışle i aykanoyutho du hulmono uda botaykrihe d’Lebnon, bu taro di qaşyutho du kewo du virus d’Corona.  Lfuth i wazirutho du hulmono d’Lebnon, u menyono da farsufe dmayithi bu virus d’Corona mati l’hedor d’1600 farsufe.  Cali qroyto dsımwole u…

A fulhone du hethotho du Bayto da Sobe du camaydan bi mditho d’Holob b’Suriya mşarelın.  U hethotho du Bayto da Sobe du camaydan b’Holob dıshıfwo meqım tmone ışne, kmisım bu snodo du mawtbo da citotho du Madınho Mescoyo.  Yawme d’Huşabo dşaficina, a şırkat du bnoyo mşarewolın a fulhonathe du hethotho…

U fatıryarxo di cito Suryoyto Marunoyto Mor Bışara Butrus al Raci, cabır ba droşe dcama folitiqore d’Lebnon, dheş lo qadiri dımşakli şultonutho hathto bnişo dmisafe u kriz momunoyo du athro. U fatıryarxo dhawile ytawyotho camu rişwazire Sacıd al Hariri, camu rişqutno Michel Aoun u ğer mşale d’gabe folitiqoye mırle; U…

Bi ytawto dhawile u rişwazire zabnoyo d’Lebnon Sacıd al Hariri camu fatıryarxo di cito Suryoyto Marunoyto Mor Bışara Butrus al Raci, makadle di şultonutho hathto dkobıc dımşatıs, gıdsaymo a reforme kulle dımbayni u gıdbınyo Beyrut me hatho.  Me gabo hreno u ardixlo Joe Salloum wa hawronayde, bnelın a bote d’22…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf III’yo Yunan, mawdacle da rişone Mşihoye d’Lebnon lıkşowın li wolitho dhulelınyo u camo, u ktıcni falqo rabo mi mşalutho dcali aykanoyutho mahişonitho d’Lebnon.  Me gabo hreno, fatıryarxo Yunan mawdacle da Mşihoye d’Lebnon lo nafiqi moro lan ahunonaththe dımgalwelın man…

U bethdino Emwothoyo dilonoyo dsim b’Den Haag calu qatlo du rişwazire catiqo d’Lebnon Rafiq al Hariri, mıdle fusqono bhaq du hadomo d’Hizballah Salim Ayyash. Ayash hkımwo heş bu yarho d’Ob, dhawile sawco bu qatlo du rişwazire Lebnonoyo ba 2005, u bu fusqono hatho dmid athmıl, u hayobo mjaze 5 naqlat…

U mşalo da buqore dcalu furqoco du lmino d’Beyrut, thımle u rişwazire Hassan Diyab dmıstacfewole mi wolithayde u tlotho wazire catiqe bi dacwa du ihmal dhawiwolın bi sbuthathe.  Bu şuroyo di şabtho dıbqamuthayna, gıdmisım buqore camu rişwazire Diyab u cama tlotho wazire dıkmıthomi bi mşalutho dcalu furqoco d’Bayrut.  U rişono…

U Enstitut İsarloyo du Yulfono di Mşaynutho Athronoyto, grışle u zuhoro calu qento du qrobo hatho dkibe dnofıq b’Lebnon wu tathir dgıtore calu qlimo.  U mdabrono du Enstitutano-rabhaylawotho Udi Dekel mawdacle, da thume d’İsroyel’ste kibın dmimodi nişo lban alfayo d’soruhe dgımımhoyi me Lebnon, Suriya, umu macırbo du Cıraq u hatta…

A mıştawtfone lu lumodo emwothoyo du snodo du camo d’Lebnon dımtayıb athmıl bu darbo du nawlo, hulın şudoyo dgımqadmi hedor 260 mılyune Euro laşan dmicadır u camo dıhzele husrono bu furqoco du lmino d’Bayrut.  Camgabıdathe, u rişqutno dı Fransa Emanuel Macron dkıtyo u mtaybono du lumodano, mawdacle d’Lebnon xıd athro…

