TURKIYA

MARMARA, Turkiya – A rişone zawgoye d’DEM- Tülay Hatimoğulları u Tuncer Bakırhan, cam Mehmet Rüştü Tiryaki-u tahlufo da rişone zawgoye dcali mdabronutho Demoqratoyto da karxwotho sımlın athmıl socurwotho l’9 mşale u folitiqore frişe dkıtne bu hbuşyo d’Marmara u nqilın egartho du şlomo udi demoqratoyutho. Beyn da 9 mşale, qoyume u folitiqore…

BETH NAHRAIN — U buyonano d’MUB ba melani kımşare; U trajedi wa tehriwe du qtolğenso dsim ban 1915 mqabıl da came Mşihoye şerşoye d’Bethnahrin u d’Anatolya, hani 110 ışne kımdawmi. Liyan, a came Mşihoye ban 1915 mi celtho di hiyoyuthathe, di haymonuthathe udi mardutho dkıtwolın, qtili. Bu qayto dan 1915, bi…

MIDYAD, TURCABDIN, Turkiya — Lfuth u tebo dmatilan me Turabdin, ftih ucdo dawra ruşmoyto du tewlifo du leşono Suryoyo b’Midyad People’s Education Center-awkith u Qentrun Yulfonoyo da Came b’Mıdyad. Malfono Adem Coşkun mqadamwole ba 2024 taşroro d’28 fothotho li wazirutho du yulfono, bnişo dmitacbır u leşono Suryoyo’ste bi tahrazto. Meqım…

ANKARA – U rişono du parlamento dı Turkiya Nucman Kurtulmuş, sımle athmıl socurutho la tre rişone zawgoye du gabo di şawyutho udi demoqratoyutho da came dı DEM parti Tulay Tülay Hatimoğulları u Tunjer Bakirhan. Lfuth u ajans d’Mezopotamia, u knuşyano sim bu benyono du parlamento sxiro lu tboco froso, ubu…

MIRDE, Turkiya – U bethtawso Emwothoyo d’Mardin Prof. Dr. Aziz Sançar, ftih athmıl ruşmoyith la fyore da şırak d’athrawotho frişe dbritho. A fyorani mşarelın lu bethtawso d’Mırde, bıthır mıd u rişqutno Turkoyo Erdoğan, mdele calu fusqonano. U şuşotano athi lu huwoyo, bıthır mi socurutho dsımwola ba 2024 taşdarto dımrayşıno mu qoyumo…

ANKARA – I taşdarto dı DEM parti kmişaklowa ma tre rişone zawgoye du gabo Tulay Hatem Öğulari u Tunjer Bakırxan, u acmaye ste a’tre tahlufe du rişono du grub dı DEM parti bu parlamento Gulistan Qliç Kotşeyit u Siza’yi Tamallı. Umi xasra d’AKP hadır bu knuşyano u tahlufo du rişono du…

ANKARA – U rişqutno dı Turkiya Rejeb Tayeb Erdoğan bu zabno dkıtwe bi tayisto dacoro mu athro d’Hungaria, mfanele cala şuwole da gelyunore. Erdoğan bu funoyo dhule cala qroytotho dkito adyawma dmitayıb nomuso esonoyo l’Turkiya mırle “Turkiya kmişahılfo, ubritho ste kmişahılfo. Ahna b’zabno hatho na, u ahna krımşina laf zabno…

STANBUL – I taşdarto d’Rusya mrayşınole u mşawrono du rişqutno Vladimer Medenski wi taşdarto d’Ukraina mrayşınole u waziro du sutoro Rusyom Omirov bı mıştawtfonutho d’mşale Amerikoye bi qadmoyuthaththe u waziro di baroyutho Marco Rubio.  Ba droşani dlıhadırlın u rişqutno d’Rusya Vladimer Putin, kle bu zyudo dkulle cali sbutho dmitabde şalyuthzayno l’zabno…

BETH NAHRIN – Murat Karayılan dkıtyo bi Sictho di Rişonutho di PKK mawdacle, di dawle Turkoyto klozım ucdo bşıkıl msarhıbo dmaqbılo qonune leşan dmıtfık u maşıqlano laf qıdam. Lfuth Karayılan u şuhlofo da qonune ucdo ğalabe ulsoyo’yo leşan dmitafıt la haye u fusqono du huthomo du ağono folhoyo. U şroyo di…

U malolo du notarrozo gawonoyo d’Ewmotho Mhaydotho Stefan Dojarik, m’ayadle u şudoco dsımle u gabo di PKK dmawdacle dışrele ruhe udımhalaqle u zaynayde, u mahwele ste sabro dhowe u fsuqonano şuroyo du maşıqlo du şroyo kamilo li sbutho Kurdoyto b’Turkiya.  Bebzabno, Dojarik bi maqırhonutho dhule li şabake d’Rodaw mawdacle du…

Ankara / ğarbay-madinho d’Suriya – Erdoğan bu mamlo dsımle athmıl b’Anqara, mawdacle dı Turkiya kmıtyaqno du şudoco dsımle u gabo di PKK dışrele ruhe, fusqono ulsoyoyo laşan du teqwiyo di mşaynutho du athro udu şlomo di fnitho, ulaşan di ahonutho aminoyto da n’abne di qutnutho dı Turkiya.  Erdoğan mırle ste “camu…

A hayle kaboşe d’Turkiya, sımlın ba yawme haroyani ba mowat d’hçome cala dukotho du gerilla di PKK bu garbyo du Cıraq. A cuqobani du gayso Turkoyo dıkmisomo hem mi naşfe u hemste mi hawa, kıjobır u gerilla’ste dımhame u dımdafıc ruhe. Bıthır mi egartho du rişono Kurdoyo Abdullah Öcalan leşan…

GIESSEN, ALMANYA – Athmıl bi tahrazto dilonoyto dımtaybowa harke bu froshezwaydan, klewo cali aykanoyutho da Mşihoye bu Madınho Mescoyo ubebzabno, frışwo duktho’ste bi tahrazto cali sniqutho dheş kıtte a dıbhe di cito da Rom Orthoksoye dım’athriwo mi zalzale dhawyo b’Turkiya 6 bu yarho d’Şbot da 2023.  Calathe’ste 7 şutose frişe du…

ANKARA – U rişwazire Cıraqoyo al Sudan wu rişqutno Turkoyo Erdoğan ba droşe dhawilın athmıl bu qusro di rişqutnutho dkıtyo b’Ankara, matın l’awyutho dmaqwın i methcadronutho dbeynothaye ubu tarano’ste, mdelın a 2 rişone mınyono d’maqırhonwotho bnişo dqudri dmaqwın a esorathe b’haqle frişe. Beyn da haqlani dımte l’awyutho u lu teqwiyo di…

BRUKSEL – U taşroro şatonoyo du komisyon d’Urifi bhaq dı Turkiya di şato da 2023 u 2024, kım’akıd da bazare di hadomutho dı Turkiya lu Huyodo d’Urifi heş magıldene, ubebzabno mawdacle di hadomutho d’Anqara lu Huyodo lıffayişo mede kyonoyo realistic bu taro da şuşote folitiqoye udu huquq dkito adyawma b’Turkiya. …

ANKARA – Athmıl layimi a rişone wa qoyume da gabe folitiqoye frişe d’Turkiya leşan dmathkıri u tahlufo du rişono du parlamento-mhasyo Sırrı Süreyye Önder dkıtwe bebzabno qoyumo mu gabo d’DEM u hadomo bi taşdarto d’İmralı leşan a droşe du şlomo beyn Turkiya wa Kurdoye. U cufoyo d’Önder malımwole u mhayadwole a…

ANKARA – U mşatsono di şırke rabtho d’Colony Capital Thomas Joseph Barrack nahıt b’Ankara leşan dımşare bi wolithayde i hathto xıd rişizgado d’Amerika b’Turkiya. U rişono Amerikoyo, mraşahwole Barrack li wolithathe ba 2024 wu athmıl’ste u senato du athro maqbele u renyo d’Trump b’60 qole d’E, mqabıl d’36 Lo. İ…

STANBUL – Me 15 bu yarho dşafıcina uholucdo, huwle u qoyumo d’DEM Sırri Süreyya Önder ağuno dmaxlıs a hayayde bi bethkrihe d’Stanbul bıthır mi jalta dqayıthwole. Elo athmıl fris u tebo mahişono, d’Önder hthımle u mrodayde bi harayto. U şunoyayde, xlıqle zmomo rabo wa mşadır mınyono celoyo d’egrotho da buyoye me…

STANBUL – Malolo mu gabo d’DEM huwle u tebo mahişono du şunoyo d’Sırrı Süryya Önder dkıtwe qoyumo du gabo, tahlufo du rişono du parlamento d’Turkiya u hadomo bi taşdarto d’İmralı, nqil adyawma bıthır me falge d’yawmo ma hayani bi bethkrihe. Önder nqwılwo 15 bu yarho d’Nison la bethkrihe mi celtho d’kriz…

U Hudro da Neşe Suryoye b’Turabdin mtayable hfitutho du cedo bu bınyono du Federasyon da Hudre Suryoye dkıtyo bi mdito d’Mıdyad. Bu zabnano dımqarawle u cedo di Qyamto du camaydan, sımle u Hudro da Neşe Suryoye qroyto la nacime di mdito uda qıryawotho dhedora, dabici dmıştawtıfi cama emothathe li hfituthathe.…

ARBO / TURCABDIN – Bu tebo dmıdwolan 7 bu yarhano me ajans Kurdoyo du qlimo, mawdacwo da garme dımqafın b’mcartho tahte di arco di cito d’Mor Dimet bi qritho d’Arbo b’Turabdin mu zabno du qtolğenso dsımwola i mamlaxtho da Cuthmanoye calu camaydan’wın. Lfuth i mawdconutho dmatilan ma Arboye, u tebano…

U taşroro dıfrısla i dafo Britanoyto d’Midel East İ, mathkarle d’Anqara u Darımsuq heş mu yarho d’Konun u Qadmoyo dşaficina bıthır mu tedriyo d’Başşar Alasad, ksaymiwo bazare camıhdode cal şıkıl dı qyomo di mudafaca awkith du sutoro. Lfuth u qyomano dıkmibahıs acle, Turkiya gıdım’amno haylo oyaroyo l’Darımsuq, u gıdsaymo ste…

TURKIYA – Athmıl casriye bi cohnutho du cedo du İftar du Ramadan, u ahuno d’Cabdalla Öçalan Muhammad Öçalan wu w’abro du ahunayde Cumer Öçalan camu qoyumo du gabo di şawyutho udi demoqratoyutho da came dı DEM parti u ferco d’Urhoy, sımlın socurutho lu hbuşyo dkıtyo bi gozarto d’İmrali b’Turkiya, laşan…

U hadomo du Huyodo da Kenşe d’Kurdistan di KCK Sabri Ök, sımle sturyo i şultonutho dı Turkiya cal dmacmasla caynotha mi qroyto dsımle u rişono di PKK Cabdalla Öçalan laşan du şlomo bu siqumo d’27 bu yarho d’Şbot dşaficina. Ök bi maqırhonutho dhule lu froshezwo d’Sterk TV mawdacle dcılmıd di…

STANBUL – A’hadome du mawtbo di karxutho d’Stanbul dıkmişakıl m’314 farsufe dkıtne bi sagiyutho mu gabo saqıbloyo di CHP, mnaqelın athmıl Nuri Aslan li rişonutho di karxutho d’Stanbul bıthır mıdmıdle 177 qole mda hadome du mawtbo bu quwolo dsim. Lfuth u froshezwo dı Turkiya d’NTV, Aslan gdımdabır zabnoyith a’sebwotho gawoye…