Mabuco Lebnonoyo u hreno İsarloyo, mawdaclın dımşawhır u cedono da bazare dıkmisomi bayn d’Lebnon u İsroyel, bnişo dmibayni ruşmoyith athume du yamo dbaynothaye.  Cala bazarani dıkmisomi bi qastra d’Raas Alnaqura, u mabuco Lebnonoyo maglele du gabo İsarloyo mşawharle aytawyotho cal dırfıdle arenye u hzayotho di taşdarto da bazare d’Lebnon. Mabuco…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, mzaharle mu qento dkito cali ithutho d’Lebnon u da bnaymothoyayde dilonoyith a’Mşihoye, bu taro mi zictho dkito mi golutho dkiba dhuyo mfothıd du kriz momunoyo qaşyo d’Lebnon.  U zuhorano d’Mor Bşara Alraci athi luhwoyo bi lqoyto dhawile bu…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, meqım mi socuruthayde lu Vatikan, yatuw camu rişqutno d’Lebnon Mişel Caun.  Alraci bıthır mi ytawtathe bu knuşyo dsımle lu tboco froso, naqla hreto sımle sturyo arişone folitiqoye cal dlımhalıq hul ucdo u lo dawse lafu şekolo di şultonutho…

U rişono di Knuşto da Hawrone du Leşono Suryoyo malfono Gabi Gawriye, bsaybutho nqil ma hayani bu athro d’Lebnon.  Malfono Gawriye dıfriş u fağrayde ma hayani, gıdfoyış hayo ba kıthowe dıtrele u bu tacbo rabo dmahwele leşan i zahyutho du leşono Suryoyo mqadşo.  İ umtho Suryoyto 25 bu yarhano mvayacla…

A hayle di mşaynutho d’Lebnon, qtilın 13 marhıbone qariwo la thume d’Suriya u msıklın 15 hrene. Bı hjomo hreno dsımlın a marhıbone bu garbyo du athro, qtil 2 folhe Lebnoye u ha marhıbono.  Bebzabno cali aykanoyutho folitiqoyto harayto d’Lebnon dilonoyith bıthır mi isticfa du rişwazire Mustafa Adib, u rişqutno d’Fransa…

U rişwazire zabnoyo d’Lebnon Mustafa Adib, adyawma mawdacle dgımıstacfe mi wolithayde mcal fothe du qetro du şekolo di şultonutho hathto du athro.  İ mawdconuthathe d’Adib hiw, bıthır mi ytawto dhawile athmıl camu rişqutno Michel Aoun, u dmawdacwole u renyayde calu floğo da wazirwotho hathe di şultonutho.  U rişwazire zabnoyo d’Lebnon…

U gayso d’Lebnon, frısle i netije da buhone dsımle calu husrono dhawi bi arişkoyto Beyrut, bıthır mu furqoco qaşyo dhawiwo 4 bu yarho d’Ob dı şafıcina.  Lfuth u taşroro difrısle u gayso, hol 85 alfo bınyone di mditho hzelın husrono  ma furqocani. Bi maqırhonutho difrısle u gayso d’Lebnon mawdacle i…

Fransa hula la rişone folitiqoye d’Lebnon muhle hul ramhıl, laşan dımbayni i şultonutho hathto.  Camgabıdathe, u qoyumo da Druz Walid Junbulat mawdacle di muhlathe kımathlo i aftho harayto l’Lebnon. Ubebzabno, u rişwazire catiqo Sacıd Alhariri mawdacle dlıkowe u lo wazirutho dhuyo tırpılto qum du şekolo di şultonutho hathto.  U rişqutno…

Bıthır mıdşafıc zıd me yarho calu furqoco rabo dhawiwo bu lmino d’Bayrut bu athro d’Lebnon,  athmıl naqla hreto hawi yuqdono rabo b’gawıd du lmino u trele zuctho rabtho bayn da bnaymothoye di mditho.  Cali sbuthathe, u rişono du gabo du Huyodo Suryoyo Tibeloyo d’USUP İbrahim Murad, thımle u gabo d’Hizballa…

U notarrozo du athro du Vatikan Kardinal Pietro Parolin, shıdle cali hzayto dhawile cali aykanoyutho d’Lebnon bıthır mu furqoco du lmino d’Bayrut.  Kardinal Barolin bi maqırhonutho dhule lu tboco froso, mawdacle dırğışle bı mahişonutho rabtho bi socuruthayde li mditho d’Bayrut, elo bcayni zabno hzele dkito mabco sa Lebnonoye dqaymi cali…

Hın ma folitiqoye Lebnonoye mawdace du surhobo dhawi bu neqoyo du rişwazire hatho l’Lebnon, athi luhwoyo bi netije du hboso dsımle u rişqutno dı Fransa Emanuel Macron cala rişone d’Lebnon. Camgabıdathe, Macron bıthır mi ytawto dhawile cami amnoritho Suryoyto Fayruz, hule şudoyo la bnaymothoye d’Lebnon dgıdmisım şuhlofe mathrone b’gawıd du…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, mawdacle d’Lebnon, kıtla u qetro dıkmişahlıf  lathro tawdithoyo dkıtyo masro cam hayle baroye, aw gabe, yaste mathabe.  Camgabıdathe, fatıryarxo Alraci sımle socurutho la citotho dıhzelın husrono ba furqoce qaşye dhawın bi arişkoyto Beyrut.  Bi cohnutho da 100 eşne…

U rişqutno d’Fransa Emmanuel Macron mawdacle i tahrazto da fulhone du rkowo di şultonutho d’Lebnon, laşan dmiqadım mcadronutho lu athro dı docır naqla hreto cal rağlothe.  Bıgawe di tahrazto dımahıtle Macron, kito şartat leşan folitiqore d’Lebnon u bebzabno komır; En a şartatani dılo mitanıhti la haye, kibe u athro d’Lebnon…

A sanode du gabo d’Hizbullah d’Lebnon wa sanode du zawco d’Amal, athmıl ba şoce dcasriye nafıq taxtuşe baynothaye bu zabno dımhagınwo bu zawho di şato hathto hijri.  Lfuth u tboco froso dhule u tebano mawdaclın ba taxtuşani mjarıh 3 matre gabe u ha farsufo mayıth bıthır mıd mawbalwo mjarho la…

Amerika mawdacla di aykanoyutho d’Lebnon matyo lu darğo haroyo dkulle du hrowo, u makadlaste dıklozım Lebnon dsaymo şuhlofe folitiqoye leşan dmitahwela mcadronutho Emwothoyto.  Megabo hreno, u rişqutno d’Lebnon Mişel Caun dımdafacle Hizballah mqabıl du fusqono du bethdino Emwothoyo d’Den Haag, Fransaste mawdacla du fusqono du bethdino d’Alhariri klozım dfoyıt la…

Bıthır mu fusqono dmıdle u bethdino emwothoyo dı Denhax bi sbutho du qatlo d’Rafiq Alhariri, u rişwazire dmeqım d’Lebnon Sacd Alhariri mawdacle dhathe i naqla qadmoytoyo bu makthabzabno da suikaste folitiqoye d’Lebnon kmitagle cali şrorutho.  Camgabıdathe, Amerika dmawdacla du fusqono du bethdino d’Lahay kımakıd du gabo d’Hizballa marıhbonoyo, İsroyelste mawdacla…

İ qadişutho du fatıryarxo di cito Suryoyto Qatholiqoyto Mor Bşara Bıtrıs Alraci, sımle qroyto dmitabde guboye gawonoye msarhıbe, u dmişakıl şultonutho dıkmathlo u athro wu camo Lebnonoyo.  Bebzabno, fatıryarxo Alraci tlıble dmıgrış u zayno mu gabo d’Hizballah dkıtyo u grub ihidoyo dkıtyo msalho b’gawe d’Lebnon.  Bu mamlo dsımle, u rişono…

U bethdino Emwothoyo d’Den Haag adyawma mawdacle, du bethdino dcalu qatlo du rişwazire catiqo d’Lebnon Rafiq al Hariri dıqtılwo bı furqoco cam 21 farsufe hrene.  Bu fusqono dhule u bethdino Emwothoyo, hkımle farsufo wa 3 hrene dkıtwın  hol ucdo thimoye bu tuyobo du furqocano, şrın mu thomano.  U qatlo d’Hariri…

Ayaqrotho da dıbhe da furqoce qaşye dhawın bi arişkoyto d’Lebnon Beyrut, tlıblın mu Mawtbo di Mşaynutho d’Emwotho Mhaydotho dmabde buhono calu qtolcamano dsim bu athro.  A yaqrotho da dıbhe, tlıbe dmibayın sictho ma istixbarat d’Amerika FBİ dmaydo ramhıl duktho ba buhone dıgmisomi cala furqocani dhawınwo 4 bu yarhano bı camber…