BRUKSEL – U ğrob rabo bu parlamento du Huyodo d’Urifi-dkıtyo u gabo Mnatrono da Mşihoye Demoqratoye-EPP dkıtyo bi rişonutho d’Manfred Weber, latyo thnihuthoyo mu qedomo d’Turkiya la folitiqore saqıbloye ula mtagliyone. Dilonoyith bi sbutho du msoko du rişono di karxutho d’Stanbul-Ekrem İmamoğlu dkıtyo u saqıbloyo rişoyo du rişqutno d’Turkiya Recep…

İ rişonitho zawgoyto di KCK Bese Hozat mahıtla şart qum Ankara u tlıbla mena garanti kamilo, meqım mıd u gerilla di PKK dtore mu zaynayde u dmışre. Hozat bu mamlayda kalyo cali ulsoyutho du terkiwo d’şartat towe leşan dqudro i PKK dsaymo i kongrayda u dımtabqo i qroyto du rişonayda…

SODERTALJE, Swed – Mawlud Çawuşöğlu u mathlono dı Turkiya bu Nato, bi socurutho dsımle lu Swed, laqi mathlone ma marciyotho di cito Suryoyto Ortodoksoyto camu qoyumo Suryoyo bu parlamento du Swed Yusıf Aydin wu sniğro İlhan Aydin. Bi ytawtathe, driş eba a’qetre u şuwole dkıtle u camo Suryoyo bi fnitho dı…

TURKIYA – ‘A yolufe bethsawboye mvayaclın u sabrathe bi demoqratoyutho, elo u darbaydan u ihidoyo mi aykanoyuthathe’ste i demoqratoyutho’yo’ ba melani a comure d’Stanbul kımdawmi a tagliyothathe mqabıl d’Ankara dkubco dmaydo u rişono di karxutho İmamoğlu mi wolithayde. Lfuth u mluwo da 127 du nomuso esonoyo d’Turkiya, u waziro di…

BRITHO – Bı maqırhonutho mşawtafto dfriso mi mşalonitho du Komisyon da esore baroye du Huyodo d’Urifi uğer mşale Urifoye, mawdaclın ilo thnihuthathe calu msoko d’Ekrem İmamoğlu. Bi egarthathe a mşale Urifoye mawdaclın, du msokano uda thomani athın lu huwoyo, mqabıl d’folitiqore dımnaqın mu camo, mqabıl folitiqore hfite, gelyunore, tagore u…

STANBUL – Holu zabno dıksayminawo a tebe, u rişono di karxutho d’Stanbul Ekrem İmamoğlu heş msikowe bide du polis. Calathe a yolufe da botaysawo d’Stanbul uba casro alfayo dıbnaynoşo mıştawtaflın la tagliyotho dsimi athmıl bi mdito. Adyawma’ste mahıtwola Ankara 4 yawme mnoco dmisım protestowiye bu athro, elo u camo naqla…

U rişkarxutho d’Stanbul b’Turkiya Ekrem İmamoğlu msik adyawma mu polis bıthır mıd sim cuqobo calu baytayde. İmamoğlu dıkmifaşıq u folitiqoro rişoyo dkıtyo saqıbloyo du rişqutno Turkoyo Erdoğan, bu normal gıdminaqe’wo cal qariwo mu gabayde di CHP xıd mraşho la guboye di rişqutnutho d’Turkiya dıkmıntır dmisomi ba 2028. Lfuth i hzayto…

MIDYAD, TURABDIN – Athmıl mati u nahşo di Sohıdto d’MUB İzla Neriman Özgun Rucyo li mdito dmawlıdo eba-Mıdyad, u mıstaqbıl ma hadome di iqartho, ma hawronayda da şutose d’Mawtbo Umthoyo d’Bethnahrin dımhalaxe u darbo haroyo acma, u gawonoyith umu camaydan dlayım me qıryawotho u dukotho frişe d’Turabdin ume athrawotho frişe…

MIDYAD, TURABDIN – Athmıl bu salon di cito d’Mor Barsawmo dkıtyo bi mdito d’Mıdyad, mtayıb caza li hadımto di Sictho di Rişonutho du Mawtbo Umthoyo d’Bethnahrin-Sohıdto İzla Neriman Özgun Rucyo, dgımınqıl adyawma u fağrayda li mdito d’mawlıdo eba, leşan dmitahwıyo lu cafro ba bethqbure di dayro d’Mor Abrohom. A hadome da…

İ mşawronitho catıqto di wazirutho di baroyutho d’Amerika Amy Austin Holmes mırla; İ qroyto du rişono Kurdoyo Öcalan lu gerillayde dtore mu zayno bıthır dore yarixe d’qrobo, gado ulsoyo u rabo’yo, dmitabdın a droşe hathe du maşıqlo du şlomo beyn d’Ankara wi PKK. Calathe Holmes sımla qroyto l’Amerika, d’sundo u…

ANKARA – İ rişonitho zawgoyto du gabo d’DEM Tülay Hatimoğulları, bıthır mi qroyto du rişono Kurdoyo Abdullah Öcalan, sımla qroyto li şultonutho d’Ankara dmihalqo dawsat qrithe leşan u maşıqlo du şlomo u mırla; A mele lhudaye, latne makfıyone-klozım’ste camlo. Ba memlani griş u zuhoro cali ulsoyutho du sebyono folitiqoyo leşan…

Bıthır mu dcorayda l’Stanbul, huwla i taşdarto d’DEM maqırhonutho lu tbocofroso u qrela i egartho dımşadrole u rişono Kurdoyo Abdullah Öcalan. Bi egarthathe i makthabzabnoyto, mıstaqbılo b’zuhoro bu tbocofroso Emwothoyo ubi qroytayde Öcalan tlıble mu gerilla di PKK, dtore mu zayno. Awkith Öcalan tlıble mi mdabronutho di PKK dlaymo leşan…

VAKIFLI, Turkiya – Bıthır mi zalzale dhawyo’wa bu tayman madınho d’Turkiya bu yarho d’Şbot da 2023, hzewole u qlimano u acme’ste dukotho d’Suriya, husrono rabo. Hdo ma dukothani du taymno d’Hatay b’Turkiya, i qritho harayto dkıtte an Armınoye b’Samandağ’yo. Elo, lfuth i dafo di Bianet, i aykanoyutho casqo di qrithathe…

STANBUL – 6 bu yarhano d’Konun u haroyo, masrıh şamoşo Andreas Gürkan lu darğo d’qaşo li cito d’Mor Afrem d’Stanbul. U zawho di masırhonutho du kohno hatho, simo mi mcalyutho du hasyo Mor Filksinos Yusuf Çetin-u hasyo di marcitho d’İstanbul, Ankara u İzmir. Abuna Andreas Gürkan, u kohne qamoyo dıkmitasrıh…

Bu zabno du qrobano dbeyn İsroyel u Hamas kımdawım hani 8 şabe cal hıdode, grışlın a mşale Turkoye u zuhoro d’Tel Aviv dlobo aftho la istixbaratayda d’Mossad, dsaymi cuqobe cala noqufe u hadome du tukoso marhıbono d’Hamas dkıtne b’Turkiya.   Ankara kımmo; En dothe dmisım hawxa hçome ban arcotho d’Turkiya,…

U turgomano dsim athmıl bu salon di cito d’Mor Hadbşabo bi mditho d’Polhaim bu qlimo d’Gissen, mşarele b’qatinto d’şetqo cali ruho da sohde du camaydan. Bıthır mqadım teşmışto ma tre kohne lahdo Aydin u Şemcun Qurqmaz dkıtwın hadire bu turgomano. U mşalo du yulfono d’Urifi d’MUB Romel Mişel, bu mamlo…

ANKARA – U qoyumo Suryoyo Tuma Çelik bi rmoyto du şwolo dımqadamle cali sbutho dmahıt ido me Toki dkıtyo şırke du bnoyo da bote masırto bi şultonutho d’Turkiya cali cito d’Mor Batlo d’Arbo uda bethqbure, lu waziro di mardutho Mehmet Nuri Ersoy ulu waziro di xazina Nureddin Nebati komır: “…

A şutose di mcadronutho u Slibo Suryoyo u Şlomo camu Federasyon da Hudre Suryoye b’Turkiya SUDEF yawme d’huşabo naqa hreto mawbelın mcadronutho du muklo, mlue du tendifo u dweşık la mşihoye dkıtne ba fınyono d’Antakya; Swediye Samandağ, İskenderun, Arsuz u ğer dukotho.    Camgabıdathe hdo ma tarmyotho dilonoye dkıtlın u Slibo…

ANKARA – Bi maqırhonutho dhuwla athmıl i rişonitho zawgoyto di HDP Pervin Buldan mırla; U gabo Demoqratoyo da Came-HDP wa gabe dkıtne acma, lıgmbayni mraşho la guboye di rişqutnutho dgımisomi 14 bu yarho d’İyor. İ HDP dlo mbayaynla mraşho, kibe dxolıq qetro qum du rişqutno Turkoyo Erdoğan dminaqe l’dawro hreno.   Bu…

Ad şato u Nawroz mcayıd bı mdinotho frişe d’Turkiya. A hfitwotho dımşarelın athmıl 19 bu yarhano ba mdinotho d’Stanbul, Ankara, Van, Mersin, adyawmaste maqitho i nuro du Nawroz ba mdinotho, Hakkari, Ağrı, Kars, Ardgahn, Karakoçan u ğer.  Mi cıltho da zulzole dhawi a hfitwotho du Newroz simi şalye u griş…

ANKARA – U rişono du Gabo di qutnutho du Camo CHP wu mraşho di rişqutnutho du gbino Camoyo Kemal Kılıçdaroğlu wa rişone zawgoye du Gabo Demoqratoyo da Came HDP  Pervin Buldan u Mithat Sancar sımme ytawto bu bınyo du Parlamento.    Bıthır mu knuşyo dı grışle şuctho, a tlotho rişone hulın maqırhonutho…

ANTAQYA – Mu zabno qamoyo du zulzolo a 3 şutose u Slibo Suryoyo, Şlomo wu Federasyon da Hudre Suryoye SUDEF me zabno l’zabno lfuth di sniqutho dkowele u camo mşihoyo b’Antaqya kmitawbelın mcadronutho dıklozamlın.   Athmıl naqla hreto u rişono du federasyo d’SUDEF Awgil Turker cam taşdarto mawbelın mcadronutho l’Arsuz,…

ANKARA – U hadomo di sictho qentrunoyto da fusqone udu tefitathe la haye bu gabo d’AKP Orhan Miroğlu huwle maqırhonutho l’dafo Rusoyto, cala şartat dmahıtle u rişathro d’Suriya Başar al Asad qum du rişqutno Turkoyo Erdoğan, leşan dhowe mkono l’ytawto beynothaye. Beyn da şartat dmahıtwole al Asad qum Ankara, tlıbwole mena…

TURKİYA – Adyawma ruşmoyith mabde u maşıqlo di kampanya da guboye du parlamento wa guboye di rişqutnutho d’Turkiya u ramhıl 19 bu yarhano, gıdmitahwe -hol 23 bu yarhano, aftho la folitiqore u mşale dımqaydi ruhaye la guboyani. İ kampanya da guboyani d’Turkiya gıdmdawmo hol 13 bu yarho d’İyor, u bıthır yawmo-14…

ANKARA – U qoyumo şaryo du camaydan bu parlamento d’Turkiya Tum Çelik, bu şuroyo di maqırhonutho di rmoytathe komır; Ba casro alfayo dıbnaymothoye mvayaclın a hayathe ba zulzole dhawın, ban alfayo mçarhi uba milyone’ste jbiri dtorın ma dukoththe.    Camathe a dukotho marduthoye catiqe di mdinoyutho d’mowat d’eşne, hzelın husrone rabe. Dukotho…