Bıthır ma furqoce dhawın b’Lebnon, u camo fayış dlo bote u hın mneye dlo muklo u dlo darmone. Mawxa a şutose du cameydan u Suryoyo-Othuroyo mşarelın dsaymi kampanyat di mcadronutho l’Lebnon.  Bi tahrazto dsımwo athmıl b’Suroyo tv, u cameydan mahwewole u snodeyde lu cameydan d’Lebnon, u be bzabno i sfaryawmo…

Yadıcthone emwothoye bu haqlo da zedqe noşoye, tlıblın dmisım buqore şarye u msarhıbe bi sbutho du furqoco dhawiwo i şabtho dşaficina bi mditho d’Bayrut.  Bebzabno, ayadıcthonani mahwelın ilothnihuthathe mi mardutho dlıkmimıd hşowo mnoşo b’Lebnon.  Menyono ma yadıcthone d’Ewmotho Mhaydotho bu haqlo da zedqe noşoye, bu buyono dıfrıslın athmıl lu tboco…

U mınyono da mithe kzoyıd bıthır ma furqoce dhawınwo, wa mtagılyone kımtalbi i istihfa du rişqutno du athro Mişel Cawın wa mşale di mşaynutho. A mtagılyone athmıl b’qatinto d’şetqo dıkalın mathkarlın a farsufe dımwayaclın ahayathe dımati u mınyonathe hul ucdo l’171 farsufe u ba olufat mjarhe u hın tmire tahte…

Nafıq li holo, da rişone folitiqoye d’Lebnon kıtwolın haj mu qento da mluwe dımfarqıci bu lmino d’Beyurt, u dhawın celtho lu qatlo d’163 farsufe u 6 alfo hrene dmijarhi.  Lfuth Rueters, mşale di mşaynutho dkıtne b’darğo celoyo b’Lebnon, mzaharwolın meqım u rişqutno wu rişwazire calu qento rabo dkito, da mluwe…

Bıthır mu furqoco dhawiwo bu lmino d’Beyrud d’Lebnon u ruğzo du camo lebnonoyo kul yawmo dkothe kzoyıd wu camo kmahwe u ruğzeydeste ba şuqone du athro. Me gabo hreno camgabe du mınyono da qoyume du parlemento dıgmıstahfın u mınyo da wazireste kzoytıd bıthır mıd i wazırto di kinuthoste maslamla i…

Bıthır ma furqoce dhawın yawme dı tlotho, hüanaqla u camo d’Lebnon nahıt la şuqone leşan dı jobır i şultonuthoı wa rişone du athro, d’torın mi wolithathe dmawbelın u athro lu tehriwo.  Me athmıl ba şoce dbıthır me falge d’yawmo, ba casro alfayo dcamo nahıt la şuqone u mazcaqle da rişono…

U metrofolito di marcitho d’Belçika, Fransa u Luksemburg Gewargis Gawriye camu mawtbo celoyo, frıslın egartho dıktulbi mcadronutho la sniqoye du athro d’Lebnon.  Me gabo hreno gıdmitayıb yawme d’Cruto 14 bu yarhano, bi şoctho da 8 u falge d’casriye, tahrazto hayo bu froshezwo d’Suroyotv leşan i mcadronutho du cameydan d’Lebnon, dıhzele…

Me gabo hreno i erişkoyto d’Fransa Paris, sımla adyawma baytoyutho l’video konferans cam rişone u mşale d’athrawotho frişe, bnişo dmitaltım snodo l’Lebnon.  U video konferansano, mşarewole bi şoctho da 2 bıthır me falge d’yawmo. U video konferansano dsim adyawma b’Paris, hadırile a rişone d’Amerika, Rusya, du Sin udı Mısır, tukose…

İ qadişutho du fatıryarxo Mor İğnatiyos Afrem II sımle socurutho li cito d’Mor Afrem dkıtyo bi Aşrafiye, bıthır ma furqoce dhawın b’Beyrut.  İ qadişutheyde camu hasyo Mor Thewofilos George Saliba u Mor Qlimis Daniel Gawriye karixi i cito u sımlın buhone calu hrowo dhawi bi cito. Bi socuruthathe d’Mor Afrem…