BRUKSEL – Bıthır mu knuşyo dsımle u Komisyon d’Urifi makadle naqla hreto i klaytayde bi sbutho du terfiyo du rişono du gabo d’HDP Selahattin Demirtaş udu hfito Osman Kavala dkıtne b hbuşye d’Trukiya.   Bu knuşyano, tlib dmitabıq u fusqono dmıdwo, dıklozım dmitarfe dlo kloyo u rişono catiqo Demirtaş. Be bzabno sim…

U Huyodo d’Urifi gıdımtayıb lumodo leşan u snodo da came dım’athri ma zulzole dhawın b’Suriya ub Turkiya. U Komisyon d’Urifi wi rişonutho zabnoyto du Huyodo d’Urifi dkıtyo ucdo bided du Swed, m’akade du lumodo u Emwothoyo gıdmisım 20 bu yarhano d’Odor. U lumodano gıdmisomo i baytoyuthayde mşawtıfo mi rişonitho du Komisyon d’Urifi…

A zulzole dhawınwo meqım yarho b’Turkiya u Suriya, xlıqlın haşo rabo ba lebawotho, lo belhude da came da tre athrawotho şbobe, elo b’lebe du kenşo Emwothoyoste, u mnase b’darbone frişe dmısnodi a dıbhe da gunhani du kyono.   Leşan i awyutho dcama dıbhe da zalzalat dhawın b’Turkiya u b’Suriya, zamore idice…

ANKARA – Bıthır mıd i rişonitho du gabo d’İyi Meral Akşener dmawdacwola dnafiqo mu ğbino camoyo da 6 gabe, a droşo siyasi şahini b’Turkiya.  Ba yawme haroye a mşale da gabe, wa mfaşqone siyasi hulın a hzayothathe mın gıdhowe, wu Gabo d’İyi man gıdsonıd ba ğuboye dıgdowın 14 bu yarho d’İyor. …

TURKİYA – Bıthır mıd mbayın u siqumo da ğuboye d’Turkiya a gabe wa zawce folitiqoye mşarelın dsaymi a hşowathe dmaydi qole zıttır. Bhawxa aykanoyutho şğışto siyasi 6 gabe dkıtwın bi saqıbloyutho mıtafaqwolın dcıbri la ğuboye camhdode laşan dmadrın i şıltonutho dha farsufo dkıtyo u rişqutno Erdoğan. A gabani dkıtne u Gabo…

TURKİYA –  Bıthır mu zulzolo dhawi bi fnitho d’Antakya d’Turkiya a citawotho da mşihoye dkıtne ba mdinothani du zulzolo hzelın husrono rabo.  Lfuth i socurutho dsımwole Suroyo TV la mdinothani, hawınwo sohude la citawotho dı shifi b’Antakya, İskenderun, Adiyaman, Altınözu Arsuz wi Swediye (Samandağ). Bi sagiyutho da citawotho dkıtne ba mdinothani…

TURKIYA – Ma yawmotho qamoye di zalzale dhawyo u Slibo Suryoyo wu Şlomo cami mcadronutho d’SUDEF mşarewolın dımşadri mcadronutho la mdinotho d’Antakya dıkhoye ebeye mınyono d’Mşihoye. Umu gabo d’Suriya’ste mşadarwo sictho dazza l’Holob uli Latiqiye leşan dmalhıqi i mcadronutho la sniqoye.   Bıthır mıd mqadmi a mcadronwathani da muklone uda bataniyat u…

TURKİYA – U qoyumo Suryoyo bu parlamento d’Turkiya Tuma Çelik  kımdawım dmamte lu yawmoyo du parlamento d’Turkiya a sebwotho dkıtte asirutho camu camaydan u cami mdito d’Mırde. Çelik mqadamle rmoyto d’şwolo bi sbutho da mşale qlimoye dı tlıbbe ma comure d’Nsibin; dlo tehwiyo sabab, d’qutci a dawme dkıtne ba arcothathe.    …

Bi qritho d’Ciwardo, b’Arkah ubı Hah b’Turcabdin, sımle u camaydan adşato’ste u cedo di Hano Qritho. Bi qritho d’Ciwardo u şutoso d’Surkadim wu camaydan mtayablın mşawtıfo u yawmano cama nacime u rabe. Bıthır mu tewlişo da lbuşe di kalo, karixi a nacime a bote di qritho bu zmoro di Hano…

İ qritho d’Mzizah qritho camırto cal şatho rwiho u arco msawaytoyo. Kıtwo eba ba 1870, 15 bote Suryoye: Xalaf Barse, Antar Sawme, Hınno Şamco u Ahunayde Sacdo, Gallo Şammo, Mirza Mascud, Safar Şamcun, Sawme Affo, Abdalla Malke, Afrem Şemun uahunayde Malke, Cıddo uabro d’Cıddo, Gawro Malke, Gawriye uabro du Şamoşo,…

BOĞDOD – U mawtbo di mşaynutho athronoyto du Ciraq dkımrayşanle u rişwazire Muhammad Şiyac Alsudani, sımle qroyto dmıftıh diyalog cam Turkiya bi sbutho du kriz da maye. U krizano i celthayde Turkiya yo dıkbınyo masxore rabe, ukmanqıso a’maye da nahre dıkxayri la n’athrawotho şbobe, baynothaye Turkiya. U makıthbo du tboco…

HATAY, Turkiya – Lfuth i dafo Kurdoyto d’Rudaw, i cito da Rom Orthodoksoye b’Hatay d’Turkiya kısaymo baytoyutho la dıbhe dfayşi dlo bote bıthır ma zalzalat dımhewolın u athro. Bi citathe kmisım 3 danat d’muklo l’5 alfo bnaynoşo dlaw fayışe duktho du fyoşo. Mınyono d’dıbhe Mşihoye u Maşılmone, kıfayşi ucdo bi…

ANTAKIA, Turkiya – Euronews.com, flipboard.com hın ma dafe dfrışlın duktho cali cito Orthodoksoyto qamayto dbritho dkıtyo b’Antakia u dıkducro lu doro qamoyo di Mşihoyutho ucalu masığdo d’Habib-l Nejjar dkıtyo mu doro da 7. İ citathe du camaydan dkıtyo i catıqto dbritho wu masığdo’ste u catiqo dkulle b’Turkiya, hariwi bi zalzale…

ANTAKIA, Turkiya – Lfuth i dafo d’Naharnet wu d’961 d’Lebnon, mqafyo i şlado Elias Haddad beyn da shifotho du hotel dıkfaşwo ebe bi mdito d’Antakia. Bu zabno da fulhone dsimi leşan u kroxo dcala şlade beyn da shifotho di zalzale dımhewola i mdito meqım şabtho, mqafo i şlado Haddad dkıtyo…

ALTINÖZÜ/ANTAKYA, Turkiya – Bi socurutho dsımle athmıl u gelyonoro du froshezwo d’Suroyo TV, Yahqub Mirza, li fnitho d’Altınözü b’Antakya, hzele me qariwo a rişone da waqfat da mşihoye dkıtne bi fnithathe u mıdlan mawdconutho cali aykanoyuthathe i harayto bıthır mi zalzale.   Bi şawtho d’Sarılar a’bote lıhzelın husrono rabo, elo…

MIDIN, TURCABDIN – U claymo Suryoyo Fikri Töre dımqafewo mitho mi zalzale dımhewola b’Adiyaman, mcafe athmıl bi qritho d’Midın b’Turcabdin. Lu zawho du cufoyayde dsim bi cito d’Mor Yahqub d’Midın, hadır u hasyo di marcitho d’Turcabdin Mor Timothawos Şmuel Ataş, u mıştawtaflele menyono celoyo d’kohne u dayroye u camo dhadiri…

Athmıl qayımwo u konvoy di mcadronutho noşoyto du Slibo Suryoyo, du şutoso d’Şlomo, d’Shai Fund, d’A Demand For Action ubi methcadronutho du Federasyon da Hudre Suryoye-SÜDEF mi mdito d’Mıdyad u nahıt l’Antakia Samandağ.Wu konvoyano’ste malyo’we battaniyat u çaketat şahine du sathwo. Adyawma safrayto mati u konvoy li mdito uba esore…

MIDYAT, TURCABDIN – A şutose du camaydan-u Slibo Suryoyo di mcadronutho, u şutoso d’Şlomo, u şutoso d’Shai Fund u A Demand for Action ubi methcadronutho du Federasyon da Hudre Suryoye-SÜDEF, matcane qamyun malyo bataniyat u lbuşe lu camaydan d’Antakiya dhzele husrono bi zalzale dhawyo. İ mcadronuthathe zwino, bu snodo dhuwle…

MIDYAT, Turkiya – Bıthır me tarte tahrazyotho dsimi b’Suroyo tv u dmaltım zuze la sniqoye dhzelın husrono bi zalzale dhawyo, u Federasyon da Hudre Suryoye zwınle bataniyat u lbuşe leşan dmitawbli la dukotho dkito sniqutho. Beyn da şutose dgımşadri mcadronutho me Turabdin la dukotho di zalazale kito u Slibo Suryoyo…

Frısle u Mawtbo Umthoyo d’Bethnahrin buyono calu zulzolo dhawyi bi Turkiya u Suriya. Bu buyonano dfrısla i Sictho di Rişonutho d’MUB kımmo; ksaymina qroyto la came d’Bethnahrin u d’Anatolya dmahwin awyutho bu yawmo mahişonano. ——— Buyono Mawtbo Umthoyo d’Bethnahrin ——— KSAYMİNA QROYTO LA CAME D’BETHNAHRİN U D’ANATOLYA DMAHWIN AWYUTHO BU…

TURKIYA/SURIYA – Adyoma me safro kımnasina dmaydina tebe ma dukotho di zalzale dhawyo  b’Turkiya u Suriya. I zalzalathe dhawyo bu zabno da bnaynoshe dkıtwene damixe, matharla cala husrone noshoye u momunoye. Bi mawdconutho dmıdlan me Holob hawi husrone da bınyone u hın ma shurone da citawotho dkıtlan hzelın husrono, u…

Bu zabno d’Amerika kımtaybo ruha dımzabno tayosyotho du qrobo d’F-16 l’Turkiya, 29 hadome-hem demoqratoye u hemste qutnuthoye du senato du athro, mdelın athmıl egartho dımşadro lu rişonathe Joe Biden ubi egarthathe, a senatore kthuwlın; Amerika lıklozım dımzabno tayosyotho d’F-16 l’Turkiya, hol dıksuxro u tarco du cboro du Swed u d’Finland…

ANKARA – İ rişonitho zawgoyto di HDP Pervin Buldan grışla u zuhoro u mawdacla, d’Erdoğan kit dothe dmabde bu yarho dıbqamuthayna, hamle hreto du kboşo dcalu garbay madınho d’Suriya. Buldan mawdacla, du rişqutno Turkoyo kmıstacmıl u qrobo dcalu garbay madınho d’Suriya xıd fırsa, dımvayıc u zuhoro cala guboye d’Turkiya dıkmıntır…

MZIZAH, Turcabdin – Msiki a ganowe di gnuwolin a tawrotho di iqartho Suryoyto mi qritho d’Mzizah d’Turcabdin. Lfuth i mawdconutho dmatilan mi iqartho Suryoyto a haylwotho di mşaynutho di jandarma dTurkiya msıkla 4 farsufe dık mithomi bu gnowo da tawrotho dı gniwiwo ba yawmotho d’şaficina. Xıd kıtyo idico u dıfrıswolan…