Msik 16 fqide du lmino d’Beyrut, bıthır ma furqoce qaşye dhawın bi arişkoyto bu şuroyo di şabthathe. Beyn da fqide dımsiki kito u mşalo du lmino u mşalo du gumruk.  Bebzabno bıthır mu şok dhawi cala furqocaniste, bıdele ucdo u camo dmahwe u hfuxyo wu ruğzayde mqabıl di şultonutho Lebnonoyto.…

Bu furqoco rabo dhawi athmıl b’Lebnon, u qentrun du gabo du Huyodo Suryoyo Tibeloyo dkıtyo b’Saydelbuşriye, hzele husrono rabo.  Bu furqoco rabo dhawi athmıl b’Beyrut u dmahrawale ban alfayo dbote, dukotho u hın citotho, u qentrun du gabo du Huyodo Suryoyo Tibeloyo’ste hzele husrono momunoyo. Elo tawdi l’moryo, da hawrone…

U waziro di baroyutho du athro d’Lebnon Nassif Hitti hule i istihfayde mi wazirutho u maslamle i egartho di istihfa lu rişwazire du athro Hassan Diyab. Lfuth u tboco froso du athro u waziro hule istihfayde me fothe dı latyo thınihoyo mi şıltonutho u cayış qatre camu rişwazire. Lfuth u…

U gabo du Huyodo Suryoyo Tibeloyo, sımle u duxrono da Sohde Suryoye dımharablın bı gaborutho bu qrobo gawoyo d’Lebnon.  U duxronano sim bu wahdo da Sohde Suryoye dkıtyo b’Saydelbuşriye, du gabo macmarwole i qoyumto da Sohde Suryoye ebe, wu mbayanwole dkıtyo u wahdo da Sohde Suryoye bi şato da 2012.…

Menyono d’fatıryarxe da citotho Suryoye u Armınoye layimi bu qentrun fatıryarxoyo di cito Suryoyto Marunoyto dkıtyo bu garbiyo d’Lebnon.  Bu knuşyano, drişo i aykanoyutho momunoyto d’Lebnon wa tahrazyotho citonoye di mcadronutho noşoyto.  U qentrun qaytoyo du kursiyo fatıryarxoyo Marunoyo di fnitho d’Aldiman bu garbiyo d’Lebnon, sımle athmıl safrayto baytoyutho l’knuşyo…

U gabo du Huyodo Suryoyo Tibeloyo d’USUP, mawdacle du qoyumo Suryoyo Tuma Çelik, kmisım hjomo acle, cal dmahwele caşinutho rabtho b’gawıd du parlamento dı Turkiya u d’maglele cali diktatoriye du rejim d’Erdoğan u dıtlıble mene dmıctarıf bu qtolğenso du Sayfo.  USUP bu buyono dıfrısle mawdacleste da şutose u hudre u…

U fatıryarxo di cito Suryoyto Marounoyto Mor Bışara Butrus al Raci, thımle u gabo şica d’Lebnon Hizballah bu kriz rabo dkito adyawma bu athro. Calu thomano’ste, hawile u rişqutno Michel Aoun ytawto camu fatıryarxo al Raci.  Elo u abro rabo du rişwazire catiqo d’Lebnon Rafiq al Hariri-Bahaa al Hariri, mawdacle…

Athmıl dkıtwe u yamo şatonoyo di hirutho d’Amerika, u camo Lebnono’yo dkıtle klayto cami qrayto d’Amerika bi sbutho d’Lebnon, sımle taglitho qum di rişizgadutho d’Amerika dkıtyo b’Beyrut u tlıble dmitawfiq u Hizballah xıd haylo folhoyo me Lebnon.   Bi maqırhonutho dhule u notarrozo du gabo du Huyodo Suryoyo Tibeloyo Mişel Mallo…

I tarmitho dımabdewole u gabo du Huyodo Suryoyo Tibeloyo leşan i mcadronutho lu cameydan tahtu ışmo Me lebo L’Lebo u kuleyna camıhdode; kımdawmo b’Lebnon.  İ claymutho du camo camu şutoso du Slibo Suryoyo, cam Shai Fund, mfaraqlın mcadronutho lu cameydan u sniqoyo dkıtyo bi golutho b’Lebnon, mu qentrun du gabo…