EDIRNE, Turkiye – Lfuth i mawdconutho dhuwla i HDP, mşadarla athmıl taşdarto lu hbuşyo d’Edirne b’Turkiya leşan ytawto camu rişono zawgoyo catiqo du gabo Selahattin Demirtaş. Bi mawdconuthathe i taşdarto mırla; Demitaş mhanele i taşdarto elo mawdaclela, du qetro da dacwat dftihi mqabıl dide, lıkmsamhi dımraşıh ruhe la guboye di…

ANKARA – U bethdino nomusoyo d’Turkiya, rfıdle u talab dımqadamle u gabo di HDP dmişawhıro i dacwa dftiho mqabıl dide u dfayşo lbıthır ma guboye du athro. Elo bu quwolo dsim bu bethdino, i sagiyoyutho da dayone lo maqbelın u talabano u mbayın zabno l’14 Odor leşan i HDP dqudro…

Bi egartho dıfrıslın a şutose du cameydan kımmi ahna a şutose dımdelan i maqırhonuthathe kıbcina dmawdci u tboco froso i sbutho dkıtyo ulsoyto lu cameydan dkuyo bi fnitho d’Turcabdin b’Turkiya. Ba zabne haroye u cameydan u suryoyo dıkhoye b’athrawotho mşahılfe d’britho mşarele dı maftel fothe lafu athreyde , kloqe b’casqwotho…

STANBUL – Athmıl casriye, nqil 2 farsufe ma haye u 6 hrene mçarhi bıthır mıd qdiho i nuro b’bayto qariwo li cito Armınoyto Qatholiqoyto b’Karaköy d’Stanbul. Calu yuqdonano dhawi, mabde ucdo buhono leşan dmidoco i celthayde wa mşale tawdithoye di cito wu hasyo Levon Zekiyan, azzın li duktho du gedşo.…

ANKARA / MERDE – U qoyumo bi rmoyteyde komır lfuth i mawdconutho dmatili hın ma comure da qıryawothani dhedor Nsibin inaqa dımşayelın cal hın ma arcotho dkıbci zwnilin, nafıq li holo di Ğazine hiwila li şirke d’TOKİ dkıtyo masırto bi şıltonutho d’Erdoğan. Lfuth i mawdconutho dkito Toki mofaqle hın ma…

U waziro du sutoro du Swed Pål Jonson lıkmitahwele aftho dızze l’Turkiya bi şabtho dıbqamuthayna-walaw qayıthwole zminutho mu bar’amnayde Hulusi Akar. İ ytawtathe, gıdhuwyo’wa i qamayto beyn da 2 wazire bıthır mu kriz diplomatiqoyo dhawi beyn da 2 athrawotho cali kalo du rişqutno Erdoğan, mcalqowa bi arişkoyto du Swed wu…

U qoyumo du camaydan bu parlamento d’Turkiya Tuma Çelik mqadamle rmoyto  lu waziro di Mardutho udu Turizm Mehmet Nuri Erksoy. Bi rmoyto kmitawdıc, lfuth i mawdıcontuho dkito bu tbocofroso, i daira da waqfat d’Omid dıkhıbşo i mdito d’Mırde’ste bıgawa, maclela a kırat da dkothe du fulhono d’Mırde i catıqto ba…

ANKARA – U rişmqimdino di Qutnutho du bethdino du Nomuso Esonoyo Bekir Şahin bi hıjje “a zuze dıkmitahwın l’HDP kmitıstacmıli larwal du gabo u kmitahwın l’nişe dkıtne larwal du qonuno, mqadamle u renyo du tekliyo di mcadronutho. İ sbuthathe dıdrişo, b’7 qole dmırlın LO 8 qole dmırlın E mid fusqonano…

BAB ALHAWA, Suriya – U şutoso du MIT, awkith bu leşono turkoyo Millî İstihbarat Teşkilatı, da n’istixbarat dı Turkiya, sımle athmıl knuşyo ğnizo camu tukoso marıhbono du Gbino d’Alnusra bi nuqazto du thumo d’Bab Alhawa bu garbiyo d’Suriya. Bu knuşyano gawonoyith drişo i sbutho da çatawiye uda marıhbone nuxroye kulle…

İqritho d’Anhel hdo ma qıryawotho rabe d’Turcabdinyo. Kıtla makthabzabno catiqo ucatiro. Cal dkıtyo bnitho cal rişıd talo celoyo, hedora kito şalwone. Anhıl mıltho Suryoytoyo kıthyo me Beth Nahle, yacni bayn da şalwone. Işma bu turkoyo Yemişliyo. Bu makthabzabno mir li qrithathe, Beth Nahle, An nahal, Deburitho, Anşil, Anhel, u Enhil.…

Adyawma mqadamla Turkiya a hamış nuqze lu Swed, leşan dqudro bıthır Ankara dım’aydo u cboro du Swed lu huyodo du NATO. Ba 5 nuqzani’ste, taqriban cayni mede kmıtlıb; Turkiya kıtulbo garanti di mşaynutho mu Swed. U Swed dmaqım u mnoco du zebono d’zayne l’Turkiya. U Swed dmakle u snodayde li…

Ba şabe haroyani, kowe ğalabe droşe b’Turkiya cali sbutho da galwoye dkıtne bu athro u dilonoyith bu tbocofroso kenşoyo, dıkgorış u zuhoro calu qento dıkmşakli a gabe galwoye mqabıl da neşe Turkoye. Walaw layto istatıstik dıkm’akıd da galwoye’ne dbu zyodo kımaşın rdufye cala neşe, hın ma gabe folitiqoye kımaşın propağanda…

Bu şuroyo di şatathe u gabo di CHP mawdacwole dgısoyım takılyotho b’mdinotho mşahılfotho bu ışmo; u qolo du camo. Bıthır mıd sımwolın i taklitho qamoyto bu yarho d’Konun u haroyo di şatathe, athmıl sim u trayono b’Stanbul me darbe di taklitho dgımisomowa bu normal b’Bursa. Elo bıthır mu msoko di…

Bi maqırhonutho dhiwo athmıl mu rejim du rişathro d’Suriya Başar al Asad, rfido i qroyto du rişqutno Turkoyo Erdoğan leşan u garbyo d’Suriya dmitarkıw xıd qlimo mşayno. Lfuth u rejim; Hathe maqırhonutho raxis’yo u kımaglıyo cali siyase qşitho d’mdabronutho dıkmaşyo metode lo noşoye. U funoyano di şultonutho d’Darımsuq athi lu…

KAFRO / TURCABDIN – A hadome da şutose du Mawtbo Umthoyo d’Bethnahrin camu qoyumo şaryo du cameydan bu parlamento d’Turkiya ucama mothonoye, mathkırlin u Sohdo d’MUB Matay Rabo b’zawho dsim calu qawreyde dkıtyo bi qrithayde d’Kafro i tahtayto b’Turabdin. Bıthır mi qatinto d’şetqo, u qoyumo şaryo du cameydan bu parlamento…

A mşale Turkoye kşıflın u sistemano da hlile dkıtyo 30 metrowiye tahte di arco d’bayto d’2 taboqe, bu zabno dhın farsufe gnıwolın athare mene. Hathe hawyo celtho, dmitabde hfaryotho bnişo dmitaxlıso i dukthathe ma tenhibe. U sistem da tunnelani nafıq li holo bıthır ma buhone dsimi, dıkucri l’meqım alfayo d’eşne-lu…

CNN Travel dkıtyo dafo leşan a socure-a turist, frısla mimartho cali mdito catıqto d’Mırde b’Turabdin. Bi mimarthathe kmitahke calu şufrayda, cala bote, dayre citotho mşahılfotho, masığde, cala came cala haye fşite dıkhoyın bi mditathe dkıtla makthabzabno catiqo dban alfayo d’eşne. Bebzabno friş duktho la kefe da şurone hewore u mzayne…

İ dayrathe dımşarele hani zabno bu heththotheyda bi rişonutho du şamoşo Fadi Gewargis dkıtyo bu şerşo mi qritho d’Kafşıne ubu snodo da Mıdhoye, wu hın man abne du cameydan dıkhoyın bi golutho ubu athro, adyawma malyowa camo-rabe zcure, neşe, gabre leşan dsaymi u duxrono d’Mor Basus u Şuşan hothe. Bıthır…

OMID, Turkiya – I citathe da Armnoye dkıtla maktabzabno catiqo hathe inaqa da tarteyo dıkmihathitho ba zabne haroyani, bıthır mıd mhatthowa bi şato da 2012 bi mcadronutho da Armnoye u di karxutho du zabnawo mahırwo naqa hreto u gniw yaqirotho mena ba taxtuşe dı mabdewola Turkiya mqabıl di claymutho da…

U mathlono di fatıryarxutho sımle i socuthathe bi cohnutho du cedo di qyamto d’Mşiho. Qaşişo Avedis Tabaşyan bi qamayto sımle socurutho li cito Suryoyto ortoduksoyto dkıtyo b’Alcaziz du kohneyda dayroyo Muşe Dağ. Qaşişo Tabaşyan bi citathe da Suryoye sımle qerowo du cedo la Armnoye dıkhoyın bi mdito d’Alcaziz. Bu qurobano…

MERDE/ANKARA — Bu yawmano dkıtyo u yawmo da falohe dıbritho dı maşımci u qolathe u dı tılbi sıttır zedqe u qoyumo du cameydan bu parlemento d’Turkiya Tuma Çelik frısle maqırhonutho bi dafeye du twiter dkımhane u yawmano da falohe emwothoyo. Çelik bi maqırhonutheyde komır ahna latlan mede dxusrina mawxa klosım dımdawmina…

Yawme d’Tre dşafıcina, hkımwole bethdino Turkoyo u hfito Osman Kavala cımre kule lu hbuşyo ma thome du şeçoco da tagliyotho d’Gezi udu tedriyo di şultonutho d’Ankara. İ sbuthathe d’Kavala, xlıqla hfuxye u hem u bethdino da hawbe d’Urifi u hemste a hayle du macırbo kımawdıci, bıthre du fusqonano dmid cal…

BETHZABDAY – U filmano dımhaydır me Hakan Aytekin, kımahke i teşcitho d’mınyono mi claymutho d’Bethzabday mu zabno dkıtwın bu athro u bıthır dımbarbzi la athrawotho di golutho, wa hayathe aydarbone u mın kmıftakri calu athro-dilonoyith cal Bethzabday. U filmano dfrıswo meqım mi Corona bzabno karyo, mahwewo bhın dukotho du cameydan…

Bu syomido du rişhsayo di marcitho d’Omid di cito Kaldoyto dı Turkiya hasyo Mor Remzi Karmo, u şamoşo Ewengeloyo Fahıd Aal Murad masrıh yawme d’Huşabo dşaficina lu darğo di kohnutho u hawi u rucyo mşablono di marcitho d’Omid Diyarbakır dı Turkiya. U tekso di masırhonutho sim bi methcadronutho du Monsinyor…

TURCABDIN – Bu athro da abohotho bi Gozarto d’Bethnahrin, u cameydan bıthır me 2 eşne di Coroan, sımle socurwotho la bethqbure u acme bece, kliça u şakar leşan dmifalği lu camo dıkhodır ba bethqbure la slawotho dıkmisomi ma kohne cala canide. Bıthır mi slutho dıkmisomo, u camo kızze la qabre…

U bethdino d’Stanbul, mbarele u tagoro wu hfito da zedqe noşoye Osman Kavala ma thome di goşuşutho, elo hkımle cımre kule lu hbuşyo, cal dhze moro d’hawbo cala tagliyotho d’Gezi dsimiwo ba 2013. Camgabe d’Kavala, hkim’ste şawco thimoye hrene l’18 eşne hbuşyo. Mqabıl du fusqonano du bethdino’ste, mahwela Amerika wu Huyodo…

STAMBIL – İ cito d’Aya Sofya dkıtyo bi luhitho d’UNESCO ba ışne dşaficina u rişqutno Erdoğan huwole fusqono dmişaılfo lı masığdo da maşılmone laşan dmahwe la noqufeyde dkıtne maşılmone sımle u mede dkıbci. Bıthır mu şuhlofano dhawyo masığdo u mınyono da socure zayıd kmitawmır elo hathe lı kuthyo li macne…

BRUKSEL – Xıd kull şato bu siqumano, frısle adşato’ste u Huyodo Suroyo d’Urifi-ESU buyono bu duxrono şatonoyo du qtolğenso du camo Armınoyo. Bu buyonano mawdıc; Bu yawmano d’24 Nison d’şafıc 107 eşne, kımathkırina u kımyaqrina i ruho da Sohde dnafiliwo bu qtolğenso dsımwo ban 1915 calu camo Armınoyo mi mamlaxtho…

ANKARA/OMID – U parlemento d’Turkiya heş lıq mtahmıl dhowe mamlo awste dmitamte bahıs du Sayfo da 1915 dhawi cala came mşihoye. Ba yawmotho d’şaficina u qoyumo du gabo di HDP Garo Paylan mqadamwole rınyo dmimid qonuno di mawdyonutho calu qtolğınso elo madcır mu rişono du parlemento u lo trele dmidrış.…

ANKARA/OMID – U qoyumo di HDP Garo Paylan mqadamle renyo lu parlamento d’Turkiya leşan dmisım qonuno bnişo dmi’amno i barmothoyutho di qutnutho d’Turkiya. Paylan mahkele cala gunhe dsimiwo ba 1915 dıkmidoci b’ışmone frişe-mathlo an Armınoye kımmilın-Medz Yegern awkith a gunhe rabe, wa Suryoye Kaldoye Othuroye Oromoye kudcilın bu ışmo du…

ANTAKIA, Turkiya – Bi şabthathe dkıtyo i şabtho du haşo lfuth u tekso da citotho Orthoduksoyutho, a Mşihoye dkıtne b’Antakia sımlın zuyohe da yawmothani-da uşacne holu cedo di qyamto dkıtyo ramhıl yawme d’Huşabo. Ba citotho di fnitho d’Antakia dıkmote u mınyonathe l’şwac çamacat, yawme d’Huşabo abohe u emotho cama nacimathe…

MERDE – U qoyumo du cameydan bu parlemento du athro d’Turkiya Tuma Çelik mqadamle rmoyto lu waziro du turizm u di mardutho Nuri Ersoy dıg gorış u zuhoro cali dayro d’Mor Afrem dkıtyo bi mdito d’Merde. U qoyumo bi rmoyteyde kımşayıl mu waziro cali dayrathe dı mahto bu qento du…

İqritho d’Anhel hdo ma qıryawotho rabe d’Turcabdinyo. Kıtla makthabzabno catiqo ucatiro. Cal dkıtyo bnitho cal rişıd talo celoyo, hedora kito şalwone. Anhıl mıltho Suryoytoyo kıthyo me Beth Nahle, yacni bayn da şalwone. Işma bu turkoyo Yemişliyo. Bu makthabzabno mir li qrithathe, Beth Nahle, An nahal, Deburitho, Anşil, Anhel, u Enhil.…

MIDIN/BSORINO/MARBOBO, Turcabdin – Adyoma ba şoce d’falge d’yawmo hın ma citawotho du cameydan d’Tucabdin mşarewolın bu tekso du zuyoho du Slibo u bıthır mkamelın lafa şoce dcasriye i qwarto d’Mşiho dkul şato kmisomo. Be bzabno bu yawmanoyo da citawotho kımqadşi a maye bu dımyo du zabno di sqifutho dımşiho u…

ANKARA/MERDE – Çelik bi rmoyto dı kthiwole lu mcadrono du rişqutno Fuat Oktay komır, ba ışne d’şaficina mahtawo qonuno da faturat du kahrobo da botay slutho da mşihoye u da knuşyotho da yudoye gıdmitahwınwo ma mşale di tawditho maşılmonitho. Elo a fatorani mahti tahte şartat dmitahwe belhude u kahrobo dgawe…

ESTEL, Mhalmayto – A hfaryothani dsimi bu zabnano maglelın naqqa hreto da bınyone dkıtne camire b’Mıdyad u Estel kito tahtaye bınyone hrene dıkmote u maktbzabnathe la dore catiqo du matkatzabno d’Mıdyad dkıtwa bu ışmo Matiat. Bu tebo dıfris bu tboco froso qlimoyo kmahke da hfaryothani mşarelın bu taro du tendifo…

U Mawtbo Mdabrono du Huyodo da Neşe d’Bethnahrin, mawdacle u hfuxyayde mqabıl du plan du sxoro dha ma ğrobe rişoye dıkmhafıd cala zedqe da neşe b’Turkiya u kıtyo ışme u plattform; Gıdmaklena a qatle da Neşe. Bu şuroyo du buyonano d’HNB kmitamır; Mu zabno d’şfic lu sistem du gawro hkomo,…

Bi şato da 2020 bu yarho du ha frıswolan u tebo di iqartho d’Be diril Hermız u Şmuni Diril  dıkcayşiwo bi qritho d’mahre  d’Şırnax htifi u layto tebo cala hayathe. Bıthır b’65 yawme athi u tebo mayiro dımqafyo i şlado di mnohto Şmuni Diril dı qtilo bşıkıl barbroyo dmahwewo ma…

MIDYAT, Turcabdin – Bi cohnutho du cedo di Qyamto dıkmicayıd lfuth u surgodo hathto Grigoroyo, u federasyon da hudre Suryoye dı Turkiya d’SUDEF, bi maqırhonutho dıfrısle bi dafayde, mqadamle tahanyotho lebonoye la Mşihoye Qatholiqoye dıbritho dilonoyith lu camaydan u Suryoyo Oromoyo Othuroyo Kaldoyo dıktobıc u surgodo hatho. SUDEF bi maqırhonuthayde…

ANKARA/STANBUL – Athmıl ban alfayo dıbnaynoşo hadiriwo ba tagliyotho dsimi b’mdinotho frişe d’Turkiya; beynothaye Ankara u Stanbul, mqabıl du nesyuno du sxoro du Plattform d’ışme; Ahna gıdmaklena u qatlo da Neşe. Yawme d’Arbco dşafıcina u mqımdino d’Stanbul mqadamwole şkıwe bnişo dmısxır u plattmormano ma thome, dıkmaşe fulhone dkıtne mqabıl da…

OMID/MARDIN – U qoyumo Suryoyo bu parlamento d’Turkiya Tuma Çelik bi egartho dıfrısle bi dafeyde du twitter kommır  u camo mşihoyo kımcayıd u cedo di qyamto bu telolo da qrobe, da kewe, u di  faqirutho. Bu zabnano dıkmitahız bu fsoqsabro kımcayadno u cedo di qyamto dkobelan sabro rabo la zabne…

STANBUL – Athmıl mabdele u rişwazire du qlimo d’Kurdistan Masrour Barzani socurutho lu qesro di rişqutnutho dkıtyo b’Stanbul u laqi mşale frişe u bıthır’ste u rişqutno Recep Tayyıb Erdoğan. Elo bu zabno di socuruthathe d’Barzani l’Stanbul, xıd kull naqla dhawi bu dacbar, a hayle Turkoye’ste sımlın cuqobe cal qıryawotho d’Nuhadra…

ANKARA/SCIRT – Bıthır mıd i şyltonutho d’Turkiya huwola aftho lu tecmiro d’dukane calan arcotho di Nawale da Qasobe dkıtyo wahdo d’405 dönume u dkibe qabre mkanşe mu zabno du Sayfo hola zabne haroye da Fayili meçhul u ğer qatle, kımdawmi a hfuxye du gabo di HDP mqabıl du fsosano dhuwla…

BETHQUSTAN U DERQUBE, Turcabdin – A mşale di nuqazto da cobe dkıtyo b’Mıdyad u Merde mıdwolın fusqono dı qutci a dawme da turone di qritho d’Bethqustan u Derqube, i sbuthathe u froshızwo d’Suroyo maşmacwole u tebano u be bzabno mawdacwole a hfuxye da şutose du cameydan la mşale du qlimo.…

STANBUL – Kadın Cinayetlerini Durduracağız Platformu-awkith u plattform-Ahna gıdmaklena u qatlo da neşe, dkobe ağono leşan a zedqe da neşe b’Turkiya, kıloqe ucdo qetro hreno rabo ba fulhone dıkmaşe leşan u hefodo da zedqe da neşe bu athro. Mqabıl du tukosano, ftıhle u makthbo du mqımdino d’Stanbul dacwa mqabıl dide…

ANKARA/SIIRT – İ şultonutho d’Turkiya huwla aftho lu tecmiro di Nawale da Qasobe, dkıtyo duktho dkiba qabre mkanşe mu zabno du Sayfo hola zabne haroye da fayili meçhul u ğer qatle. Mqabıl du fusqonano dkıtyo mqabıl di noşutho, 7 qoyume di HDP azzın li duktho leşan dmahwın hfuxyo mqabıl du…

HASANA, Beth Nahrin – U mnohnafşo d’Qaşişo Mette Eksen mawladwo bi qritho d’Kösrali bi şato da 1933 masrahwo kohno li cito di qritho bi şato da 1958, u bi şato da 1991 kmicbır li golutho xıd ğalabe mu cameydan u kroku bu athro d’Hollanda. Yawme dhuşabo 5 bu yarhano d’Nisin…

U galwoyo Suri Yusıf Cakş Bala dcımre 36 ışne, qtil m’tre farsufe Turkoye bu hçomo dsımlın acle ba skine bi mditho d’Kayseri bu qlimo d’Anatolya bu mesco dı Turkiya. Lfuth u tboco froso dı Turkiya, u galwoyo Suri Bala qtil bu mhoyo dımhe b’ale naşıfto b’dukotho frişe du fağrayde m’tre…

A comure di qritho d’Arkah ba şoce d’Safrayto latimiwo lıhdode bu wahdo dı qmi qritho u mşarelın dımhagın bu yawmo d’Akitu. Bu yawmano a comure rabe zcure neşe gabre latimwo calu gelo yaroqo dkıtwo bu wahdano. Camgabe da droşe dhawınwo bayn da comure di qritho, I claymutho mşarewola dmahuyo raqde umthonoye…

Ahmet İskender dkityo ha ma mcawnone du qatlo du gilyunoro Arnmnoyo Hrant Dink msik bu athro d’Kırğizistan u maslım lu athro d’Turkiya. U farsufano dkıtwo 12 ışne u  ışto yarhe hbuşyo acle mahzmwole mu athro d’Turkiya bu passport mzawro du ahuneyde. Bi sbutho du qatlo d’Hrant Dink meqım ste mawdıc…

İ wazirutho du Sutoro Athronoyo d’Turkiya mawdacla, bu zabno dıkmdawmi a cuqobayda calu gerilla di PKK bu garbyo du Iraq, qtil ha ma folhayda b’furqoco d’foquctho dmahto calu darbo. Me gabo hreno kmitawdıc, da hayle kaboşe d’Turkiya kımdawmi bu qşoco da dawme da cobe di hiğmonutho d’Nuhadra. Bu zabno da…