U kriz momunoyo qaşyo dıkloqele u camo Lebnonoyo tafi la haylawotho du gayso.  U ağro awkith u mcaş du folho Lebnonoyo dmanhıt hedor 85%, basroste haw fayış kmitahwele ba zabne du muklo.  U ajans athronoyo du tboco froso d’Lebnon, bi maqırhonutho dhule athmıl mawdacle du gayso Lebnonoyo maqımle u basro…

U rişono du gabo du Huyodo Suryoyo Tibeloyo İbrahim Murad hule maqırhonutho lu tbocofroso, bıthır mi maqırhonutho dsımole u waziro di baroyutho d’Amerika bi sbutho du snodathe l’Lebnon.  Murad bi maqırhonuthayde mırle: A şartat dmahıtla Amerika wan athrawotho Caraboye u Urifoye qum di şultonutho du athro leşan d’Lebnon dmiharıro mi…

U rişqutno d’Lebnon Mişel Cawın bi maqırhonutho dhule bi sbutho du athro, mzaharle cal qrobo gawoyo dkibe dhowe naqla hreto b’Lebnon.  U rişqutno sımle u mamlano bu zabno du knuşyo di mşaynutho dıczımwo ele.  Hani zabno yarixo b’Lebnon kımdawım u jğuşyo ba maqırhonwotho dıkmisomi, u bebzano a hayle baroyeste dkıtlın…

A taxtuşe dhawın athmıl casriye beyn da mtagliyone uda hayle di mşaynuthoba bu garbyo d’Lebnon, mdawamlın hola şoce du lalyo u bıthır kalın.  Ba tagliyothani dsimi mqabıl du kriz momunoyo d’Lebnon, mawdıc dımjarıh 72 farsufe; beynothaye 16 ma hayle di mşaynutho.  U kriz folitiqoyo u momunoyo d’Lebnon, kımdawım hani yarhe…

Bı Lebnon naqla hreto, amtagılyone nahiti la şuqone leşan dmahwın u hfuxyathe mqabıl du nhoto da zuze d’Lebnon dkul yawmo kımwayci timutho.  Ba tagılyothani dhawın b’dukotho mşahılfe amtagılyone mnaselın dcıbri lu bethmacırfo athroyo awkith li banka athroyto.   A tagılyotho d’Lebnon, hani zabno yarixo kımdawmi ba zabuqone da mdinotho mşahılfotho du…

İ sbutho du Sayfo dan Armınoye uda came Mşihoye, matyo l’darğo da farsufe dıkmısnodi me Erdoğan, dımsacri u dımhaqri a gelyunore dıksaymi droşe ba froshezwe bi sbuthathe.  Bi sbuthathe, u farsufo dıksoyım mamlo bışme dıha şutoso dıksonıd Erdoğan, b’şubhoro kımawde da Cuthmanoye qtilın an Armınoye u towo dsımlın.  Bıthır me…

U rişqutno d’Lebnon Michel Cawn, sımle qroyto lu huyodo Athronoyo bıthır mu cnufyo qaşyo dhawi ba tagliyotho dsimi bi arişkoyto Beyrut.  Ba tagliyotho dsimi bı dukotho frişe d’Beyrut, nafıq taxtuşe beyn da mtagliyone dıksundi gabe saqıbloye frişe. Bıthır mu qrobo gawoyo d’Lebnon, heş lo rakiwo i şawyutho u balans beyn…

İclaymutho du gabo du Huyodo Suryoyo Tibeloyo, mfaraqla mcadronutho bi fnitho d’Saydlbuşriye la yaqrotho sniqoye.  Bi mawdconutho dhiwo mırla; İ claymutho hzela sniqutho rabtho bu zabnano du cameydan kfoyıt bı casqutho rabtho u calathe sımlan i tahraztathe dmahıtlan ışma kulayna lıhdode.  İ claymutho du gabo du huyodo Suryoyo tibeloyo bu…

U rişono gawonoyo du gabo du Huyodo Suryoyo Tibeloyo Brahim Murad maqrahle cali tahrazto federaloyto dımabdewole u gabo bi şato da 2015.  Murad mırle; mahwele ftiho, da şultonwotho dkıtne qentrunoye shifi u law kobın funoyo la came bu Madınho Mescoyo. Wu Lebnon dkıtyo ha ma athrawothani, klozamla şuhlofo.  Bu knuşyo…

U gabo du Huyodo Suryoyo Tibeloyo d’USUP kımdawım dımqadım mcadronwotho noşoye lu camaydan dkıtyo sniqoyo bu taro du kriz momunoyo dıkloqele Lebnon. Xuroyo Alyas Jırjıs bi socurutho dsımle l’USUP mbaraxle u qentrun du gabo du Huyodo Suryoyo, u maslım ele sahme di mcadronutho du muklo, laşan dımfaraqlın la yaqrotho sniqoye…

Urişono du gabo du huyodo Suryoyo tibeloyo Brahim Murad sımle mamlo bu huthomo di tarmitho di mcadronutho me Lebo l’Lebo dımdawamla tıre yarhe. İ tarmithathe simowa bi mcadronutho du camo Suryoyo-Othuroyo calu darbo du froshezwo d’Suroyo du camo mahwewole lhiqutho u hubo dımcawın u camo dkıtle casqutho da haye bu…

U rişono du gabo du Huyodo Suryoyo Tibeloyo d’USUP İbrahim Murad, tlıble şubqono ma sohde du camaydan du qtolğenso du Sayfo, cal dlıqadır u gabo adşato dımtayıb htifutho xıd kul şato bi cıhnutho du qtolğenso da na’1915, mi celtho da tedbire dmidi mqabıl du kewo d’Corona. U mamlano sımle Murad,…

U rişono du gabo du huyodo Suryoyo tibeloyo Brahim Murad hule maqırhonutho lu tboco froso cali aykanoyutho di mcadronutho d’lu cameydan d’Lebnon. Bi maqırhonutho Murad kali cala gabe u şutose aw citawotho du cameydan dsaymi cam hıdode awyutho metul dkito sniqutho rabtho li mcadronutho. Brahim Murad bi qamayto mahkele cali…

U gabo du huyodo Suryoyo tibeloyo d’USUP, tlıble dmibayın mcadronutho du muklo u ştoyo la faqire d’Lebnon. USUP bi maqırhonutho dıfrısle lu tboco froso, mawdacle du kafno laşan asniqoye d’Lebnon mahıştır mu kewo du virus d’Coronayo. U rişono du gabo du huyodo Suryoyo tibeloyo d’USUP İbrahim Murad, bi maqırhonutho dıfrısle…

I mcadronitho du rişono du gabo du Huyodo Suryoyo Tibeloyo d’USUP mgabyonitho Layla Latte, mawdacla du leczo Lebnonoyo kımmathıl ha ma lecze camonoye du leşono Suryoyo kıthobonoyo. Latte bi maqıblonutho dsimo acma bu froshezwo d’Lebnon, sımla qroyto li şultonutho ulu camo Lebnonoyo dımbayni u Suryoyo xıd leşono athronoyo cal d’kımgaşım…

I şultonutho du rişwazire Hassan Diab, qmırla u tuxlono du parlamento du athro, walaw a mtagliyone sımlın protesto u rfıdlın i mdabronutho hathto.  Bu quwolo dsim athmıl bu parlamento, maqbılo hem i şultonutho hathto u hemste u plan du texliso du athro mi aykanoyutho umu kriz dıkşofıc ebe. Bıthır me…

U gabo d’Hizballa d’Lebnon, bıthır mu qatlo d’Qasem Sulaymani mıdle cal ruhe i mdabronutho da grube mzayne da Şica awkith d’Algaşd Alşacbi bu Iraq.  Lfuth mabuce Iraqoye, u gabo d’Hizballa mbayanle u mathlonayde bu Iraq şex Muhammad Alkawtharani laşan dmole i xalyutho dıtıryole Sulaymani.  Bıthır me zabno karyo mu qatlo…

Bu zabno da qoyume layimi bu parlamento d’Lebnon leşan u guboyo dcalu rişwazire, ucali şultonutho hathto du athro, a mtagliyone kfixi naqla hreto la zabuqone u rfıdlın i şultonutho hathto d’Beyrut.  Calathe bu zabno da mtagliyone sımlın protesto u quwolano du parlamento, nafıq taxtuşe beyn du camo da hayle di…