U qoyumo şaryo du cameydan bu parlemento d’Turkiya Tuma Çelik bi rmoyto dımqadmole lu waziro di zarocutho u da cobe Bekir Pakdemirli grışle u zuhoro cala akore dkıtne b’Turcabdin dıklozım micawni. Çelik bi rmoyto kımşayıl mu wazir mın mcadronutho gıdsoyım la akore, u bebzabno mın fulhono gıdsoyım mqabıl da şıkwat…

A Mşihoye dkıtne bi mdito makthabzabnoyto b’Antakya, mşarelın bu froso di dafo du nawlo dmahıt ışma NEHNA-awkith Ahna. A mawfqone di dafo kımmi; Ahna a Mşihoye Orthodoks dkıtna tahte da ışmone; A Orthodoks d’Antiyuxiya, A Orthodoks dıkmalli Caraboyo, A Ortodaks Caraboye, A Nasraniye-gawonoyith ahna u camo dheş u ışmeyde tam…

U qoyumo şaryo du cameydan bu parlamento d’Turkiya Tuma Çelik bi rmoyto dımqadamle lu tahlufo du rişqutno, kıgorış u zuhoro cali wazirutho di tawditho dlıknıfqo moro la citotho u dayre du athro. Çelik bi rmoytayde dıkmahke cala zuze dgımitahwe li waziruthathe dgımitasrıfi dlo kinutho u dgımitahwın kulle la şırak dkıtne…

U qoyumo şaryo du cameydan bu Parlemento d’Turkiya Tuma Çelik mqadamle rmoyto laşan dmitahwe fsoso lu tewlifo du leşono Suryoyo bu athro d’Turkiya. Bi rmoyto dımşadrole lu waziro du yulfono  d’Turkiya Mahmut Özer kımşayele en i wazirutho kıtla tahrazto dı fıtho madraşto du leşono Suryoyo. U qoyumo bi egartho di…

A comure di qritho d’Bsorino bi fnitho d’Turcabdin d’Turkiya mahwelın i fsihuthaththe cal dsımlın u futoho da bethsocure dmahıt ışme bethsabro. Lu futohano dsim bi rişonutho du hasyo d’Turcabdin Mor Timathewos Şmuel Aktaş mıştawtlın comure ma qıryawotho da suryoye d’Turcabdin u mi golutho cama tre farsufe dkıtne a sanode di…

U Federasyon da Hudre Suryoye b’Turkiya, sımle u duxrono da Sohde du Mawtbo Umthoyo d’Bethnahrin, dıknofıl 10 bu yarhano d’Teşrin u haroyo. Bu duxronano dsim bu benyono d’SUDEF, mqadım mamle u mahwe u masıdro dıkmahke calu makthabzabno da Sohde du ağuno da doronoye. İtahrazto mşarewola b’qatinto d’şedqo cali ruho da…

Bıthır mu cuqobo dsımle u rişqutno Erdoğan calu Bank Emwothoyo du athro, u timo da zuze d’Turkiya naqla hreto nahıt mqabıl du dollar u dğer zuze hrene. Erdoğan athmıl blalyo xıd kull naqla dıksoyım, mıdle 3 ma mşale du Banka u mahıtle tre hrene bıdukthaye. Bu zabno haroyano inaqla du…

U qoyumo şaryo du cameydan bu parlamento d’Turkiya Tuma Çelik, frısle maqırhonutho dıkmathkır eba u yawmo şatonoyo da Sohde du Mawtbo Umthoyo d’Bethnahrin-MUB . Çelik komır; A sohde, u mede timo dkıtle camo’yo wu camo Suryoyo, bu maktabzabneyde dilonoyith bu Sayfo, hule Sohde sagiye. U qoyumo şaryo du cameydan Tuma…

U rişono di sictho da esore baroye di kongre d’Amerika senator Bob Menendez, krıhle a fulhone lo qonunoye du kroxo dcalu ğaz dıkmaşyo Turkiya bu madınho du yamo Mescoyo. Senator Menendez dkıtyo mu gabo Demoqratoyo, bi maqırhonutho dfrısle bi dafayde mawdacle da fulhone dıksaymo Turkiya, kıdayşi i morutho di fnitho…

Abuna qaşişo Yusuf Akbulut dkıtyo idico me Omid, hawi kohno li qritho d’Ciwardo bıthır mıd trele mi cito d’Yoldath Aloho d’Omid. Qaşişo Yusuf bi şabtho d’şaficina mqarawole la comure di qritho d’Ciwardo ubu zabno du qayto’ste maqrewole a socure dnahitiwo man athrawotho di golutho. Abuna qaşişo Yususf Akbulut bıthır mıd…

U qoyumo şaryo du cameydan bu parlamento d’Turkiya Tuma Çelik frısle kthowo hatho dıkmahke ebe calu rkowo du cameydan ba qıryawotho d’Turabdin u hedora wu mın yortutho trelın bıthraye u aydarbo maxlın ma dukothathe. U Kthowano dmahıt ışme i Mşatsonutho da Suryoye b’Turabdin, fris lu zebono. U kthowano dkıtyo 184…

U rişqutno d’Turkiya Recep Tayyıb Erdoğan, mqadamle rmoyto leşan dmitaqimo i hasinutho d’arbco folitiqore saqıbloye. A farsufani’ste, u qoyumo Armınoyo bu gabo Demoqratoyo da Came-Garo Paylan, Meral Danış Beştaş, Hüda Kaya wi folitiqorto di DBP Salihe Aydeniz. Lfuth u tebo dfrısle u Qentrun da Buhone d’Stokholm leşan u Şlomo, i…

Yawno Metin Yaramiş u mgabyo di qritho d’Gaznağ mqafe mitho bi qritheyde. U mnohnafşo dkıtwe ha ma dacore di qritho athmıl mcafe biqritheyde  bi mtaybonutho dmınyono ma comure di qritho u farsufe hrene dathın me dukotho mşahılfe. Bi mawconutho dmatilan mu qlimo d’Hakari u mgabyo di qritho d’Gaznağ dkıtyo bi …

U qoyumo şaryo du camaydan bu parlamento d’Turkiya Tuma Çelik, mqadamle rmoyto dışwole lu waziro di mardutho u du turizm Mehmet Nuri Ersoy u kımahke cala timoyotho marduthoye u makthabzabnoye du camaydan b’Turkiya. Ba şwolani du qoyumo Suryoyo Çelik lu waziro Turkoyo dkobıc dmifanın b’kthawto, kımşayıl cali ctidutho di cito…

Hılto Rihane Jıbbo hayowa i athto dımşahlafwola i hzayto catımto dkıtwo cali athto Suryoyto b’Turabdin. Bi mimartho dkthule Yusuf Sağ bi sfaryawmo d’İdil Haber, kımahke cali hılto Rihane aydarbo b’gaborutho sımla zabno yarixo i mgabyutho di qritho d’Midin. U kothubo Yusuf Sağ dımahıtle ışme di mimarthayde; İ athto qwitho dımşahlafla…

Magle, dkito şabake b’Turkiya dıkmıstacmılo a tahwiyotho ruşmoye catiqe du camaydan dıkhoye ucdo bi golutho, leşan dımawfıqo nufuse u passaporte mzawre-saxta. Calathe sim qroyto lan abne du camaydan dkıtne me Turabdin, dhowın mahise. Lfuth i mawdconutho dmıdlan me Elias Maraha dıkhoye b’Almanya, magle dkito şabake b’Turkiya, dıksaymo nufuse u passaporte…

U mraşho d’Amerika xıd rişizgado hatho b’Turkiya-Jeff Flake, mawdele bu qtolğenso dsımwol i mamlaxtho da Cuthmanoye calan Armınoye bi şato dan 1915. Jeff Flake, senator catiqo du gabo da qutnuthoye d’Amerika’yo uba buqore dsimi acme bu Senato, mawdacle’ste ilo thnihuthayde li mudaxala dhawila Turkiya bu qrobo d’Nagorno Qarabax. Athmıl i…

İ qritho d’Ciwardo b’Turabdin dhani 20 eşne dlo kohno’yo, mbayın ucdo abuna Yusuf Akbulut d’xodım u dımşamış a tlotho citotho di qritho wa comurayda. Bebzabno u kohno hatho di qritho, gıdmawlıf a nacime u leşono Suryoyo wu tekso di cito Suryoyto Orthodoksoyto. İ qritho d’Ciwardo dkıtyo hdo ma qıryawotho d’Turabdin…

Suphi Hindiyerli dkıtyo ma abne du camaydan bi mdito d’Mırde, u hoşulo dmahıt bi lohitho d’UNESCO, manhıbo i dukanayde di hoşutho di zifkariye. A powelıs d’Mırde mawdace, ksaymi buhono calu tenhibano leşan d mıski a ganowe. U Hoşulo awkith u zifkar Suryoyo Suphi Hindiyerli ha ma hoşule idice du qlimoyo…

Marawge Arsan dkıtyo ha ma comure di qritho d’Arbo d’Turabdin dımgalwele l’Almanya gıdbonele bayto bi qrithayda Arbo. Leşan dmohe u rawşo qadmoyo du bnoyo du bayto maczamme u Qoyumo Suryoyo Tuma Çelik. Marawge Arsan ha ma comure di qritho d’Arbo’yo dımgalwewole l’Almanya bi şato dan 1984. Ocdo huwe wa nacimeyde…

Menyono celoyo mu camaydan u Suryoyo bi şatathe sımle socurutho la mdinotho u qıryawothayde dkıtne b’Turabdin. A socorwothani grışın u zuhoro du tboco froso Turkoyo u sim tebe cali sbuthathe. Bu tebo dı fris b’mınyono ma froshezwe uma mğale Turkoye kmitawdıc,  a suryoye dıkhoyanwo b’Mırde, b’Mıdyat uba qıryawothaththe dımgalwewolın l’athrawotho…

İ sictho da wazire du Mawtbo d’Urifi tlıble du rişono catiqo du Gabo Demoqratoyo da Came HDP Selahattin Demirtaş wu hfito Osman Kavala dkıtne yasire b’Turkiya dmıtrın hire. U Mawtbo Urifoyo hule zabno Demirtaş hol 30 bu yarho d’İlul dmıtre hiro. İ sictho da wazire u Mawtbo d’Urifi  dıksoyım u…

U qoyumo şaryo du cameydan bu parlemento d’Turkiya bi maqırhonutho dhule maglele cala dugle dıha ma kathowe du atro d’Turkiya dmırle bu zabno du Sayfo u mınyono da Suryoye othuroye 50 alfo farsufewe. Çelik bi maqırhonutheyde dcalu dafo du twitter komır u barnoşe kibe mdagıl elo ha kathowe dımdagıl haqa…

Nicolas Aljallo dkıtyo malfono bu bethsawbo Kadir Has, mhalaqle dawse ulsoyto bıthır me zabno yarixo dxalınwo a qıryawotho du cameydan du qlimo d’Hakari dacır sımle slutho bu yawmo du slibo u be bzabno dktwe u yawmo du qadişo Mor Sawo di cito d’Romttha. Aljallo dkıto farsufo mu cameydan bıthır mıd…

U qoyumo şaryo du cameydan bu parlemento du athro Turkiya Tuma Çelik mşadarle egartho d’tahınyotho li qadişutho du fatıryarxo hatho di cito d’Madınho d’Othuroye dmasrıh yawme dıtre. Çelik bi egarthathe dımşadrole li qadişutho du fatıryarxo hatho Mor Awaroil kımhanele lu kursyo şlihoyo u ktolable kuşore bi teşmeşteyde. U qoyumo şaryo…

U kıthowo dıkmıntarwo hani zabno yarixo me Malfono Yusuf Beğtaş fris. U kıthowo dmahıtle malfono Yawsef eşme “Tasroro, u Buyoe d’Sabro”, kmişakıl zıd me 350 dafe. Malfono Yawsef dıfrısle u kıthowano bu leşono Suryoyo mlitho u sfiro, u nişeyde dtore u barnoşo bruho du shumloyo dkorıx wıdhoze i britho druhe…

İqritho d’Bsorino b’Turabdin ksaymo şuşote leşan a comure di qritho da cımre kulle, li claymutho ula sobe. Bu zabnano i qritho mkamela u bınyono d’bethsocure u bebzabno mkamela u bnoyo du wahdo du esfirreğlo leşan i claymutho. İ qritho d’Bsorino hdo ma qıryawotho dfayıs u camo Suryoyo ebayo u bebzabno…

U qoyumo şaryo du cameydan bu parlemento d’Turkiya Tuma Çelik, sımle qroyto b’Turabdin, du camo dmohe a mahte mqabıl di Corona metul du kewo kzoyıd ğalabe bu qlimo. Çelik bu video dfrısle qariwo li qritho d’Gremira uli qritho Duruca dkıtne ucdo bu karanten, grışle u zuhoro da comure du qlimo…

A darbone dhin ma qıryawotho du Turo d’İzlo, simi me hatho. Beyn da darbonani kito, a darbone da qırywotho du camaydan Arbo, Ehwo u Badıbe. Bi mawdconutho dmıdlan me ha ma dacore di qritho d’Arbo-Abdo Akgul mırle; Kıtlan sabro da darbone da qırywothaydan kulle dmisomi zıfto me hatho. A darbone…

6 şutose du cameydan d’Urifi frıslın buyono mşawtfo laşan dı gurşi u zuhoro cala qatle u dyoşe dkowe calu cameydan dıkhoye b’Turkiya u b’Turcabdin tahtu ışmo a Suryoye latne dlo more.   A şutose bu buyonathe ktılbi mi şıltonutho u ma hayle qlimoye dkıtne b’Turcabdin dımhalqi dawsat laşan u cameydan…

A garme dımqafınwo bıhdo mcartho qariwo l’Kerboran, garme da Sohde du Sayfo dsim calu camo Suryoyo-Othuroyo u du camo Armnoyone. Bi şato d’şaficıcina mqafewo kmoyutho d’garme bhdo mcartho di qritho Dereca dkıtyo bi qastra d’Kerboran. Bi şato da 2020  bu zabno dsımwo hforo laşan gantho camonoyto mqafewo kmoyutho rabtho d’garme…

A Mıdhoye sımlın yawmo di fsihutho bi qritho mbaraxto cam turnowa di esfirreğlo dmıştawteflela arbac gude di qritho d’Midin. Bıthır mi turnowathe u camo mcazmowe l’muklo, dhuwo mu gabo da 12 hadome di Sicto du Hudro du Quyomo d’Midın dkıtyo b’Urifi. Athmıl bıthır ma şoce d’falge d’yawmo, a comure di…

U qoyumo şaryo du cameydan bu parlemento d’Turkiya Tuma Çelik, frısle maqırhonutho bu yawmo şatonoyo du yawmo tibeloyo du şlomo. Bi maqırhonutho dfrısle Çelik komır; Şlomo imacneyde kmitaqimi a yawme catume, ha dsoyım i musaba du maktbzabnoyo, u dmimodi a zedqe noşoye tahte du duyoqoyo, u şlomo i macneyde dımşatsina…

I qoyumtu d’Batman du Gabo Demoqratoyo da Came HDP Feleknas Uca mırla ”a Ezidoye Dacış lo qadır dmatımme Turkiya kıbco qışcolın” Uca mawdacla a hjome oyaroye dıksoyım u Gayso d’Turkiya cal Şigor hawbo di noşuthone. Feleknas Uca dkıtyo qoyumtu Ezidoyto mu gabo d’HDP bi maqırhonutho dhula cala hjome dıksaymo Turkiya…

U Gabo du xalas du Camo HKP maşkele calu rişqutnu d’Turkiya Recep Tayyip Erdoğan cal dımwasafle a Taliban. I şkuwe l’Erdoğan hawyo cal dıksoyım propaganda l’Tukoso Marhıbono.  Cal du rişqutnu d’Turkiya Recep Tayyip Erdoğan dmırle ” bı thnihutho kmıstaqbılina a maqırhonwotho b’kayle u rakixe da mdabrone da Taliban” a sniğre…

A dukotho makthabzabnoye u tawdithoye di mditho d’Mıdyad kmıcwodi leşan dmınqoli lu internet. İ termithathe dkıtyo ışma Şlomo dıkmidawım, eba kmisomo bu snodo di Bethsawbo d’Artuklu. İ bethsawbo d’Artuklu d’Mırde kımtaybo termitho leşan dmacbıro lu nawlo a dkotho tadithoye, makthabzanoye, marduthoye d’Mıdyad dkıtne bi lohitho d’UNESCO. İ tarmithathe dmahıt ışma…

U qoyumo Suryoyo bu parlamento d’Turkiya Tuma Çelik mşayele calu tecmiro dıkımdawım b’duktho makthabzabnoyto di Mditho d’Mırde. Çelik mşayele u şwolano lu waziro du Mahduro Murat Murum.  Bi rmoyto du şwolo dımqadmole u Qoyumo Suryoyo Tuma Çelik kmawdıc, bi şquqo qadmoyto dkıtyo bu qentrun di duktho makthabzabnoyto d’Mırde mi şato…

İ madraşto qadmoyto ihidoyto du camaydan b’Turkiya qmırla u şukono emwothoyo di otho yarıqto da madırşotho dkıtne hawro camu kyono.  İ ganath şabre d’Mor Afrem dı Stanbul leşan dmıdho dı tarte ışne qayıthle i otho yarıqto. U şukono di otho yarıqto, kmitıctarıf ebe emwothoyo u kıtle iqoro, u kmahwe i…

Leşan dmıkle qamuthıd da cbore lo qunonoye, bıne hedor da thume da qlime du Madınho udu Madnah tayımno d’Turkiya şuro. Turkiya bıthır mu thumayda dkıtyo cam Suriya, mşarela bınyo şuro bu thumo camu İran, u gıdsaymo şuroste bu thumo dcamu Iraq. U fusqono dmıbne şuro mqabıl da cbore lo qonunoye…

U şutoso dı frontex mahıtle sistem hatho mşawşıto du duyoqo bu thumo du Yawnan cam Turkiya. U Huyodo d’Urifi dkıtle zictho ma galwoye dkibın dothin me Afğanistan kımnase dmaqwe u duyoqo dcala thume. U şutoso dıksoyım u sutoro du thumo du Huyodo d’Urifi Frontex markawle sistem hatho u mşawşıto bu…

U Federasyon da Hudre Suryoye b’Turkiya SUDEF frısle maqırhonutho dıksoyım qroyto dmitawfıqi a qatole d’Gawriye Sarı. SUDEF dımşalatle bahro calu qatlo d’Gawriye Sarı m’akadleste dıklozım dmınfıq moro la haye ula mulkone da Suryoye. U Federasyon da Hudre Suryoye d’Turkiya SUDEF bi maqırhonutho dfırsole bı kthawto sımle qroyto da qatole d’Gawriye…

Adyawma sim u cufoyo d’Gawriye Sare Be Komo dımqafewo qtiloyo bu batyade bi qritho d’Badebbe bu Turo d’İzlo. Lu zawho du cufoyayde mıştawtafle u qoyumo Suryoyo bu parlamento dı Turkiya Tuma Çelik, u kunoşo mu camaydan d’athın ma qıryawotho mşahılfe du Turo d’İzlo. Adyawma safrayto bi cito d’Yuldath Aloho bi…

Farsufo ma abne du cameydan dı hoyewo bi qritho d’Badebe bu Turo d’İzlo mqafe qtiloyo bu bayteyde ba şoce d’safrayto. U farsufano dmadcarwo me Urifi lu athro bu cımro bayn 45 u 50 ışneyo. Lfuth imawdconutho dmatilan muathro athmıl ba şoce d’lalyo şmic qolo da zayne hedor i qritho d’Badebe.…

’İ siyase d’Turkiya lo cçiqo xıdu zabnano’ a melani du qoyumo şaryo du cameydan bu parlamento d’Turkiya d’Tuma Çelik’ne. Çelik bi maqırhonutheyde kıgorış u zuhoro cala esore dkıtla i şultonutho cama mafyat du athro-xıdu mede dmawdacwole Sedat Peker. Ba kthawyotho dıkforıs Sedat Peker dıkmitamırle ha marişone di mafya d’Turkiya, kmahwe…

U qoyumo şaryo du cameydan bu parlamento d’Turkiya Tuma Çelik, frısle maqırhonutho bu yawmo şatonoyo du du qtolgenso d’Simele dsımwo calu cameydan ban 1933 bu garbyo du Iraq. Me gabo hreno i qadişutho du fatiryarxo di cito Suryoyto Qatholiqoyto Mor İğnatiyos Yusuf III’yo Younan, bi koruzutho dsımle mathkarle u yawmo…

U gabo Demoqratoyo da Came-HDP, frısle buyono dıkorıh u qtolğenso dsımwolın a ğrobe marhıbone d’Dacış cala Ezidoye d’Şigor bu garbyo du Iraq meqım şwac eşne.  Bu buyono dıfris mu Mawtbo da Came uda Tawdiyotho b’HDP, kıtolıb mi şultonutho d’Turkiya dmawdyo bu qtolğenso dsim cala Ezidoye ban 2014. Bu buyono dıfrısle…

U qoyumo şaryo du cameydan bu parlamento d’Turkiya Tuma Çelik, huwle maqırhonutho cala yuqdone dıkmdawmi bu athro. Me gabo hreno bu qaytano hawi yuqdone b’athrawotho mşahılfe. B’Amerika kito adyawma jğer mu yuqdono d’Kalifornia hol 97 yuqdone b’dukotho frişe. Ubu Yawnan’ste kımdawmi a fulhone leşan u tetfiyo di nuro hedor i…

U qoyumo şaryo du cameydan bu parlamento d’Turkiya Tuma Celik, frısle maqırhonutho dkrıhle eba u qtolcamo dsımwo calu camo Ezidoyo d’Şigor bu garbyo du Iraq. Me gabo hreno  i Mdabronutho d’Şigor mıdwola fusqono, da şutose u du camo d’Şigor dkole 5 qatinotho d’şetqo lu iqoro da sohde d’Şigor. U qoyumo…

Şawco farsufe d’iqartho hıdo, qtili bu hçomo barbroyo dsımlın a tuhmonoye qaşye d’Turkiya calu baytathe b’Konya. Mqabıl du qtolcamano dsim cali iqartho Kurdoyto d’Konya, gabe frişe d’Turkiya u acmayeste gabe wu qoyume frişe du parlamento d’Urifi mahwelın hfuxye ubı qaşyutho krıhlın. İ iqartho Kurdoyto d’Dedeoğlu, hawyo dıbho du qtolcamo barbroyo…

Ba zabnani kınofıq yuqdone qaşye ba cobe d’athrawotho mşahlıfe dı britho ume celothe frişe. Ucdoste kmitawdıc dkito hol 63 yuqdone frişe ba cobe d’Turkiya dhawın celtho lumawto dımınyono dımdinoye. Elo calu şıkıl du qedomo di şultonutho d’Ankara lu şroyo du qetrano da yuqdone’ste mahwe hfuxye u mtayıb tagliyotho mqabıl dida.…

İ sbutho du bethdino du dayroyo Aho Bilecen di dayro d’Mor Yakub d’Qarne, nqilo lu komisyon du Huyodo d’Urifi. Bi sbuthathe bu funoyo dhuwle u mşalo da esore baroye du Huyodo d’Urifi Josef Borell la şuwole da qoyume Hollandoye mırle; İ dişutho dcala Suryoye b’Turkiya zayido bu zabnano di Corona.…

Almanya rfıdla u talab d’Turkiya, dmitaslamla u kathowo saqıbloyo di şultonutho du rişqutno Recep Tayyıb Erdoğan-Abdullah Aymaz. U talabano d’Ankara mqadım yawmo, bıthır mıd Almanya maglewola di şultonutho d’Turkiya kıtla lohitho d’ışmone d’Turkoye saqıbloye dıkhoyın b’Almanya, dkito plan du qatlathe. İ wazirutho di gawoyutho d’Almanya athmıl m’akadwola bu parlamento du…

A hayle Kurdoye di HPG mawdaclın u kunoşo da cuqobe dsımlın a hayle kaboşe d’Turkiya bu garbyo du Cıraq. Bi mawdconuthathe magle, di HPG qtila b’zabno d’3 yarhe 494 folhe Turkoye. Me gabo hreno mawdıc’ste, dnafıq taxtuşe beyn du gerilla di PKK uda hayle di peşmerge di KDP bi hiğmonutho…

 U Tukoso Emwothoyo di Yortutho Marduthoyto-UNESCO, tlıble me Turkiya dobo fuşoqo cali cito d’Aya Sofiya udı cito d’Chora dımşahlıfi l’masığde. UNESCO dmawdacle ilo thnihuthayde bu şuhlofano dsim, tlıble me Ankara dımqadmole u taşrorano bu şuroyo di şato dıbqamuthayna. Turkiya idicto’yo bu qedomayda i naşifo la bnaymothoyayda dlatne Turkoye uli yortuthathe…

U rişono zawgoyo catiqo du gabo Demoqratoyo da Came-HDP Selahattin Demirtaş, mdaşın u şukono da zedqe noşoye d’Weimar. Demirtaş mdaşın u şukonano, cal dhze xıd ha ma folitiqore ulsoye u rişoye di saqıbloyutho d’Turkiya bu makthabzabnoyo haroyo. Selahattin Demirtaş dkıtyo heş ma 2016 bu hbuşyo d’Edirne d’Turkiya, mdaşın u şukono…

Bu yawmo şatonoyo da 9 eşne du qawmo di Gozarto dkıtyo 19 bu yarho d’Tamuz, frısle u gabo Demoqratoyo da Came egartho u mhanele a came frişe di Gozarto d’Bethnahrin. Me gabo hreno mawdıc, d’Katalonia kımtaybo ruha dmawdıyo bi Mdabronutho yothoyto du garbyo udu madınho d’Suriya. U gabo Demoqratoyo da…

Bi mimartho dıfriso me gelyunoro Turkoyo, bşıkıl rwiho mahkele cala Mşihoye d’Turkiya, i aykanoyuthathe, da citotho u da dayrathe wu qedomo di şultonutho li yortutho da came Mşihoye du athro. Bi mimarthathe mahke cali jeoğrafia d’Turkiya u aydarbo u camo şerşoyo-Armınoyo, Suryoyo u Yawnoyo bnele u macmarle mdinotho frişe u…

U qoyumo şaryo du cameydan bu parlemento du athro d’Turkiya dkıtyo mathlono di fnitho d’Merde Tuma Celik, bi maqırhonuthayde dıfrısle b’qaşyutho krıhle u hçomo dsim cali cito Armnoyto d’Stambıl. U qoyumo Çelik bi maqırhonuthayde komır “m’zabno l’zabno kowe hçome cala dukotho da Mşihoye, mawxa ksaymina qroyto la mşale dsaymi u…

Turkiya ba hçome dıksaymo larwal ma thumeyda, kobo husrono la came dıkhoyın ban athrawotho hrene xıd Suriya wu Iraq. Ba hçome dıkmdawmi ma hayle kaboşe d’Turkiya calu garbyo du Iraq, kmawqıdi an arcotho wa karme da qıryawotho du cameydan. Wu cal di şultonutho du qlimo’ste lıksaymo mede, kmıjbori a abne…

U huyodo Suroyo d’Urifi ESU mabdela kampanya di mcadronutho dla madraşyotho du cameydan dkıtne ba qıryawotho d’Turcabdin. Bi mawdconutho dıfrısle ESU ksoyım krayto lu cameydan D’Urifi dowın sanode bu momuno la madraşyotho laşan dmizwone a mlue dıklzmi lu telif odu leşono Suryoyo. U huyodo d’Suroyo d’Urifi ESU bıthır mu lumodo…

A qatole wa hayobe dımqabıl da came u da neşe mu zabno du Sayfo hul adyoma kmidafıc aclaye komır u tebo dsim mu taraf d’Marta Sömek li dafo d’Jin News. Bu tebano dmid u renyo da neşe da came dsim aclaye Sayfo kımmi in a’qatole du Sayfo dmıtlabwo menaye hşowo,…

Turkiya mawdacla adyawma dıgrişo ruşmoyith mu qyomo d’Stanbul dıknofıq mqabıl du cnufyo dıkmisım cala neşe b’Urifi. Calu fusqonano, u tukoso du şbuqyo d’Emwotho Mhaydotho Amnesti İnternational, mawdacle dı Turkiya daciro 10 ışne laxalf bi sbutho da zedqe di athto. Adyawma Turkiya mawdacla ruşmoyith dıgrişo mu qyomo d’Stanbul dıknofıq mqabıl du…

Cito hreto catıqto du camaydan b’Turabdin, simo stabıl. I cito d’Mor Aday dkıtyo 1.400 eşne catıqto bi qritho d’Basak dıknuflo qarıwto l’Midın, noşo lo nafıqla moro wu ucdo dsimo stabıl da haywotho. A citotho wa dayre catiqe du camaydan b’Turabdin, fayışi harbotho u shifi cal di şultonutho lıknufqolın moro wa…

Bi sbutho di iqartho dbe Diril dıhtifowa bi qritho d’Mahre bi fnitho d’Şırnax msik 3 farsufe dıkmithomi bu htofo d’Şmuni u Hırmıs Diril. Lfuth i mawdconutho dmıdlan mi iqartho dbe Diril, bıthır mu msokano da tlotho farsufe, kıtte sabro rabo dothelın tebe cala haye du babathe Bi mawdconutho dmıdlan mu…

U tboco froso tibeloyo maglele liholo di şultonutho d’Erdoğan kıqıtlo a’neşe b’Turkiya, b’Suriya ubı Fransa. İ sferyawmo İsarloyto d’Jerosalem Post, mawdacla da neşe dkobın ağuno laşan dmitahwelın a’zedqaththe kmitahwın b’Turkiya xıd marıhbone, elo a’gabre dıksındi i marıhbonutho b’Suriya kmiyaqri b’Anqara xıd athlite awkith batle gabore. İ sferyawmo İsarloyto d’Jerosalem Post,…

Bu zabno da rişone di şultonutho d’Turkiye ksaymi mamle di bcelıdbobutho u di frişutho mqabıl da gabe, farsufo b’falge du yawmo kısoyım hçomo calu maktbo du gabo Demoqratoyo da Came-HDP b’İzmir.   Bıthır mu hçomano dı qtili hdo claymtho dkıtwa bu makthbo, a gabe mahwelın u hfuxyathe u krıhlın u hçomano…

U Federasyon da Hudre Suryoye b’Turkiya-SUDEF wu hudro da Neşe Surkadim, adşato’ste sımlın u duxrono du Sayfo du cameydan bi qalco du mrodo dhuwole u camaydan bi cito d’Mor Hadbşabo bi qritho d’Ciwardo. Camgabe di slutho dsimo, u rişono d’SUDEF Ewgil Turker wi rionitho d’Surkadim mqadamlın mamle bu duxronano. U…

Bi maqıblonutho dsimo camu rişono du Federasyon da Hudre Suryoye d’Turkiya Evgil Türker, mahkele b’rwihutho calu Sayfo dsim calu cameydan mi mamlaxtho Cuthmanoyto bu zabno du qrobo qamoyo dbritho. Türker mırle; Ahna kubcina şubqono u mawdyonutho bu Sayfo, latna bıthre dmitahwelan tazminat. Bi maqıblonutho dfriso bu tbocofroso d’Turkiya u rişono…

U qoyumo şaryo du cameydan bu parlamento d’Turkiya Tuma Celik, frısle maqırhonutho bu yawmo du duxrono du Sayfo dan 1915. Bi maqırhonuthayde u qoyumo, kımahke mıqa mu camaydan qtılwo bu zabnawo u camgabıdathe komır; İ sbutho du Sayfo, sbutho rişoyto du athro d’Turkiya’yo.  U qyumo Tuma Çelik komır; U qetro…

I mşalonitho di Tablitho dcal Turkiya bu Huyodo d’Urifi u hadımto hreto du şutosano, frıslın maqırhonutho lu tbocofroso Emwothoyo cala hçome dıksaymo Turkiya bu garbyo du Iraq ubu garbayo ubu mdınho d’Suriya. Bi maqırhonuthathe, griş dilonoyith u zuhoro calu husrono dıtrelın a hçomani dmabdewola Turkiya meqım 40 yawme, cala qıryawotho…

U rişono du grub di mafya d’Turkiya Sedat Peker, maglele ftiho a esore dkıtle cami şultonutho du gabo d’AKP dkıtyo bi rişonutho d’Recep Tayyip Erdoğan. Bu video dfrısle athmıl Peker mawdacle, dcalu darbayde mşadır radoyotho malye zayne lu Gbino d’Alnusra d’Suriya. Bu mamlo dsımle Sedat Peker maglele i qariwutho dkıtle…

 U mşalo da esore baroye du komisyon d’Urifi Charles Michel mawdacle, dıksaymi kul mede dkito bidothaye leşan dımşahılfi i siyase dkıtla Turkiya bnişo dımqadmo lu Huyodo d’Urifi.  Michel bu mamlayde mırle; Turkiya bzabno mhalaqwola dawsat towe, elo ucdo a dawsat dıkmhalqo latne lu yuthrono du Huyodo d’Urifi. U mşalo da…

U rişono zawgoyo catiqo du gabo Demoqratoyo da Came Selahattin Demirtaş, hkim tarte eşne hrene hbuşyo calu mamlo dsımwole mqabıl du mqımdino catiqo d’Turkiya Yüksel Kocaman. Me gabo hreno ftih dacwa mqabıl du rişono di karxutho gawonoyto d’Stanbul Ekrem İmmamoğlu, cal d’thim dımhaqarle u komisyon celoyo da guboye d’Turkiya. Turkiya…

U qoyumo şaryo du cameydan bu parlamento d’Turkiya Tuma Çelik, mqadamle rmoyto lu rişono du parlamento bi sbutho da qatle du cameydan dhawınwo ba 90’yat, dhul adyawma layto noşe dımahışwi aclaye.  U qoyumo kımşayıl mu rişono du parlamento, mın buhone sim cala qatlani d’mahıt ışmaye qatle dlatne a qotolathe idice.…

Sedat Peker dkıtyo ha ma rişone da grube di tagorutho da gelone mtanwone u dkıtwe meqım qariwo li şultonutho  d’Turkiya frısle u video da şawco, dıkhoçım ebe calu waziro di gawoyutho Suleyman Soylu dkomarle; gıfmancamno i şaxsiyeydux ğalebe hul dkibe mitahto bu sanduqo di kabrite. Peker bu mamleyde komır kmidawmarno…